تيانشان تورى   ›   جاڭالىقتار   ›   شينجياڭ حابارلارى

تاريحي جاۋاپكەرشىلىكتى ارقالاپ، عىلىم - تەحنيكانىڭ كەڭدىگى مەن تەرەڭدىگىنە قاراي ۇزدىكسىز شەرۋ تارتايىق

 − باس شۋجي شي جينپيڭنىڭ عالىمدار اڭگىمە ماجىلىسىندەگى ماڭىزدى ءسوزى رايونىمىزداعى عىلىم - تەحنيكا قىزمەتكەرلەرى اراسىندا قىزۋ اڭىس قوزعادى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  ”قالىڭ عالىمدار مەن عىلىم - تەحنيكا قىزمەتكەرلەرىنىڭ تاريحي جاۋاپكەرشىلىكتى ارقالاپ، دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋدان، ەكونوميكانىڭ نەگىزگى شايقاس مايدانىن بەتكە الۋدان، مەملەكەتتىڭ ماڭىزدى قاجەتىن بەتكە الۋدان، حالىقتىڭ ءومىرىنىڭ سالاماتتىعىن بەتكە الۋدان جازباي، عىلىم - تەحنيكانىڭ كەڭدىگى مەن تەرەڭدىگىنە قاراي ۇزدىكسىز شەرۋ تارتۋىن ءۇمىت ەتەمىن“.

  باس شۋجي شي جينپيڭنىڭ عالىمدار اڭگىمە ماجىلىسىندەگى ماڭىزدى ءسوزى رايونىمىزداعى عىلىم - تەحنيكا قىزمەتكەرلەرى اراسىندا قىزۋ اڭىس قوزعادى. كوپشىلىك جاپا - تارماعاي مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تاريح جۇكتەگەن جاۋاپكەرشىلىكتى، بورىشتى شىنايى ارقالاپ، كاسىپ سالاسىنداعى شەشۋشى، وزەكتى تەحنيكالاردان كۇش سالا قامال الىپ، رايونىمىزدىڭ ەكونوميكالىق، قوعامدىق دامۋى ءۇشىن عىلىم - تەحنيكالىق كۇشتى قۇلشىنا قوسامىز.

  ”باس شۋجي شي جينپيڭنىڭ ماڭىزدى ءسوزىنىڭ ءمانى تەرەڭ، جاڭا مەزگىلدە جاڭالىق اشۋ ارقىلى دامۋدى دەمەۋدى جەدەلدەتۋگە ءتۇبىرلى بويسۇنۋ ولشەمىن ازىرلەدى“، - دەدى اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى رايحان ءيۇسۇپ، - عىلىم - تەحنيكا جۇيەسىندەگى قالىڭ كادرلار باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، بۇكىل رايونىمىزدىڭ ەكونوميكالىق، قوعامدىق دامۋىنىڭ ماڭىزدى قاجەتىن كوزدەپ، رايونىمىز ەكونوميكاسىنىڭ دامۋىنا تۇساۋ بولىپ وتىرعان شەشۋشى، وزەكتى تەحنيكالىق ماسەلەلەردى ارقاۋ ەتىپ، كۇشتى شوعىرلاندىرىپ قامال الۋى كەرەك. سونىمەن بىرگە عىلىم - تەحنيكا ءتۇزىلىس مەحانيزمى رەفورماسىن ۇزدىكسىز تەرەڭدەتىپ، عىلىم - تەحنيكا دارىندىلارىن باۋلۋعا اناعۇرلىم ءمان بەرىپ، تۇتاس قوعامدا جاسامپازدىققا قۇرمەت ەتەتىن، جاڭالىق اشۋعا شابىتتاندىراتىن تاماشا بەينە قالىپتاستىرىپ، قوعامداعى ءار سالانىڭ جاڭالىق اشۋ، جاسامپازدىق ومىرشەڭدىگىن جان - جاقتى جالىنداتىپ، عىلىم - تەحنيكادا جاڭالىق اشۋدىڭ اناعۇرلىم كوپ ساپالى، جاڭا جەتىستىكتەرىنىڭ جەدەل قاۋلاي جارىققا شىعۋىن ىلگەرىلەتۋ كەرەك.

  ”باس شۋجيدىڭ ماڭىزدى ءسوزى عىلىم - تەحنيكادا جاڭالىق اشۋ ءۇشىن العا ىلگەرىلەۋ بەتالىسىن كورسەتتى“، - دەدى سانجى حۇيزۋ اۆتونوميالى وبلىسىنىڭ ورىنباسار باستىعى باۋ يۇڭشىڭ، - سانجى وبلىسى عىلىم - تەحنيكا قىزمەتىن رەفورمادا جاڭالىق اشۋ ويىمەن جوسپارلاپ جانە ىلگەرىلەتىپ، عىلىم - تەحنيكانى باسقارۋ ءتۇزىلىسى مەن ساياسات جۇيەسىن جەدەل كەمەلدەندىرىپ، ءادىل دە تۋراشىل، سەلبەسىپ تەڭ يگىلىككە كەنەلەتىن باسەكە ورتاسىن قۇلشىنا قالىپتاستىرادى. سۇرانىستى باعدار ەتۋگە جانە ماسەلەنى باعدار ەتۋگە تاباندى بولىپ، دامۋعا تۇساۋ بولاتىن قامالداردى تالقانداپ، سانجى وبلىسىن عىلىم - تەحنيكا ءتۇزىلىسى رەفورماسى مەن جاڭالىق اشۋ ساياساتىنىڭ سىناق رايونى، جاڭالىق اشۋ، شارۋاشىلىق قۇرۋ ەكولوگياسىن ساپالىلاندىرۋدان ۇلگى كورسەتۋ رايونى، عىلىم - تەحنيكا جەتىستىكتەرىن كادەگە جاراتۋدان ۇلگى كورسەتۋ رايونى، جاڭادان گۇلدەنگەن كاسىپ شوعىرىنان ۇلگى كورسەتۋ رايونى ەتىپ قۇرىپ، ەكونوميكانىڭ جوعارى ساپالى دامۋىن ىلگەرىلەتۋ ءۇشىن پارمەندى اقىل - پاراسات تىرەگىن جانە عىلىم - تەحنيكا قامتاماسىزدىعىن ازىرلەيدى.

  ”عىلمي جەتىستىكتەر رۋحاني تىرەكتەن ايرىلا المايدى“، - دەدى شينجياڭ اۋىل شارۋاشىلىق عىلىم اكادەمياسى ەكونوميكالىق داقىلداردى زەرتتەۋ ورنىنىڭ اعا زەرتتەۋشىسى، ۇزىن تالشىقتى ماقتا زەرتتەۋ كەڭسەسىنىڭ مەڭگەرۋشىسى كۇڭ جيە بۇل جونىندەگى تەرەڭ اسەرىن بايانداپ. ول: ”2019 - جىلى رايونىمىزدىڭ ماقتا جالپى ءونىم مولشەرى بۇكىل ەلىمىزدىڭ %84تەن استامىن يەلەدى، بۇل نەشە ۇرپاق ماقتاشىلاردىڭ ’اسقار شىڭعا باتىلدىقپەن شىعاتىن، باسقالاردان وزىپ شىعۋعا باتىلدىق ەتەتىن جاڭالىق اشۋ رۋحىن‘ امالياتتا ايگىلەۋىنىڭ ناتيجەسى. جاس عىلىم - تەحنيكا قىزمەتكەرى رەتىندە، مەن اعا بۋىن عالىمداردى ونەگە ەتىپ، تاباندىلىقپەن، اسقار شىڭعا باتىلدىقپەن ۇمتىلىپ، شينجياڭ ماقتاسىنىڭ ساپاسىن ۇزدىكسىز جوعارىلاتامىن“، - دەدى.

  ”باس شۋجيدىڭ ماڭىزدى ءسوزى قالىڭ عالىمدار مەن عىلىم - تەحنيكا قىزمەتكەرلەرىنىڭ تاريحي بورىشى مەن جاۋاپكەرشىلىگىن اناعۇرلىم ايقىنداپ، بىزگە قىزمەت بەتالىسىن جانە كۇرەس نىساناسىن ايقىن كورسەتتى“، - دەدى شينجياڭ داشۋەسى حيميا ونەركاسىپ شۋەيۋانىنىڭ پروفەسسورى جاۋ ليڭ، - ”بۇدان كەيىن مەن عىلمي زەرتتەۋ مەن وقىتۋدى اناعۇرلىم ءوزارا ۇشتاستىرىپ، وقۋشىلاردىڭ جاڭالىق اشۋ قابىلەتىن تولىق جەتىلدىرىپ، ساۋلەلەندىرىپ، ءوزىم ونەگە بولىپ وقۋشىلاردى دۇرىس عىلمي زەرتتەۋ كوزقاراسىن ورناتۋعا جەتەكتەپ، اناعۇرلىم كوپ جاس دارىندىنى عىلىم - تەحنيكادا جاڭالىق اشاتىن نەگىزگى كۇش ەتىپ جەتىلدىرەمىن“.

  شينجياڭ يندولان ۇيعۇر ءدارى - دارمەك جارنا شەكتى سەرىكتەستىگىنىڭ باس ينجەنەرى چىن جۇي بىلاي دەدى: باس شۋجي شي جينپيڭنىڭ ماڭىزدى ءسوزى ءبىزدىڭ عىلمي زەرتتەۋ قىزمەتىن ويداعىداي ىستەۋىمىز ءۇشىن جاڭا وي جەلىسىن كورسەتىپ بەردى. 20 نەشە جىلدان بەرى، يندولان عىلىم - تەحنيكادا جاڭالىق اشۋعا تاباندى بولىپ، جاڭالىق اشۋ ارقىلى عىلىم - تەحنيكا جەتىستىكتەرىن كادەگە جاراتۋدى دەمەۋدى جەدەلدەتىپ، ءوندىرىستىڭ، وقىتۋدىڭ، عىلمي زەرتتەۋدىڭ كەمەلدى سەلبەستىك مەحانيزمى ارقىلى جاڭا ءدارى جاسادى، زەرتتەدى، عىلمي زەرتتەۋ قىزمەتكەرلەرىنىڭ جاڭالىق اشۋ ومىرشەڭدىگى قاۋلادى، عىلىم - تەحنيكالىق زەرتتەۋ - اشۋ قوسىنى ورنىقتى بولدى، جاڭالىق اشۋ جەتىستىگى قوماقتى بولدى. بولاشاقتا سەرىكتەستىگىمىز زەرتتەۋ - اشۋ سەرپىنىن كۇشەيتىپ، جۇڭگوشا ءدارى - دارمەكتى، ۇلتتىق ءدارى - دارمەكتى كاسىپ سالالاندىرىپ دامىتۋعا كۇش قوسادى.

  ”باس شۋجيدىڭ ماڭىزدى ءسوزى ادامدى شابىتتاندىرادى، ەرلىكپەن العا ىلگەرلەۋگە جەبەيدى“، - دەدى قاشقار ايماقتىق ورمانشىلىق تەحنيكاسىن جالپىلاستىرۋ پۋنكتىنىڭ تەحنيگى تۇرنيساگۇل ۋاسىل، - ”نەگىزگى ساتىداعى ورمان شارۋاشىلىعى عىلىم - تەحنيكا قىزمەتكەرى رەتىندە، مەن ءبىرىنشى شەپكە ۇزدىكسىز تامىر تارتىپ، حالىققا قىزمەت وتەۋدى، حالىقتى باقىتقا كەنەلتۋدى باستى ماقسات ەتىپ، عىلىم - تەحنيكالىق قىزمەت وتەۋدى تىڭعىلىقتى تۇردە ويداعىداي ىستەپ، ورمان شارۋاشىلىعىنىڭ باياندى دامۋىنا، اۋىل - قىستاقتىڭ گۇلدەنۋىنە كۇش قوسامىن“.

  (ءتىلشى شيە حۇيبيان، قاتىسقان تىلشىلەر گى يوۋجۇن، حان چين - يان، جاۋ شييا، جاۋ يۋە)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.