ورتالىق كوميتەت كەڭسەسى «پىكىردى» باسىپ تاراتتى
جاڭا داۋىردەگى حالىقتىق شارۋاشىلىقتىڭ بىرلىكساپ قىزمەتىن كۇشەيتەيىك
شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەت كەڭسەسى «جاڭا داۋىردەگى حالىقتىق شارۋاشىلىقتىڭ بىرلىكساپ قىزمەتىن كۇشەيتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايعا بايلانىستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىر» ”حالىقتىق شارۋاشىلىقتىڭ بىرلىكساپ قىزمەتىن كۇشەيتۋ پارتيانىڭ حالىقتىق شارۋاشىلىققا باسشىلىق ەتۋىنىڭ ماڭىزدى ءتاسىلى، جۇڭگوشا سوتسياليزم ءتۇزىمىن دامىتۋدىڭ، كەمەلدەندىرۋدىڭ ماڭىزدى مازمۇنى، حالىقتىق شارۋاشىلىقتىڭ جوعارى ساپالى دامۋىن جەبەۋدىڭ ماڭىزدى قامتاماسىزدىعى“ سىندى 3 جاقتان ونىڭ كەلەلى ماڭىزىن ايقىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ حالىقتىق شارۋاشىلىقتىڭ بىرلىكساپ قىزمەتىنە باسشىلىعىنا تاباندى بولۋدى؛ ”ەكىدەن اۋىتقىماۋعا“ تاباندى بولۋدى؛ ەتەنە، كىرشىكسىز ۇكىمەت - ساۋدا قاتىناسىن ورناتۋعا تاباندى بولۋدى؛ سەنىم ارتۋ، ىنتىماقتاسۋ، قىزمەت وتەۋ، جەتەكتەۋ، تاربيەلەۋ باعىتىنا تاباندى بولىپ، حالىقتىق شارۋاشىلىق قايراتكەرلەرىنىڭ پارتيانىڭ باسشىلىعىندا جۇڭگوشا سوتسياليزم جولىمەن جۇرۋدەي ساياسي ورتاق تانىمدى ۇزدىكسىز كۇشەيتۋدى تالاپ ەتتى.
«پىكىردە» مىنالار ورتاعا قويىلدى: حالىقتىق شارۋاشىلىق قايراتكەرلەرىنىڭ يدەيا - ساياسي قۇرىلىسىن كۇشەيتىپ، وتانشىلدىق، سوتسياليزم تۋىن بيىك كوتەرىپ، ساياسي جەتەكشىلىك پەن يدەيالىق جەتەلەۋ تەبىنىن ارتتىرىپ، حالىقتىق شارۋاشىلىق قايراتكەرلەرىنىڭ يدەيا - ساياسي قىزمەت نەگىزىن ۇزدىكسىز بەكەمدەپ، ساياسي ورتاق تانىمدى نىعايتىپ، كەڭەيتىپ، مۇرات سەنىم تاربيەسىن تەرەڭدەتىپ، يدەيالىق جەتەلەۋ تەبىنىن ارتتىرىپ، ”تورتتە ونەگە بولۋعا“ ۇمتىلۋدى دارىپتەۋ كەرەك.
”جوعارى ساپالى حالىقتىق شارۋاشىلىق ۋاكىل قايراتكەرلەرى قوسىنىن قۇرۋ“ جونىندە، «پىكىر» مىنالاردى ايقىندادى: پارتيا دارىندىلاردى باسقارۋ پرينسيبىنە تاباندى بولىپ، حالىقتىق شارۋاشىلىق قايراتكەرلەرىنىڭ ءوسىپ - جەتىلۋ زاڭدىلىعىنا بويسۇنىپ، ساپانى جوعارىلاتۋدى، قۇرىلىمدى ساپالىلاندىرۋدى، رولىن ساۋلەلەندىرۋدى نىسانا ەتىپ، جوعارى ساپالى، جاۋاپكەرشىلىك ارقالايتىن حالىقتىق شارۋاشىلىق ۋاكىل قايراتكەرلەرى قوسىنىن قۇرۋ كەرەك. قىزمەت كولەمىن ايقىنداپ، ادام تاڭداۋ مەحانيزمىن اقاۋسىزداندىرىپ، تاربيەلەۋدى، باۋلۋدى كۇشەيتىپ، ساياسي ورنالاستىرۋدى ارناعا ءتۇسىرىپ، جاس بۋىنداردى باۋلۋ تەبىنىن ارتتىرۋ كەرەك.
«پىكىردە» مىنالار اتاپ كورسەتىلدى: وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، حالىقتىق شارۋاشىلىقتىڭ جوعارى ساپالى دامۋىن جەبەۋ حالىقتىق شارۋاشىلىقتىڭ بىرلىكساپ قىزمەتى تاقىرىبىنىڭ قاجەتتى مازمۇنى، قىزمەت ونىمدىلىگىن تارازىلايتىن ماڭىزدى ولشەم. جاڭا دامۋ ۇستانىمىن امالياتتا ايگىلەۋدى ىلگەرىلەتىپ، مەملەكەتتىڭ كەلەلى ستراتەگيالارىنا ات سالىسۋعا ىنتالاندىرىپ، رەفورمانى جاپپاي تەرەڭدەتۋدى قولداپ جانە وعان ات سالىسىپ، شارۋاشىلىق - ساۋدا ورتاسىن ۇزدىكسىز ساپالىلاندىرۋ كەرەك.
«پىكىردە» مىنالار العا قويىلدى: ەتەنە، كىرشىكسىز ۇكىمەت - ساۋدا قاتىناسىن ورناتۋدى ىلگەرىلەتۋ حالىقتىق شارۋاشىلىقتىڭ بىرلىكساپ قىزمەتىنىڭ ماڭىزدى مىندەتى. بىرلىكساپقا سۇيەنىپ، ۇكىمەت پەن كاسىپورىنداردىڭ تىلدەسۋىن، كەڭەسۋىن ورىستەتۋ ەتەنە، كىرشىكسىز ۇكىمەت - ساۋدا قاتىناسىن ورناتۋدىڭ شەشۋشى شاراسى. تىلدەسۋ، كەڭەسۋ مازمۇنىن جۇيەلىلەندىرىپ، تىلدەسۋ، كەڭەسۋ فورماسىندا جاڭالىق اشىپ، ساۋدا قوعامدارىمەن جانە حالىقتىق كاسىپورىندارمەن بايلانىس جاساۋدى، ولارعا قىزمەت وتەۋدى كۇشەيتىپ، حالىقتىق كاسىپورىنداردىڭ تىلەك - تالاپتارىن اڭىس ەتۋ جانە ۇقىق - مۇددەسىن قورعاۋ مەحانيزمىن كەمەلدەندىرۋ كەرەك.
«پىكىردە» مىنالار اتاپ كورسەتىلدى: ساۋدا - ونەركاسىپشىلەر بىرلەستىگى جانە قاراستى ساۋدا قوعامدارى حالىقتىق شارۋاشىلىقتىڭ بىرلىكساپ قىزمەتىنىڭ ماڭىزدى ۇيىمدىق سۇيەنىشى. ساۋدا - ونەركاسىپشىلەر بىرلەستىگىنىڭ رەفورماسى مەن قۇرىلىسىن ىشكەرىلەي ىلگەرىلەتىپ، جۇڭگوشا ەرەكشەلىككە يە ساۋدا قوعامى ۇيىمدارىن جەتىلدىرىپ جانە دامىتىپ، بىرلىكساپ قىزمەتىنىڭ ساۋدا قوعامى ۇيىمدارىن ءونىمدى قامتۋىن ىلگەرىلەتۋ كەرەك. ساۋدا - ونەركاسىپشىلەر بىرلەستىگىنىڭ رەفورماسىن، دامۋىن ىلگەرىلەتىپ، حالىقتىق كاسىپورىنشىلاردىڭ قاتىستى ۇيىمدارىنىڭ جۇيەلى، ءتارتىپتى دامۋىنا جەتەكشىلىك ەتۋ كەرەك.
”پارتيانىڭ حالىقتىق شارۋاشىلىقتىڭ بىرلىكساپ قىزمەتىنە باسشىلىعىن كۇشەيتۋ“ جونىندە، «پىكىردە» مىنالار باسا دارىپتەلدى: حالىقتىق شارۋاشىلىقتىڭ بىرلىكساپ قىزمەتى بۇكىل پارتيانىڭ ماڭىزدى قىزمەتى. حالىقتىق شارۋاشىلىقتىڭ بىرلىكساپ قىزمەتىن كۇشەيتۋدى ماڭىزدى كەڭەستىك كۇن تارتىپكە قويىپ، پارتكومنىڭ ءبىر تۇتاس باسشىلىعىندا ءار جاق ءارى جۇمىس ءبولىسى ايقىن، ءارى جوعارى ءونىمدى سايكەسكەن حالىقتىق شارۋاشىلىقتىڭ بىرلىكساپ قىزمەتى ارناسىن قالىپتاستىرىپ، باسشىلىق ءتۇزىلىسىن، مەحانيزمىن كەمەلدەندىرىپ، ۇيىمدىق قامتاماسىزدىقتى كۇشەيتىپ، قابىلەت قۇرىلىسىن نىعايتىپ، جاڭا داۋىردەگى حالىقتىق شارۋاشىلىقتىڭ بىرلىكساپ قىزمەتىن ويداعىداي ىستەۋگە پارمەندى تىرەك ازىرلەۋ كەرەك.
