تيانشان تورى   ›   جاڭالىقتار   ›   عىلىم-تەحنيكا

عىلىم - تەحنيكادا جاڭالىق اشۋدى جەدەلدەتىپ، جوعارى ساپالى دامۋدى ىلگەرىلەتەمىز

 − باس شۋجي شي جينپيڭنىڭ عالىمدار اڭگىمە ماجىلىسىندەگى ماڭىزدى ءسوزى رايونىمىزداعى عىلىم - تەحنيكا قىزمەتكەرلەرى اراسىندا قىزۋ اڭىس قوزعادى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  ”قالىڭ عىلىم - تەحنيكا قىزمەتكەرلەرى باتىلدىقپەن جاسامپازدىق جاراتۋ سىندى ۇلى مۇرات، اسقاق جىگەر ورناتىپ، باتىلدىقپەن جاڭا نازاريالاردى العا قويىپ، جاڭا سالالاردى اشىپ، جاڭا جولداردى قاراستىرىپ، وزگەشە جاسامپازدىق جاراتۋ، وزگەشە بولۋ جاعىنا كۇش سالۋى كەرەك. جوعارى دەڭگەيلى ءتول جاسامپازدىق جەتىستىكتەرىن كوبىرەك جارىققا شىعارىپ، عىلىم جۇيەسىن ۇزدىكسىز بايىتۋعا جانە دامىتۋعا ۇلەس قوسۋ كەرەك“.

  بىرنەشە كۇننەن بەرى، باس شۋجي شي جينپيڭنىڭ عالىمدار اڭگىمە ماجىلىسىندەگى ماڭىزدى ءسوزى رايونىمىزداعى عىلىم - تەحنيكا قىزمەتكەرلەرى اراسىندا قىزۋ اڭىس قوزعادى. كوپشىلىك جابال مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تاريحي جاۋاپكەرشىلىكتى ارقالاپ، باس شۋجيدىڭ ءۇمىتى مەن ماڭىزدى تاپسىرماسىن عىلىم - تەحنيكادا جاڭالىق اشۋدى ىلگەرىلەتۋدىڭ قۋاتتى قوزعاۋشى كۇشىنە اينالدىرامىز.

  ”باس شۋجي شي جينپيڭ نەگىزدىك زەرتتەۋدى تاباندىلىقپەن كۇشەيتۋدى باسا دارىپتەدى. بۇل ءبىزدىڭ نەگىزدىك زەرتتەۋلەرمەن شۇعىلداناتىن عىلمي زەرتتەۋ قىزمەتكەرلەرىمىز ءۇشىن قاباعات ىنتالاندىرۋ جانە قۋزاۋ بولدى“، - دەدى جۇڭگو عىلىم اكادەمياسىنىڭ اكادەميگى، جۇڭگو عىلىم اكادەمياسى شينجياڭ بولىمشە مەكەمەسىنىڭ باستىعى شياۋ ۋىنجياۋ، -”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، نەگىزدىك زەرتتەۋلەرگە ۇسىنىلىمدى ۇزدىكسىز ارتتىرىپ، نەگىزدىك زەرتتەۋگە ءتيىمدى تاماشا عىلمي زەرتتەۋ ەكولوگياسىن قالىپتاستىرىپ، شەشۋشى، وزەكتى تەحنيكالاردان كۇش سالا قامال الىپ، جاڭالىق اشۋ ارقىلى دامۋعا دەم بەرۋدى ىلگەرىلەتۋ، عىلىم - تەحنيكادا جاڭالىق اشۋ قادامىن جەدەلدەتۋ ءۇشىن ءتيىستى ۇلەس قوسۋىمىز كەرەك“.

  ”’قالىڭ عالىمدار مەن عىلىم - تەحنيكا قىزمەتكەرلەرىنىڭ تاريحي جاۋاپكەرشىلىكتى ارقالاپ، دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋدان، ەكونوميكانىڭ نەگىزگى شايقاس مايدانىن بەتكە الۋدان، مەملەكەتتىڭ ماڭىزدى قاجەتىن بەتكە الۋدان، حالىقتىڭ ءومىرىنىڭ سالاماتتىعىن بەتكە الۋدان جازباي، عىلىم - تەحنيكانىڭ كەڭدىگى مەن تەرەڭدىگىنە قاراي ۇزدىكسىز شەرۋ تارتۋىن ءۇمىت ەتەمىن، باس شۋجيدىڭ ءسوزى ماعان قۋاتتى كۇش بەردى، ونان دا ماڭىزدىسى، مەن يىعىمداعى سالماقتى جاۋاپكەرشىلىكتى سەزىندىم“، - دەيدى اۆتونوميالى رايوندىق حالىق شيپاحاناسى رەۆماتيزم يممۋنيتەت ءبولىمىنىڭ مەڭگەرۋشىسى، پروفەسسور ۋ ليجۇن، - ”مەن عىلمي زەرتتەۋ ۇجىمىن باستاپ رەۆماتيزم يممۋنيتەتى جاعىنداعى زەرتتەۋلەردى ۇزدىكسىز كۇشەيتىپ، تەرەڭدەي ىزدەنىس جاساپ، جۇمىس ۇجىمىنىڭ كومەسكى قۋاتىن ۇزدىكسىز ىشكەرىلەي ىسكە قوسىپ، مەديتسينالىق بيىك شىڭداردىڭ بىرىنەن سوڭ بىرىنە سايىس جاريالاپ، ناۋقاستاردى قۇتقارۋ - ەمدەۋدەگى اناعۇرلىم كوپ ’مۇمكىن ەمەستەردى‘’مۇمكىندىككە‘ اينالدىرامىن“.

  قازىر باتىس سولتۇستىك مۇناي الابى 10 ميلليون توننالىق ءىرى مۇناي - گاز الابى قۇرىلىسىن جوعارى ساپادا ىلگەرىلەتۋ ۇستىندە. باتىس سولتۇستىك مۇناي الابى بارلاپ اشۋدى زەرتتەۋ مەكەمەسىنىڭ باستىعى لي زۇڭجيە: ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، قاشاندا نازاريادا جاڭالىق اشۋعا، تەحنيكادا جاڭالىق اشۋعا تاباندى بولىپ، تارىم ويپاتىنىڭ اسا تەرەڭ قاباتىنداعى مۇناي - گازدى جوعارى ساپادا بارلاۋدى جانە اشۋدى بار كۇشپەن ىلگەرىلەتىپ، مەملەكەتتىڭ ەنەرگيا حاۋىپسىزدىگىنە شىنايى كەپىلدىك ەتەمىز، - دەدى.

  ”اۋەستەنۋ − ادامنىڭ تابيعي قاسيەتى، عىلىمعا اۋەستەنۋگە جەتەكتەۋدى جانە ونى جەتىلدىرۋدى بالالاردان باستاپ مىقتى ۇستاپ، ولاردىڭ كوبىرەك عىلىم بىلىمدەرىن ءبىلىپ، عىلمي ادىستەردى يگەرۋىنە مۇمكىندىك جاساپ، عالىم بولاتىن كومەسكى قابىلەتكە يە جاستار مەن ورەندەردىڭ اۋقىمدى توبىن قالىپتاستىرۋىمىز كەرەك“، - دەيدى اۆتونوميالى رايوندىق عىلىم - تەحنيكا قوعامى عىلىم جالپىلاستىرۋ ءبولىمىنىڭ باستىعى پاتيما ابليكىم، - ”باس شۋجيدىڭ ءسوزىنىڭ ءمانى تەرەڭ، ءبىز باس شۋجيدىڭ تالابى بويىنشا قىزمەت ادىسىنە ۇزدىكسىز جاڭالىق ەنگىزىپ، ’نەگىزگى ساتىدا عىلىم جالپىلاستىرۋ ارەكەت جوسپارى‘ مەن ’وڭتۇستىك شينجياڭ نەگىزگى ساتىلارىنا عىلىم جالپىلاستىرۋ ارەكەتىن‘ تىڭعىلىقتى ىلگەرىلەتىپ، بالالاردىڭ عىلىمعا اۋەسىن جانە جاڭالىق اشۋ قابىلەتىن كۇشەيتىپ، ولاردىڭ ’اۋەسىن ساۋلەلەندىرەمىز‘“.

  قارامايلى قالاسى عىلىم - تەحنيكا مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى گاۋ بين بىلاي دەدى: سوڭعى جىلدارى قارامايلى قالاسى ءىلىم ورتاسىن ساپالىلاندىرۋ جانە عىلمي زەرتتەۋدى باسقارۋ جونىندەگى اتقارۋ پىكىرى، عىلمي زەرتتەۋ قىزمەتكەرلەرىن جاڭالىق اشۋعا، شارۋاشىلىق قۇرۋعا ىنتالاندىرۋ جونىندەگى ءبىرقانشا شارا سياقتىلاردى ىركەس - تىركەس شىعارىپ، عىلىم - تەحنيكا قىزمەتكەرلەرىنىڭ قىزمەت ىنتاسىن بارىنشا جۇمىلدىردى. بۇدان كەيىن قارامايلى قالاسى عىلىم - تەحنيكا جەتىستىكتەرىن ۇشتاستىرۋ جينالىسىن وتكىزىپ، جاڭالىق اشۋ فاكتورلارىنىڭ كاسىپورىندارعا شوعىرلى توپتالۋىن ىلگەرىلەتىپ، ءوندىرىستىڭ، وقىتۋدىڭ، زەرتتەۋدىڭ تەرەڭدەي توعىسۋىن جەبەيدى.

  شينجياڭ مال شارۋاشىلىعى اكادەمياسى مال شارۋاشىلىعىن زەرتتەۋ ورنى وڭتۇستىك شينجياڭ بازاسىنىڭ تەحنيكالىق باس باقىلاۋشىسى ليۋ جياجيا حوتان ايماعىندا عىلىم - تەحنيكا ارقىلى كەدەيلەردى سۇيەمەلدەۋ قىزمەتىمەن اينالىسىپ كەلەدى. ول بىلاي دەدى: ”باس شۋجيدىڭ ءسوزى ءبىزدى تەرەڭ شابىتتاندىردى. ءبىز قاجەتتىلىكتى بەتالىس ەتۋدەن جازباي، قالىڭ حالىق بۇقاراسىنىڭ جانە سالانىڭ دامۋىنىڭ كوكەي تەستى قاجەتىن شىعار ءتۇيىن ەتىپ، عىلىم - تەحنيكا ارقىلى كەدەيلەردى سۇيەمەلدەۋ نىساندارىن دەن قويا اتقارىپ، كەدەيلىكتەن ارىلتۋدان قامال الۋ ىستەرى ءۇشىن ءتيىستى ۇلەسىمىزدى قوسامىز“.

  (ءتىلشى جىڭ جو، قاتىناسقان تىلشىلەر شيە حۇيبيان، ياڭ شۋحان، ەرىكتى ءتىلشى جاڭ ياڭ)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.