اسقاق ارىنمەن، كۇشتى تەبىنمەن جۇرگىزىلگەن كۇنلۇنداعى شايقاس

− جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتى جونىندەگى جالپى شولۋ (5)

شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ شياڭ

　　قوڭىر كۇز مول ءونىم الاتىن مەزگىل، قاعىلىق اۋدانى سايباق اۋىلى گۇلباق قىستاعىنىڭ تۇرعىنى گۇلنار مامەتتۇرسۇننىڭ ۇيىندەگىلەر ۇنەمى بىرگە وتىرىپ، جاڭعاق ساتقان، جۇمىس ىستەگەن كىرىستەرىن ەسەپتەپ، قالتالارىنىڭ تاعى قانشالىق قامپايعانىن قاراپ جاتادى.

　　كىشكەنتاي جاڭعاق گۇلنار وتباسىن بىلتىر كەدەيلىكتەن ارىلتتى − جاڭعاق ەگىپ، كاسىپورىن تومەنگى شەكتەن تۇسىرمەي ساتىپ العاندىقتان، ساتۋدان الاڭسىز بولدى؛ جاڭعاق ارشىپ، قىستاق قۇرعان زاۆودتا جۇمىس ىستەدى، كوپ ىستەسە كوپ الادى. وسى بىرنەشە جىلداعى ءار كىرىستى گۇلنار وتباسىنىڭ ەسەپ داپتەرىنە بۇگە - شىگەسىنە دەيىن جازىپ قويعان.

　　قىستاق تۇرعىندارىنىڭ شاعىن ەسەپ داپتەرىن جيناقتاساڭىز، شينجياڭنىڭ كەدەيلىكتەن ارىلتۋدان قامال الۋىنىڭ ۇلكەن ەسەپ داپتەرىن كورگەندەي بولاسىز.

　　شينجياڭ − وتانىمىزدىڭ باتىس سولتۇستىك شەكارا وڭىرىنە ورنالاسقان، دامۋى سالىستىرمالى تۇردە كەنجە قالعان، كەدەي حالىق ءبىرشاما كوپ. اسىرەسە، وڭتۇستىك شينجياڭداعى 4 ايماق - وبلىستىڭ كەدەيلىك دارەجەسى اۋىر، كەدەي حالىق ”ءۇش رايون، ءۇش وبلىستىڭ“ جارتىسىنا جۋىعىن ۇستاپ، ەڭ ماشاقاتتى تۇيىنگە اينالدى.

　　پارتيا ورتالىق كوميتەتىنىڭ پارمەندى باسشىلىعىندا وسى بىرنەشە جىلدا شينجياڭدا كەدەيلىكتەن ارىلتۋدان قامال الۋدىڭ ارىنى اسقاقتاپ، شەشۋشى شايقاستىڭ دابىل ءۇنى بارعان سايىن كۇشەيدى. نازاردى كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال ارىلتۋعا شوعىرلاندىرىپ، تۇتاس رايون جوعارىدان تومەنگە دەيىن بۇرىن - سوڭدى بولماعان دەڭگەي جانە تەبىنمەن ءتىپتى دە ەكپىندەي شايقاسقا اتتانىپ، قامال الىپ، كەدەرگىلەردى الاستاپ، كەدەيلەردى سۇيەمەلدەۋدە، وركەندەتۋدە كورنەكتى ناتيجەگە جانە ماڭىزدى ىلگەرىلەۋشىلىككە قول جەتكىزدى.

　　”مەملەكەتتىڭ مىندەتىن ءوز مىندەتى سانادى، حالىقتىڭ تىلەگىن ءوز تىلەگىنە بالادى“. ”تۇبەگەيلى جەڭىسكە جەتپەي استە شەپتەن شەگىنبەۋ“ دەيتىن اينىماس ۋادە مەن ”بىردە - ءبىرىن قاتاردان قالدىرماۋ“ دەيتىن ايبىندى سەرت بارىسىندا ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى نىعايدى.

حالىقتىڭ قامىن ويلاپ، دامىل تاپپاي ىستەدى

　　گۇما اۋدانى قوستاۋ قالاشىعى چىعىلىق قىستاعىنىڭ تۇرعىنى كەرىم ءيۇسۇپ كەزىندە ۋاقىتىنىڭ كوبىن قاراپايىم تام ۇيىندە، ءۇيدىڭ سىرتىنداعى الدە - قاشان بوس قالعان اتىزىنا قاراپ جاتىپ وتكىزەتىن ەدى، ءون - بويىندا تىرشىلىك جىگەرىنىڭ جۇرناعى جوق ەدى.

　　كەرىم كەزىندەگى قالىڭ كەدەي قاۋىمنىڭ بىرەۋى بولاتىن. شينجياڭدا، اسىرەسە، وڭتۇستىك شينجياڭداعى 4 ايماق - وبلىستاعى باسىم كوپ كەدەي اۋداندار شەت - شەگىنە كوز جەتپەيتىن تاكلاماكان ءشولىنىڭ جيەگىنە ورنالاسقان نەمەسە قاتپارلى قالىڭ تاۋدىڭ قويناۋىندا بولىپ، قورشاعان ورتاسى جاپا - ماشاقاتتى، قاتىناسى تۇيىق، اۋىر كەدەيلەسكەن شوعىرلى اۋماق بولاتىن.

　　2014 - جىلى شينجياڭدا كەدەيلىكتىڭ تۋىلۋ مولشەرى ％19.4 بولاتىن، مۇنىڭ ىشىندە وڭتۇستىك شينجياڭداعى 4 ايماق - وبلىستا كەدەيلىكتىڭ تۋىلۋ مولشەرى ％32.4 بولىپ، كەدەيلىكتەن ارىلتۋ مىندەتى توتەنشە جاپالى ەدى.

　　جەر - الەم قانشا كەڭ بولعانىمەن، حالىقتىڭ قامى − مەملەكەتتىڭ ءتۇبىرلى نەگىزى. سان - سيفرلاردىڭ استارىنان ءبىر - بىرلەگەن كەدەي وتباسىلارىنىڭ كەدەيلىكتەن ارىلۋدى كوكسەگەن ءۇمىتتى جانارلارى بايقالاتىن.

　　ماسەلە توپتالعان سايىن، قيىنشىلىق كورنەكتىلەنگەن سايىن، ەرەن اقىل - پاراسات پەن قايتپاس جىگەردى قاجەت ەتەدى.

　　”كەدەيلەردى سۇيەمەلدەۋ قارجىسىنىڭ ۇسىنىلىم تەبىنىن ارتتىرىپ، ونى ەگىن، مال شارۋاشىلىق وڭىرلەرىنە، شەكارا وڭىرلەرگە، ەرەكشە قيىنشىلىعى بار قاۋىمعا ءتۇيىندى تۇردە بەيىمدەپ، كەدەيلەردى دالمە - ءدال سۇيەمەلدەۋ قىزمەت مەحانيزمىن ورناتىپ، ءدال، تۇبىرىنەن سۇيەمەلدەۋ، ءاربىر وتباسىنا دەيىن سۇيەمەلدەۋ كەرەك. وڭتۇستىك شينجياڭدى دامىتۋدا مەملەكەتتىك دەڭگەيدە جوعارى ورەدە جوبا جاساپ، ەرەكشە ساياسات اتقارىپ، داعدىنى بۇزىپ، ەرەكشە ىستەردى ەرەكشە جولمەن ءبىتىرۋ كەرەك“. باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندەگى ماڭىزدى ءسوزىنىڭ رۋحى تۇتاس رايونىمىزدىڭ كەدەيلىكتەن ارىلتۋدان قامال الۋ قىزمەتىن ىلگەرىلەتۋدىڭ ءتۇبىرلى بويسۇنۋ ولشەمىنە اينالدى. ءبىر قىدىرۋ ەرەكشە قازىنا، قارجى قوسۋ، فينانس، دارىندىلار ساياساتى وڭتۇستىك شينجياڭداعى 4 ايماق - وبلىسقا بەيىمدەلىپ، سۇيەمەلدەۋ - قولداۋ تەبىنى بۇرىن - سوڭدى بولماعان دەڭگەيگە جەتتى.

　　اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋ قىزمەتىن ماڭىزدىنىڭ ماڭىزدىسى ەتىپ ىلگەرىلەتتى ءارى وڭتۇستىك شينجياڭ قىزمەتى ءماجىلىسىن ارناۋلى اشىپ، تۇتاس شينجياڭنىڭ كۇشىن جۇمىلدىرىپ، تۇتاس شينجياڭداعى اقىل - پاراساتتى توپتاپ، وڭتۇستىك شينجياڭداعى 4 ايماق - وبلىستىڭ ورنىقتىلىعى مەن دامۋىن ىلگەرىلەتتى.

　　2015 - جىلدان 2018 - جىلعا دەيىن تۇتاس رايوننىڭ وڭتۇستىك شينجياڭداعى 4 ايماق - وبلىسقا ورنالاستىرىپ، تۇسىرگەن كەدەيلەردى سۇيەمەلدەۋ ارناۋلى قازىنالىق قارجىسى تۇتاس رايوننىڭ جالپى قارجى كولەمىنىڭ ％80تەن استامىن يەلەدى، اۋىر كەدەي اۋداندارعا ورنالاستىرىپ، تۇسىرگەن كەدەيلەردى سۇيەمەلدەۋ ارناۋلى قازىنالىق قارجىسى ％85تەن استامىن يەلەدى. بيىل وسى 2 تۇردەگى كەدەيلەردى سۇيەمەلدەۋ ارناۋلى قازىنالىق قارجىسى جەكە - جەكە ％90.57، ％91.22تى يەلەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋگە بەرىك نەگىز قالاندى.

　　تۇتاس رايونداعى ءار دارەجەلى پارتكوم مەن ۇكىمەت كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىنا بويسۇنىپ، نازاردى اۋىر كەدەي وڭىرلەر مەن ەرەكشە كەدەي قاۋىمعا شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، ”جەتى ءبىر توپتى“، ”ءۇش سەرپىندى ارتتىرۋدى“ تىڭعىلىقتى ىلگەرىلەتىپ، ءتۇرلى قىزمەتتەردى ورنىقتى قاداممەن جەبەدى.

　　دامىل تاپپاي ىستەپ، ەرتەدەن كەشكە دەيىن تىنىم المادى؛ قاجىرلىلىقپەن ەڭبەكتەنىپ، بار زەيىندەرىن جۇمسادى. ءار دارەجەلى كادرلار شارۋالار وتباسىنا بارىپ، شارۋالاردىڭ ءسوزىن سويلەپ، شارۋالاردىڭ جۇرەگىن جىلىتتى، سونىمەن ءۇن - ءتۇنسىز قوسىلعان ۇلەستەن جارىققا شىققان وزگەرىستەر سانسىز كەدەي وتباسىنىڭ تاعدىرىن وزگەرتتى.

ولقىلىقتاردى تولىقتاپ، قامالدى الۋعا انت ەتتى

　　قۇبىر سۋى كەلگەن كۇنى ءپايزاۋات اۋدانى جامباز اۋىلى جىبەكشى قىستاعىنىڭ تۇرعىنى مۋسا اشىمنىڭ ءالى ەسىندە، ول ورنىنان تۇرا سالىپ تاعاتسىزدانا شۇمەكتى اشىپ، ءبىر ىستاكان سۋ الىپ ۇرتتاپ جىبەردى − دەرەۋ جۇتا سالماستان، ازىراق تامسانىپ ءدامىن الىپ بارىپ ءبىراق جۇتتى، ”ءىم! راسىندا ءتاتتى ەكەن!“.

　　ءپايزاۋات اۋدانىندا تۇرمىس كەشىرىپ جاتقان بۇقارا تالاي جىلدان بەرى تازا سۋعا مۇقتاج بولىپ كەلگەن ەدى. فتور - ارسەن قۇرامى ولشەمنەن اسقان سور سۋ ءتۇرلى ناۋقاسقا دۋشار ەتىپ، جەرگىلىكتى ورىنداعى بۇقارانىڭ سالاماتتىعىنا حاۋىپ ءتوندىردى.

　　كەدەيلىكتەن ارىلتۋدان قامال الۋ شايقاسى نەعۇرلىم سوڭىنا تاياعان سايىن، حالىق تۇرمىسىنا ساياتىن وسىنداي ءبىر - بىرلەگەن ەڭ ماشاقاتتى تۇيىندەردى جەڭۋ كەرەك.

　　شايقاس دابىلى قاعىلدى! بوداۋ بەرۋدەن قورىقپاي، كەدەي وڭىرلەردەگى بۇقارانىڭ اۋىز سۋ حاۋىپسىزدىگى مەن دەنساۋلىق اقاۋسىزدىعىن قامتاماسىز ەتەتىن حالىققا تيىمدىلىك جەتكىزۋ اۋىز سۋ ينجەنەرياسى جەدەل ىلگەرىلەتىلدى.

　　بيىل جازدا ءپايزاۋات اۋدانىن نەگىز ەتكەن ەڭ سوڭعى 15 مىڭ 300 ادام تازا دا ءشاربات ”الاڭسىز سۋ“ ءىشىپ، بىرنەشە ۇرپاق ادامداردى مازالاپ كەلگەن اۋىز سۋ حاۋىپسىزدىگى ماسەلەسى تۇبەگەيلى شەشىلدى.

　　”ەكىدەن تارىقتىرماۋ، ءۇشتى قامتاماسىز ەتۋ“ ولشەمىمەن سالىستىرعاندا، ەڭ ۇلكەن ولقىلىقتاردى تولىقتاۋ − كەدەيلىكتەن ارىلتۋدان قامال الۋدا، ءسوزسىز، جاۋاپ قايتاراتىن سۇراق.

　　2019 - جىلى 5 - ايدا اقتاۋ اۋدانى قىزىلتاۋ اۋىلى قاپقا قىستاعىنىڭ تۇرعىنى سىدىق ساتىبالدى وتباسىنىڭ ءۇي مۇلكىن تولتىرا تيەگەن جۇك اۆتوموبيلىنە وتىرىپ، پامير ءۇستىرتىنىڭ قويناۋىنداعى ۇيىنە قوش ايتىپ، قونىس جاڭالاپ كەدەيلەردى سۇيەمەلدەۋ بويىنشا ورنالاستىرۋ ءتۇيىنى ”سىلۋجيايۋان“ شاعىن اۋماعىنا كوشىپ كەلدى.

　　تاۋى بيىك، جەرى قيا، قورشاعان ورتاسى ناشار تاۋلى وڭىردەن تۇبەگەيلى كوشىپ شىعۋداي اتا - باباسىنان بەرى كەلە جاتقان ارمان سىدىققا كەلگەندە اقىرى جۇزەگە استى.

　　جاڭا ءورىس جاڭالاپ، جاڭا تۇرمىس باستادى. اق تاياعىن تاستاعان سىدىق الەۋمەتتىك اۋماق ۇيىمداستىرعان تەحنيكالىق شەبەرلىككە باۋلۋعا قاتىناسىپ، ءۇي اشەكەيلەۋ تەحنيكاسىن ۇيرەنىپ، ايلىق كىرىسى 3000 يۋانعا تايادى. ەندى بالالارىنىڭ مەكتەپكە بارۋى دا قيىن شارۋا ەمەس، ۇيىنەن شىعا سالا مەكتەپكە كىرەدى، مەكتەپكە دەيىنگى 3 جىلدان تولىق ورتا كەزەڭىنە دەيىنگى تەگىن وقىتۋ سىدىققا جاقسى داۋىرگە جەتكەنىن ۇعىندىردى.

　　بىلتىر قىس تۇسەردەن بۇرىن شينجياڭداعى ەڭ سوڭعى ءبىر توپ كەدەي شارۋا ”ءبىر ءوڭىردىڭ جەر - سۋى ەل - جۇرتىن باعا المايتىن“ ءۇستىرت، تاۋ قويناۋىنان جانە قۇمدى ءشول القابىنان كوشىپ شىعىپ، جاسىل القاپ، جازىق وڭىرگە قونىس اۋدارىپ، مەملەكەت پەن جەرگىلىكتى ۇكىمەت قوسىمشا قاراجات بەرىپ سالعان حاۋىپسىز ۇيگە كوشىپ كىردى، ”13 - بەسجىلدىقتاعى“ قونىس جاڭالاپ كەدەيلەردى سۇيەمەلدەۋ مىندەتى الدىن الا ورىندالدى، 40 مىڭ 146 وتباسىنداعى 169 مىڭ 400 ادام جاڭا قونىستارىنا قۋانىشپەن كوشىپ كىردى.

　　قونىس جاڭالاعان بۇقارانىڭ كەدەيلىك كۇركەسىن الماستىرىپ، تۇرمىس شارت - جاعدايىن جاقسارتۋىنا كومەكتەسۋمەن بىرگە، ءار دارەجەلى ۇكىمەت بەلسەندى تۇردە كاسىپورىنداردى ىرگە تەبۋگە باۋراپ، قىستاق تۇرعىندارىن جاقىن ماڭدا، سول جەردىڭ وزىندە جۇمىستانۋعا جىگەرلەندىرىپ، قونىس جاڭالاعان كەدەي بۇقارانىڭ ورنىعۋىنا، بايۋىنا مۇمكىندىك جاسادى.

　　مىڭ جىلدىق ارمان بۇگىنگى تاڭدا جۇزەگە استى، قامالدى المايىنشا استە شەپتەن قايتپاۋعا انت ەتتى. جاپالى دا ەرەسەن قۇلشىنىس ارقىلى كەدەي بۇقارانى ”ەكىدەن تارىقتىرماۋ، ءۇشتى قامتاماسىز ەتۋ“، كەدەي قىستاقتاردا ”بەستى جەتكىزۋ، جەتى بولۋ“ نەگىزىنەن جۇزەگە استى − كەدەي بۇقارا ىشەر استان، كيەر كيىمنەن تارىقپادى، مىندەتتى وقۋ - اعارتۋ، نەگىزدىك ەمدەۋ، تۇرعىن ءۇي حاۋىپسىزدىگى قامتاماسىز ەتىلدى، مىندەتتى وقۋ - اعارتۋدىڭ بەكەمدەلۋ سالىستىرماسى ％95تەن استى؛ كەدەي حالىقتىڭ نەگىزگى ەمدەۋ قامسىزداندىرۋىنا، سالماقتى ناۋقاس قامسىزداندىرۋىنا قاتىناسۋ سالىستىرماسى تۇگەلدەي ％100كە جەتتى؛ كەدەي حالىقتىڭ حاۋىپتى ۇيدە تۇرۋى بۇكىلدەي تاريحقا اينالدى. نەگىزدىك قۇرىلعىلاردا دا وراسان زور وزگەرىس تۋىلىپ، بارلىق كەدەي قىستاقتارعا قاتتىلاندىرىلعان جول سالىنىپ، توك جەتكىزىلدى.

　　تۇرمىس جاقساردى، سەنىم نىعايدى. اۋىلداردى ارالاعانىڭىزدا، جۇزدەرىنەن باقىت لەبى ەسكەن جانداردىڭ شىنايى العىستارى جىلى اعىنعا اينالىپ، ءار ۇلت بۇقاراسىنىڭ ۇيىسۋ كۇشىن اناعۇرلىم ارتتىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا جۇرت تىلەگىندىك بەرىك نەگىز قالادى.

كۇشتى شوعىرلاندىرىپ جالپى شابۋىلعا ءوتىپ، بۇلجىماستان جەڭىسكە جەتەمىز

　　بۇگىنگى كۇندەرى كەرىمنىڭ ءۇيىنىڭ ماڭايىنداعى بوس قالعان جەرگە سارى، جاسىلى ارالاس ۇشقات ءوسىرىلىپ، اسىلىندە ”داۋالدان سالىنعان“ كونە ءۇي دە جاپ - جاڭا بەيقۇت ۇيگە وزگەرتىلىپتى.

　　بىلتىر ءبىر جۇڭگوشا ءشوپ ءدارى كاسىپورنى گۇما اۋدانىنا ىرگە تەۋىپ، 2000 نەشە مۋ جەرگە جۇڭگوشا ءدارى ءشوپ ەككەن بولاتىن. چىعىلىق قىستاعى 200 نەشە مۋ جەرگە سىناق رەتىندە ۇشقات ەگىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ باسشىلىق القاسىنىڭ جەتەكشىلىگىندە كەرىم ەرەكشە ەگىمشىلىك قوسىنىنا قوسىلدى.

　　سىناق رەتىندە ەگۋدە مۋ باسىنان 100 كيلوگرام ءونىم الىندى، كەلەر جىلى ءونىم مولشەرى ءتىپتى دە جوعارى بولادى، ءار كيلوگرامىنىڭ ساتىپ الۋ باعاسى 200 يۋاننان جوعارى بولادى. ”شۇرق ەتپە، وسىعان سۇيەنىپ، بيىل ساناتقا قوسىلاتىنىم انىق!“ دەگەن كەرىم قارقىلداي كۇلىپ كەتتى، وسى تۇرىسىندا تالاي جىلدان بەرى جوعالعان شاتتىق كۇلكىسىن ءبىر - اق جولدا تاۋىپ العانداي بولدى.

　　كەدەيلىك قيلى - قيلى، قيىنشىلىق سان الۋان. كەدەي وڭىرلەردە كەدەيلىكتىڭ تامىرىن ۇزۋدە كاسىپ سالاسىن دامىتۋ ءتۇبىرلى نەگىز.

　　2018 - جىلى شينجياڭ «وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەردە كەدەيلىكتەن ارىلتۋدان قامال الۋدى اتقارۋ جوباسىن (2020 − 2018)» جاپپاي باستاپ اتقارىپ، دالمە - ءدال شارا قولدانۋ، قارجىلىق قولداۋ كورسەتۋ سياقتى جاقتاردا اۋىر كەدەي وڭىرلەرگە بەيىمدەلىپ، ءار ءتۇرلى كومەكتەسۋشى - سۇيەمەلدەۋشى كۇشتەردى ءبىر تۇتاس ورنالاستىرىپ، اۋىل شارۋاشىلىعىنا ساياتىن قارجىنى ءبىر تۇتاس ورنالاستىرىپ، بىرىكتىرىپ، كاسىپ سالاسى ارقىلى جەتەكتەۋگە كۇش سالىپ، كەدەي ەگىنشىلەردى باستاپ پايداعا بىرگە كەنەلدى.

　　قىسقا عانا 2 جىل ۋاقىتتا قاعىلىقتىڭ ەتتى كەپتەرى، شەريانىڭ ءناسىلدى قويانى، ياركەننىڭ بارقىت ءشوبى، كەريانىڭ راۋشان گۇلى... كەدەي وڭىرلەردە كاسىپ سالاسىنىڭ جاڭا تانىسقىسى ارت - ارتىنان شىعارىلىپ، كەدەي وتباسىلارىنىڭ كەدەيلىكتەن ارىلىپ، كىرىستى ارتتىرۋىن پارمەندى جەبەپ، ”قان جاساۋ“ قۋاتىن كۇشەيتتى.

　　2019 - جىلدىڭ سوڭىنا دەيىن شينجياڭ جيىنى 737 مىڭ 600 وتباسىنداعى 2 ميلليون 923 مىڭ 200 ادامدى كەدەيلىكتەن ارىلتىپ، 3107 كەدەي قىستاقتى كەدەيلىك تىزىمىنەن شىعارىپ، 25 كەدەي اۋداننىڭ كەدەيلىك قالپاعىن الىپ تاستادى، كەدەيلىكتىڭ تۋىلۋ مولشەرى ％1.24كە تومەندەدى.

　　ەندى قالعان الىنۋى ەڭ قيىن قامال تاۋ بوكتەرلەرىنە شاشىراي ورنالاسقان. كەدەيلىكتەن ارىلتۋدان قامال الۋ شايقاسىنىڭ ەڭ اقىرعى شەشۋشى كەزەڭىندە بيىل بۇكىل رايونىمىزدا قالعان 165 مىڭ 800 كەدەي حالىقتى كەدەيلىكتەن ارىلتۋدى، 559 كەدەي قىستاقتى كەدەيلىك تىزىمىنەن شىعارۋدى، 10 كەدەي اۋداننىڭ كەدەيلىك قالپاعىن الۋدى، ءسوزسىز، جۇزەگە اسىرامىز.

　　كوپتىڭ كۇشىمەن ىستەگەن ءىستىڭ الماس قامالى بولمايدى؛ كوپتىڭ پاراساتىمەن ىستەگەن ءىستىڭ ءساتسىزى بولمايدى. بيىل 1 - ايدا شينجياڭ 10 كەدەي اۋدانعا، كەدەيلىك تىزىمىنەن شىعارىلماعان 559 قىستاققا قاراتا شايقاستى باسى - قاسىندا قاداعالاۋدى، اۋداندارعا، قىستاقتارعا ءبولۋدى، دالمە - ءدال شارا قولدانۋدى، ءبىر دارەجە ەندى ءبىر دارەجەنى باقىلاۋدى ورىستەتتى.

　　ءارقايسى شايقاس مايدانىندا ولقىلىقتاردى تولىقتاۋدى، ءالسىز تۇستاردى كۇشەيتۋدى توڭىرەكتەي اۋىر كەدەيلىككە ەڭ سوڭعى جالپى شابۋىلدى باستادى.

　　جارتى جىلدان استام ۋاقىت قۇلشىنۋ ارقىلى شايقاستى باسى - قاسىندا قاداعالاعان اۋدانداردا اتقارىلعان كەدەيلەردى سۇيەمەلدەۋ نىسانى 1538گە جەتىپ، جوسپارعا الىنىپ قوسىلعان جالپى قارجى 18ميلليارد يۋاننان اسىپ، ”ءۇشتى قامتاماسىز ەتۋ“ جانە اۋىز سۋ حاۋىپسىزدىگى ماسەلەسى جالپى تۇلعالىق جاقتان شەشىلىپ، شايقاسى باسى - قاسىندا قاداعالانعان اۋدان جانە قىستاقتاردا كەدەيلىكتەن ارىلتۋدىڭ تومەنگى شەكتەگى مىندەتىنە ساياتىن كەدەيلەردى سۇيەمەلدەۋ نىساندارى تۇگەلدەي جۇزەگە استى.

　　قايتا كەدەيلەسۋدەن ساقتانۋ ءۇشىن، رايونىمىز ۇلكەن ساندى مالىمەتتەن پايدالانىپ، ”قىزىل، قىزعىلت، سارى، جاسىل“ 4 رەڭدەگى سيگنال شىراعى بويىنشا دارەجەگە ايىرىپ ساقتىق دابىلىن قاعىپ، قايتا كەدەيلەسۋ، كەدەيلەسۋ قاتەرىن بايقاعاننان كەيىن، جۇمىستاندىرۋدى الدىمەن شەشىم ەتىپ، ەڭبەككۇشى ءالسىز جانە ەڭبەككۇشى جوق وتباسىلارعا الەۋمەتتىك يگىلىك سيپاتىنداعى جۇمىس ورنىن كوبەيتۋ، ساياساتتىق تومەنگى شەك بەلگىلەۋ ءتاسىلى ارقىلى كومەكتەستى، سۇيەمەلدەدى.

　　جوعارى - تومەن بولىپ بىرگە قۇلشىنعاندار جەڭىسكە جەتەدى، قيىندىقتى بىلەك بىرىكتىرە جەڭگەندەر ۇتادى. نەعۇرلىم ەڭ سوڭعى ساتكە جاقىنداعان سايىن، سولعۇرلىم يدەيادا ”ارقاۋدى مىقتاپ شيراتۋ“، ارەكەتتە ”جەبەدەي سايلانۋ“ كەرەك. شەشۋشى شايقاستىڭ شەشۋشى جەڭىسىنە قول جەتكىزۋ سەنىمىنەن بۇلجىمايمىز، شينجياڭنىڭ كەدەيلىكتەن ارىلتۋدان قامال الۋ شايقاسى ەڭ سوڭعى جەڭىسىنە قاراي اتويلاۋدا!