ساياحات كاسىبىنىڭ ”اينالما جولدا باسىپ وزۋىن“ جەدەل جۇزەگە اسىرۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى تاڭ كاندۇڭ 9 - ايدىڭ 21 - كۇنى باعراشتان حابارلايدى. 9 - ايدىڭ 21 - كۇنى اۆتونوميالى رايون باعراش اۋدانىندا تۇتاس وڭىرلىك ساياحاتتان ۇلگى كورسەتۋ اۋماعىن قۇرۋ قىزمەتى جونىندە جۇمىس باسى ءماجىلىسىن وتكىزىپ، تۇتاس وڭىرلىك ساياحاتتان ۇلگى كورسەتۋ اۋماعىن قۇرۋ قىزمەتى جانە قازىرگى ساياحات قىزمەتى جونىندە قايتالاي اتتانىسقا كەلتىرىپ، قايتالاي ورنالاستىرۋ جاساپ، قايتالاي ىلگەرىلەتىپ، اۆتونوميالى رايوننىڭ تۇتاس وڭىرلىك ساياحاتتان ۇلگى كورسەتەتىن تەكەس اۋدانى سياقتى 6 اۋماققا ماڭدايشالىق بەردى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ۇعىسۋعا قاراعاندا، قازىرگە دەيىن رايونىمىزدا 2 اۋدان مەملەكەتتىك تۇتاس وڭىرلىك ساياحاتتان ۇلگى كورسەتۋ اۋماعىن ءساتتى قۇرعان، 3 اۋدان مەملەكەتتىڭ باعالاۋىن، تەكسەرىپ وتكىزىپ الۋىن قابىلداۋدا، 13 اۋدان اۆتونوميالى رايون دارەجەلى تۇتاس وڭىرلىك ساياحاتتان ۇلگى كورسەتۋ اۋماعىن ءساتتى قۇرعان، تاعى 31 ايماق، اۋدان جەكە - جەكە مەملەكەتتىك جانە اۆتونوميالى رايوندىق ۇلگى كورسەتۋ ورنىن قۇرۋعا سارالانىپ، ۇلگى كورسەتۋ ورنىن قۇرۋ قىزمەتى بەلسەندى ىلگەرىلەۋشىلىككە قول جەتكىزگەن.
ءماجىلىس بىلاي دەپ اتاپ كورسەتتى: تۇتاس وڭىرلىك ساياحاتتى زور كۇشپەن دامىتۋ شينجياڭنىڭ ساياحات كاسىبىندەگى ”بىرەگەي بايلىق، ۇتىمسىز اشۋ“ سىندى قىسپاقتى ءونىمدى تۇردە تالقانداپ، رايونىمىز ساياحاتىنىڭ ءتورت ماۋسىمدا بىركەلكى بولماۋ، وڭتۇستىك پەن سولتۇستىكتىڭ دامۋى بىركەلگى بولماۋ سياقتى ماسەلەلەردى شەشىپ، رايونىمىزدىڭ ساياحات كاسىبىن دامىتۋ، جونگە سالۋ قابىلەتىن جانە جونگە سالۋ جۇيەسىن وسىزامانداندىرۋ دەڭگەيىن جوعارىلاتىپ، شينجياڭ ساياحات كاسىبىنىڭ ”اينالما جولدا باسىپ وزۋىن“ جەدەل جۇزەگە اسىردى.
ءماجىلىس مىنالاردى باسا دارىپتەدى: رايونىمىزدىڭ تۇتاس وڭىرلىك ساياحاتتان ۇلگى كورسەتۋ اۋماعىن قۇرۋ قىزمەتىن تىڭعىلىقتى ىلگەرىلەتىپ، ”رەفورما جاساۋ، جاڭالىق اشۋ، ساياساتپەن قامتاماسىز ەتۋ“، ”بىرگە قۇرىپ، بىرگە يگىلىكتەنۋ، توعىسا دامۋ“، ”قۇرىلعىلاردى كەمەلدەندىرۋ، قورشاعان ورتانى ساپالىلاندىرۋ“، ”ءونىمدى مولايتۋ، ايگىلى ماركا جاراتۋ“، ”ۇگىتتى كۇشەيتۋ، دالمە - ءدال تيجارات جۇرگىزۋ“، ”جالپى حالىق ات سالىسۋ، حالىققا تيىمدىلىك جەتكىزىپ، حالىقتى بايىتۋ“ سىندى التى جاقتان تابىسقا قول جەتكىزۋدى جۇزەگە اسىرۋ كەرەك.
ءماجىلىس مىنالاردى تالاپ ەتتى: جەر - جەر، اسىرەسە، تۇتاس وڭىرلىك ساياحاتتان ۇلگى كورسەتۋ اۋماعىن قۇرۋشى ورىندار ۇيىمدىق باسشىلىقتى كۇشەيتىپ، قۇرۋ جاۋاپكەرشىلىگىن ناقتىلاندىرىپ، يكەمدى باسقارۋدى كۇشەيتىپ، جايدارى قىزمەت وتەۋ ارەكەتىن اتقارىپ، قىزمەت وتەۋ دەڭگەيىن جوعارىلاتىپ، باعالاۋ مەحانيزمىن كەمەلدەندىرىپ، قۇرۋ جوباسىن ەگجەي - تەگجەيلىلەندىرۋ كەرەك.
