تيانشان تورى   ›   ۇيرەنۋ   ›   شولۋ

باياندى تىنىشتىققا ارشىندى قادام تاستادى

   【بەتاشار】

  6 جىلدىڭ الدىندا ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى بەيجيڭدە اشىلدى، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق جانە جالپى جاعداي تۇرعىسىنان شينجياڭنىڭ بولاشاعىن جوسپارلاپ، قوعام ورنىقتىلىعى مەن باياندى تىنىشتىقتى − شينجياڭ قىزمەتىنىڭ باس نىساناسى ەتىپ تۇراقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بايىتتى جانە دامىتتى. 6 جىلدان بەرى، تيانشان ۇلاندارى باس شۋجيدىڭ ىقىلاستى تاپسىرماسىن ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن مىزعىماس تاباندىلدىقپەن ناقتاپ تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭنىڭ بايتاق دالاسىندا تياناقتانىپ، تامىر تارتۋىن ىلگەرىلەتتى. بۇگىننەن باستاپ، شينجياڭ گازەتى ”تيانشان الابىنىڭ تاماشا كەلبەتى“ اتتى ارناۋلى ايدار اشىپ، شينجياڭنىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، قوعام ورنىقتىلىعى، ەكونوميكانىڭ دامۋى، حالىق تۇرمىسىنىڭ جاقسارۋى، ۇلتتار ىنتىماعى، كەدەيلىكتەن ارىلتۋدان قامال الۋ، ەكولوگيانى قورعاۋ، پارتيا قۇرىلىسى سياقتى جاقتاردا تۋىلعان تاريحي وزگەرىستەردى، قول جەتكىزگەن تاريحي تابىستاردى جاندى بەينەلەپ بەرەدى.

 − جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتى جونىندەگى جالپى شولۋ (1)

شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ

 9 - ايدىڭ 12 - كۇنى قاشقار بايىرعى قالا كورىنىس ءوڭىرى قالاعا كىرۋ سالتىن وتكىزىپ، شار تاراپتان كەلگەن ساياحاتشىلاردى تاماشالاۋعا ىستىق ىقىلاسپەن قارسى الدى.  سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى وتكىر نيجات تۇسىرگەن

  ”شينجياڭ ويلاعانىمىزدان الدەقايدا كوركەم ەكەن، ’شينجياڭ جاقسى جەر‘ دەگەن ءسوز بەكەر ايتىلماپتى!“ 9 - ايدىڭ 5 - كۇنى تۇستەن بۇرىن سىچۋاننىڭ ميانياڭىنان كەلگەن ساياحاتشى ليۋ رۇڭ بوعدا كولىنىڭ كۇزگى كورىنىسىنەن ءلاززاتتانا تۇرىپ، اۋىز جاپپاي القادى.

  ساياحاتشىنىڭ كوز الدىنداعىداي، كۇز قۇشاعىندا جاتقان، قۇلپىرعان ”مىڭ شاقىرىمدىق شينجياڭ تاۋلارى كارتاسى“ كوز الدىمىزعا تارتىلدى؛ شەكارا وتكەلىندە جۇڭگو - ەۆروپا كەزەكشى پويەزدارى زىمىرايدى؛ نان كاسىپ باقشاسىندا كىشكەنە توقاشتار كىرىستى ارتتىرىپ، بايۋ جولىنا ءتۇسۋدىڭ ءۇمىتىن ارقالاتتى؛ قوس ءتىلدى بالا باقشالاردا بالالاردىڭ شاتتىق كۇلكىسى ەستى؛ كەدەيلەردى سۇيەمەلدەۋ سەحىندا كەدەي بۇقارا كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ ەڭ سوڭعى كومبەسىنە قاراي اتوي سالدى...

  ۋاقىت مەيىرگە تولى ەستەمەلەردى كۇنى كەشە بولعانداي - اق ءۇنسىز ەستەلىككە الدى: 6 جىلدىڭ الدىنداعى شۇعىلالى جاز مەزگىلىندە ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلدى. شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق جانە جالپى جاعداي تۇرعىسىنان شينجياڭنىڭ بولاشاعىن جوسپارلاپ، قوعام ورنىقتىلىعى مەن باياندى تىنىشتىقتى − شينجياڭ قىزمەتىنىڭ باس نىساناسى ەتىپ تۇراقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بايىتتى جانە دامىتتى.

  ۋاقىت كۇتىپ تۇرمايدى، تەك اۋەلگى ماقسات، بورىش ماڭگىلىك وزگەرمەيدى: شەكسىز كۇز كورىنىسى ىشىندە، ءبىز شايقاس جاساۋدىڭ ىزدەرىنە قايىرىلا كوز تاستاساق، ءونىمنىڭ ءتاتتى ءدامىن تاتامىز. شينجياڭداعى ءار ۇلت كادرلارى مەن بۇقاراسى باس شۋجيدىڭ مەيىرىمىنە العىس ايتىپ، باس شۋجيدىڭ ىقىلاستى تاپسىرماسىن ەستە بەرىپ ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، پارتيا ورتالىق كوميتەتى كورسەتىپ بەرگەن عىلمي جولدى بويلاپ، كەدەرگىلەردى الاستاپ، باتىلدىقپەن ۇدەرە العا تارتتى.

  بۇگىنگى شينجياڭعا نازار سالساڭىز، قوعام ورنىقتىلىعى كەمەسى تولقىن جارىپ، ورنىقتى تۇردە الىسقا بەتتەپ، باياندى تىنىشتىقتىڭ جەلكەنى جەلمەن بيىك جەلبىرەپ، ايبىندى جىرمەن العا ىلگەرىلەپ بارادى.

 باس نىسانانىڭ تۋىن اسقاق جەلبىرەتتى

  2014 - جىلدان بەرى، بۇكىل رايوننىڭ جەرگىلىكتى ءوندىرىس جالپى ءونىم قۇنى جىل سايىن %7.7 ارتىپ، 2017 - جىلى ءبىر تريلليون يۋاننان اسىپ، 2019 - جىلى ءبىر تريلليون 359 ميلليارد 700 ميلليون يۋانعا جەتتى؛ ساياحات بازارى قاۋىرت گۇلدەنىپ، 2014 - جىلى بۇكىل شينجياڭ بويىنشا قابىلداعان ساياحاتشىلاردىڭ 50 ميلليون ادام - رەتكە جەتپەۋدەن، 2019 - جىلى 200 ميلليون ادام - رەتتەن استى...

  تاريحتى ۇنەمى ەسكە ءتۇسىرىپ وتىرۋ كەرەك، سوندا عانا ونى انىق كورە الامىز. مۇنداي جارقىن ەكونوميكالىق، قوعامدىق دامۋدىڭ ناتيجەسىنىڭ استارىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندە تەرەڭ تولعانىسى جاتىر.

  ەجەلدەن بەرى شەكارا ءوڭىر ورنىقتى بولسا، مەملەكەت تىنىش بولعان؛ شەكارا ءوڭىر بىلىقسا، مەملەكەتتىڭ تىنىش بولۋى قيىنعا تۇسكەن. شينجياڭ جاعدايى بۇكىل ەلدىڭ رەفورما، دامۋ، ورنىقتىلىق كەلەلى جاعدايىنا سايادى، وتاننىڭ تۇتاستىعىنا، ۇلتتاردىڭ ىنتىماعىنا، مەملەكەتتىڭ حاۋىپسىزدىگىنە سايادى، ”قوس 100 جىلدىق“ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا سايادى.

  قىرپۋلى قادام، وزگەشە جول.

  ”شينجياڭ قىزمەتىن جاقسى ىستەۋ − تۇتاس پارتيانىڭ، بۇكىل ەلدىڭ ءىرى ءىسى، ءسوز جوق، ستراتەگيالىق جالپى جاعداي تۇرعىسىنان ۇزاق بولاشاقتىق جوبا - جوسپار جاساۋ، نەگىزدى بەكەمدەۋ شارالارىن اتقارۋ، باياندى تىنىشتىق اۋقىمىن ساقتاۋ، باياندى جونگە سالۋ كەرەك“. ”قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ باس نىساناسى“. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭنىڭ جاعدايىنا جانە بۇكىل ەلدىڭ كەلەلى جاعدايىنا نەگىزدەلىپ، ماڭىزدى ستراتەگيالىق تۇجىرىم جاساپ، شينجياڭنىڭ جاڭا تاريحي دەڭگەيىن بەلگىلەدى. باس نىسانانىڭ العا قويىلۋى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ونان ارى بايىتىپ جانە كەمەلدەندىرىپ، شينجياڭ قىزمەتىن جاقسى ىستەۋگە العا باسۋ بەتالىسىن ايقىنداپ، ءتۇبىرلى بويسۇنۋ ولشەمىن ازىرلەدى.

  نىسانا بەينە ماياك سياقتى ساپارعا باستادى. سونىمەن، قۇلاشىن كەڭ جايعان ۇلى اماليات ىسكە كىرىسىپ، ورنىقتىلىقتىڭ، دامۋدىڭ ”ۇلكەن شاحمات تاقتاسى“ وتانىمىزدىڭ باتىس سولتۇستىك الابىندا جايىلدى.

  باس شۋجيدىڭ ىقىلاستى تاپسىرماسىن ەستە بەرىك ساقتاپ، 6 جىلدان بەرى، شينجياڭداعى ءار ۇلت كادرلارى مەن بۇقاراسى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ءبىر قىدىرۋ ءونىمدى شارالاردى قولدانىپ، ەلەۋلى كەزەڭدىك ونىمدىلىكتەرگە قول جەتكىزىپ، قوعامدىق كەلەلى جاعدايدىڭ ۇزدىكسىز ورنىقتى بولۋىن، ەكونوميكانىڭ ورنىقتى، اقاۋسىز دامۋىن، بۇقارا تۇرمىسىنىڭ كورنەكتى جاقسارۋىن، ۇلتتاردىڭ ىنتىماقتى، جاراسىمدىلىعىن، دىندەردىڭ تاتۋلىعىن، ۇيلەسىمدىلىگىن، ەكولوگيالىق ورتانىڭ جاقسى بولۋىن، شەكارانىڭ بەكەم، تىنىش بولۋىن، پارتيا قۇرىلىسىنىڭ جاپپاي كۇشەيۋىن ىسكە اسىرىپ، ءتۇرلى ىستەر ۇزدىكسىز العا باستى.

  جاڭا داۋىردەگى پارتيانىڭ شينجياڭدى جونگە سالۋ جالپى جوباسى − شينجياڭ قىزمەتىن جاقسى ىستەۋدىڭ كومپاسى، رولى، تەڭگەرگىشى، شينجياڭ قىزمەتىن شىتىرمان ىشىندە تۋراشىلدىقتان تايماي جاڭالىق اشۋعا، قايشىلىق، حاۋىپ ىشىندە جەڭىسپەن العا تارتۋعا جەتەكتەيتىن قۋاتتى ساياسي قارۋ. وسى بىرنەشە جىلدان بەرى، زورلىقتى كۇش لاڭكەستىك دەلولار كوپ، ءجيى تۋىلۋدان قوعام ۇزدىكسىز جاراسىمدى، ورنىقتى بولۋعا بەت الۋى شينجياڭنىڭ ەڭ زور، ەڭ ءتۇبىرلى وزگەرىسى بولدى. بۇگىنگى كۇنى شينجياڭنىڭ جاعدايى ۇزدىكسىز جاقساردى، بۇكىل رايوندا ءۇرتىس 3 جىل 9 اي بويى زورلىقتى كۇش لاڭكەستىك دەلولارى تۋىلمادى، قىلمىستىق ىستەر دەلولارى، قوعام اماندىعىنا قاتىستى دەلولار، حاۋىپسىزدىككە قاتەر توندىرۋگە قاتىستى دەلولار، الەۋمەتتىك حاۋىپسىزدىككە قاتىستى وقيعالارى زور مولشەردە ازايىپ، ءار ۇلت بۇقاراسىنىڭ حاۋىپسىزدىك سەزىمى كورنەكتى كۇشەيىپ، قوعام ورنىقتىلىعى مەن باياندى تىنىشتىق جونىندەگى سەنىمدەرى كورنەكتى نىعايدى.

  جۇرت كوڭىلى ورنىعىپ، تىنىسى كەڭەيىپ، بىرىككەن كۇش جەتكىلىكتى بولدى! تيانشان الابىندا ءبىر نيەتپەن ىنتىماقتاسىپ، شينجياڭدى كوركەيتۋ تىلەگى سونشاما كۇشتى بولدى؛ زەيىن - زەردەنى، كۇش - قۋاتتى ۇيىستىرىپ، وتان ارمانىن بىرگە ورىنداۋ اسقاق سەزىمى سونشاما ارىندى بولدى!

 قوعام ورنىقتىلىعىن قورعاۋدىڭ قۇرىش قامالىن سوقتى

  ”كوركەمدىگىمەن كىسىنى تاڭ قالدىرعان قاناس كولى، تىپ - تىنىش مۇلگىگەن اققايىڭ... شينجياڭنىڭ كوركەمدىگىن قالاي عانا ەلىكتەپ جاساۋعا بولادى“. 9 - ايدىڭ 12 - كۇنى تۇستەن كەيىن ۇرىمجىدەن قاناسقا جەتكەن حۋناندىق ساياحاتشى ۋاڭ يۇيشيا ”اسەم كارتينالار“ اتتى البومىنا ”شينجياڭ حاۋىپسىز بە، جوق پا دەپ سۇراي بەرمە، سۋرەتتەردەگى كۇلىمسىرەگەن بەينەلەردى كورسەڭىز ءوزىڭىز - اق بىلەسىز“ دەپ جازدى.

  بۇل كەزدە، ءۇرىمجى شينجياڭ حالىقارالىق ۇلكەن بازارداعى حالىققا قولايلى ساقشى پۋنكتىندە، پۋنكت باستىعى يىن شينشيڭ قاراستى اۋماقتىڭ اماندىق احۋالىن شارلاپ تەكسەرىپ ءجۇردى. 2018 - جىلى 8 - ايدىڭ 15 - كۇنى ۇلكەن بازار جاياۋلار كوشەسى اشىلعاننان بەرى، كۇنىنە 100 مىڭ ادام - رەت مولشەرىندە ساياحاتشى قابىلداپ، مەرەكە - دەمالىس كۇندەرى 200 مىڭ ادام - رەتتەن استى، قاراستى اۋماقتا قىلمىستىق ىستەر جانە قوعام اماندىعىنا قاتىستى دەلولارى تۋىلمادى.

  ”سىرتتان كەلگەن ءبىر تالاي ساياحاتشى شينجياڭنىڭ قوعام اماندىعىن باسقارۋى تىڭعىلىقتى، قوعامدىق ورتا حاۋىپسىز، ورنىقتىلىق جاعدايى كوڭىل كونشىتەدى ەكەن دەيدى. ءار جولى وسىنداي سوزدەردى ەستىگەن سايىن، شينجياڭدىق بولعان مەن ەرەكشە قۋانامىن“، - دەيدى يىن شينشيڭ جۇزىنە كۇلكى ءۇيىرىلىپ.

  ورنىقتىلىقتى قورعاۋ − دانىشپان شەشىم، جۇرت قالاۋى.

  اۆتونوميالى رايوندىق پارتكوم ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا ماڭىزدى ساياسي جاۋاپكەرشىلىك ەتۋگە تاباندى بولىپ، نازاردى باس نىساناعا شوعىرلاندىرىپ، شينجياڭدى زاڭمەن جونگە سالۋعا تاباندى بولىپ، تۇبىرىنەن وڭاۋ مەن ۇستىنەن وڭاۋدى قاتار يگەرىپ، كەشەندى شارا اتقارىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ قۇرىش قورعانىن سوقتى.

  جويقىن كۇش جاڭا ورىسكە جول اشىپ، شىعىس جەلى سەلكەۋ بۇلتتى سەيىلتتى. قاتاڭ دا كۇردەلى كۇرەس جاعدايى الدىندا، رايونىمىز پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرلەسە قيمىلداۋعا تاباندى بولىپ، قاتاڭ سوققى بەرۋدىڭ تەگەۋرىندى كۇيىن بوساڭسىتپاي ساقتاپ، زاڭ قارۋىنان پايدالانىپ كۇرەس جۇرگىزۋگە، قىلمىسقا سوققى بەرۋگە تاباندى بولىپ، زورلىقتى كۇش لاڭكەستىك دەلولار كوپ تۋىلۋ، ءجيى تۋىلۋ بەتالىسىن وڭالتتى؛ قوعامدىق جاقتاعى ساقتانۋ - تىزگىندەۋدى جالپى بەتتىك كۇشەيتىپ، ورنىقتىلىقتى قورعاۋدىڭ شاشاۋسىز تورىن قۇردى؛ شەكارا ءوڭىردى باسقارۋ - مەڭگەرۋدى كۇشەيتىپ، شەكارا حالقى شەكارا ءوڭىردى باسقارۋ، شەكارانى قورعاۋ ءتۇزىمىن كەمەلدەندىرىپ، شەكارا ءوڭىردى ورنىقتىلىقتى قورعاۋدىڭ مىزعىماس بەرىك قورعانىس شەبىنە اينالدىردى؛ ورنىقتىلىقتى قورعاۋدى ۇدايىلاندىرۋ مەحانيزمىن اقاۋسىزداندىرىپ، كەمەلدەندىرىپ، ”2 القا“ قىزمەت مەحانيزمىن ورناتىپ، ورنىقتىلىقتى قورعاۋدى بوساڭسىتپاي، ەكونوميكالىق دامۋدى توقتاتپادى.

  ”كەسىر - كەساپاتتى جويۋعا شەبەر كىسى ونىڭ ءتۇپ قاينارىن تابا الادى، اۋرۋدى جازۋعا شەبەر ادام اۋرۋدىڭ سەبەبىن ءبىلىپ ءتۇبىن ۇزە الادى. يدەولوگيانى مىقتى ۇستاپ، يدەولوگيا سالاسىنداعى بولشەكتەۋشىلىككە قارسى كۇرەستى ىشكەرىلەي ورىستەتتى؛ ۇشقارىلىقتى الاستاۋ تاربيەسىن جۇرگىزىپ، ۇشقارى يدەيامەن جۇعىمدالعان تالاي - تالاي ادامدى قۇتقارىپ قالدى.

  حالىققا تيىمدىلىك جاساۋعا مەيىر توگىپ، حالىقتىڭ ىرىس - قۇتىن مولايتىپ، زەيىن - زەردەنى، كۇش - قۋاتتى ۇيىستىرىپ ىنتىماقتى جەبەدى. ءبىر جاعىنان، زورلىقتى كۇش لاڭكەستىك ەلەمەنتتەرگە زاڭ بويىنشا سوققى بەرىپ، ەندى ءبىر جاعىنان، ەڭ جوعارى شەكتە جۇرت تىلەگىن توعىستىرىپ، جۇمىستانۋ، وقۋ - اعارتۋ، ەمدەۋ، قوعامدىق قامتاماسىزداندىرۋ، بەيقۇت ءۇي سياقتى حالىققا ءتيىمدى ينجەنەريالار بۇقاراعا كەتپەس باقىت اكەلدى.

  ...

  تۇبىرىنەن وڭايتىن ءبىرسىپىرا ءونىمدى شارا قوعامدىق كەلەلى جاعدايدىڭ ۇزدىكسىز ورنىقتىلىعىنا شىنايى كەپىلدىك ەتىپ، شينجياڭنىڭ باياندى تىنىشتىعىنا ىقپال جەتكىزەتىن تەرەڭ قاتپارلى ماسەلەلەردى ءۇزىلدى - كەسىلدى شەشۋ ءۇشىن ۋاقىتتان ۇتىپ، ىرىقتىلىق اپەردى.

 ورنىقتىلىقتىڭ پايداسى ۇزدىكسىز جارىققا شىقتى

  9 - ايدىڭ 13 - كۇنى ءۇرىمجى ەكونوميكالىق - تەحنيكالىق اشۋ رايونىندا (توۋتۇنحى رايونى)، الەمدىك بىرەگەي 500 كاسىپورىننىڭ ءبىرى جىڭۋي حالىقارالىق توبى شينجياڭ جاڭا ماتەريال كاسىپ باقشاسىندا، 100 مىڭ توننالىق جوعارى دالدىكتەگى مىس سىم ءوندىرىس جەلىسى ءتارتىپتى جۇمىس جۇرگىزىپ، جوعارى دالدىكتەگى مىس سىم ونىمدەرى ءوندىرىس جەلىسىنەن تولاسسىز شىعىپ جاتتى. زەرتتەپ اشىلعان وزەكتى تەحنيكاعا يە بۇل نىسان ءونىمىنىڭ قاسيەتى حالىقارانىڭ ماڭداي الدى دەڭگەيىندە، ول جەرگىلىكتى ورىن مەن كورشى بازارلاردى قامداۋدان سىرت، ”ءبىر بەلدەۋ، ءبىر جول“ بويىنداعى ەلدەر مەن رايوندارعا ەكسپورتتالۋدا.

  بۇگىنگى تاڭدا، جىڭۋي توبىنىڭ القالار باسقارماسىنىڭ ءتوراعاسى ۋاڭ ۋىنيىن اتالعان نىساننىڭ تامىر تارتىپ، گۇل اشىپ جەمىس بەرگەنگە دەيىنگى بارىسىن ەسكە العاندا، ءالى دە تەبىرەنىسىن باسا المايدى: ”ساراپتاۋ - تەكسەرۋدەن بىلتىر 11 - ايدىڭ 26 - كۇنى باقشا اشىلىپ، وندىرىسكە قوسىلعانعا دەيىن، نەبارى ءبىر جىل عانا ۋاقىت جۇمسالدى! ءبىز شينجياڭنان ۇلكەن ءۇمىت كۇتەمىز!“

  ۋاڭ ۋىنيىن رەسمي سەلبەستىك ورناتۋدان بۇرىن كوڭىلىندە 3 سۇراق بولعانىن جاسىرمايدى: ءۇرىمجى حاۋىپسىز بە؟ بۇل جەردىڭ شارۋاشىلىق - ساۋدا ورتاسى قانداي؟ قارجى قوسىپ، شارۋاشىلىقتى وركەندەتۋگە ۇيلەسە مە، جوق پا؟ وسىندا كەلگەن سوڭ بۇل سۇراقتارعا لەپ بەلگىسىمەن جاۋاپ بەرىلدى، ”شينجياڭنىڭ ورنىقتىلىق پايداسى ۇزدىكسىز جارىققا شىعۋدا،’ءبىر بەلدەۋ، ءبىر جول‘ ورايى تاعى بار، ءبىزدىڭ مۇندا كەلمەۋىمىزگە سەبەپ جوق!“

  6 جىلدان بەرى، اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعامدىق كەلەلى جاعدايدىڭ باياندى ورنىقتىلىعىن ساقتاپ، رەفورما مەن دامۋ ءۇشىن تاماشا ورتا ازىرلەدى. ورنىقتىلىقتىڭ پايداسى ۇزدىكسىز جارىققا شىعىپ، ەكونوميكالىق، قوعامدىق دامۋدى پارمەندى جەبەپ، ءار ۇلت حالقى تىنىش ءومىر، شات - شادىمان تىرشىلىك كەشىپ، تابىس سەزىمى، باقىت سەزىمى، حاۋىپسىزدىك سەزىمى ايتارلىقتاي كۇشەيدى. ورنىقتىلىق اكەلگەن ”كوبەيتكىش اسەرى“ ەكونوميكالىق، قوعامدىق دامۋدىڭ ءار جاعىنا تەرەڭ ىقپال جاساپ، شينجياڭنىڭ بولاشاق دامۋىنا كۇشتى قوزعاۋشى قۋات ۇستەۋدە.

  − پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، الەۋمەت ات سالىساتىن، زاڭمەن قامتاماسىز ەتىلەتىن قوعامدىق جونگە سالۋ ءتۇزىلىسى ۇزدىكسىز كەمەلدەنىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ اۋقىمى ”جۇڭگونىڭ جونگە سالۋىن“ شينجياڭدا جاندى ايگىلەدى.

  − شارۋاشىلىق - ساۋدا ورتاسىن ساپالىلاندىرۋدى، بازار تۇلعالارىنىڭ ومىرشەڭدىگىن قاۋلاتۋدى ماقسات ەتكەن رەفورما شارالارى ىشكەرىلەي ىلگەرىلەپ، شينجياڭ قارجى قوسىپ، شارۋاشىلىق وركەندەتۋدىڭ جەر ۇيىعىنا بارعان سايىن اينالىپ كەلەدى.

  − ءار ۇلت كادرلارى مەن بۇقاراسى جۇڭحۋا ۇلتى ورتاق تۇلعا تانىمىن بەكەمدەپ، ”ءۇشتىڭ ءبىر - بىرىنەن ايرىلا الماۋ“ يدەياسىن بەرىك ورناتىپ، ”بەستى شىنايى مويىنداۋدى“ كۇشەيتىپ، باس شۋجي كورسەتكەن باعىتتى بويلاپ، ءبىر نيەتپەن ىنتىماقتاسىپ، ەرلىكپەن العا باسۋدا.

  كونە مەن جاڭا ءبىرىن - ءبىرى جەبەپ، شەبەر قولدان شىققان تاڭعاجايىپ سۋرەتتەي كەرەمەت كارتينا كەسكىندەۋدە. بولاشاققا بەت العاندا، 25 ميلليون تيانشان ۇل - قىزدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مىزعىماس تاباندىلىقپەن دايەكتىلەندىرىپ، تياناقتاندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشەتىن جۇڭگوشا سوتسياليستىك شينجياڭ قۇرىپ شىعۋ ءۇشىن تىڭ ۇلەس قوسادى!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.