تيانشان تورى   ›   جاڭالىقتار   ›   ماڭىزدى حابارلار

جۇڭگو مەن شۆەتساريانىڭ، جۇڭگو مەن ليحتەنشتەيننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى بايلانىسىمەن شي جينپيڭ جەكە - جەكە شۆەتساريا فەدەراتسياسىنىڭ توراعاسىمەن، ليحتەنشتەيننىڭ وكىلدىك بيلىك جۇرگىزۋشى پاتشا مۇراگەرىمەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 14 - كۇنى شۆەتساريا فەدەراتسياسىنىڭ ءتوراعاسى سومارۋگامەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: شۆەتساريا جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان باتىستاعى ەلدەردىڭ ءبىرى. ديپلوماتيالىق قارىم - قاتىناس ورناتقان 70 جىلدان بەرى، ەكى ەلدىڭ قارىم - قاتىناسى باياندى دامىپ، ەكى جاق ”تەپە - تەڭ، جاڭالىق اشۋ، تەڭ يگىلىككە كەنەلۋ“ سىندى جۇڭگو - شۆەتساريا سەلبەستىك رۋحىن قول ۇستاسا جەتىلدىرىپ، تۇرلىشە قوعامدىق ءتۇزىمنىڭ، تۇرلىشە دامۋ ساتىسىنىڭ، تۇرلىشە ءىرى، شاعىن ەلدەردىڭ دوستىق سەلبەستىگىنىڭ ونەگەسى بولدى. جاڭا تيپتى ايدارشا ۆيرۋس وكپە قابىنۋ ىندەتىنە بىرگە قارسى اتتانۋ بارىسىندا ەكى جاق ءوزارا كومەكتەسىپ، ەكى ەل حالقىنىڭ دوستىق سۇيىسپەنشىلىگىن تەرەڭدەتتى. جۇڭگو - شۆەتساريا قارىم - قاتىناسىنىڭ دامۋىنا باسا ءمان بەرەمىن، فەدەراتسيا ءتوراعاسى سومارۋگامەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتىپ، جۇڭگو مەن شۆەتساريانىڭ جاڭالىق اشۋعا دەن قوياتىن ستراتەگيالىق سەرىكتەستىك قارىم - قاتىناسىنىڭ ۇزدىكسىز العا قاراي دامۋىن ىلگەرىلەتىپ، ەكى ەلدى جانە ەكى ەل حالقىن يگىلىككە كەنەلتۋدى قالايمىن. جۇڭگو - شۆەتساريا دوستىعىنىڭ ماڭگى ساقتالۋىن تىلەيمىن.

  سومارۋگا قۇتتىقتاۋ تەلەگرامماسىندا مىنالاردى ءبىلدىردى: شۆەتساريا مەن جۇڭگونىڭ بارىس - كەلىسى سوناۋ ارىدان جالعاسقان. 70 جىلدان بەرى، ەكى ەل باستان - اياق جاريا بولۋ جانە ءوزارا قۇرمەت ەتۋ پرينسيبى بويىنشا ەكى جاقتى قارىم - قاتىناستى دامىتتى. ەكى ەلدىڭ ۇزاق ۋاقىت قويۋ، دوستىق قارىم - قاتىناسىنىڭ ارقاسىندا، جاڭا تيپتى ايدارشا ۆيرۋس وكپە قابىنۋ ىندەتى الدىندا شۆەتساريا مەن جۇڭگو ەكى جاق قول ۇستاسا قيىن وتكەلدەن بىرگە وتە الدى. شۆەتساريا فەدەراتسيالىق ۇكىمەتى ەكى ەلدىڭ ەكى جاقتى قارىم - قاتىناستى جانە ءوزارا ءتۇسىنىسۋدى اناعۇرلىم تەرەڭدەتۋىن ىلگەرىلەتۋدى قالايدى.

  شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 14 - كۇنى ليحتەنشتەيننىڭ وكىلدىك بيلىك جۇرگىزۋشى پاتشا مۇراگەرى الويسپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ليحتەنشتەين ءبىر - بىرىنەن شالعايدا جاتقانىمەن، تاريحى، مادەنيەتى، دامۋ دەڭگەيى جانە مەملەكەت كولەمى ۇقساماعانىمەن، قاشىقتىق پەن پارىقتار ءوزارا دوستىق اۋىس - كۇيىس، سەلبەستىگىنە بوگەت بولا العان جوق. ديپلوماتيالىق قارىم - قاتىناس ورناتقان 70 جىلدان بەرى، جۇڭگو - ليحتەنشتەين دوستىعى ۋاقىتتىڭ وتۋىمەن جاڭارىپ، ءتۇرلى سالاداعى سەلبەستىك تاماشا دامۋ ارىنىن ساقتادى. جۇڭگو - ليحتەنشتەين قارىم - قاتىناسىنىڭ امالياتى ءىرى، شاعىن ەلدەر تۇگەل تەپە - تەڭ سىندى وسى ماڭىزدى حالىقارالىق قارىم - قاتىناس ۇستانىمىن اسا تاماشا ۇعىندىردى. جۇڭگو - ليحتەنشتەين قارىم - قاتىناسىنىڭ دامۋىنا باسا ءمان بەرەمىن، وكىلدىك بيىلىك جۇرگىزۋشى پاتشا مۇراگەرى الويسپەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن جاڭا باستاما ەتىپ، جۇڭگو - ليحتەنشتەين قارىم - قاتىناسىندا ۇزدىكسىز تىڭ ىلگەرىلەۋشىلىككە قول جەتكىزۋدى بىرگە ىلگەرىلەتىپ، ەكى ەلدى جانە ەكى ەل حالقىن يگىلىككە كەنەلتۋدى قالايمىن. جۇڭگو - ليحتەنشتەين دوستىعىنىڭ ۇرپاقتار بويى جالعاسۋىن تىلەيمىن.

  الويس قۇتتىقتاۋ تەلەگرامماسىندا مىنالاردى ءبىلدىردى: 70 جىلدان بەرى، ليحتەنشتەين - جۇڭگو قارىم - قاتىناسى ءۇرتىس العا قاراي دامىپ، ەكى جاق كوپتەگەن سالادا تاماشا سەلبەستىكتەر ورىستەتتى ءارى ءوزارا قولداۋ كورسەتتى. ليحتەنشتەين - جۇڭگو قارىم - قاتىناسىنىڭ تەرەڭدەي دامۋى ەكى ەل اراسىنداعى دوستىق سۇيىسپەنشىلىكتى ايگىلەدى، بۇل كەزەكتەگى سىن - سايىسقا تولى ءداۋىر ارتقى كورىنىسىندە توتەنشە قىمباتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.