تيانشان تورى   ›   ۇيرەنۋ   ›   شولۋ

حاۋىپ - قاتەر، سىن - سايىستارعا توتەپ بەرۋدىڭ ءتۇبىرلى كەپىلى

 − باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

 حالىق گازەتىنىڭ شولۋشىسى

  ”ىندەتكە قارسى اتتانۋ كۇرەسىنىڭ ۇلى امالياتى مىنانى قايتالاي دالەلدەدى: جۇڭگوشا سوتسياليزم ءتۇزىمىنىڭ كورنەكتى ابزالدىلىعى − حاۋىپ - قاتەر، سىن - سايىستارعا توتەپ بەرىپ، مەملەكەتتى جونگە سالۋ ونىمدىلىگىن جوعارىلاتۋدىڭ ءتۇبىرلى كەپىلى“. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا باس شۋجي شي جينپيڭ وسى رەتكى ىندەتكە قارسى اتتانۋ كۇرەسىنىڭ ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ ابزالدىلىعىن پارمەندى تۇردە ايگىلەگەندىگىن ىشكەرىلەي اتاپ كورسەتىپ، ”جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ءتۇزىمنىڭ كۇشىنەن شەبەرلىكپەن پايدالانىپ حاۋىپ - قاتەر، سىن - سايىستاردىڭ سوققىسىنا توتەپ بەرسەك بولعانى، ءسوز جوق، ءار رەتكى قىسىمنىڭ سىناعىنان سۇرىنبەي ءوتىپ، داعدارىستى ۇزدىكسىز ورايلارعا اينالدىرىپ، لاۋلاعان ورتتە قايتا سومدالىپ شىعامىز“ دەپ باسا دارىپتەدى.

  اماليات − ەڭ جاقسى سىنتاس. ءبىر مەملەكەت ءتۇزىمىنىڭ تابىستى بولعان - بولماعاندىعىن، ابزال بولعان - بولماعاندىعىن ولشەۋدىڭ ماڭىزدى ءبىر جاعى ونىڭ ەلەۋلى حاۋىپ - قاتەرلەر مەن سىن - سايىستاردىڭ الدىندا شار تاراپقا ءامىر جۇرگىزىپ، جان - جاقتى بىرگە توتەپ بەرۋگە ۇيىمداستىرا الاتىن - المايتىندىعىنا قاراۋ كەرەك. بۇل رەتكى ىندەتكە قارسى اتتانۋ كۇرەسىندە ءبىز پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولدىق، باس شۋجي شي جينپيڭ ءوزى تىكەلەي قولباسشىلىق ەتىپ، تىكەلەي ورنالاستىردى، پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالا جانە بارلىق جەر جۇدىرىقتاي جۇمىلا قيمىلداپ، بۇكىل ەل ءبىر تۇتاس جۇيە بولۋدان جازباي، بۇكىل قوعامداعى بارلىق كۇشتى اتتانىسقا كەلتىرىپ، ءار جاقتىڭ بايلىعىن جۇمىلدىرىپ، ىندەتكە قارسى اتتانۋدىڭ قۋاتتى بىرىككەن كۇشىن قالىپتاستىردى. ۋحاننان شىعاتىن، حۋبەيدان شىعاتىن جولداردى كەسكىن تۇردە جاۋىپ، تاريحتا بولماعان قاتاڭ باسقارۋ - مەڭگەرۋ شارالارىن اتقارۋدان بۇكىل مەملەكەتتىڭ كۇشىن جۇمىلدىرىپ بۇرىن بولماعان كولەمدە ءومىردى قۇتقارۋعا دەيىن، عىلىم - تەحنيكانىڭ ىندەتتەن ساقتانۋ - تىزگىندەۋگە تىرەك بولۋ رولىن تولىق ساۋلەلەندىرۋدەن جاڭا جۇڭگو قۇرىلعاننان بەرى كومەكتەسۋ ۋاقىتى ەڭ شوعىرلى، قامتۋ كولەمى ەڭ كەڭ بولعان شۇعىل حالىقارالىق ادامگەرشىلىك ارەكەتتى جولعا قويۋعا دەيىن... بۇكىل ەلدە ءبىر تۇتاس قولباسشىلىق ەتىلگەن، جالپى بەتتىك ورنالاستىرىلعان، جان - جاقتى ساقتاناتىن - تىزگىندەيتىن ستراتەگيالىق ورنالاسۋ جەدەل قالىپتاسىپ، جان - جاقتى ادام كۇشىن ۇيىمداستىرۋ شايقاسىن، زاتتىق ماتەريالدارمەن قامتاماسىز ەتۋ شايقاسىن، عىلىم - تەحنيكادان جەدەل قامال الۋ شايقاسىن، بايلىقتار جىلجىمالى شايقاسىن ورىستەتىپ، ماشاقاتتى قۇلشىنىس ارقىلى ىندەتكە قارسى اتتانۋ كۇرەسىنىڭ ەلەۋلى ستراتەگيالىق جەتىستىگىنە قول جەتكىزىپ، ىندەتتەن ساقتانۋ - تىزگىندەۋ مەن ەكونوميكانى قالپىنا كەلتىرۋدىڭ ەكەۋىندە دە دۇنيە ءجۇزىنىڭ الدىڭعى لەگىندە ءجۇردى. باس شۋجي شي جينپيڭ اتاپ كورسەتكەندەي: ”ەلىمىزدىڭ سوتسياليزم ءتۇزىمى كەرەمەت ۇيىمداستىرۋ، جۇمىلدىرۋ قابىلەتىنە، ءبىر تۇتاس جوسپارلاۋ جانە سايكەستىرۋ قابىلەتىنە، دايەكتىلەندىرۋ جانە اتقارۋ قابىلەتىنە يە، ول كۇشتى شوعىرلاندىرىپ ءىرى ىستەر تىندىراتىن، قيىن ىستەر تىندىراتىن، تىعىز - تاياڭ ىستەر تىندىراتىن وزگەشە ابزالدىلىقتى تولىق ساۋلەلەندىرە الادى“. بۇل رەتكى ىندەتكە قارسى اتتانۋ كۇرەسىنىڭ ۇلى امالياتى جۇڭگو كوممۋنيستىك پارتياسىنىڭ باسشىلىعى مەن ەلىمىز سوتسياليزم ءتۇزىمىنىڭ، ەلىمىزدىڭ مەملەكەتتى جونگە سالۋ جۇيەسىنىڭ قۋاتتى ومىرشەڭدىك كۇشكە جانە كورنەكتى ابزالدىلىققا يە ەكەندىگىن، ءارقانداي بوگەت، قيىندىق، قاتەرلەردى جەڭىپ شىعىپ، ادامزات وركەنيەتىنىڭ العا باسۋى ءۇشىن ەلەۋلى ۇلەس قوسا الاتىندىعىن تاعى ءبىر مارتە دالەلدەدى.

  قازىر دۇنيە ءجۇزى 100 جىلدا بولماعان زور وزگەرىستى باستان وتكەرۋدە، جاڭا تيپتى ايدارشا ۆيرۋس وكپە قابىنۋ ىندەتىنىڭ الەمدە كەڭ كولەمدە تارالۋى وسى زور وزگەرىستى جەدەلدەتىپ، دۇنيە ءجۇزى اۋمالى - توكپەلى وزگەرىس كەزەڭىنە ءوتتى، ەل ىشىندەگى رەفورما، دامۋ، ورنىقتىلىق مىندەتى ماشاقاتتى دا اۋىر بولىپ وتىر. ءبىز، ءسوز جوق، ەل ءىشى - سىرتىنداعى ۇلكەن اۋقىمدى ديالەكتيكالىق تۇرعىدا تانىپ جانە يگەرىپ، ەكى كەلەلى جاعدايدى ءبىر تۇتاس جوسپارلاپ، العا باسۋ جولىنداعى ءتۇرلى حاۋىپ - قاتەرلەردەن ءونىمدى ساقتانىپ جانە ولاردى جويىپ، جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ءتۇزىمنىڭ كۇش - قۇدىرەتىنەن پايدالانىپ حاۋىپ - قاتەرلەردىڭ، سىن - سايىستاردىڭ سوققىسىنا توتەپ بەرۋىمىز كەرەك. بۇل رەتكى ىندەتكە قارسى اتتانۋ كۇرەسى − مەملەكەتتى جونگە سالۋ جۇيەسى مەن جونگە سالۋ قابىلەتى جونىنەن شوعىرلى سىناق بولدى، ول بىزگە مىناداي تەرەڭ وي سالدى: دامۋ ورتاسى نەعۇرلىم قاتاڭ، كۇردەلى بولعان سايىن، رەفورمانى سولعۇرلىم تاباندىلىقپەن تەرەڭدەتىپ، ءار جاقتاعى تۇزىمدەردى اقاۋسىزداندىرىپ، جونگە سالۋ جۇيەسىن كەمەلدەندىرىپ، ءتۇزىم قۇرىلىسى مەن جونگە سالۋ ونىمدىلىگىنىڭ اناعۇرلىم ۇتىمدى تۇردە ىسكە اسۋىن، توعىسۋىن جەبەي ءتۇسۋ كەرەك. رەفورمانىڭ سەرپىلىس جاساۋ جانە جەتەكتەۋ رولىن ويداعىداي ساۋلەلەندىرىپ، رەفورماعا ارقا سۇيەي وتىرىپ وزگەرىسكە توتەپ بەرىپ، جاڭا جاعداي اشىپ، اناعۇرلىم تەرەڭ قاتپارداعى رەفورمالاردى ىلگەرىلەتىپ، اناعۇرلىم جوعارى دەڭگەيدە ەسىك اشىپ، ءتۇزىم مەن جونگە سالۋ جۇيەسى قۇرىلىسىنا اناعۇرلىم ءمان بەرىپ، تەرەڭ ساتىداعى ءتۇزىلىس - مەحانيزم ماسەلەلەرىن اناعۇرلىم كوبىرەك شەشىپ، دامۋدىڭ جاڭا اۋقىمىن قالىپتاستىرۋعا قۋاتتى قوزعاۋشى كۇش ۇسىنۋ كەرەك. جونگە سالۋ جۇيەسىندەگى ولقىلىقتار مەن ءالسىز بۋىنداردى جەدەل تولىقتاپ، ءتۇرلى جاقتاعى ءتۇزىلىس - مەحانيزمدەردى جەدەل كەمەلدەندىرىپ، توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعالارىنا توتەپ بەرۋ قابىلەتى مەن دەڭگەيىن كۇش سالا جوعارىلاتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قامتاماسىز ەتۋ ءۇشىن تۇزىمدىك كەپىلدىكتى بەكەمدەۋ كەرەك.

  مەملەكەتتىڭ گۇلدەنۋى مەن قۇلدىراۋى تۇزىمنەن، حالىقتىڭ تىنىشتىعى مەن باقىتى جونگە سالۋدان. العا باسۋ جولىنداعى حاۋىپ - قاتەرلەر مەن سىن - سايىستار الدىندا، ەرلىكپەن العا باساتىن، بوران - شاشىنعا بوگەلمەيتىن ستراتەگيالىق تاباندىلىقتى ساقتاپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جاعىنا اناعۇرلىم كوپ كۇش سالىپ، ەلىمىزدىڭ ءتۇزىم ابزالدىلىعىن مەملەكەتتى جونگە سالۋ ونىمدىلىگىنە ۇزدىكسىز تۇردە اناعۇرلىم ويداعىداي اينالدىرساق، ءبىز، ءسوز جوق، بارلىق بوگەت، قيىندىق، قاتەرلەردى جەڭىپ شىعىپ، ۇزدىكسىز تۇردە جەڭىستەن جاڭا جەڭىسكە جەتەمىز.

  (شينحۋا اگەنتتىگىنىڭ 9 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.