ورتالىق كوميتەت كەڭسەسى «پىكىردى» باسىپ تاراتتى
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن بەكەمدەيىك، تەرەڭدەتەيىك
شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەت كەڭسەسى «”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن بەكەمدەۋ، تەرەڭدەتۋ جونىندەگى پىكىردى» باسىپ تاراتتى ءارى حابارلاندىرۋ جاريالاپ جەر - جەردەن، تاراۋلاردان ءىس جۇزىندىك جاعدايعا بايلانىستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار العا قويىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋعا تاباندى بولىپ، ءتۇپ نۇسقانى مۇقيات وقۋعا، اۋەلگى ءماتىندى ۇيرەنۋگە، قاعيداسىن تۇسىنۋگە تاباندى بولىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا ۇزدىكسىز كۇش سالىپ، بۇكىل پارتيانىڭ قاشاندا بىرلىككە كەلگەن يدەيانى، بەرىك جىگەردى، سايكەستى ارەكەتتى، كۇشتى جاۋىنگەرلىك قۋاتتى ساقتاۋىنا مۇمكىندىك جاساۋ كەرەك.
مۇرات - سەنىم تاربيەسى مەن پارتيالىلىق تاربيەنى كۇشەيتىپ، شوعىرلى باۋلۋ مەن كۇندەلىكتى تاربيەنى ءوزارا ۇشتاستىرۋعا، ۇيىمدىق تاربيە مەن جەكەنىڭ ءوزىن - ءوزى جەتىلدىرۋمەن ءوزارا ۇشتاستىرۋعا تاباندى بولىپ، پارتيا مۇشەلەرىن، كادرلاردى سەنىم نەگىزىن بەكەمدەۋگە، رۋحاني كالتسيدى تولىقتاۋعا، يدەيا تىزگىنىن مىقتاپ ۇستاۋعا جەتەكتەۋ كەرەك. جاقىن ماڭداعى قىزىل بايلىق، پارتيالىلىق تاربيە بازاسى سياقتىلاردان يكەمدى پايدالانىپ، توڭكەرىستىك ءداستۇر تاربيەسىن ورىستەتىپ، پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى ارناۋلى تاقىرىپتىق تاربيەسىن ورىستەتىپ، پارتيا مۇشەلەرىنە، كادرلارعا پارتيا قۇرىلعاننان بەرگى ەلەۋلى وقيعالاردى، ماڭىزدى ماجىلىستەردى، ماڭىزدى حۇجاتتاردى، ماڭىزدى قايراتكەرلەردى ۇيرەتىپ، ءتۇسىندىرىپ، پارتيانىڭ داڭقتى ءداستۇرىن، قىمباتتى تاجىريبەلەرىن جانە ۇلى تابىستارىن ءتۇسىندىرىپ، تاريحتى ءبىلىپ، پارتيانى ءسۇيۋدى، تاريحتى ءبىلىپ، مەملەكەتتى ءسۇيۋدى ورىنداۋ كەرەك.
ۇنەمىلىك ساياسي تەكسەرۋدى ورىستەتۋ كەرەك. ءوز - وزىنە توڭكەرىس جاساۋ رۋحىن اسقاقتاتىپ، سىن جانە ءوز - وزىنە سىن سىندى وتكىر قارۋدان تولىق، ويداعىداي پايدالانىپ، اۋەلگى ماقساتقا، بورىشقا قايشى ءتۇرلى ماسەلەلەردى قاداعالاپ، رەتتەپ، تۇزەتىپ، پارتيانىڭ العاباسارلىعى مەن كىرشىكسىزدىگىن ماڭگى ساقتاۋ كەرەك.
پارتيا مۇشەلەرىنىڭ، كادرلاردىڭ مىندەتىن اتقارىپ، جاۋاپكەرشىلىگىن ادا ەتۋىن، جاۋاپكەرشىلىك ارقالاپ، ءىس تىندىرۋىن ىلگەرىلەتىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋ كەرەك. ەلەۋلى، توسىن وقيعالار باسشىلىق القاسىنىڭ توتەنشە جاعدايعا توتەپ بەرىپ، ءبىر جايلى ەتۋ مەحانيزمىن جانە پارتيا مۇشەلەرىنىڭ، كادرلاردىڭ توتەنشە جاعدايعا توتەپ بەرۋ بويىنشا اتتانىسقا كەلۋدە رول ساۋلەلەندىرۋ مەحانيزمىن اقاۋسىزداندىرۋ، كادرلاردىڭ جاۋاپكەرشىلىك ارقالاپ، ءىس تىندىرۋىن شابىتتاندىرۋ جانە قورعاۋ مەحانيزمىن اقاۋسىزداندىرۋ، كادرلاردىڭ جاۋاپكەرشىلىك ارقالاپ، ءىس تىندىرۋ جاعدايىن شارلاۋعا، تەكسەرۋگە بايلانىستىرىپ، ادام تاڭداۋ، ادام ىستەتۋ ارناۋلى تەكسەرۋىن ورىستەتۋدىڭ ماڭىزدى مازمۇنى ەتۋ كەرەك. ماسەلەلەرگە بەتپە - بەت كەلۋگە، قايشىلىقتارعا سوعۋعا باتىلدىق ەتپەيتىن، قىزمەتىندە ۇزاق ۋاقىت ءماندى ىلگەرىلەۋشىلىك بولماعان، بۇقارانىڭ اڭىسى كۇشتى بولعان ماسەلەلەر ۇزاق ۋاقىت شەشىم تاپپاعان باسشىلىق القالارىنىڭ، ۇكىمەت ىسىندە توعىشارلىق، بويكۇيەزدىك، سالعىرتتىق ىستەگەن باسشى كادرلاردىڭ، بۇقارانىڭ قيىنشىلىعىن شەشۋدە ”باس تارتقان، كەشىكتىرگەن، جاڭعالاقتىق ىستەگەن“ پارتيا مۇشەلەرىنىڭ، كادرلاردىڭ جاۋاپكەرشىلىگىن ەرەجە، ءتارتىپ، زاڭ بويىنشا قۋزاستىرۋ كەرەك.
نازاردى ءتۇيىندى، قيىن ماسەلەلەردى شەشىپ، تەكسەرۋ - زەرتتەۋدى كۇشەيتۋگە شوعىرلاندىرىپ، تەكسەرۋ - زەرتتەۋ اۋقىمىن قالىپتاستىرىپ، تەكسەرۋ - زەرتتەۋدى قىزمەتتى جوبالاۋدىڭ، شەشىم جاساۋدىڭ جانە اتقارۋدىڭ جالپى بارىسىنا ءسىڭىرۋ، ماسەلەلەردى بايقاۋدىڭ جانە شەشۋدىڭ، پارتيا مەن بۇقارانىڭ، كادر مەن بۇقارانىڭ قارىم - قاتىناسىن قويۋلاستىرۋدىڭ جالپى بارىسىنا ءسىڭىرۋ كەرەك. تەكسەرۋ - زەرتتەۋ ستيلىن وزگەرتىپ، توپتالىپ تەكسەرۋ - زەرتتەۋ جۇرگىزۋدەن، كوز بوياپ تەكسەرۋ - زەرتتەۋ جۇرگىزۋدەن ساقتانۋ، نەگىزگى ساتىنىڭ اۋىرتپالىعىن ارتتىرماۋ كەرەك.
تاباندىلىقپەن بۇقارا ءۇشىن ناقتى ءىس ىستەۋ، جاقسى ءىس ىستەۋ، قيىنشىلىقتاردى شەشۋ، ولكەلىك، قالالىق، اۋداندىق پارتيا، ۇكىمەت باسشىلىق القاسى نازاردى حالىق بۇقاراسىنىڭ ەڭ شۇعىل، ەڭ ۋايىمدايتىن، ەڭ ارماندايتىن ماسەلەلەرىن شەشۋگە شوعىرلاندىرىپ، جىلدىق حالىق تۇرمىسى ناقتى ىستەر جوسپارىن جاساۋ كەرەك. پارتيا مۇشەلەرىنىڭ، كادرلاردىڭ بۇقارامەن تىكە حابارلاسۋ ءتۇزىمىن كەمەلدەندىرۋ كەرەك.
فورماشىلدىققا، تورەشىلدىككە باتىل قارسى تۇرۋ، جەر - جەر، تاراۋلار، ورىندار دۇرىس ناتيجە كوزقاراسىن ورناتۋ تالابىن ناقتىلاندىرۋ، باسشىلىق ءتاسىلى مەن قىزمەت ءادىسىن جاقسارتۋ، باسشىلار رازى بولعانىمەن، بۇقارا ۇمىتسىزدەنەتىن اقىماق ىستەردى استە ىستەمەۋ كەرەك.
ۇدايىلانعان ارناۋلى رەتتەۋ - جونگە سالۋدى ورىستەتىپ، پارتيا مۇشەلەرىن، كادرلاردى ەرەجەگە بويسۇنىپ، ءتارتىپتى ساقتاۋعا، ۇكىمەت ىسىندە پاك بولۋعا قۋزاۋ كەرەك.
