تيانشان تورى   ›   ۇيرەنۋ   ›   شولۋ

جاڭالىق اشۋ سىندى دامۋعا جەتەكشىلىك ەتەتىن ءبىرىنشى قوزعاۋشى كۇشتى كۇشەيتەيىك

 − باس شۋجي شي جينپيڭنىڭ عالىمدار اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

 حالىق گازەتىنىڭ شولۋشىسى

  جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش. جاڭالىق اشۋدى يگەرۋ دەگەنىمىز دامۋدى يگەرۋ، جاڭالىق اشۋعا ۇمتىلۋ دەگەنىمىز كەلەشەككە ۇمتىلۋ.

  9 - ايدىڭ 11 - كۇنى باس شۋجي شي جينپيڭنىڭ عالىمدار اڭگىمە ءماجىلىسىن باسقارىپ اشىپ، ”14 - بەسجىلدىق“ مەزگىلىندە ەلىمىزدىڭ عىلىم - تەحنيكا ىستەرىن دامىتۋ جونىندە پىكىرلەردى تىڭدادى ءارى ماڭىزدى ءسوز سويلەدى. باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايىن شىعار ءتۇيىن ەتىپ، عىلىم - تەحنيكادا جاڭالىق اشۋدى جەدەلدەتۋدىڭ كەلەلى ستراتەگيالىق ماڭىزىن تەرەڭ بايانداپ، قالىڭ عالىمدار مەن عىلىم - تەحنيكا قىزمەتكەرلەرىن عالىم رۋحىن زور كۇشپەن اسقاقتاتىپ، تاريحي جاۋاپكەرشىلىكتى ارقالاپ، دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋدان، ەكونوميكانىڭ نەگىزگى شايقاس مايدانىن بەتكە الۋدان، مەملەكەتتىڭ ماڭىزدى قاجەتىن بەتكە الۋدان، حالىقتىڭ ءومىرىنىڭ سالاماتتىعىن بەتكە الۋدان جازباي، عىلىم - تەحنيكانىڭ كەڭدىگى مەن تەرەڭدىگىنە قاراي ۇزدىكسىز شەرۋ تارتۋعا شابىتتاندىردى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم - تەحنيكادا جاڭالىق اشۋ قىزمەتىنە وسكەلەڭ ءمان بەرىپ، اۋقىمدى بارلاپ، جالپى جاعدايدى جوسپارلاپ، رەفورمانى تەرەڭدەتىپ، جالپى بەتتىك كۇش سالىپ، ەلىمىزدىڭ عىلىم - تەحنيكا ىستەرىندە تاريحي جەتىستىككە قول جەتۋىن، تاريحي وزگەرىستەر جارىققا شىعۋىن جەبەدى. تيانگۇڭ، جياۋلۇڭ، تيانيان، ۋكۇڭ، موزى، ءىرى ۇشاق، جوعارى قارقىندى تەمىر جول، بەيدوۋ قاتارلى كەلەلى جاڭالىق اشۋ جەتىستىكتەرى ىركەس - تىركەس جارىققا شىعىپ، عىلىم - تەحنيكادا جاڭالىق اشۋدا كۇشتى تەبىن جارىققا شىقتى، ءىشىنارا الدىڭعى لەكتەگى سالالار قاتارلاسا جۇگىرۋ، باستاپ جۇگىرۋ كەزەڭىنە وتە باستادى، عىلىم - تەحنيكالىق ناقتى كۇش ساندى توپتالۋدان ساپالىق سەكىرۋگە، تۇيىندەردە ناتيجە شىعارۋدان جۇيەلىك قابىلەتتىڭ وسۋىنە قاراي ارشىندى قادام تاستاۋدا. وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا قالىڭ عىلىم - تەحنيكا قىزمەتكەرلەرى اۋرۋدى ەمدەۋ، ۆاكسينا زەرتتەۋ - اشۋ، ساقتانۋ - تىزگىندەۋ سياقتى كوپتەگەن ماڭىزدى سالالاردا عىلىم - تەحنيكالىق زەرتتەۋدەن قامال الىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋگە پارمەندى تىرەك ازىرلەپ، ماڭىزدى ۇلەس قوستى.

  بۇگىنگى تاڭداعى دۇنيە ءجۇزى 100 جىلدا بولماعان ءىرى وزگەرىستى باستان وتكەرۋدە، ەلىمىزدىڭ دامۋى ءدوپ كەلگەن ەل ءىشى - سىرتى ورتاسىندا تۋىلعان تەرەڭ كۇردەلى وزگەرىستەر، ەلىمىزدىڭ ”14 - بەسجىلدىق“ مەزگىلىندەگى، سونداي - اق ونان دا ۇزاق مەزگىلدەگى دامۋى عىلىم - تەحنيكادا جاڭالىق اشۋدى جەدەلدەتۋگە اناعۇرلىم كوكەي تەستى تالاپتار قويدى. ءبىز، ءسوز جوق، مىنانى تولىق تانۋىمىز كەرەك: عىلىم - تەحنيكادا جاڭالىق اشۋدى جەدەلدەتۋ − جوعارى ساپالى دامۋدى ىلگەرىلەتۋدىڭ قاجەتى، حالىقتىڭ جوعارى ساپالى تۇرمىسىن جۇزەگە اسىرۋدىڭ قاجەتى، جاڭا دامۋ ارناسىن قالىپتاستىرۋدىڭ قاجەتى، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن ءساتتى باستاۋدىڭ قاجەتى. قازىر ەلىمىزدىڭ ەكونوميكالىق، قوعامدىق دامۋى جانە حالىق تۇرمىسىنىڭ جاقسارۋى عىلىم - تەحنيكالىق شەشۋ جوباسىن بۇرىنعى ءارقانداي مەزگىلدەگىدەن دە نەعۇرلىم قاجەت ەتىپ وتىر، جاڭالىق اشۋ سىندى ءبىرىنشى قوزعاۋشى كۇشتى كۇشەيتۋدى نەعۇرلىم قاجەت ەتىپ وتىر. سونىمەن بىرگە، قيان - كەسكى حالىقارالىق باسەكە الدىندا سىڭار جاقتىلىق، قورعامپازدىق بەلەڭ العان زور جاعدايدا، ءبىز، ءسوز جوق، مەملەكەت جاعدايىنا ۇيلەسەتىن جاڭالىق اشۋ جولىمەن ءجۇرۋىمىز، اسىرەسە، ءتول جاڭالىق اشۋ قابىلەتىن جوعارىلاتۋدى اناعۇرلىم كورنەكتى ورىنعا قويىپ، اناعۇرلىم كوپ ”0دەن 1گە دەيىنگى“تىڭ سەرپىلىستەردى قۇلشىنا ىسكە اسىرۋىمىز كەرەك. جاعداي ماجبۇرلەۋدە، سىن - سايىس ماجبۇرلەۋدە، بورىش ماجبۇرلەۋدە. ەلىمىزدىڭ قالىڭ عالىمدارى مەن عىلىم - تەحنيكا قىزمەتكەرلەرى اۋقىمدى مەڭگەرىپ، ورايدى مىقتى ۇستاپ، ماسەلەگە بەتپە - بەت كەلىپ، قيىندىققا قاسقايا قارسى ۇمتىلىپ، دۇنيە ءجۇزى عىلىم - تەحنيكاسىنىڭ الدىڭعى لەگىن كوزدەپ، عىلىم - تەحنيكا دامۋىنىڭ بەتالىسىنا جەتەكشىلىك ەتىپ، تاريح جۇكتەگەن عىلىم - تەحنيكادا جاڭالىق اشۋ كەلەلى مىندەتىن ارقالاپ، جاڭا داۋىردەگى عىلىم - تەحنيكادا جاڭالىق اشۋدىڭ اتويشىلارىنان بولۋعا باتىلدىق ەتۋ كەرەك.

  جاڭالىق اشۋ − داۋىرىمىزدەگى ەلەۋلى تاقىرىپ، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى جەدەل ىلگەرىلەپ، ەلىمىزدىڭ عىلىم - تەحنيكادا جاڭالىق اشۋ قابىلەتىن جەدەل جوعارىلاتۋدىڭ كوكەي تەستىلىگى اناعۇرلىم كورنەكتىلەندى. ەلىمىزدە عىلىم - تەحنيكا قىزمەتكەرلەرىنىڭ سانى مول، زەرتتەۋ - اشۋعا قوسىلعان قارجىنىڭ كولەمى زور، شەشۋشى ءتۇيىن عىلىم - تەحنيكادا جاڭالىق اشۋ ەكولوگياسىن جاقسارتىپ، جاڭالىق اشۋ، جاسامپازدىق جاساۋ ومىرشەڭدىگىن قاۋلاتىپ، قالىڭ عالىمدار مەن عىلىم - تەحنيكا قىزمەتكەرلەرىنە ءوز دارىن - قابىلەتتەرىن ساۋلەلەندىرەتىن ساحنا ازىرلەپ، عىلىم - تەحنيكادا جاڭالىق اشۋ جەتىستىكتەرىن تولاسسىز جارىققا شىعارۋ كەرەك. عىلمي جەتىستىكتەر رۋحاني تىرەكتەن ايرىلا المايدى، وتاندى كوكەيدە ساقتايتىن، حالىققا قىزمەت ەتەتىن وتانشىلدىق رۋحتى، ەرلىكپەن شىڭعا شىعاتىن، باسقالاردان وزىپ شىعۋعا باتىلدىق ەتەتىن جاڭالىق اشۋ رۋحىن، اقيقاتقا تالپىناتىن، قۇنتتىلىقپەن عىلىممەن شۇعىلداناتىن شىندىققا تالپىنۋ رۋحىن، اتاق - ابىرويعا بەرىلمەيتىن، زەر سالا زەرتتەيتىن ۇلەس قوسۋ رۋحىن، اقىل - پاراساتتى شوعىرلاندىرىپ قامال الاتىن، ىنتىماقتاسا سەلبەسەتىن سايكەسۋ رۋحىن، باسقالارعا جەبەۋشى، كەيىنگىلەرگە دەمەۋشى بولاتىن ادام تاربيەلەۋ رۋحىن زور كۇشپەن اسقاقتاتىپ، كەلەلى عىلمي زەرتتەۋ جەتىستىكتەرىن تاپقىرلاۋشىسى، عىلىم - تەحنيكادا قۋاتتى ەل قۇرۋدىڭ ۇلەس قوسۋشىسى، وسكەلەڭ يدەيالىق ءمورالدىڭ امالياتشىسى، تاماشا قوعامدىق سالتتىڭ جەتەكتەۋشىسى بولۋعا تالپىنۋ كەرەك. ءار دارەجەلى پارتكومدار مەن ۇكىمەتتەر، سونداي - اق ءار دارەجەلى باسشى كادرلار باس شۋجي شي جينپيڭنىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ عىلىم - تەحنيكادا جاڭالىق اشۋ جونىندەگى شەشىمدەرىن، ورنالاستىرۋلارىن مۇقيات ۇيرەنىپ، دايەكتىلەندىرىپ، جاڭالىق اشۋ ارقىلى دامۋعا دەم بەرۋ ستراتەگياسىن ويداعىداي تياناقتاندىرىپ، ەڭبەككە قۇرمەت ەتىپ، بىلىمگە قۇرمەت ەتىپ، دارىندىلارعا قۇرمەت ەتىپ، جاسامپازدىققا قۇرمەت ەتىپ، عىلىمنىڭ دامۋ زاڭدىلىعىنا بويسۇنىپ، عىلىم - تەحنيكادا جاڭالىق اشۋ جەتىستىكتەرىنىڭ كوپتەپ جارىققا شىعۋىن ىلگەرىلەتۋ ءارى ونى رەال وندىرگىش كۇشكە اينالدىرۋ كەرەك.

  «وتان ءۇمىتىن اقتاۋ جولىندا جۇرەك قانىمدى سارقا جۇمسايمىن». ءبىز ەلىمىزدىڭ قالىڭ عالىمدارى مەن عىلىم - تەحنيكا قىزمەتكەرلەرىندە عىلىمنىڭ شىڭىنا شىعىپ، عىلىم - تەحنيكا كەرەمەتىن جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ءتيىستى ۇلەستەرىن قوساتىن سەنىم، ەرىك - جىگەر، قابىلەت بار ەكەندىگىنە كامىل سەنەمىز.

  (شينحۋا اگەنتتىگىنىڭ 9 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.