9 - ايدىڭ 13 - كۇنى، مالشىلار قورالى قويلارىن مىڭعىرتا ايداپ بايىنبۇلاق ساحاراسىنان يانجي ويپاتى ەگىندى القاپتاعى كۇزەۋلىككە قاراي كوشە باستادى.
تيانشان تورىنىڭ حابارى (سۋرەتىن ءتۇسىرىپ، حابارىن جازعان ەرىكتى ٴتىلشى چۋە حۋرە) 9 - اي كىرگەننەن كەيىن، شينجياڭ بايىنعولين موڭعۇل اۆتونوميالى وبلىسى حىجيڭ اۋدانى بايىنبۇلاق ساحاراسىندا كوكتەم، جاز ماۋسىمدارىن امان - ەسەن وتكەرگەن مالشىلار ءبىر جىلدا ءبىر رەت كەلەتىن كۇزەۋلىككە كوشۋ، قونىس جاڭالاۋ جۇمىستارىن باستاپ كەتتى، ميلليون باس (تۇياق) مال ىركەس - تىركەس بايىنبۇلاق ساحاراسىنان كۇزەۋلىككە بەتتەدى، مالشىلاردىڭ سۋدىڭ تۇنىعىن، ءشوپتىڭ شۇيگىنىن قۋالاي كوشىپ - قونۋى دارا كورىنىس جەلىسىن قالىپتاستىردى. جايلىم ماۋسىمعا قاراي كوكتەۋلىك، ءتور جايلاۋ، كۇزەۋلىك، قىستاۋلىق دەپ بولىنەدى. ”ءورىس جاڭعىرتۋ“ دەگەنىمىز مالشىلاردىڭ جايلىمدىق جەردىڭ كوكتەۋى بويىنشا مالدى جۇيەلى تۇردە ءورىس جاڭالاپ، كوشىرىپ باعۋى. ءار جىلى 9 - ايدىڭ باس شەنىندە بايىنبۇلاق ساحاراسىنداعى ءبىر ميلليون باس ( تۇياق ) مال جايلاۋدان كۇزەۋلىككە قاراي كوشىرىلەدى.
