− جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتى جونىندەگى جالپى شولۋ (7)
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ شينحۇڭ
9 - ايدىڭ 10 - كۇنى تاڭەرتەڭ ساعات 8دە پايزاۋات اۋدانى حوساۋات اۋىلى يۇگىمەشىلىك قىستاعىنىڭ تۇرعىنى ريزۋانگۇل مامۇت ورنىنان تۇرىپ، ەرتە تۇراتىن قىستاق تۇرعىندارى سياقتى تاڭعى اسىن ىشكەن سوڭ، كۇيەۋىمەن بىرگە ءبىر كۇندىك قاربالاستىعىن باستاپ كەتتى. ريزۋانگۇل قىستاقتاعى قولونەر بۇيىمدار سەلبەستىك كووپەراتيۆىنە بارىپ جۇمىس ىستەسە، كۇيەۋى جەمىس باعىن باپتايدى.
ريزۋانگۇل سوڭعى جىلداردا يۇگىمەشىلىك قىستاعىندا تاڭعاجايىپ وزگەرىستەر تۋىلىپ جاتقاندىعىن اناعۇرلىم تەرەڭ سەزىنە ءتۇستى، ءتىپتى، قىستاق تۇرعىندارىنىڭ دەمالىس ۋاقىتىنا دەيىن وزگەرىپ، بۇرىنعىدان ءبىر ساعاتتان ارتىق ەرتە تۇراتىن بولدى. سىرتتا جۇمىس ىستەپ كوپ جۇرەتىن بولدى، تۇرمىس ريتىمى دە تەزدەدى، تام تۇبىنە جينالىپ كۇنگە قىزدىرىناتىن جايت بۇل كۇندە كەلمەسكە كەتكەن...
ريزۋانگۇل سەزگەن بۇل وزگەرىستەر تەك بەرگى جاعى عانا، شىنتۋايتىندا وڭتۇستىك شينجياڭنىڭ سوڭعى جىلدارداعى تەرەڭ وزگەرىستەرى كىسىنى ايرىقشا تاڭ قالدىرادى.
شينجياڭ شاحمات تاقتاسى بولسا، وڭتۇستىك شينجياڭ شاحمات كوزى.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، باس شۋجي شي جينپيڭ ايقىن تۇردە بىلاي دەپ اتاپ كورسەتكەن بولاتىن: وڭتۇستىك شينجياڭنىڭ دامۋىنا مەملەكەتتىك دەڭگەيدە شوقتىقتى جوبا جاساپ، ايرىقشا ساياسات جۇرگىزىپ، داعدىلى قالىپتى بۇزىپ، ەرەكشە ءىستى ەرەكشە جولمەن تىندىرۋ كەرەك.
بۇكىل ەلدىڭ، بۇكىل شينجياڭنىڭ كۇشىن جۇمىلدىرعان كومەكتەسۋ - سۇيەمەلدەۋ ارەكەتتەرى شاپشاڭ قانات جايىپ، وڭتۇستىك شينجياڭداعى ءار ۇلت حالقىنىڭ ءتول مۇددەسىنە ساياتىن حالىق تۇرمىسى نىساندارى جەدەل باستالدى، سۇيەمەلدەۋ سەرپىنى بۇرىن بولماعان دەڭگەيگە جەتىپ، ساياساتتىق تيىمدىلىكتەرگە بۇرىن بولماعان سەرپىن بەرىلدى.
اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، وڭتۇستىك شينجياڭ قىزمەتىن ماڭىزدىنىڭ ىشىندەگى ماڭىزدى ورىنعا قويىپ جوسپارلاۋعا، ىلگەرىلەتۋگە تاباندى بولدى. ارنايى تۇردە وڭتۇستىك شينجياڭ قىزمەتى ءماجىلىسىن اشىپ، بۇكىل شينجياڭنىڭ كۇشىن جۇمىلدىرىپ، بۇكىل شينجياڭنىڭ اقىل - پاراساتىن شوعىرلاندىرىپ، وڭتۇستىك شينجياڭنىڭ ورنىقتىلىعى مەن دامۋىن ىلگەرىلەتتى.
جولدا بوگەتكە جولىقساڭدا ءارى ۇزاق بولسا دا، جۇرە بەرسەڭ ءتۇبى جەتەسىڭ. بۇگىنگى وڭتۇستىك شينجياڭدا، قوعامدىق كەلەلى جاعداي ۇزدىكسىز ورنىقتى بولىپ، ەكونوميكا ورنىقتى، اقاۋسىز دامىپ، بۇقارانىڭ تۇرمىسى كورنەكتى جاقساردى، ۇلتتار ىنتىماقتى، جاراسىمدى، دىندەر تاتۋ، ۇيلەسىمدى بولىپ، وركەنيەتتىڭ تىڭ سامالى ەكپىندەي سوعىپ، نەگىزگى ساتىنىڭ ۇيىمدىق قۇرىلىسى جالپى بەتتىك كۇشەيىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ بارىسىندا تىڭ لەپ جارىققا شىقتى.
جۇرت جۇرەگى ورنىعىپ، كوڭىل جايلانىپ، بىرىككەن كۇش نىعايدى
وڭتۇستىك شينجياڭ ورنىقتى بولسا شينجياڭ ورنىقتى بولادى.
وسى جىلداردا، وڭتۇستىك شينجياڭداعى ءار ۇلت كادر - بۇقارا اۆتونوميالى رايوندىق پارتكومنىڭ پارمەندى باسشىلىعىندا، ورنىقتىلىقتى قورعاۋدى بارلىعىن باسىپ تۇسەتىن وزەكتى قىزمەت، تايشان تاۋىنان دا سالماقتى ساياسي جاۋاپكەرشىلىك ەتۋگە باستان - اياق تاباندى بولىپ، ءبىر جاعىنان، زورلىقتى كۇش لاڭكەستىك ەلەمەنتتەرگە زاڭ بويىنشا سوققى بەرىپ، ەندى ءبىر جاعىنان، جۇرت تىلەگىن ەڭ جوعارى شەكتە ىنتىماقتاستىرىپ، ۇيىستىرىپ، ءدوپ كەلگەن كورنەكتى ماسەلەلەردى كۇشتى شوعىرلاندىرا وتىرىپ شەشىپ، زورلىقتى كۇش دەلولارى كوپ تۋىلۋ، ءجيى تۋىلۋ نىسايىن قاينار كوزىنەن تيىپ، قوعامدىق كەلەلى جاعدايدىڭ باياندى جاراسىمدىلىعىنا، ورنىقتىلىعىنا شىنايى كەپىلدىك ەتتى.
نەگىز بەكەم بولماسا، جەر قوزعالىپ، تاۋ شايقالادى.
تاياۋ جىلداردان بەرى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن نەشە ءجۇز مىڭ كادر وڭتۇستىك شينجياڭعا ىركەس - تىركەس اتتانىپ، نەگىزگى ساتىنى جونگە سالۋدىڭ شينجياڭ تاجىريبەسى جونىندە بەلسەنە ىزدەنىس جاسادى. وڭتۇستىك شينجياڭداعى ءار ۇلت كادر - بۇقاراسى اۆتونوميالى رايوندىق پارتكومنىڭ پارمەندى باسشىلىعىندا، باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ۇزاق بولاشاقتىق جوسپارى جانە نەگىزدى بەكەمدەۋ شاراسى ەتتى.
كەمەنىڭ كۇشى جەلكەنىندە، ادامنىڭ قۋاتى جۇرەگىندە.
تاعاندى بەكەمدەپ، نەگىزدى كۇشەيتەتىن جاسامپاز، سىندارلى شارالار وڭتۇستىك شينجياڭداعى نەگىزگى ساتى قامالىن بەرىكتەپ، ۇيىمنىڭ سوڭعى بۋىنىن جانداندىرىپ، پارتيا مەن بۇقارانىڭ ەتەنە قارىم - قاتىناسىن نىعايتتى، نەگىزگى ساتى پارتيا ۇيىمدارى وڭتۇستىك شينجياڭداعى ءار ۇلت بۇقاراسىن پارتيانىڭ توڭىرەگىنە ماگنيتتەي ۇيىستىردى. پارتيا تۋى شينجياڭنىڭ بايتاق دالاسىندا، وڭتۇستىك شينجياڭداعى ءاربىر نەگىزگى ساتى شەبىندە اسقاق جەلبىرەدى.
ءىس تاتۋلىقپەن بىتەدى، كۇش ىنتىماقتان تۋىندايدى.
باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە: شينجياڭ ماسەلەسىندە ەڭ ۇزاققا سوزىلاتىنى ءالى دە ۇلتتار ىنتىماعى ماسەلەسى، - دەپ ايقىن اتاپ كورسەتكەن ەدى.
2016 - جىلى 10 - ايدان بەرى شينجياڭ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن جاسامپازدىقپەن ورىستەتىپ، بۇكىل رايونداعى كادرلار، قىزمەتكەر - جۇمىسشىلار نەگىزگى ساتىداعى ءار ۇلت بۇقاراسىمەن جۇپ قۇراپ، تۋىس بولىپ، ۇلتتار ىنتىماعىنىڭ بايشەشەگى تيانشان الابىندا جاپپاي جايقالدى.
كوڭىل جايلانىپ، جۇرەك بايلانعان جەر − ءوز اۋىلىم.
سوڭعى جىلداردا وڭتۇستىك شينجياڭنىڭ ورنىقتىلىعىنا ىقپال جاسايتىن ءتيىمسىز فاكتورلار بىرتىندەپ الاستالىپ، وڭتۇستىك شينجياڭداعى ءار ۇلت بۇقاراسىنىڭ جۇرەگى ورنىعىپ، كوڭىلى جايلانىپ، بىرىككەن كۇشى نىعايدى. وڭتۇستىك شينجياڭ قارجى قوسۋدىڭ ماگنيت ورىسىنە، شارۋاشىلىق وركەندەتۋدىڭ ىرىستى توپىراعىنا، ساياحاتتىڭ ايگىلى جەرىنە، بۇقارانىڭ جەر ۇيىعىنا اينالدى.
ساياحاتتىڭ وتى مازداپ، ەرەكشەلىكتەر جارقىراي كوزگە ءتۇسىپ، قوزعاۋشى كۇش كۇشەيدى
دامۋ − بارلىق ماسەلەنى شەشۋدىڭ تەتىگى.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى وڭتۇستىك شينجياڭداعى ءار ۇلت كادر - بۇقاراسى جاڭا دامۋ ۇستانىمىنا تاباندى بولىپ، ەكونوميكانىڭ جوعارى ساپالى دامۋىن ۇزدىكسىز ىلگەرىلەتتى.
ساياحات ارقىلى شينجياڭدى گۇلدەندىرۋ ستراتەگياسىنىڭ اتقارىلۋىنا مەڭزەس، وڭتۇستىك شينجياڭنىڭ جەر - جەرى ىركەس - تىركەس قوعالى كول، قارلى تاۋ، قۇمدى ءشول، توراڭعى سياقتى دارا ەرەكشەلىككە يە جاراتىلىستىق كورىنىستەردەن پايدالانىپ، ساياحات كاسىبىن زور كۇشپەن دامىتتى. ولشەمدەندىرىپ جاڭالاۋ كونە قالاعا تىڭ ومىرشەڭدىك بەرىپ، ماركالاندىرىپ شارۋاشىلىق جۇرگىزۋ حوتان كەشكى بازارىنىڭ ءورىستى سىرتقا كەڭەيتۋىنە مۇمكىندىك بەردى... وڭتۇستىك شينجياڭ ساياحاتىنداعى ەرەكشەلىكتەر مەن جارقىن تۇيىندەر كورنەكتىلەنىپ، ەكونوميكانىڭ جوعارى ساپالى دامۋىن ىلگەرىلەتۋگە قوزعاۋشى كۇش تە ۇستەدى.
نان − شينجياڭنىڭ ەلگە تانىمالى ءدامدى تاعامى. وڭتۇستىك شينجياڭدا، وزىندىك ەرەكشەلىككە يە كوپتەگەن نان مادەنيەتى كاسىپ باقشالارى سالىندى. نان وڭتۇستىك شينجياڭداعى كەدەي بۇقارانى جۇمىستانىپ كىرىسىن ارتتىرۋعا باستايتىن ماڭىزدى تۇتقاعا اينالۋدا.
2014 - جىلى شينجياڭ توقىماشىلىق، كيىم - كەشەك كاسىپ سالاسىن دامىتىپ ميلليون ادامدى جۇمىستانۋعا باستاۋ جوباسىن اتقارعاننان بەرى، ەل ىشىندەگى ءبىر توپ ايگىلى توقىماشىلىق، كيىم - كەشەك كاسىپورىندارى قاشقار، اقسۋ، حوتان سياقتى جەرلەرگە قارجى قوسىپ، زاۆود سالىپ، جەرگىلىكتى ورىننىڭ ەكونوميكاسىنىڭ جوعارى ساپالى دامۋىن جەبەۋمەن بىرگە، جۇمىستانۋدى جەبەپ، ەكونوميكانىڭ تىڭ ارتۋ ءتۇيىنىن قالىپتاستىردى.
بايىرعى كاسىپ سالالارىنىڭ دارەجەسى جوعارىلادى، جاڭا كاسىپ سالالارى قاۋلادى، قوڭىر قالتا جاعداي وزگەردى، وزەكتى وڭىرلەر قارقىن الدى، تاپتىرماس تاريحي سيپاتتى ورايدى پايدالانعان وڭتۇستىك شينجياڭ ءساتتى تۇردە جوعارى ساپالى دامۋدى جەبەۋدىڭ جاڭا ءورىسىن اشتى.
تۇرمىس جاقساردى، بەت - بەينە جاڭالاندى، حالىق تىلەگى مەيىرگە شومدى
وڭتۇستىك شينجياڭ ءدوپ كەلگەن كورنەكتى ماسەلەلەردى شەشۋ ءۇشىن، شي جينپيڭ جولداستى ۇيتقى ەتكەن پارتيا ورتالىق كوميتەتى ارناۋلى وڭتۇستىك شينجياڭعا ءبىر قىدىرۋ تيىمدىلىك جاساۋ ساياساتىن جاسادى، ول قازىنا، قارجى قوسۋ، فينانس، دارىندىلار، كاسىپ سالاسى، كادرلار، جۇمىسشى - قىزمەتكەرلەر مامىلەسى سياقتى جاقتاردى قامتيدى. اۆتونوميالى رايوندىق پارتكوم مەن ۇكىمەت وسى تيىمدىلىك جاساۋ ساياساتتارىن باتىل دايەكتىلەندىرىپ، تياناقتاندىرىپ، قازىنانى بولىسكە سالۋ، كەلەلى نەگىزدىك قۇرىلعى - قۇرىلىستارىنىڭ سايكەستى قارجىسىن ورنالاستىرۋ جانە كەلەلى حالىق تۇرمىسى نىساندار ۇسىنىلىمى جاعىندا وڭتۇستىك شينجياڭعا بەيىمدەلدى: 2014 - جىلدان 2018 - جىلعا دەيىن، اۆتونوميالى رايوندىق قازىنا وڭتۇستىك شينجياڭداعى 4 ايماق - وبلىسقا جيىنى 497 ميلليارد 400 ميلليون يۋان جۇمساپ، وڭتۇستىك شينجياڭداعى 4 ايماق - وبلىستاعى كەدەيلىكتىڭ تۋىلۋ مولشەرى 2013 - جىلدىڭ سوڭىنداعى ％29.1تەن ％2.21كە ءتۇستى.
ەمدەۋ جاعىنداعى حالىققا تيىمدىلىك جاساۋ ينجەنەرياسىنىڭ پايداسىنا كەنەلگەن، وڭتۇستىك شينجياڭداعى ءار ۇلت بۇقاراسى ءۇرتىس 5 جىل جالپى حالىقتىق دەنساۋلىق تەكسەرتۋدەن يگىلىكتەنىپ، اۋرۋدى ”ەرتە بايقاۋدى، ەرتە دياگنوز قويۋدى، ەرتە ەمدەۋدى“ جۇزەگە اسىرىپ، سالاماتتى تۇرمىس ۇستانىمى بىرتىندەپ جۇرت جۇرەگىنە تەرەڭ ۇيالادى.
جۇمىستاندىرۋ − ەڭ ۇلكەن حالىق تۇرمىسى. جاقىنعى جىلداردان بەرى اۆتونوميالى رايون وڭتۇستىك شينجياڭداعى ءار ۇلت بۇقاراسىن جۇمىستاندىرۋدى ءتۇرلى جولدارمەن جەبەپ، اۋىل - قىستارداعى ارتىق ەڭبەككۇشتەردەن باسقا سالاعا ويىسىپ جۇمىستانعاندار جىلىنا ءبىر ميلليون 650 مىڭ ادامعا (رەت) جەتتى. قازىر وڭتۇستىك شينجياڭ اۋىل - قىستاقتارىنداعى قوس جۇمىسشى - قىزمەتكەرلەر بارلىق جەردەن كەزدەسەدى، وڭتۇستىك شينجياڭ اۋىل - قىستاقتارىندا كەدەيلەردى سۇيەمەلدەۋ سەحتارى ىركەس - تىركەس قۇرىلدى. وڭتۇستىك شينجياڭداعى ءىشىنارا كەدەي بۇقارا سالاۋاتىن عانا جاڭالاپ قالماستان، سەح، زاۆود سياقتى قىزمەت ورىندارىنىڭ كاسىپتىك تىرەكتىلەرىنە اينالدى.
قونىس جاڭالاپ، كەدەيلەردى سۇيەمەلدەۋدەگى ءتۇيىندى اتقارۋ ءوڭىرى بولعان وڭتۇستىك شينجياڭداعى 4 ايماق - وبلىستا ”13 - بەسجىلدىق“ كەزىندە كەدەي حالىقتان 35 مىڭ 200 وتباسى، 139 مىڭ 500 ادام كوشىرىلىپ، شينجياڭداعى كوشىرۋ مىندەتىنىڭ ％87ىن ۇستادى. بۇگىنگى تاڭدا، شاعىن قالا - قالاشىقتارىن، كاسىپ سالاسى باقشالارى سياقتىلاردى سۇيەنىش ەتىپ ورنالاستىرىلعان كوشىرىلگەن بۇقارا تۇرعىن ءۇي شارت - جاعدايىن جاقسارتىپ قالماستان، تەپە - تەڭ الەۋمەتتىك قىزمەت وتەۋدەن يگىلىكتەندى، سونداي - اق ورنىقتى جۇمىستاندى.
العىس ايتۋ تىلەگى كۇرەس جۇرگىزۋ كۇشىنە اينالدى. وڭتۇستىك شينجياڭ وزگەردى، وزگەرىس اۋىل - قىستاقتىڭ بەت - بەينەسىندە، وزگەرىس ادامداردىڭ كۇلىمسىرەگەن جۇزىندە، وزگەرىس ءار ۇلت بۇقاراسىنىڭ يدەيا تەرەڭىندە تۋىلدى. ادەمى كيىم كيەتىن بولدى، ادەمى جاساناتىن بولدى، كىتاپ وقۋ ءۇنى كوتەرىلدى، سىرتقا شىعىپ جۇمىس ىستەيتىن بولدى، تۋىستار ارا بارىس - كەلىس قويۋلادى، مەملەكەتتە ءبىر تۇتاس قولدانىلاتىن ءتىل - جازۋدى ۇيرەندى، اسقاقتاتا ءان سالىپ، بۇرالا بيگە باستى...
