شينجياڭ گازەتىنىڭ شولۋشىسى
شينجياڭ − جاقسى جەر، تيانشان الابىنىڭ كورىنىسى كوركەم. سارى كۇز 9 - اي، شينجياڭ ساياحاتىنىڭ قارقىندى قاداممەن جاندانۋىنا وراي، شار تاراپتان كەلگەن ساياحاتشىلار وسىناۋ توپىراقتىڭ تاماشا كوركى مەن بەرەكەلى تاتۋلىعىنا كۋا بولدى.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعان 6 جىلدان بەرى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تيانشان الابىنداعى تابىستى امالياتى شينجياڭنىڭ قوعامدىق كەلەلى جاعدايىنىڭ ۇزدىكسىز ورنىقتىلىعىن، ەكونوميكاسىنىڭ ورنىقتى، اقاۋسىز دامۋىن، بۇقارا تۇرمىسىنىڭ كورنەكتى جاقسارۋىن، ۇلتتاردىڭ ىنتىماقتى، جاراسىمدىلىعىن، دىندەردىڭ تاتۋلىعىن، ۇيلەسىمدىلىگىن، شەكارانىڭ بەكەم، تىنىش بولۋىن، پارتيا قۇرىلىسىنىڭ جاپپاي كۇشەيۋىن ىلگەرىلەتىپ، ءتۇرلى ىستەر ۇزدىكسىز العا باسىپ، وتانىمىزدىڭ باتىس بولىگىندەگى وسىناۋ بايتاق جەردە تاريحي وزگەرىستەر تۋىلدى.
تىڭ لەپ، سونى راي جول باستاۋشىنىڭ كۇش - قۋاتىنان كەلدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە بۇرىن بولماعان دەڭگەيدە ءمان بەرىپ، شينجياڭدى بۇرىن بولماعان دەڭگەيدە اسا زور سەرپىنمەن قولداپ، شينجياڭداعى ءار ۇلت كادر - بۇقاراسىنا بۇرىن بولماعان دەڭگەيدە كوڭىل ءبولىپ، قامقورلىق جاساپ، شينجياڭعا كومەكتەسىپ ۇزاقتان بەرى شەشۋدى ويعا العان، ءبىراق شەشىلمەي كەلە جاتقان ءبىرتالاي قيىن ماسەلەنى شەشىپ، بۇرىن ىستەۋدى ويعا العان، ءبىراق ىستەلمەي كەلگەن ءبىرتالاي ءىرى ىستەردى تىندىردى، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى جۇڭحۋا ۇلتىنىڭ ۇلى گۇلدەنۋى سىندى تاريحي بيىكتە تۇرىپ شينجياڭ قىزمەتىن جوبالاپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ بەلگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بايىتىپ جانە دامىتىپ، شينجياڭ قىزمەتىن ويداعىداي ىستەۋگە ايقىن العا باسۋ باعىتىن كورسەتىپ، ءتۇبىرلى بويسۇنۋ ولشەمىن ازىرلەدى.
تىڭ لەپ، سونى راي قاجىرلىلىق پەن جاۋاپكەرشىلىك ارقالاۋدان كەلدى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، اۆتونوميالى رايوندىق پارتكوم حالىقتىڭ ماڭىزدى تاپسىرماسىنىڭ ۇددەسىنەن شىعىپ، تاريحي بورىشتى جۇرەكتىلىكپەن ارقالاپ، بۇكىل رايونداعى ءار ۇلت كادر - بۇقاراسىن ىنتىماقتاستىرىپ، باستاپ، باس نىسانا تۋىن بيىك ۇستاپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، تەمىرگە تاپ، تاسقا تاڭبا قالدىراتىن ءبىرسىپىرا تىڭعىلىقتى شارالار حالىق بۇقاراسىنىڭ باقىت پەن تىنىشتىققا دەگەن ىنتىزارلىعىن جۇزەگە اسىرىپ، ەكونوميكانىڭ جوعارى ساپالى دامۋىن ىلگەرىلەتىپ، حالىق تۇرمىسىن شىنايى قامتاماسىز ەتىپ جانە جاقسارتىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەدى... بۇگىنگى شينجياڭدا جاعداي مەڭگەرىمدى، كەلەلى جاعداي ورنىقتى بولىپ، اۋقىم جاقسارۋدا، بۇكىل رايوندا ۇدايى 3 جىل 9 اي بويى زورلىقتى كۇش لاڭكەستىك دەلوسى تۋىلعان جوق، قىلمىستىق ىستەر دەلولارى، قوعام اماندىعىنا قاتىستى دەلولار، حاۋىپسىزدىككە قاتەر توندىرۋگە قاتىستى دەلولار، الەۋمەتتىك حاۋىپسىزدىككە قاتىستى وقيعالار زور مولشەردە ازايىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ايتارلىقتاي كۇشەيدى.
باعدار جولدى، جول تاعدىردى بەلگىلەيدى. جاڭا داۋىردەگى پارتيانىڭ شينجياڭدى جونگە سالۋ جالپى جوباسى − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، شينجياڭ قىزمەتىن شىتىرمان، كۇردەلى ورتادا تۋراشىلدىقتان تايماي، جاڭالىق اشۋعا، قايشىلىق پەن حاۋىپ - قاتەر ىشىندە جەڭىسپەن العا باسۋعا جەتەكتەيتىن قۋاتتى يدەيالىق قارۋ، تيانشان الابىندا تاريحي وزگەرىس تۋىلۋدى ىلگەرىلەتەتىن مىعىم كۇش.
جاڭا داۋىردەگى پارتيانىڭ شينجياڭدى جونگە سالۋ جالپى جوباسى تيانشان الابىنداعى تابىستى امالياتى بىزگە مىناداي تەرەڭ وي سالدى: ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن مىزعىماس تاباندىلىقپەن ويداعىداي دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن ويداعىداي دايەكتىلەندىرسەك، تياناقتاندىرساق، شينجياڭ قىزمەتىنىڭ باعدارى ايقىن، جولى تۋرا، ناتيجەسى جاقسى بولىپ، قوعام ورنىقتىلىعى مەن باياندى تىنىشتىق، ءسوز جوق، جۇزەگە اسىپ، شينجياڭ، ءسوز جوق، نۇر - شۇعىلالى بولاشاققا يە بولادى.
بۇگىنگى شينجياڭ دالاسىنا كوز سالساق، جۇرت جۇرەگى ورنىعىپ، كوڭىلى جايلانىپ، جەتكىلىكتى بىرىككەن كۇش قالىپتاسقانىن كورەمىز، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاۋ سىندى تاماشا كورىنىس بۇكىل رايونداعى ءار ۇلت كادر - بۇقاراسىن ەڭ سوڭعى كەدەيلىك قامالىن الۋعا ايبىندى اتوي سالۋعا ىنتالاندىرۋدا.ءدال وسى ساتتە، تولقىن جارىپ ەرلىكپەن العا ىلگەرىلەگەن 2020 - جىلدان تەك 100 نەشە كۇن عانا قالدى. ”قوس 100 جىلدىق“ كۇرەس نىساناسىنىڭ تاريحي توعىسىندا، ”13 - بەسجىلدىق“ اياقتالار، ”14 - بەسجىلدىق“ باستالار شەشۋشى ساتتە تۇرعان ءبىزدى سوتسياليستىك وسىزاماندانعان قۇدىرەتتى مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ايبىندى جورىعى شاقىرۋدا. بۇل جۇرەكتى تەبىرەنتەرلىك ءسات، سونداي - اق ۇمىتكە تولى ساپاردىڭ باستالۋى، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بوران - شاشىنعا بوگەلمەي العا باسساق بولعانى، ءسوز جوق، بارلىق قيىندىق پەن سىن - سايىستى جەڭىپ شىعاتىن قۋاتتى كۇش ۇيىستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازىپ شىعا الامىز.
