تيانشان تورى   ›   جاڭالىقتار   ›   سۋرەتتى حابار

چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى

 چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزگەن كەزدە بىلاي دەپ باسا دارىپتەدى

 ورايدى مىقتاپ يگەرىپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، دامۋ جەتىستىكتەرى ارقىلى ءار ۇلت حالىق بۇقاراسىن اناعۇرلىم جاقسى باقىتقا كەنەلتۋ كەرەك

         9 - ايدىڭ 16 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو حۇيجيا شىداي بازارىندا بازارداعى قامداۋ، تاۋار باعاسى سياقتى جاعدايلاردى ەگجەي - تەگجەيلى ۇعىسۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 9 - ايدىڭ 16 - كۇنى ۇرىمجىدەن حابارلايدى. 9 - ايدىڭ 16 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ورايدى مىقتاپ يگەرىپ، ارتىقشىلىقتاردى ساۋلەلەندىرىپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، دامۋ جەتىستىكتەرى ارقىلى ءار ۇلت حالىق بۇقاراسىن اناعۇرلىم جاقسى باقىتقا كەنەلتۋگە قۇلشىنۋ كەرەك.

  چىن چۋانگو ءۇرىمجى قالاسىنداعى ءبىر توقىماشىلىق، كيىم - كەشەك شەكتى سەرىكتەستىگىنە بارىپ، ءوندىرىس، تيجارات، بازار ساتىلىمى، ەڭبەكاقى كىرىسى قاتارلى جاعدايلاردى ەگجەي - تەگجەيلى ۇعىسىپ، كاسىپورىندى سەنىمدى كۇشەيتىپ، ورايدى مىقتاپ يگەرىپ، بازاردىڭ قاجەتىن ءجىتى كوزدەپ، قۇلشىنا ساپانى جاقسارتۋعا، كۇشەيۋگە شابىتتاندىردى. ول بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر، سونداي - اق قاتىستى فۋنكتسيالىق تاراۋلار كاسىپورىندارعا بارىپ، كاسىپورىنداردىڭ قاجەتىن سۇراپ، كاسىپورىنداردى بىرگە - ءبىر، بەتپە - بەت، جان - جاقتىلى ساپالى قىزمەت وتەۋمەن قامداپ، كاسىپورىنداردىڭ ۇزدىكسىز اقاۋسىز دامۋىنا دەم بەرۋ كەرەك.

  ءۇرىمجى جوعارى - جاڭا تەحنيكا كاسىپتەرىن اشۋ رايونىنداعى (جاڭا قالا رايونى) بەلگىلى نىسان قۇرىلىسىنىڭ جۇمىس باسىندا چىن چۋانگو نىسان قۇرىلىسىنىڭ ىلگەرىلەۋ جاعدايىن ناقتى ۇعىستى. ول بىلاي دەپ اتاپ كورسەتتى: جەتەكشىلىكتى كۇشەيتىپ، قىزمەت وتەۋدى جاقسى ىستەپ، شاپشاڭ قارمانۋ، ۋاقىتتى ۇتۋ رۋحىمەن نىساندى جوسپارلاپ، نىساندى ىلگەرىلەتىپ، نىساندى سالىپ، ەكونوميكانىڭ جوعارى ساپالى دامۋىن ىلگەرىلەتۋگە قۋاتتى دا پارمەندى تىرەك ازىرلەۋ كەرەك.

  حۇيجيا شىداي بازارىندا چىن چۋانگو كاسىپورىن جاۋاپتىلارىمەن، ساۋداگەرلەرمەن جانە زات ساتىپ الۋعا كەلگەن قالا تۇرعىندارىمەن ىقىلاستى اڭگىمەلەسىپ، بازار قامداۋى، تاۋارلاردىڭ باعاسى سياقتى جاعدايلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: ىندەتتەن ساقتانۋ - تىزگىندەۋدى ۇدايىلاندىرۋ شارالارىن ويداعىداي ىستەۋ العى شارتىندا، تۇتىنۋدىڭ كومەسكى كۇشىن تولىق اشىپ، قامداۋ ساپاسىن كۇش سالا جوعارىلاتىپ، تۇتىنۋ ومىرشەڭدىك كۇشىن قاۋلاتۋ كەرەك.

  چىن چۋانگو تاعى ءار ۇلت بۇقاراسىن تەگىن ساۋدا ورنىمەن قامداپ وتىرعان تيانشان شيمىن حالىققا قولايلى بازارعا بارىپ، ءار ۇلت ساۋداگەرلەرىنەن، باسقارۋشى قىزمەتكەرلەردەن تيجارات، كىرىس، بازار باسقارۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: تۇعىردى بەلسەندىلىكپەن قۇرىپ، جۇمىستانۋ ارناسىن كەڭەيتىپ، يكەمدى جۇمىستانۋدى جەبەپ، بۇقارانىڭ كىرىسىن ارتتىرۋ؛ قىزمەت وتەۋدى، باسقارۋدى سۇيىسپەنشىلىكپەن، جاۋاپكەرشىلىكپەن جاقسى ىستەپ، ىندەتتەن ساقتانۋ، تازالىق جانە ورتتەن ساقتانۋ شارالارىن ناقتى، ەگجەي - تەگجەيلى تياناقتاندىرىپ، ءوندىرىس، تيجارات ءتارتىبىن ارناعا ءتۇسىرىپ، ءتۇرلى بۇقارالىق بازارلاردىڭ حالىققا اناعۇرلىم قولايلى، يكەمدى، ءتيىمدى بولۋىنا مۇمكىندىك جاساۋ كەرەك.

  تەكسەرۋ - زەرتتەۋ بارىسىندا چىن چۋانگو ءۇرىمجى قالاسىنىڭ ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جاعدايىنان بەرگەن مالىمەتىن تىڭدادى. ول بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاستان دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن تيتتەي دە بوساڭسىماستان ويداعىداي يگەرۋ العى شارتىندا، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، قىسىمدى قوزعاۋشى كۇشكە اينالدىرىپ، داعدارىستى ورايعا اينالدىرۋعا شەبەر بولىپ، سەنىمدى بەكەمدەپ، ىرىقتىلىقپەن ىسكەرلىك كورسەتىپ، ەكونوميكانىڭ جوعارى ساپالى دامۋىن جەدەل ىلگەرىلەتۋدە اناعۇرلىم زور قادام تاستاۋ كەرەك. جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتىپ، تاسىلدە بۇرىلىس جاساۋدى، قۇرىلىمدى رەتتەۋدى تەزدەتىپ، 1 -، 2 -، 3 - كاسىپ سالالارىنىڭ توعىسا دامۋىن جەبەپ، ەكونوميكانىڭ جوعارى ساپالى دامۋىن بار كۇشپەن ىلگەرىلەتۋ كەرەك. ەكونوميكالىق ارتۋدىڭ كومەسكى كۇشىن تەرەڭدەي ارشىپ، قارجى قوسۋدىڭ، تۇتىنۋدىڭ، ەكسپورتتىڭ سايكەسىپ كۇش شىعارۋىن جەبەپ، ءتۇيىندى نەگىزدىك قۇرىلعى قۇرىلىستارىن توڭىرەكتەي وتىرىپ ءونىمدى قارجى قوسۋدى كەڭەيتىپ، ىشكى سۇرانىستى كەڭەيتۋ ستراتەگياسىن باتىل اتقارىپ، جىبەك جولى ەكونوميكالىق بەلدەۋى وزەكتى رايونىن جەدەل قۇرۋ كەرەك. بازار تۇلعالارىنىڭ ومىرشەڭدىك كۇشىن قاۋلاتىپ، قيىنشىلىقتى شەشۋ، كاسىپورىندارعا تيىمدىلىك جەتكىزۋ ساياساتتارىن جالپى بەتتىك تياناقتاندىرىپ، فاكتور قامتاماسىزدىعىن كۇشەيتىپ، ءتۇرلى كاسىپورىنداردىڭ، اسىرەسە، شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ ءىس جۇزىندىك قيىنشىلىقتارى مەن ماسەلەلەرىن شەشۋىنە كومەكتەسىپ، كوپ ءتۇرلى شارانى قاتار قولدانىپ بازار تۇلعالارىنىڭ دامۋ سەنىمى مەن قوزعاۋشى كۇشىن كۇشەيتۋ كەرەك. شارۋاشىلىق - ساۋدا ورتاسىن ۇزدىكسىز جاقسارتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، سايكەستىلىكتى، باعىتتامالىلىقتى كۇشەيتىپ، تەكسەرىپ بەكىتۋ ءتارتىبىن ازايتىپ، جۇمىس ءبىتىرۋ ونىمدىلىگىن جوعارىلاتىپ، بازارعا كىرۋگە رۇقسات ەتۋ شارتىن تومەندەتىپ، ءادىل باسەكەنى قورعاپ، ەكونوميكانىڭ جوعارى ساپالى دامۋىنا قوزعاۋشى كۇش ۇستەۋ كەرەك. قىزمەت وتەۋ تانىمىن كۇش سالا كۇشەيتىپ، ءبىرىنشى شەپكە بارىپ، كاسىپورىندارعا بارىپ، دالمە - ءدال قىزمەت وتەپ، ماسەلەلەردى شەشىپ، شىن نيەتپەن، سۇيىسپەنشىلىكپەن، كۇش سالىپ تاماشا دامۋ ورتاسىن قالىپتاستىرىپ، كاسىپورىنداردىڭ، ساۋداگەرلەردىڭ قيىن وتكەلدەن وتۋىنە، اقاۋسىز دامۋىنا دەم بەرۋ كەرەك. ورنىقتى جۇمىستاندىرۋدى كورنەكتىلەندىرە جاقسى يگەرىپ، جۇمىستاندىرۋدى الدىمەن ويلاستىرۋ ساياساتىن اتقارىپ، جۇمىستاندىرۋدى ورنىقتىرۋ شارالارىن جالپى بەتتىك كۇشەيتىپ، اۋىرتپالىقتى جەڭىلدەتۋدى، جۇمىس ورنىن ورنىقتىرۋدى، جۇمىستاندىرۋدى كەڭەيتۋدى قاتار جۇرگىزىپ، ءتۇيىندى شوعىرلاردى جۇمىستاندىرۋ قىزمەتىن ناقتى يگەرىپ، جۇمىستاندىرۋدى، شارۋاشىلىق قۇرۋدى كوپ ارنامەن جەبەۋ كەرەك. قوعام ورنىقتىلىعىن بار كۇشپەن قورعاپ، نازاردى باس نىساناعا شوعىرلاندىرىپ، كەشەندى شارانى جاقسى جۇرگىزىپ، ورنىقتىلىقتى قورعاۋ، ءوندىرىس حاۋىپسىزدىگى، بۇقاراعا قىزمەت وتەۋ قىزمەتتەرىن ەش مىزعىماستان ويداعىداي يگەرىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋگە تاماشا ورتا ازىرلەۋ كەرەك.

  اۆتونوميالى رايون باسشىلارىنان شۇي حايرۇڭ، جاۋ چيڭ قاتارلىلار بىرگە تەكسەرۋ - زەرتتەۋ جۇرگىزدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.