تيانشان تورى   ›   جاڭالىقتار   ›   شينجياڭ حابارلارى

الدىڭعى 8 ايدا شينجياڭ تەمىر جولىنىڭ جۇك تاسىمال مولشەرى سايكەس مەزگىلدەگىدەن %16.86 ارتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 9 - ايدىڭ 12 - كۇنى ۇرىمجىدەن حابارلايدى. جۇڭگو تەمىر جول ءۇرىمجى مەكەمەسى توبى شەكتى سەرىكتەستىگىنەن ۇعىسۋعا قاراعاندا، بيىل الدىڭعى 8 ايدا شينجياڭ تەمىر جولىنىڭ جۇك جونەلتۋ مولشەرى 113 ميلليوننان استام تونناعا جەتىپ، سايكەس مەزگىلدەگىدەن %16.86 ارتقان. مۇندا 8 - ايدا تەمىر جول جۇك تاسىمال مولشەرى 15 ميلليون 427 مىڭ 600 توننا بولىپ، سايكەس مەزگىلدەگىدەن ءبىر ميلليون 30 مىڭ 200 توننا ارتقان.

  جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى جۇك تاسىمال ءبولىمىنىڭ جاۋاپتىسى مىنانى ءبىلدىردى: كومىر، مەتال رۋداسى، ماقتا، حيميالىق تىڭايتقىش سياقتى نەگىزگى زاتتىق ماتەريالداردىڭ تاسىمال مولشەرىنىڭ ارتۋى كورنەكتى بولدى، بۇل دا الدىڭعى 8 ايدا شينجياڭ تەمىر جول جۇك تاسىمال مولشەرىنىڭ ۇزدىكسىز ارتۋىنداعى ماڭىزدى سەبەپ.

  شينجياڭ تەمىر جول تاراۋلارى كومىر، ەلەكتر كۇشى، سونداي - اق قاتىستى كاسىپورىندارمەن بەلسەنە ءتۇيىلىسىپ، زات اينالىمى ماسەلەسىن سايكەستىرىپ شەشتى، قاريدارلاردىڭ كومەسكى زات اينالىم سۇرانىسىن اشىپ، كومىر، مەتال رۋداسى، ماقتا سياقتى كوپ تۇتىنىلاتىن تاۋارلاردىڭ تاسىمال مولشەرىنىڭ ىڭعايسىز جاعدايدا ارتۋىن جۇزەگە اسىردى. كومىر تاسىمالىن مىسالعا الساق، تەمىر جول تاراۋلارى جوعارعى، تومەنگى بۋىنداعى كاسىپورىنداردىڭ زات اينالىم قيىنشىلىعىن سايكەستىرىپ شەشتى ءارى ”تاس جولدان تەمىر جولعا اۋىستىرۋ“ جۇك قاينارىن ۇزدىكسىز قابىلداپ، شينجياڭ ىشىندەگى كومىر تاسىمال مولشەرىن كورنەكتى ارتتىردى، سونىمەن بىرگە شينجياڭنان سىرتقا جەتكىزىلەتىن كومىر تاسىمال ارناسىن بەلسەنە اشىپ، ىشكى وڭىرلەردەگى قاتىستى كاسىپورىنداردىڭ ءوندىرىسىن، تيجاراتىن ەنەرگيامەن قامتاماسىز ەتتى.

  تەمىر جول تاراۋلارى ستراتەگيالىق قاريدارلارمەن جانە ءتۇيىندى قاريدارلارمەن سەلبەستىك جاساسۋدى كۇشەيتىپ، كاسىپورىندارعا قاريدار ۋاكىلدەرىن جىبەرىپ، تۇيىندە تۇرىپ قىزمەت وتەپ، جۇكتەردىڭ ۆوكزالعا كىرىپ - شىعۋى، جاقىن ارالىققا تاسۋدى ورنالاستىرۋ، تەمىر جول تاسىمالى سياقتى ىستەردى سايكەستىرىپ جاقسى ىستەپ، پويەزعا جۇك تيەۋدىڭ ىركىلىسسىزدىگىنە كەپىلدىك ەتتى. كاسىپورىنداردىڭ تاسىمال سۇرانىسىن ارقاۋ ەتىپ، تايلاۋ ۇلگىسى بويىنشا جالپى تۇلعالىق زات اينالىمى تاسىمال جوباسىن دايىنداپ، جۇكتەردىڭ جەدەل جەتكىزىلۋىن قامتاماسىز ەتىپ، كاسىپورىنداردىڭ تاسىمال وزىندىك قۇنىن ءونىمدى تومەندەتىپ، تاماشا اينالىم قالىپتاستىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.