تيانشان تورى   ›   جاڭالىقتار   ›   شينجياڭ حابارلارى

ءۇي ماڭىندا - اق ايگىلى شيپاگەرلەرگە كورىنە الاتىن بولدىق

شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين

  ”ءۇي ماڭىندا - اق شيپاگەرگە كورىنىپ، ۇزاق جىلدار بويى مازامدى العان سىرقاتتان ارىلدىم، بۇدان كەيىن كۇيەۋىممەن بىرگە ەگىس جۇمىستارىن ىستەي الاتىن كۇيگە كەلدىم، كەدەيلىكتەن ارىلۋعا سەنىمىمىز ارتا ءتۇستى.“ 7 - ايدىڭ 13 - كۇنى گۇما اۋداندىق حالىق شيپاحاناسىندا دەنساۋلىعىن قالپىنا كەلتىرىپ ەمدەلىپ جاتقان گۇما قالاشىعى استىعوش قىستاعىنىڭ تۇرعىنى گوھەرنيسا ءوماردىڭ جىلى ءجۇزى قۇددى تەرەزە سىرتىنداعى كۇندەي جايدارى ەدى.

  7 - ايدىڭ 9 - كۇنى الىس ارالىقتان بىرىگىپ دياگنوز قويۋ جۇيەسى ارقىلى گۇما اۋداندىق حالىق شيپاحاناسى قۇرساق ءبولىمى ارتقى ايناسىمەن سول جاقتاعى تۋبەركۋلەز سيپاتتى، جارامسىز بۇيرەكتى كەسىپ الىپ تاستاۋ وپەراتسياسىن جاساپ، جوعارى تۇنىقتىقتاعى كەسكىندى سول مەزەتتە - اق اسكەري شيپاحاناعا جانە اۆتونوميالى رايوندىق حالىق شيپاحاناسىنا جەتكىزىپ تۇردى، ءۇش تاراپتاعى نەسەپ اۋرۋلارى سىرتقى اۋرۋلار شيپاگەرلەرىنىڭ الىس ارالىقتان بىرىگىپ دياگنوز قويۋ جۇيەسى ارقىلى گوھەرنيساعا بىرلەسىپ جاراقاتسىز وپەراتسيا جاسادى.

  قازىر الىس ارالىقتان ەمدەۋ ارقىلى ءۇي ماڭىندا ايگىلى شيپاگەرلەرگە كورىنە الاتىن نەگىزگى ساتىداعى بۇقارا بارعان سايىن كوبەيدى.

  دەنساۋلىق − باقىتتىڭ باستاماسى، جاپپاي دوڭگەلەك داۋلەتتى قوعامنىڭ ماڭىزدى ءمانى، سونداي - اق ادامزات قوعامىنىڭ دامۋ ىرىس - قۇتىنىڭ ماڭگىلىك تالپىنىسى. باس شۋجي شي جينپيڭ:”جالپى حالىقتىڭ دەنساۋلىعى بولمايىنشا، جاپپاي دوڭگەلەك داۋلەت تە بولمايدى“ دەپ باسا دارىپتەگەن. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ سالاماتتىعىن الدىمەن دامىتىلاتىن ستراتەگيالىق ورىنعا قويىپ، حالىقتى وزەك ەتكەن ”سالاماتتىق جولىن“ سالىپ بەردى.

  اۆتونوميالى رايوندىق پارتكوم مەن ۇكىمەت ”اۋرۋ كورسەتۋ قيىن بولۋ“ ماسەلەسىن شەشۋ سىندى ءار ۇلت بۇقاراسىنىڭ كوكەي تەستى تىلەگىن كوكەيدە ساقتاپ، ءار جىلى جالپى حالىقتىڭ دەنساۋلىعىن تەكسەرۋدى ورىستەتىپ، الىس ارالىقتان ەمدەۋدى دامىتىپ، ”تاپسىرىسپەن باسقارۋ“، ”ۇجىم قۇراۋ“ ارقىلى اۋدان دارەجەلى شيپاحانالاردىڭ ەمدەۋ قىزمەت وتەۋ قابىلەتىن جوعارىلاتۋىن كومەكتەسىپ - سۇيەمەلدەدى، ءار ۇلت بۇقاراسى ءۇي ماڭىندا - اق قولايلى دا ساپالى ەمدەۋ قىزمەت وتەۋىنەن يگىلىكتەندى. بۇگىنگە پايدالى، بولاشاققا ءتيىمدى ءبىر قىدىرۋ كەلەلى شارالار ءار ۇلت بۇقاراسىنىڭ سالاماتتىعىن قامتاماسىز ەتۋ تورىن تىعىز توقىدى، ”سالاماتتى شينجياڭ“ قۇرىلىسى تىڭ ساپارعا قادام تاستادى.

 جالپى حالىقتىڭ سالاماتتىعى جاپپاي دوڭگەلەك داۋلەتتىلىككە تىرەك بولدى

  التىن كۇز مەزگىلى، قاراقاش اۋدانى كۇيا قالاشىعى يۇيچۇي قىستاعىنىڭ تۇرعىنى ايشام احاتتىڭ وتباسىنداعىلار قاربالاس كۇيدە، ءۇي ارتىنداعى قاتار - قاتار جاڭعاق اعاشى بىتىك ءوسىپ، بۇتاقتارى جەمىسكە تولعان، اۋلادا نەشە ونداعان اق قازدار ماڭ - ماڭ باسىپ، 11 جاستاعى كىشكەنتاي قوجايىن ابدۇرەيىم ولارعا جەم بەرۋدە.

  ابدۇرەيىم تۋىلعان كەزىندە كەۋدە ءبولىمى ىشىنە قاراي ويىس بىتكەن ەدى. جالپى حالىقتىڭ دەنساۋلىعىن تەكسەرۋ كەزىندە، ونىڭ كەۋدە ءبولىمى كەم بىتكەنى انىقتالادى، قاراقاش اۋداندىق حالىق شيپاحاناسى شينجياڭ مەديتسينا داشۋەسىنە قاراستى 1 - شيپاحانانىڭ كوكىرەك سىرتقى اۋرۋلار ءبولىمىنىڭ ماماندارىن ۇسىنىس ەتىپ، ولارمەن بىرگە، بالاعا ”ويىس كەۋدەگە جاراقاتسىز ءپىشىن تۇزەۋ وپەراتسياسىن“ جاسايدى. ”بالام باسىن كوتەرىپ، كەۋدەسىن كەرىپ جۇرە الاتىن بولدى، ءبىز دە يدەيالىق جۇكتەن ارىلدىق، قازىر بار ويىمىز اقشا تاۋىپ، دوڭگەلەك داۋلەتتىلىككە تالپىنۋ.“ دەگەن بۇايشامنىڭ ۇيىندەگىلەردىڭ سەنىمى بارعان سايىن نىعايا ءتۇستى.

  جان - جاقتىلى، تۇتاس اينالىمدا حالىقتىڭ سالاماتتىعىن قامتاماسىز ەتۋ ءۇشىن، 2016 - جىلى 9 - ايدان باستاپ، رايونىمىز جالپى حالىقتىڭ دەنساۋلىعىن تەكسەرۋ ينجەنەرياسىن جۇرگىزدى، شينجياڭدىق قالا، اۋىل تۇرعىندارى ءار جىلى ءبىر رەت دەنساۋلىعىن تەگىن تەكسەرتۋدەن يگىلىكتەندى. ءار ۇلت بۇقاراسى دەنساۋلىعىن تەكسەرتۋ ارقىلى اۋرۋدى ەرتە بايقاۋ، ەرتە دياگنوز قويۋ، ەرتە ەمدەۋدى جۇزەگە اسىردى، سالاماتتىق ۇستانىمى ”ەڭ سوڭعى ءبىر شاقىرىمعا“، ”ەڭ شالعايداعى وتباسىلارىنا“ دەيىن جالپىلاستى.

  ”ساپا“ جانە ”حالىققا قولايلى“ بولۋدى ولشەم ەتىپ، رايونىمىز نازاردى بۇقارانىڭ قاجەتىنە دالمە - ءدال شوعىرلاندىرىپ، جالپى حالىقتىڭ دەنساۋلىعىن تەكسەرۋدى كەڭىنەن قامتي جۇرگىزۋدەن دالمە - ءدال اشالاي جۇرگىزۋگە وزگەرتتى، تەكسەرۋ نىساندارى ۇزدىكسىز ساپالىلانىپ، باعىتتامالىلىعى ءتىپتى دە ارتا ءتۇستى.

  ”قازىر دەنساۋلىق تەكسەرۋ نىساندارى كوبەيدى، اناعۇرلىم ەگجەي - تەگجەيلەنە ءتۇستى“. بيىل 5 - ايدا ياركەن اۋدانى تاعارشى قالاشىعى قوسوستەڭ قىستاعىنىڭ تۇرعىنى ورگۇل سىدىق جاڭادان قوسىلعان تەكسەرۋ نىساندارىن ايتقاندا، اۋىز جاپپاي ماقتاۋمەن بولدى.

  دەنساۋلىق تەكسەرتتى، اۋرۋدىڭ الدىن الدى، حالىق جۇرەگى مەيىرگە تولدى.

  جالپى حالىقتىڭ دەنساۋلىعىن تەكسەرۋ تۇرعىندار سالاماتتىعىن باسقارۋداعى ماڭىزدى تۇتقاعا اينالىپ، اۋرۋدى ەمدەۋدى وزەك ەتۋدەن سالاماتتىقتى ارقاۋ ەتۋگە قاراي بۇرىلىس جاساۋدى جۇزەگە اسىردى. رايونىمىزدىڭ جەر - جەرى دەنساۋلىق تەكسەرۋ ناتيجەسىنەن تولىق پايدالانىپ، تۇرعىنداردىڭ سالاماتتىق جاعدايىنا عىلمي تالداۋ جاساۋدا، سونداي - اق سوزىلمالى اۋرۋلار، ەپيدەميولوگيالىق اۋرۋلار تەكسەرۋىن ورىستەتىپ، اۋرۋ تىزبەسىن جاساپ، قالا، اۋىل تۇرعىندارى سالاماتتىق ساندى مالىمەت قامباسىن جوسپارلاپ قۇرىپ، دەنساۋلىق تەكسەرۋ ناتيجەسىنە نەگىزدەلە وتىرىپ، ءونىمدى ينتەرۆەنتسيالىق، ەمدەۋ جوبالارىنا تالداۋ جاساپ، ورتاعا قويدى.

 باعىتتامالى كومەكتەسۋ - سۇيەمەلدەۋ دياگنوز قويۋ - ەمدەۋ ورەسىن جوعارىلاتتى

  ”ءۇي ماڭىنداعى شيپاحانادا ماماندار بولماعاندا، قازىرگى جاقسى تۇرمىسىمىز قايدان بولسىن“. گۇما اۋدانى سانجۋ اۋىلى باش ساۋا قىستاعىنىڭ تۇرعىنى ابىلەت روزى ”ءۇي ماڭىنداعى شيپاحانانى“ تىلگە الىسىمەن اۋىز جاپپاي سويلەي جونەلدى.

  بيىل 5 - ايدا ابىلەت ءىشى اۋىرىپ گۇما اۋداندىق حالىق شيپاحاناسىنىڭ شۇعىل ەمدەۋ بولىمىنە جەتكىزىلىپ، اسقازانى تەسىلگەن دەگەن دياگنوز قويىلادى، سالماقتى ناۋقاستار مەديتسينالىق ءبولىمىنىڭ مەڭگەرۋشىسى ۋاڭ لۋ مەن باسقا ارناۋلى ءبولىم شيپاگەرلەرى وعان دەرەۋ وپەراتسيا جاسايدى.

  ابىلەتتە سوزىلمالى وكپە بىتەلۋ، وكپەتەكتى جۇرەك اۋرۋ تاريحى بار بولاتىن، سالماقتى ناۋقاستار مەديتسينالىق ءبولىمىنىڭ بەلسەندى ەمدەۋىندە، وپەراتسيادان كەيىنگى قابىنۋ قاتەرىنەن امان - ەسەن ءوتتى. ءبىر ايدان كەيىن ابىلەت ساۋىعىپ شيپاحانادان شىقتى.

  اۆتونوميالى رايوندىق حالىق شيپاحاناسىنىڭ ”تاپسىرىسپەن باسقارۋ فورماسىندا“ كومەكتەسۋ، سۇيەمەلدەۋىنەن ىلگەرى بۇل شيپاحانادا شۇعىل، قاتەرلى، سالماقتى ناۋقاستاردى قابىلداپ ەمدەيتىن قۋات جوق بولاتىن، سالماقتى ناۋقاستار كەلسە حوتان ايماقتىق حالىق شيپاحاناسىنا جوتكەيتىن، وعان ەڭ تەز بولعاندا دا 2 ساعاتتان استام ۋاقىت كەتەتىن ەدى.

  2018 - جىلى 5 - ايدا اۆتونوميالى رايوندىق حالىق شيپاحاناسى ىلگەرىندى - كەيىندى سالماقتى ناۋقاس مەديتسينا ماماندارىنان بەسەۋىن جىبەرىپ، وسى شيپاحاناعا كومەكتەسىپ سالماقتى ناۋقاستار مەديتسينالىق ءبولىمىن قۇردى. قازىرگە دەيىن 800دەن استام قاتەرلى ناۋقاس گۇما اۋداندىق حالىق شيپاحاناسىندا دەر كەزىندە قۇتقارىلدى، ەمدەلدى.

  جوقتان بارلىققا كەلىپ، شاعىننان زورايدى، قازىر گۇما اۋداندىق حالىق شيپاحاناسى تەسىپ مەحانيكالى اۋا جىبەرۋ تەحنيكاسى، تالشىقتى كەڭىردەكشە ايناسىمەن قاقىرىقتى سورۋ، وكپە كوپىرشىگىن جۋۋ ەمدەۋ تەحنيكاسى، ىشەكتىڭ ءىشى - سىرتىن قورەكپەن ەمدەۋ جانە قول - اياقتى گاز قىسىمى ارقىلى ەمدەۋ سياقتى تەحنيكالىق ورەسى جوعارى ەمدەۋ نىساندارىن قولدانا الاتىن بولدى.

  سالاماتتىق باقىتتىڭ نەگىزى. رايونىمىزداعى اۋدان دارەجەلى شيپاحانا تۇتاس رايونىمىزداعى %70 جان سانىن قامتيدى. پارتيا 18 - قۇرىلتايىنان بەرى، كەدەي اۋداندارداعى اۋدان دارەجەلى شيپاحانالاردىڭ قىزمەت وتەۋ قۋاتىنىڭ جەتەرسىز بولۋ ماسەلەسىن شەشۋدى نەگىزگى قامال الۋ بەتالىسى ەتە وتىرىپ، رايونىمىز اۆتونوميالى رايوندىق ءۇش دارەجەلى شيپاحانادان (جۇڭگوشا شيپاگەرلىگى شيپاحاناسى قامتىلادى) 25ىن، ىشكى وڭىردەگى 20 جۇڭگوشا شيپاگەرلىك شيپاحاناسى مەن 18 اسكەري شيپاحانانى توپتاپ، تۇتاس رايونداعى 32 كەدەي اۋدانداعى حالىق شيپاحاناسىنا جانە 24 جۇڭگوشا شيپاگەرلىك شيپاحاناسىنا ”تاپسىرىسپەن باسقارۋ فورماسىندا“، ”ۇجىم قۇراۋ فورماسىندا“ جان - جاقتىلى كومەكتەسىپ، سۇيەمەلدەدى.

  قازىرگە دەيىن كومەك قابىلداۋشى شيپاحانالارعا كومەكتەسىپ، جاڭا تەحنيكا، جاڭا نىساننان 235 ءتۇرىن ورىستەتتى، كومەككە يە بولعان شيپاحانانىڭ ەمدەگەن ادام سانى كومەكتەسۋ، سۇيەمەلدەۋدىڭ الدىنداعىدان زور مولشەردە ارتتى.

  ”ءۇي ماڭىندا - اق حيميالىق جولمەن ەمدەلە الاتىن، الىسقا سابىلمايتىن بولدىق، راسىندا، ۇلكەن ماسەلەنى شەشىپ بەردى“، - دەدى قاراقاش اۋدانى قاراساي قالاشىعىنداعى ەگىنشى گوحارنيساحان مامەتيمىن. بىلتىر 6 - ايدا ول ۇرىمجىدە قاتەرلى ومىراۋ بەزى راگىنا شالدىققاندىعىن تەكسەرىپ انىقتاتادى، وپەراتسيا جاساتقاننان كەيىن، جەرگىلىكتى ورىنعا قايتىپ بارعاننان كەيىنگى مەرزىم سايىن حيميالىق ەمدەۋ جاساتۋى قيىن ماسەلەگە اينالادى. ونىڭ زاردەي قىمبات ەمدەۋ قاراجاتى مەن الىس ارالىقتان ەمدەلۋگە باسى قاتىپ وتىرعاندا: اۋداندىق شيپاحانادان وسپە اۋرۋلار ءبولىمى قۇرىلدى دەگەن حابار تارايدى.

  ”بۇرىن اۋدانداعى وسپە اۋرۋىنا شالدىققان ناۋقاستاردىڭ جوتكەلۋ سالىستىرماسى %33 بولاتىن، قازىر وسى ناۋقاستار نەگىزىنەن جەرگىلىكتى ورىندا ەمدەلەتىن بولدى“. قاراقاش اۋداندىق حالىق شيپاحاناسى وسپە اۋرۋلار ءبولىمىنىڭ مەڭگەرۋشسى ابدۇحابار جەلەل بىلاي دەدى: شينجياڭ مەديتسينا داشۋەسىنىڭ ”تاپسىرىسپەن باسقارۋ فورماسىنداعى“ كومەگىنىڭ ارقاسىندا، 2019 - جىلى 10 - ايدا وسى شيپاحانادا وسپە اۋرۋلار ءبولىمى قۇرىلدى. كومەكتەسىپ، سۇيەمەلدەيتىن مامانداردىڭ جەتەكشىلىك ەتۋىندە، قازىر دارىمەن، حيميالىق جولمەن ەمدەۋدەن 1000نان استام رەت ىستەلدى، ونىڭ ۇستىنە ءدارى تەڭشەۋدى دالمە - ءدال ورىنداي الاتىن كۇيگە جەتتى.

 الىس ارالىقتان دياگنوز قويۋ ايگىلى شيپاگەرلەردىڭ ”الىس ارالىقتان تامىر ۇستاۋىنا“ مۇمكىندىك جاسادى

  ءۇي ماڭىنداعى ياركەن اۋداندىق حالىق شيپاحاناسىندا، وسى اۋداننىڭ مىشا قالاشىعى توكۇللا قىستاعىنىڭ تۇرعىنى ارزىگۇل مامەت شينجياڭ مەديتسينا داشۋەسىنە قاراستى 1 - شيپاحاناعا ءوتىنىش تاپسىرۋ ارقىلى الىس ارالىقتان دياگنوز قويعىزدى.

  اي سايىن ءبىر رەت شيپاحاناعا جاتىپ ەمدەلەدى، دياگنوز قويۋشى شيپاگەر كەمەلدى ەمدەۋ جوباسىن جاسايدى، ءبىر جىلدا 20دان استام رەت ەمدەلۋ ارقىلى 8 - ايدىڭ 31 - كۇنى ارزىگۇلدىڭ جۇيەلىك سيپاتتى قىزىل جەگى تەرى تۋبەركۋلەز سىرقاتى اسا جاقسى تىزگىندەلە باستادى.

  ءبىر كومپيۋتەر، ءبىر كامەرا، عالامتور شەت - شالعاي وڭىرلەردىڭ ەمدەۋدە، ساۋىقتىرۋدا ”ەكراننان پايدالانۋ“ مۇمكىندىگىن تۋدىردى. الىس ارالىقتى ەمدەۋ − ينفورماتسيانىڭ ۇشقان قۇستاي دامۋىن جۇزەگە اسىرىپ، ءار ۇلت بۇقاراسىنىڭ ەمدەلۋدە باساتىن جولىن بارعان سايىن جاقىنداتتى. 2010 - جىلى شينجياڭ الىس ارالىقتان دياگنوز قويۋ جۇيەسى قۇرىلىسى نىسانى رەسمي اشىلدى، اۆتونوميالى رايوندىق حالىق شيپاحاناسى مەن شينجياڭ مەديتسينا داشۋەسىنە قاراستى 1 - شيپاحانا رايونىمىزداعى الىس ارالىقتان ەمدەۋ جۇيەسىنىڭ وزەگى رەتىندە ىشكى وڭىرلەر مەن ايماق، وبلىس، اۋدان شيپاحانالارىنىڭ اراسىندا الىس ارالىقتان دياگنوز قويۋدى جالعاستىرۋ مىندەتىن ارقالادى.

  اسقار تاۋلاردان اسىپ، ۇزاق جولداردى باسامىز، جولىمىز كەدىر - بۇدىر بولىپ، الىسقا سوزىلعانىمەن، سالاماتتىقتى قورعاۋ جورىعىندا بىردە - ءبىر ادام قاعىس قالمايدى.

  پارتيا 18 - قۇرىلتايىنان بەرى، رايونىمىز ەمدەۋ بايلىعىن سەپتەۋ جانە ءتۇزىلىس مەحانيزمىن كەمەلدەندىرۋ، جاقسارتۋ جولىندا دالمە - ءدال كۇش سالدى، 32 اۋدان شوعىرلى اۋدان اۋماعىنداعى ەمدەۋدى ءبىر تۇلعالاندىرۋ قۇرىلىسىن جاپپاي اشىپ، اۋىر كەدەي وڭىرلەردىڭ الىس ارالىقتان ەمدەۋ قۇرىلىسىن ىلگەرىلەتىپ، اۆتونوميالى رايوندىق، ايماقتىق - وبلىستىق، اۋدان - قالا 3 دارەجەلى الىس ارالىقتان ەمدەۋ قىزمەت وتەۋ جۇيەسىن ۇلاستىرۋدى، تۇتاستىرۋدى جۇزەگە اسىردى، ساپالى ەمدەۋ بايلىعىنىڭ قامتىمدىلىعىن كەڭەيتىپ، كەدەي بۇقارا ءۇشىن تەپە - تەڭ ەمدەۋ قىزمەت وتەۋىن ازىرلەدى.

  قازىرگە دەيىن 92 اۋدان اۋدان اۋماعىنداعى ەمدەۋدى ءبىر تۇلعالاندىرۋ قۇرىلىسىن ورىستەتىپ، بارلىق كەدەي اۋدانداردى قامتىدى، 2 - دارەجەلى نەمەسە ودان جوعارى 292 ەمدەۋ قۇرىلىمدارى اۋدان اۋماعىنداعى تەكسەرۋ ناتيجەسىن ءوزارا تانۋدى جۇزەگە اسىردى. بۇكىل رايونىمىزدا 1002 اۋدان، اۋىل الىس ارالىقتان ەمدەۋ قۇرىلىسىن ورىنداپ، اۋدان، اۋىلداردا الىس ارالىقتان ەمدەۋدىڭ قامتىمدىلىعىن %87.36كە جەتكىزدى.

  6 - ايدىڭ 25 - كۇنى لوپ اۋدانى شارباق اۋىلى جايتوعىراق قىستاعىنىڭ قىستاق شيپاگەرى مۇپاراش ماتسايدى الىس ارالىق جۇيەسى ارقىلى لوپ اۋداندىق حالىق شيپاحاناسىنىڭ ىشكى سەكراتسيا ءبولىمىنىڭ شيپاگەرىمەن بايلانىسقا شىعىپ، ءبىر قانتتى نەسەپ اۋرۋىمەن ناۋقاستانعان ادامعا ءدارى تەڭشەپ بەردى. سونىمەن بىرگە، لوپ اۋداندىق حالىق شيپاحاناسىنىڭ الىس ارالىقتان كەسكىنگە الۋ ورتالىعىندا شيپاگەر ”بۇلتتىق لەنتا وقىپ“، اۋىل - قالاشىق شيپاحانالارى جولداعان كەسكىن ماتەريالدارىنا تەكسەرۋ دوكلاتىن جازىپ بەردى. الىس ارالىقتى كەسكىندەردى ورتاق پايدالانۋ ارقىلى، وسى شيپاحانا ”نەگىزگى ساتى تەكسەرىپ، جوعارى جاق دياگنوز قويۋدى“ جۇزەگە اسىردى. عالامتور تەحنيكاسىنىڭ ۇزدىكسىز دامۋىنا ىلەسكەن رايونىمىزدىڭ جەر - جەرىندەگى ەمدەۋ قۇرىلىمدارى ارت - اتىنان ”بۇلتتىق ەمدەۋ“ فورماسىنا ىزدەنىس جاساپ، شيپاحانالاردىڭ داۋالدىڭ ىشىندە عانا قىزمەت وتەۋىن“ بۇزىپ، ناۋقاستاردىڭ ەكران ارقىلى جوعارى دارەجەلى شيپاحانالاردىڭ ساپالى ەمدەۋ، قىزمەت وتەۋىنەن يگىلىكتەنۋىنە مۇمكىندىك جاسادى.

  تولىقسىز ساندى مالىمەتكە نەگىزدەلگەندە، رايونىمىزدا جىل سايىن 24 مىڭ ناۋقاس الىس ارالىقتان ەمدەۋ ارقىلى قاراستى شيپاحانادا قالىپ ەمدەلىپ، ناۋقاستاردىڭ وتباسى 120 ميلليون يۋاندىق جانامالاي ەمدەۋ قارجىسىن ۇنەمدەپ، ناۋقاستانۋ سەبەبىنەن كەدەيلەسۋدىڭ، ناۋقاستانۋ سەبەبىنەن قايتالاي كەدەيلەسۋدىڭ تۋىلۋ مولشەرىن زور دارەجەدە تومەندەتكەن.

  ”ءۇيىمنىڭ ماڭىندا - اق ناۋقاسىمدى ەمدەتىپ جازىلدىم، قايتىپ بارعاننان كەيىن قۇلشىنا قىزمەت ىستەپ، سالامات تۇردە دوڭگەلەك داۋلەتتىلىككە ۇمتىلامىن“. شيپاحانادان شىعاتىن كۇنى اسپان شايداي اشىق ەدى، جەپ - جەڭىل باسىپ بارا جاتقان ارزىگۇلدىڭ تاماشا تۇرمىسقا دەگەن تالپىنىسى وزگەرگەنى جوق، بويىندا دوڭگەلەك داۋلەتتى تۇرمىسقا ۇمتىلۋدىڭ كۇش - قۋاتى تاسقىندايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.