شينحۋا اگەنتتىگىنىڭ 9 - ايدىڭ 17 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 9 - ايدىڭ 17 - كۇنى «شينجياڭنىڭ ەڭبەكپەن جۇمىستاندىرۋدى قامتاماسىز ەتۋى» اق تىستى كىتابىن جاريالادى.
اق تىستى كىتاپتا بىلاي دەپ تانىستىرىلدى: جۇڭگونىڭ شينجياڭى ەڭبەكپەن جۇمىستاندىرۋدى جەبەۋدى ەڭ ۇلكەن حالىق تۇرمىسى ينجەنەرياسى، حالىق تىلەگى ينجەنەرياسى، ءتۇبىرلى نەگىز ينجەنەرياسى ەتىپ، ەڭبەكشىلەردىڭ ءوز كۇشىنە سۇيەنىپ جۇمىستانۋىن، بازاردىڭ جۇمىستانۋدى رەتتەۋىن، ۇكىمەتتىڭ جۇمىستانۋدى جەبەۋىن جانە شارۋاشىلىق قۇرۋعا ىنتالاندىرۋدى ءوزارا ۇشتاستىرۋعا تاباندى بولىپ، جۇمىستاندىرۋ بويىنشا باۋلۋ تەبىنىن ءۇرتىس ارتتىرىپ، جۇمىستاندىرۋ ارناسىن بەلسەنە كەڭەيتىپ، جۇمىستاندىرۋ قامتىمىن ءونىمدى ارتتىرىپ، جۇمىستانۋ جاعدايى ءۇرتىس جاقساردى، ءار ۇلت بۇقاراسىنىڭ كىرىس دەڭگەيى ۇزدىكسىز جوعارىلادى.
اق تىستى كىتاپتا مىنالار كورسەتىلدى: سوڭعى جىلدارى، شينجياڭنىڭ ەڭبەكپەن جۇمىستاندىرۋدى قامتاماسىز ەتۋ ساياسات جۇيەسى اناعۇرلىم كەمەلدەندى، جۇمىستاندىرۋ كولەمى ۇزدىكسىز كەڭەيدى، جۇمىستاندىرۋ قۇرىلىمى اناعۇرلىم ۇيلەسىمدى بولدى، ەڭبەككۇشتەردىڭ ساپاسى كورنەكتى جوعارىلادى، تۇرعىندار مەن جۇمىسشى - قىزمەتكەرلەردىڭ كىرىسى ورنىقتى ارتتى. 2014 - جىلدان 2019 - جىلعا دەيىن، شينجياڭدا ەڭبەكپەن جۇمىستانعان جالپى ادام سانى 11 ميلليون 352 مىڭ 400 ادامنان 13 ميلليون 301 مىڭ 200 ادامعا كوبەيىپ، جىلىنا ورتا ەسەپپەن اۋىل - قىستاقتاعى ارتىق ەڭبەككۇشتەردەن باسقا كاسىپ سالاسىنا ويىسىپ جۇمىستانعاندار 2 ميلليون 763 مىڭ ادام - رەتتەن استى؛ قالا - قالاشىق تۇرعىندارىنىڭ جان باسىندىق قولداعى تابىسى 23 مىڭ 200 يۋاننان 34 مىڭ 700 يۋانعا ارتتى، اۋىل - قىستاق تۇرعىندارىنىڭ جان باسىندىق قولداعى تابىسى 8724 يۋاننان 13 مىڭ 100 يۋانعا ارتتى.
جاڭا تيپتى ايدارشا ۆيرۋس وكپە قابىنۋ ىندەتى اكەلگەن ءتيىمسىز ىقپالعا باعىتتاي وتىرىپ، شينجياڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتتى. اق تىستى كىتاپتا بىلاي دەلىندى: 2020 - جىلى 6 - ايدىڭ سوڭىنا دەيىن، بۇكىل شينجياڭ بويىنشا كاسىپورىنداردىڭ زەينەتكەرلىك، جۇمىسسىزدىق، جۇمىس ۇستىندە جارالانۋ سىندى 3 ءتۇرلى قوعامدىق قامسىزداندىرۋ اقىلارىنان جيىنى 7 ميلليارد 553 ميلليون يۋان كەمەيتىلىپ الىندى نەمەسە كەشىرىلدى؛ 552 مىڭ 400 ادام ءبىر ميلليارد 695 ميلليون يۋان ءتۇرلى جۇمىستانۋ جاردەماقىلارىنان يگىلىكتەندى؛ قالا - قالاشىقتا 339 مىڭ 700 ادام تىڭنان جۇمىستانىپ، 41 مىڭ 800 ادام جاڭادان شارۋاشىلىق قۇرىپ، 69 مىڭ 500 ادامدى جۇمىستانۋعا جەتەكتەپ، جۇمىستانۋ قيىنشىلىعى بار 31 مىڭ 600 ادامدى جۇمىستاندىردى.
اق تىستى كىتاپتا مىنالار باسا دارىپتەلدى: شينجياڭ ەڭبەكشىلەردىڭ نەگىزگى ۇقىقتارىن زاڭ بويىنشا قامتاماسىز ەتىپ، ءوز ءوڭىرىنىڭ ءىس جۇزىندىگىمەن ۇشتاستىرىپ، «شينجياڭ ۇيعۇر اۆتونوميالى رايونىنىڭ ەڭبەكپەن قامتاماسىزداندىرۋدى باقىلاۋ - تەكسەرۋ ەرەجەسىن اتقارۋ ءادىسى»، «شينجياڭ ۇيعۇر اۆتونوميالى رايونىنىڭ جۇمىسشى - قىزمەتكەرلەردىڭ ەڭبەك ۇقىق - مۇددەسىن قامتاماسىزداندىرۋ ەرەجەسى» قاتارلى جەرگىلىكتى زاڭ ەرەجەلەردى، بەلگىلەمەلەردى شىعارىپ، اتقارىپ، ەڭبەكشىلەردىڭ تەڭ جۇمىستانۋ، ەڭبەكاقىعا يە بولۋ، تىنىعۋ، دەمالۋ، كاسىپتىك حاۋىپسىزدىك، ءدىني سەنىم ەركىندىگى جانە ءوز ۇلتىنىڭ ءتىل - جازۋىن قولدانۋ سياقتى ءتۇرلى ۇقىقتارىن شىنايى قامتاماسىز ەتتى.
جۇڭگو ۇكىمەتى ادامدى نەگىز ەتۋگە باستان - اياق تاباندى بولىپ، حالىقارالىق جۇمىسشى ۇيىمىنىڭ باستاماسىنا بەلسەنە ءۇن قوستى. اق تىستى كىتاپتا بىلاي دەلىندى: شينجياڭ مەملەكەتتىڭ قاتىستى ساياساتتىق شارالارىن قاتاڭ اتقارىپ، حالىقارالىق ەڭبەككەر جانە ادامدىق ۇقىق ولشەمىن بەلسەنە امالياتتا ايگىلەپ، ءار ۇلت بۇقاراسىنىڭ ەڭبەك ۇقىعىنان تولىق يگىلىكتەنۋىن ەڭ جوعارى دەڭگەيدە قامتاماسىز ەتىپ، ءومىر ءسۇرۋ ۇقىعى مەن دامۋ ۇقىعىن اناعۇرلىم جوعارى دەڭگەيدە جانە اناعۇرلىم كەڭ ماعىنادا جۇزەگە اسىرۋعا مىعىم نەگىز قالادى.
