تيانشان تورى   ›   جاڭالىقتار   ›   شينجياڭ حابارلارى

داي لۇڭ: ءار ۇيدەن جارقىراعان شام جارىعىنا قاراپ تۇرىپ، ىستەگەنىم تاتيدى دەپ ويلادىم

شينجياڭ گازەتىنىڭ جالپىلىق اقپارات قۇرالدارى ءتىلشىسى يۇي شي

  9 - ايدىڭ 9 - كۇنى ەرتەمەن داي لۇڭ قىستاق تۇرعىندارىنىڭ ۋيچات توبىنا ءسوز قالدىرىپ: ”اۋىلداستار، ىندەتتەن ساقتانۋ - تىزگىندەۋ ۇدايىلانۋ ساتىسىنا وتكەنىمەن، ءبىراق ءبىزدىڭ ءالى دە بەيعامدىققا سالىنۋىمىزعا بولمايدى، قولدى ۇنەمى جۋىپ، تەرەزەلەردى ءار ۋاقىت اشىپ تۇرۋىمىز، توپتالماۋىمىز كەرەك!“، - دەدى.”ايتقانى ءجون، ىندەتتەن ساقتانۋ - تىزگىندەۋدىڭ تابىسى وڭاي - وسپاق قولعا كەلگەن جوق، قىراعىلىقتى استە بوساڭسىتۋعا بولمايدى!“، ”باتىل، ويداعىداي ساقتاناتىن بولساق، ۆيرۋس ءوزى - اق قاشادى“، ”الاڭسىز بول، جاپا شەكتىڭ!“... اۋىلداستاردىڭ تۇس - تۇستان جاۋاپ قايتارىپ ءسوز قالدىرعاندىعىن كورگەن داي لۇڭ كوڭىلدەنە كۇلدى.

  46 جاستاعى داي لۇڭ شينجياڭ يۇيلۇڭ قۇرىلىس ينجەنەريا شەكتى سەرىكتەستىگىنىڭ جاۋاپتىسى. قازىر ول 130 نەشە جۇمىسشىنى باستاپ ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) لياڭحى اۋماعى ماجياجۋاڭزى قىستاعىنىڭ ماڭىنداعى ءبىر قۇرىلىس الاڭىندا قۇرىلىس جۇرگىزۋدە. ىندەت تۋىلعاننان كەيىن داي لۇڭ ەڭ الدىمەن ماجياجۋاڭزى قىستاعىنىڭ ەرىكتىلەر قوسىنىنا قاتىناستى.

  ەرىكتى بولعان ءبىر ايدان استام ۋاقىتتا داي لۇڭ ءارى جۇك تاسۋشى، ءارى زات تاراتۋشى، ينفورماتسيا جازۋشى، ەسەپ داپتەرىن جاساۋشى، ساندى مالىمەتتەردى تەكسەرۋشى، ورنالاستىرىپ سايكەستىرۋشى بولدى... ءار كۇنى 3 ساعات عانا ۇيىقتاپ جۇرسە دە، تاماعى ۇنەمى قارلىعىپ قالاتىن بولسا دا، بەت - اۋزىنا، بىلەكتەرىنە ۇساق بورتكەن قاپتاپ كەتسە دە، الايدا ونىڭ ەڭ كوپ ايتاتىن: ”ىندەت اياقتامايىنشا، استە شەپتەن قايتپايمىز!“ دەگەن ءسوزى قىستاق تۇرعىندارىنىڭ ەسىندە قالدى.

  تەز دە ساپالى قىزمەت وتەۋ ءۇشىن، داي لۇڭ ءوز اۆتوكولىگىمەن قىستاقتاعى كوكونىس دۇكەنىنە قايتا - قايتا شاپقىلاپ، زات تاسىدى. ەڭ كوپ بولعان كەزدەرى ءبىر كۇندە 40 نەشە قىستاق تۇرعىنىنىڭ ۇيىنە زات جەتكىزىپ بەرىپ، ۋيچاتتا ەستەلىككە الىنعان قادام سانى 50 مىڭ قادامنان اسقان.

  ”قامالىپ“ ۇيدە جاتقاندا، ءىشىنارا تۇرعىندار كەي كەزدەرى قىستاق تۇرعىندارىنىڭ ۋيچات توبىندا نارازىلىق تانىتىپ جاتادى. داي لۇڭ ءتىس جارىپ ەشتەڭە ايتپاستان، كۇنىنە 3 رەت ۋاقىت شىعارىپ، كوڭىل كۇيى ورنىقپاعان قىستاق تۇرعىندارىنىڭ ەسىك الدىنا بارىپ، قاقپانىڭ سىرتىنان سامبىرلاي سويلەپ اڭگىمەگە تارتىپ، ءازىل - قالجىڭ ايتادى. ”يدەيالىق قىزمەت ىستەگەندە ادىسىنە ايرىقشا كوڭىل ءبولۋ كەرەك، قارسى جاقتى يلاندىرارلىقتاي بىرنەشە اۋىز ’ۇتىمدى ءسوزدى‘ دايىنداپ العاندا عانا يدەيالىق قىزمەتتى ءساتتى جۇرگىزۋگە بولادى“، - دەدى داي لۇڭ.

  ”سول كۇندەردە كۇنى بويى شارشاپ - شالدىعىپ جۇرگەنىممەن، ءبىراق ءار ۇيدەن جارقىراعان شام جارىعىنا قاراپ تۇرىپ، وسىلاي ىستەۋىمە تاتيدى دەپ ويلايتىنمىن“، - دەيدى داي لۇڭ.

  قىستاق تۇرعىنى ماكەيقان ءادىلدىڭ بايقاۋىنشا، داي لۇڭ ەرىكتى بولعاندا قىزمەت وتەۋى ۇقىپتى، سابىرلى جانە پەيىلدى بولىپ عانا قويماي، تاعى دا قينالىپ تۇرعاندارعا قول ۇشىن بەرىپ، كوڭىلدەردى جىلىتىپ، ادام جانىنا مەدەت بەرەدى.

  ماجياجۋاڭزى قىستاعىنداعى تۇرعىنداردىڭ كوبى ءۇي قۇستارى، سيىر، قوي باعىمشىلىعىمەن شۇعىلدانادى. ىندەتتىڭ ىقپالىنان زات تاسىمالى شەكتەمەگە ۇشىراپ، كوپتەگەن باعىمشى وتباسىلارى جەم - ءشوپ جەتىسپەۋدەي جاعدايعا ۇشىرادى. داي لۇڭ ىرىقتىلىقپەن ءوز اۆتوكولىگىن جۇرگىزىپ جان - جاققا شاپقىلاپ جەم - ءشوپ زاۆودتارىمەن بايلانىس جاسادى، كوپ جاقتارعا حابارلاسۋ ارقىلى ول ءوز جانىنان 3000 يۋانعا جۋىق اقشا شىعارىپ جەم - ءشوپ ساتىپ اكەلىپ، ىندەتتىڭ ىقپالىنا نەداۋىر اۋىر ۇشىراعان 12 شارۋا وتباسىنا تەگىن تاراتىپ بەردى.

  ”ءبىز قىستاققا كەلىپ نىسان قۇرىلىسىن جۇرگىزگەن كەزىمىزدە، قىستاق تۇرعىندارى بىزگە كوپتەگەن كومەك كورسەتكەن بولاتىن، مەن دە ولاردىڭ جاقسىلىعىنا قارىمجى قايتارۋىم كەرەك قوي“، - دەدى داي لۇڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.