− جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتى جونىندەگى جالپى شولۋ (2)
شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين
قۇلتەمىر ءوندىرىس جەلىسىندە شاپشاڭ قيمىلداپ، جۇمىسشى كومپيۋتەر ەكرانى الدىندا ماشينالارعا بۇيرىق بەرىپ، زات اينالىمى جۇيەسى اۆتوماتتى تۇردە جەتكىزىپ جاتادى... ساندى مالىمەتتەردى جيناۋدان، جۇمىس بارىسىن مەڭگەرۋدەن ءونىمدى جالپى عۇمىر پەريودىندىق باسقارۋعا دەيىن، جولاڭ شينجياڭ زەردەلى ماشينالار شەكتى سەرىكتەستىگىنىڭ ءجىپ ءيىرۋ ماشيناسى زەردەلى زاۆود نىسانى ”ينتەرنەت +جاساۋ كاسىبىنىڭ“ كەرەمەتىن كورسەتتى.
بۇل زەردەلى زاۆود شينجياڭنىڭ ەكونوميكالىق قۇرىلىمدى رەتتەۋدەگى، ەكونوميكانىڭ تيبىن وزگەرتىپ، دارەجەسىن جوعارىلاتۋداعى وراسان زور وزگەرىستى كوز الدىعا اكەلۋمەن بىرگە، جۇرتتىڭ شينجياڭنىڭ جاساۋ كاسىبىنە بولعان ءۇمىتى مەن تىلەگىن كوبەيتتى.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىن مىقتاپ يگەرىپ، جاڭا دامۋ ۇستانىمىنا تاباندى بولىپ، ”3 ءىرى قامال الۋ شايقاسىن“ ويداعىداي جۇرگىزۋ، ”3 ءتۇيىندى قىزمەتتى“ ويداعىداي ىستەۋ بارىسىندا رايونىمىز ەكونوميكاسىنىڭ جوعارى ساپالى دامۋىن ۇزدىكسىز ىلگەرىلەتتى.
باستان - اياق ساباقتاستىرىلعان عىلمي ۇستانىم
ەكونوميكانىڭ جوعارى ساپالى دامۋىن ىلگەرىلەتۋدە ونەركاسىپ نەگىزگى شايقاس مايدانى بولسا، جاساۋ كاسىبى ءتۇبىرلى تىرەك سانالادى.
بيىل 1 - ايدان 7 - ايعا دەيىن، ىندەتتىڭ ىقپالىنا ۇشىراعانىمەن، بۇكىل رايونداعى كولەمدەنگەن ونەركاسىپ كاسىپورىندارىنىڭ ارتقان قۇنى سايكەس مەزگىلدەگىدەن ％5.8 جوعارىلاپ، ارتۋ جىلدامدىعى ورتاشا جوعارى ارتۋ ارالىعىن ساقتاپ، الدىڭعى جىلعى سايكەس مەزگىلدەگىدەن 1.4 پايىز جوعارىلاپ، سىرتقا بەلسەندى، پارمەندى دامۋ سيگنالىن كورسەتتى.
نەعۇرلىم توتەنشە جاعدايدا، ەكونوميكانىڭ نەگىزگى اۋقىمىن سولعۇرلىم ورنىقتىرىپ، داعدارىس بارىسىندا تىڭ وراي جەتىلدىرىپ، وزگەرىس بارىسىندا جاڭا جاعداي اشۋ كەرەك.
شينجياڭدا ءداستۇرلى ونەركاسىپتىك جاساۋ كاسىبى جاڭادان كوركەيگەن ينتەرنەت تەحنيكاسىمەن حيميالىق رەاكسياعا كىرىسىپ، جاڭالىق اشىپ، دارەجەسىن جوعارىلاتىپ، بۇكىل كاسىپ سالاسى تىزبەگى قۇرىلىمىنىڭ ساپالىلانۋىن، قوزعاۋشى كۇشىن اۋىستىرۋىن ىلگەرىلەتتى. تىكە تاراتۋدا زات ساتۋ، ينتەرنەت وقۋ - اعارتۋى، ينتەرنەتتىك مەديتسينالىق ەمدەۋ، ينتەرنەت جەلىسىندە قىزمەت ىستەۋ سياقتى جاڭا تەحنيكالار، جاڭا كاسىپ كۇيلەرى، جاڭا ۇلگىلەر جاڭا كاسىپ سالاسى ەكولوگياسىن تۇلعالاپ، تىڭ دامۋدىڭ قوزعاۋشى قۋاتىن قايتا سومداۋدا.
6 جىلعا قايىرىلا قاراساق، سىرتقى ورتادا تەرەڭ وزگەرىس تۋىلعان، ەكونوميكانىڭ تيبىن وزگەرتۋدىڭ مەزەتتىك قيىندىعى قىسقان قامال الۋ كەزەڭىندە، شينجياڭ قاشاندا جاڭا دامۋ ۇستانىمىن دامۋدىڭ جالپى جاعدايىنا جەتەكشىلىك ەتەتىن قۇن بەتالىسى جانە يدەيالىق تىرەگى ەتىپ، ەكونوميكالىق، قوعامدىق دامۋدىڭ جالپى بارىسىنا ءسىڭىردى.
ءبىر باس نىسانانى مىقتاپ ورناتىپ، ورنىقتىلىق پەن دامۋ سىندى 2 شەشۋشى ءتۇيىندى مىقتى ۇستاپ، كۇردەلى قىزمەتتى جاقسى ىستەۋ ونەرىن ۇزدىكسىز جوعارىلاتىپ، حاۋىپ - قاتەر، سىن - سايىستى مەڭگەرۋ قابىلەتىن جوعارىلاتىپ، ورنىقتىلىق ارقىلى پايدا جەتكىزىپ، دامۋ ارقىلى جۇرت تىلەگىن توعىستىرعان شينجياڭ ەكونوميكالىق دامۋ جۇلگەسىندە نىق قاداممەن الىسقا بەت تۇزەدى.
− جاڭالىق اشۋ ءبىرىنشى جەتەككە اينالدى. جاڭا تەحنيكالار، جاڭا ونىمدەر، جاڭا كاسىپ كۇيلەرى قارىشتاي وركەندەپ، ەكونوميكالىق قۇرىلىم ۇزدىكسىز ساپالىلانىپ، ساياحات، ساۋدا، زات اينالىمى سياقتىلار ۋاكىل بولعان وسى زامانعى قىزمەت وتەۋ كاسىبى جەدەل دامىپ، ەكونوميكالىق ارتۋدى ىلگەرىلەتەتىن جاڭا قوزعالتقىشقا اينالدى.
− سايكەسىمدىلىك ىشكى قوزعاۋشى كۇشكە اينالدى. قازىنا، قارجى قوسۋ، فينانس، دارىندىلارعا قاتىستى ءبىرسىپىرا ەرەكشە ساياساتتار وڭتۇستىك شينجياڭعا بەيىمدەلىپ، وڭتۇستىك شينجياڭ دامۋىنىڭ نەگىزىن بەكەمدەدى، سونداي - اق وڭتۇستىك، سولتۇستىك شينجياڭ وڭىرلەرىنىڭ سايكەسە دامۋىن جەبەدى.
− جاسىل جالپىلىق فورماتسياعا اينالدى. ”3 جوعارى“ نىساننىڭ شينجياڭعا كىرۋىن قاتاڭ شەكتەپ، ەنەرگيا، كەن بايلىقتارىن اشۋدى ”ءبىر قالاممەن“ تەكسەرىپ بەكىتۋ ءتۇزىمىن قاتاڭ اتقارىپ، ەكولوگيانىڭ تومەنگى شەگىن، قىزىل سىزىعىن باتىل ساقتادى، جاسىلدىق شينجياڭنىڭ ەكونوميكالىق دامۋىنىڭ ەڭ ادەمى نەگىزگى تۇسىنە اينالدى.
− ەسىك اشۋ، ءسوز جوق، باسىپ وتەتىن جولعا اينالدى. جىبەك جولى ەكونوميكالىق بەلدەۋىندەگى وزەكتى رايون قۇرىلىسى جەدەل ىلگەرىلەپ، شينجياڭ ”ءبىر بەلدەۋ، ءبىر جول“ دامۋىنىڭ كەلەلى جاعدايىنا جەدەل توعىسۋ بارىسىندا ءوزىنىڭ توتەنشە وڭىرلىك باسىمدىعىن جارىققا شىعاردى.
− بىرگە يگىلىكتەنۋ ءتۇبىرلى ماقساتقا اينالدى. حالىقتى بارىنەن جوعارى قويۋعا تاباندى بولىپ، ءوز دارەجەسىندەگى قازىنالىق شىعىستىڭ ％70تەن استامىن حالىق تۇرمىسىن جاقسارتۋدى قامتاماسىز ەتۋگە پايدالانىپ، دامۋدى حالىق تۇرمىسىن جاقسارتۋ جاعىندا شىنايى تياناقتاندىردى، جەرگىلىكتى ورىنعا تيىمدىلىك جاساۋ جاعىندا شىنايى تياناقتاندىردى، ىنتىماقتى كۇشەيتۋ جاعىندا شىنايى تياناقتاندىردى.
ورنىقتىلىقتى ارقاۋ ەتە دامۋدى كوزدەپ، دامۋ ارقىلى ورنىقتىلىقتى جەبەپ، شينجياڭنىڭ ەكونوميكاسىنىڭ جوعارى ساپالى دامۋ ”تاتىمى“ اناعۇرلىم جەتكىلىكتى بولدى. 2014 - جىلدان بەرى رايونىمىزدىڭ GDPى ورتا ەسەپپەن جىلىنا ％7.7 ارتىپ، 2017 - جىلى تريلليون يۋاندىق وتكەلدى بۇزىپ، 2019 - جىلى ءبىر تريلليون 359 ميلليارد 700 ميلليون يۋانعا جەتتى.
”اماليات ۇستانىمنىڭ ارەكەتتىڭ جەتەكشىسى ەكەندىگىن تولىق دالەلدەدى. جاڭا دامۋ ۇستانىمى جالپى جاعدايدى باسقارۋدىڭ، ءتۇبىردى باسقارۋدىڭ، ۇزاق بولاشاقتىق باسقارۋدىڭ جەتەكشى باعىتى، ستراتەگيالىق سيپاتقا، تۇعىرنامالىق سيپاتقا، جەتەكشىلىك سيپاتقا يە“، - دەدى اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى شۇي بين.
ورنالاسۋدى ساپالىلاندىرعان دامۋ نەگىزگى جەلىسى
كەلپىن اۋدانىنداعى جۇقا نان جابۋ ونەرىن جالعاستىرۋشى، يۇىرچي اۋىلى توما ارىق قىستاعىنىڭ تۇرعىنى عۇلام ءمۇتالىپ نان جابۋ ونەرىنە بۇرىننان ابدەن قانىق ەدى. ايتسەدە ونەركاسىپتەندىرۋدىڭ ءداستۇرلى ءوندىرىس ءتاسىلىن قايتا سومداۋى ونىڭ نان تۋرالى تانىمىن تاعى وزگەرتتى.
”وتكەندە ءبىر ءۇيلى جان كىشكەنە توناردى اينالسوقتاپ ءبىر كۇن ابىگەرلەنگەندە ارەڭ 150نان جاۋىپ، ايىنا 2000 نەشە يۋان كىرىس كىرگىزەتىنبىز. بۇگىنگى تاڭدا ۇلاسپالى جەلىدە جۇمىس جۇرگىزىپ، كۇنىنە 700گە تاياۋ نان جاۋىپ، ايىنا 8000 يۋاننان استام كىرىس كىرگىزەتىن بولدىق“، - دەدى عۇلام.
كاسىپ سالالاندىرۋ جولى ارقىلى مىڭ جىلدىق تاريحى بار نان سىندى وسى ەرەكشە ءدامدى تاعام ءتۇرلى وزگەرىستى وتكەرۋدە، ەسىك الدىنداعى كىشكەنە توناردا ءوندىرۋ تاسىلىنەن كاسىپ سالالاندىرۋ جولىنا ءتۇسۋ شارۋالاردىڭ كىرىسىن ارتتىرۋعا دەم بەرۋدىڭ، ەرەكشە كاسىپ سالاسىن زورايتۋدىڭ، كۇشەيتۋدىڭ جاڭا تىرەگىنە اينالدى.
كاسىپ سالاسى تىزبەگىنىڭ ورەسىن جوعارىلاتۋدا تەحنيكادا جاڭالىق اشۋ مەن كولەم ەففەكتىنەن پايدالانىپ جاڭا باسەكەلىك ابزالدىلىق قالىپتاستىرۋعا باسا ءمان بەرىپ، جاڭا كاسىپ سالاسى شوعىرىن جەتىلدىردى جانە دامىتتى − مىنە بۇل قامداۋ جاعىنداعى قۇرىلىمدىق رەفورمانىڭ تيەسىلى مازمۇنى.
وسى 6 جىلدا شينجياڭنىڭ قامداۋ جاعىنداعى قۇرىلىمدىق رەفورمانى نەگىزگى جەلى ەتكەن دامۋ جەلىسى كۇن سايىن ايقىندالدى، ەكونوميكالىق دامۋدىڭ قوزعاۋشى كۇش قۇرىلىمى، كاسىپ سالاسى قۇرىلىمى، فاكتور قۇرىلىمى، ارتۋ ءتاسىلى بۇرىن بولماعان ساپالى قايتا سومدالۋدى باستان وتكەرۋدە.
باستاماشى بولۋدى كۇشەيتىپ، ”تانىمالى تانىسقى“ اناعۇرلىم ايگىلەندى −
ءداستۇرلى دەگەندى مەشەۋلىك دەپ كىم ايتادى؟ بيىل 7 - ايدىڭ 15 - كۇنى 69 جىلدىق تاريحى بار باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى وتتەگى دومنا پەشىنە وت جاعىلىپ ىسكە قوسىلدى ءارى 1 - كەزەڭدەگى ونەركاسىپ سىناعىن باستاپ، دۇنيە جۇزىندەگى بولات - تەمىر كاسىبى تەحنيكاسىنداعى قيىن ماسەلەگە رەسمي سايىس جاريالادى. بۇل سەرىكتەستىكتىڭ القا باستىعى شياۋ گودۇڭ ماقتانىشپەن: باگاڭ قامداۋ جاعىنداعى قۇرىلىمدىق رەفورمانىڭ تالاپتارىنا بەلسەنە، ىرىقتىلىقپەن سايكەسىپ، كاسىپورىننىڭ رەفورماسى مەن تيبىن وزگەرتىپ دامۋىن جالپى بەتتىك ىلگەرىلەتتى، قازىر تۇبەگەيلى وزگەرىس تۋىلۋدا، - دەدى.
تىزبەكتى تولىقتاپ، كاسىپ سالاسىنىڭ وقشاۋلانۋىن تالقاندادى −
وسى بىرنەشە جىلدا شينجياڭ جەمىس - جيدەك شارۋاشىلىعى توبى شەكتى سەرىكتەستىگى اۋىل شارۋاشىلىعى ونىمدەرىن شينجياڭ ىشىندە ساتىپ الۋ تورى مەن شينجياڭ سىرتىنا ساتۋ تورى سىندى ”ەكى تور“ قۇرىلىسىن كۇش سالا ويداعىداي يگەرىپ، شينجياڭ ىشىندە 11 ساقتاۋ، مانەرلەۋ ساۋداسى جيناۋ - سەپتەۋ ورتالىعىن قۇرىپ، جاڭعاق، شىلان، ورىك سياقتى جەمىس ورمانى نەگىزگى ءوندىرىس وڭىرلەرىن قامتىپ، بازا، مانەرلەۋ، ساۋدالاۋ، سۋىق تىزبەكتى ساقتاۋ، زات اينالىمى، جەتكىزۋدەن سوڭعى ساتۋعا دەيىنگى تۇتاس كاسىپ سالاسى تىزبەگىنىڭ جيناۋ سيپاتتى دامۋ تۇعىرىن قۇردى. شينجياڭ سىرتىندا ساتۋ تورى 3348گە جەتىپ، شينجياڭنىڭ اۋىل شارۋاشىلىعى ونىمدەرىن ساتۋدا ءداستۇرلى ارنادان الەۋمەتتىك اۋماقتاردا تىكە ساتۋعا دەيىنگى، ءوز الدىنا تيجارات جۇرگىزۋدەن بۇكىل ەلگە بەت العان سەلبەسىپ تيجارات جۇرگىزۋگە دەيىنگى وزگەرىستى جۇزەگە اسىردى.
...
قامداۋ جاعىنداعى قۇرىلىمدىق رەفورمانىڭ ۇزدىكسىز تەرەڭدەۋىنە ساي، شينجياڭنىڭ 3 رەتكى كاسىپ سالاسىنىڭ دامۋ ورنالاسۋى اناعۇرلىم ايقىندالدى −
1 - كاسىپتە دەڭگەيدى جوعارىلاتۋعا تاباندى بولىپ، استىقتى ورنىقتىرىپ، ماقتانى ساپالىلاندىرىپ، مال شارۋاشىلىعىن جەبەپ، جەمىس كاسىبىن كۇشەيتىپ، ەرەكشە كاسىپتى گۇلدەندىرىپ، وسى زامانعى اۋىل شارۋاشىلىعى كاسىپ سالاسى جۇيەسىن، ءوندىرىس جۇيەسىن جانە تيجارات جۇيەسىن جەدەل ورناتتى.
2 - كاسىپتە ءتۇيىندى يگەرۋگە تاباندى بولىپ، مۇناي، حيميا - ونەركاسىپ سياقتى ءداستۇرلى كاسىپ سالاسىن جاڭالاۋ، دارەجەسىن كوتەرۋدى جەدەل ىلگەرىلەتىپ، دامۋدىڭ جاڭا قوزعاۋشى قۋاتتارىن بەلسەنە جەتىلدىردى.
3 - كاسىپتە قاۋىرت دامۋعا تاباندى بولىپ، قىزمەت وتەۋ كاسىبىن زورايتۋدى، ساپالىلاندىرۋدى ىلگەرىلەتىپ، قىزمەت وتەۋمەن قامداۋدى ۇزدىكسىز كەڭەيتىپ، سۇرانىس كومەسكى كۇشىن اشتى. سوڭعى جىلدارى شينجياڭ ساياحات ارقىلى شينجياڭدى گۇلدەندىرۋ ستراتەگياسىن كۇش سالا ىلگەرىلەتىپ، ساياحات كاسىبىنىڭ دەڭگەيىن جوعارىلاتىپ، دارەجەسىن ءوسىرۋدى جەدەلدەتىپ، ساياحات بازارى ۇزدىكسىز جاندانىپ، 2014 - جىلعى بۇكىل شينجياڭنىڭ قابىلداعان ساياحاتشى سانى 50 ميلليون ادام - رەتكە جەتپەۋدەن 2019 - جىلعى 200 ميلليون ادام - رەتتەن اسۋعا ءوتتى، ”شينجياڭ جاقسى جەر“ ماركاسى اناعۇرلىم ايگىلەنە ءتۇستى.
ءداستۇرلى كاسىپ سالاسى قايتا جاندانىپ، جاڭادان گۇلدەنگەن كاسىپ سالاسى قارىشتاپ دامىدى. شينجياڭ جوعارى ساپالى دامۋدى ىلگەرىلەتەتىن جاڭا قوزعاۋشى كۇشتى ۇزدىكسىز ىسكە قوسىپ، 3 - كاسىپتىڭ ەكونوميكانىڭ ارتۋىنا قوسقان ۇلەسى 2014 - جىلعى ％5. 36تەن 2019 - جىلعى ％7. 66كە جەتتى.
ءورىس اشا العا باسۋدىڭ اسەم كارتيناسى
جاڭا عانا جابىلعان شيامىن حالىقارالىق قارجى قوسۋ ساۋدا كەڭەسى جانە جىبەك جولى قارجى قوسۋ جينالىسىندا شياڭگاڭدىق - فۋجياندىق ساۋداگەرلەر دامۋ قورىنىڭ القاسى، شينجياڭ جيانباڭ جاڭالىق اشۋ، قارجى قوسۋ شەكتى سەرىكتەستىگىنىڭ القا باستىعى جىڭ ۋفاڭ شونجى اۋدانىندا كومىر تاسىمالداۋ كاريدور جولىن سالۋ ينجەنەرياسىنا 2 ميلليارد 500 ميلليون يۋان قارجى قوسۋدى ۇيعاردى. ”بۇل ارانىڭ شارۋاشىلىق - ساۋدا ورتاسى جاقسى، دامۋ بولاشاعى نۇرلى ەكەن، ءتىپتى، ۇلكەن بازارعا يە بولاتىندىعىمىزعا سەنەمىز“، - دەدى جىڭ ۋفاڭ.
تاماشا شارۋاشىلىق - ساۋدا ورتاسى باۋراۋ قۋاتىنا، باسەكەلىك قۋاتىنا، اۋەلى، جەتەكشى قۋاتىنا يە.
6 جىلدان بەرى شينجياڭ باتىلدىقپەن پىشاقتىڭ ءدۇزىن ىشكە قاراتىپ، وزىنە توڭكەرىس جاساپ، ۇكىمەت پەن بازاردىڭ قارىم - قاتىناسىن ۇزدىكسىز قايتا سومداپ، فينانس، قازىنا، سالىق، قوعامدىق ىستەر سياقتى كوپتەگەن سالانىڭ رەفورماسىنا پارمەندى جەتەكشىلىك ەتىپ، بۇكىل شينجياڭنىڭ شارۋاشىلىق - ساۋدا ورتاسىنىڭ ۇزدىكسىز جاقسارۋىن ىلگەرىلەتىپ، بازاردىڭ ومىرشەڭدىگىن جانە قوعامنىڭ جاسامپازدىعىن بارىنشا قاۋلاتتى.
بيىل الدىڭعى جارتى جىلعا دەيىن، شينجياڭنىڭ ءتۇرلى بازار تۇلعالارى (بيڭتۋاندى قامتيدى) ءبىر ميلليون 977 مىڭعا جەتىپ، ەكونوميكالىق، قوعامدىق دامۋعا جاڭا قان قۇيىپ، تولىسۋدىڭ ءۇمىتىن سيلادى.
جىبەك جولى ەكونوميكالىق بەلدەۋى وزەكتى رايون قۇرىلىسىنىڭ ىلگەرىلەتىلۋى شينجياڭنىڭ ءتىپتى كەڭ دامۋ ورىسىنە يە بولۋىنا مۇمكىندىك جاسادى.
بيىل الدىڭعى جارتى جىلدا ءۇرىمجىنى قامتىعان جۇڭگو - ەۆروپا كەزەكشى پويەزى توراپ ءتۇيىنى بولعان 5 قالانىڭ جۇڭگو - ەۆروپا كەزەكشى پويەزى جينالۋ ورتالىعى بويىنشا ۇلگى كورسەتۋ ينجەنەريا قۇرىلىسىن ورىستەتۋى بەكىتىلدى؛ ءۇرىمجى حالىقارالىق قۇرلىق پورت ءوڭىرىنىڭ 34 ءتۇيىندى نىسانى جۇمىس باستاپ، ءبىر ميلليارد 286 ميلليون يۋان قارجى قوسۋدى ورىندادى؛ قورعاس جۇڭگوشا ءدارى - دارمەك ماتەريالدارىن ەكسپورت - يمپورت ەتۋ شەكارا وتكەلى، ەڭلىك بۇيىمداردى ەكسپورت - يمپورت ەتۋ شەكارا وتكەلى، ءدارى - دارمەكتى ەكسپورت ەتۋ شەكارا وتكەلى رەسمي ۆيۋەسكا اسىپ قۇرىلدى... ىلۋدە ءبىر كەزىگەتىن كەلەلى وراي الدىندا، شينجياڭ ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋىن“ جەتەكشى ەتىپ، ءورىس اشا العا باسۋدىڭ دامۋ كارتيناسىن سالدى.
6 جىلدان بەرى ”شينجياڭ ىشىندە شەڭبەر قالىپتاستىرۋ، شينجياڭنان كىرىپ - شىعۋدى تەزدەتۋ“ توڭىرەگىندە شينجياڭنىڭ ستەرەولدى قاتىناس جۇيەسى ۇزدىكسىز كەمەلدەنىپ، شىعىسپەن بىرلەسىپ باتىسقا شىعارۋ ارناسىنىڭ رولى كۇن سايىن كورنەكتىلەنىپ، ۋاقىت جانە كەڭىستىك جاعىندا دۇنيە جۇزىمەن تىعىز بايلانىسىپ، جوعارى ساپالى دامۋدىڭ نەگىزى مەن ارىنىن دا بەكەمدەدى.
4G تورى قالا - اۋىلدى قامتىدى، 5G قۇرىلىسى ورنىقتى ىلگەرىلەتىلۋدە، ەڭ قيىر شەتتەگى اۋىل - قىستاقتارداعى، ەڭ الىس مال شارۋاشىلىق فەرمالارىنداعى ەگىنشى - مالشىلاردىڭ ءوزى بەينەەكرانمەن شار تاراپتاعى قاريدارلارمەن حابارلاسا الادى... بۇگىنگى شينجياڭ ينفورماتسيانىڭ وقشاۋ ارالىنان شىعىپ، دامۋدىڭ ۇلكەن اعىمىنا ىلەستى.
سۋ تاسىسا، ەكى جاعالاۋدىڭ ساعاسى كەڭيدى، جەل وڭىنان تۇرسا، كەمەنىڭ جەلكەنى كوتەرىلەدى. جاڭا دامۋ جۇلگەسىندە شينجياڭ اناعۇرلىم ىرىقتى بەينەمەن، اناعۇرلىم نىق قاداممەن جوعارى ساپالى دامۋدى ىلگەرىلەتۋدىڭ جاڭا ورىسىنە قادام تاستادى.
