تيانشان تورى   ›   جاڭالىقتار   ›   شينجياڭ حابارلارى

جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى

 − ءۇرىمجى حالىقارالىق قۇرلىقتىق پورتتىڭ زەردەلى الاڭ - بەكەت تۇعىرى جونىندە

شينجياڭ گازەتىنىڭ جالپىلىق اقپارات قۇرالدارى ءتىلشىسى ءرايدا

 9 - ايدىڭ 8 - كۇنى جۇمىسشىلار ءۇرىمجى حالىقارالىق قۇرلىقتىق پورت اۋماعى جۇڭگو - ەۆروپا كەزەكشى پويەزى جينالۋ ورتالىعىندا زات تيەۋدە. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى ساي زىڭلى تۇسىرگەن

  9 - ايدىڭ 8 - كۇنى ءۇرىمجى حالىقارالىق قۇرلىقتىق پورت اۋماعى جينالۋ ورتالىعىنىڭ الاڭ - بەكەتىندە كۇندەلىكتى تۇرمىسقا قاجەتتى ءتۇرلى بۇيىمداردى تولتىرا تيەگەن جۇڭگو - ەۆروپا كەزەكشى پويەزى ”جولعا شىعۋعا تاس - ءتۇيىن دايىندالىپ تۇر“.

  ”ساعات 11دەن 40 مينۋت وتكەندە وسى پويەز قازاقستاندى بەتكە الىپ جولعا شىعادى، بارلىق پويەزداردىڭ ينفورماتسيالارى تۇگەلمەن زەردەلى الاڭ - بەكەتتىڭ تۇعىرىنان كورىنىپ تۇرادى“، - دەدى شينجياڭ حالىقارالىق قۇرلىقتىق پورتى (توبى) شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى جوۋ كاي.

  ۇعىسۋعا قاراعاندا، ءۇرىمجى حالىقارالىق قۇرلىقتىق پورتىنىڭ زەردەلى الاڭ - بەكەت تۇعىرى قۇرلىقتىق پورت رايونى قۇرىلىسىنىڭ ماڭىزدى قۇرامداس بولىگى ەكەن. - جىلدان باستاپ قۇرىلىس جۇرگىزگەن، 10 ايلىق الدىڭعى مەزگىل سىناعىنان وتكەن سوڭ، بيىل 6 - ايدا رەسمي جەلىگە شىعىپ تيجارات باستادى.

  ءتىلشى ءۇرىمجى حالىقارالىق قۇرلىقتىق پورتىنىڭ زەردەلى الاڭ - بەكەت تۇعىرىنىڭ ۇلكەن ەكرانىنان مەيلى چىڭدۋدان تيلبۋرگكە، ۋحاننان دۋيسبۋرگكە، جىڭجوۋدان گامبۋرگكە باراتىن كەزەكشى پويەز بولسىن نەمەسە لودزدان چىڭدۋعا، گامبۋرگتەن جىڭجوۋعا، دۋيسبۋرگتەن جىڭجوۋعا قايتاتىن كەزەكشى پويەز بولسىن، تۇتاس مەملەكەتتەگى جۇڭگو - ەۆروپا، ورتا ازيا كەزەكشى پويەزدارىنىڭ قاتىناۋ جاعدايى تولىق كورىنىپ تۇراتىندىعىن، پويەز ءنومىرى، ۆاگون ءنومىرى، قامبا ءنومىرى، تاۋاردىڭ اتى، سالماعى، بوس ورىن سياقتى ينفورماتسيالاردىڭ تايعا تاڭبا باسقانداي انىق كورىنەتىندىگىن بايقادى.

  ۇلكەن ەكراننان 9 - ايدىڭ 4 - كۇنى شۇيجوۋدىڭ سولتۇستىگىنەن شىققان كەزەكشى پويەزدا ءۇرىمجى جۇڭگو - ەۆروپا كەزەكشى پويەزى جينالۋ ورتالىعىنا جەتەردەن بۇرىن 8 بوس بولمە بار ەكەنى كورىنىپ تۇر، بۇل ۇرىمجدە الدىن الا زات قاينارىن ۇيىمداستىرىپ، وسى قولايلى پويەزبەن گامبۋرگكە جەتۋگە بولاتىندىعىنان دەرەك بەرەدى.

  ”زەردەلى الاڭ - بەكەت تۇعىرى بار بولعاننان بەرى، ۇقساماعان جەردەن كەلگەن زاتتاردىڭ بارلىعىن وسى اراعا جيناۋعا بولاتىن بولدى، بىزگە ۇلكەن قولايلىلىق اكەلدى، ونىمدىلىگى دە زور دارەجەدە جوعارىلادى“، - دەدى ءۇرىمجى قۇرلىقتىق پورت حالىقارالىق ساۋدا شەكتى جاۋاپكەرشىلىك سەرىكتەستىگىنىڭ باس ديرەكتورى نيە حۇڭلياڭ.

  تانىستىرۋعا قاراعاندا، بۇرىن ەلەكتروندى حالىقارالىق ۇتىلاپ تاسىمالداۋ تالونى قولمەن جازىلىپ، ءبىر مەملەكەتكە بارعاندا سول جەردىڭ ءتىل - جازۋىنا اۋدارىلاتىن، ۋاقىتتى كەشىكتىرۋمەن قويماي، وڭاي قاتەلىك كەتەتىن، فينانستىق قاسيەتى دە جوق ەكەن. زەردەلى الاڭ - بەكەت تۇعىرىندا، قامبا تالونى شەتەلدە اۋىستىرىلاتىن كەزدە جۇيە تۇعىر ارتىندا اۆتوماتتى تۇردە كوپ تىلگە اۋدارما جاساي الادى، بۇل كەدەننەن ءوتۋ ونىمدىلىگىن جوعارىلاتۋمەن بىرگە، قۇرلىقتىق تاسىمالداعى تەمىر جول قامبا تالونىنىڭ فينانستىق قاسيەتكە يە بولۋىنا مۇمكىندىك بەردى، ونى كەپىلزاتتىق كۋالىك رەتىندە قولدانىپ، بانكەدەن قارىز الۋعا بولادى.

  ”ويتكەنى ينفورماتسيالاردى بىرىكتىرۋ جۇڭگو - ەۆروپا كەزەكشى پويەزىنىڭ ’سيفرلانۋىن‘ جۇزەگە اسىرعاندىقتان، كاسىپورىنداردىڭ جۇك بولمەسىن الۋىنا، زات تۇسىرۋىنە جانە شاعىن جالپىلىق زاتتاردى ’ شوعىرلى جيناۋعا، توپتاپ تاسىمالداۋعا‘ قولايلىلىق تۋدىردى. وسى تۇعىردان پايدالانىپ، كەدەن زەردەلى باقىلاۋ - باسقارۋدا ’ ساندىقتى ءبىر رەت اشىپ تەكسەرۋ، بىرلەسىپ تەكسەرۋ، جەكە - جەكە ءبىر جايلى ەتۋدى‘ جۇزەگە اسىردى، باقىلاۋ - باسقارۋ ينفورماتسيالارى تەڭ قادامدا جەتكىزىلىپ، شەكارا وتكەلى باقىلاۋ - باسقارۋ تاراۋلارى ’ ينفورماتسيانى ءوزارا الماستىرۋدى، زاڭ اتقارۋدا ءوزارا كومەكتەسۋدى، باقىلاۋ - باسقارۋدى ءوزارا مويىنداۋدى‘ ورىنداپ، كەزەكشى پويەزداردىڭ جۇكتى ءتۇسىرۋ - تيەۋى جانە الاڭ الماستىرۋ رەتى ازايتىپ، كەدەننەن ءوتۋ ءتارتىبى ساپالىلانىپ، ونىمدىلىگى كورنەكتى جوعارىلادى“، - دەدى ءۇرىمجى قۇرلىقتىق پورتى زات بايلانىس ينفورماتسياسى سەرىكتەستىگىنىڭ باس ديرەكتورى جاۋ - ي.

  ءۇرىمجى حالىقارالىق قۇرلىقتىق پورت رايونى جىبەك جولى ەكونوميكا بەلدەۋى قاتىناسىنىڭ توراپ سەنترى جانە ساۋدا، زات اينالىمى ورتالىعىنىڭ ماڭىزدى دانەكەرى رەتىندە، باستان - اياق جاسامپازدىق قابىلەتىن جوعارىلاتىپ، اشىق سەلبەستىك جاساۋدى كۇشەيتىپ، قۇرلىق، تەڭىز جولى ارقىلى ىشپەن، سىرتپەن بىرگە ارەكەتتەنۋ، شىعىس پەن باتىس قوس باعىتتا سەلبەسۋ جاعدايى قالىپتاسۋدا.

  ”ءبىز زەردەلى الاڭ - بەكەت تۇعىرىنان پايدالانىپ جۇڭگو - ەۆروپا كەزەكشى پويەزىن بەكەتكە جەتكەن كەزدە قالاعان ۋاقىتتا زات تيەپ، زات تۇسىرە الاتىن ەتىپ وزگەرتۋگە كۇش سالىپ، جولاۋشى تاسىمالداۋ فورماسىمەن زات جونەلتىپ، جوعارى تەحنيكانى، سيفرلانۋدى جانە زەردەلىلەنۋدى تىرەك ەتكەن تۇعىرعا اينالدىرامىز. بۇدان كەيىن ءبىز تاعى ەل ىشىندەگى، اۋەلى، ’ءبىر بەلدەۋ، ءبىر جول‘ جەلى بويىنداعى ءتىپتى دە كوپ الاڭ - بەكەتتەردى تۇتاستىرىپ، جاڭا جىبەك جولىن اناعۇرلىم ىركىلىسسىز، اناعۇرلىم ’زەردەلى‘ ەتۋگە دەم بەرەمىز“، - دەدى جوۋ كاي.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.