تيانشان تورى
تيانشان تورى   ›   ۇيرەنۋ   ›   شولۋ

پارتيا تۋى اسقاق جەلبىرەدى

− جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتى جونىندەگى جالپى شولۋ (8)

شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يانفاڭ

  شىلىڭگىر شىلدەدە ۇرىمجىدە توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى ادامداردىڭ قالىپتى ءوندىرىس، تۇرمىس ءتارتىبىن تاعى دا ءبۇلدىردى. جەمىس - جيدەكتىڭ حوش ءيىسى اڭقىعان وسى جيىن - تەرىن مەزگىلىندە شينجياڭ اۋىر سىناققا ءدوپ كەلدى.

  شەشۋشى كەزدە قىسىلتاياڭ ساتتە پارتيا تۋى اسقاق جەلبىرەپ، ادالدىق شۇعىلا شاشتى.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم ءار دارەجەلى پارتيا ۇيىمدارىن ىنتىماقتاستىرىپ، باستاپ، اركىم ءوز جاۋاپكەرشىلىگىن ءبىلىپ، اركىم ءوز جاۋاپكەرشىلىگىن ارقالاپ، اركىم ءوز جاۋاپكەرشىلىگىن ادا ەتتى، قالىڭ پارتيا مۇشەلەرى جاپا - ماشاقاتتا الدا ءجۇرىپ، حاۋىپ - قاتەردە اتوي سالىپ، جان - تانىمەن ىندەتكە قارسى اتتانۋ ۇلكەن تۋىن بيىك كوتەرىپ، بەرىك قامالدى مىقتاپ سوعىپ، ايبىندى كۇشتى ىنتىماقتاستىرىپ جانە ۇيىستىرىپ، ىندەتتەن ساقتانۋ - تىزگىندەۋدەن قامال الۋ شايقاسىندا شەشۋشى جەڭىسكە قول جەتكىزدى.

  اماليات پارتيا باسشىلىعىنىڭ بارلىق قيىندىقتاردى، حاۋىپ - قاتەرلەردى، كەدەرگىلەردى جەڭەتىن جەڭىسكە جەتۋ اسىلى ەكەندىگىن تولىق دالەلدەدى.

  باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە بىلاي دەپ باسا دارىپتەدى: ”شينجياڭ قىزمەتىن جاقسى ىستەۋدىڭ تەتىگى پارتيانىڭ جالپى جاعدايدى تۇگەل مەڭگەرۋدەگى، ءار جاقتى سايكەستىرۋدەگى باسشىلىق ۇيتقىلىق رولىن ساۋلەلەندىرىپ، پارتيا قۇرىلىسىن جالپى بەتتىك كۇشەيتىپ جانە جاقسارتىپ، شينجياڭنىڭ قوعام ورنىقتىلىعى مەن باياندى تىنىشتىعىنا پارمەندى ساياسي كەپىلدىك ازىرلەۋدە“.

  اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن تياناقتاندىرىپ، تاستان تاپ، تەمىردەن ءىز قالدىرۋداي بەكىم جانە تاباندىلىق ارقىلى پارتيا قۇرىلىسىن جالپى بەتتىك كۇشەيتىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەدى. پارتيانىڭ تۋى تيانشان الابىندا اسقاق جەلبىرەدى!

نازاريامەن قارۋلانۋدى كۇشەيتىپ، يدەيالىق نەگىزدى بەكەمدەدى

  ”شي جينپيڭنىڭ جاڭا ءداۋىر جۇڭگوشا سوتسياليزم يدەياسى − جۇڭگو كوممۋنيستىك پارتياسىنىڭ يدەيالىق تۋى، ءبىزدىڭ بارلىق قىزمەتتى ويداعىداي ىستەۋىمىزگە جەتەكشىلىك ەتەتىن التىن كىلت...“، 9 - ايدىڭ 11 - كۇنى التاي ايماقتىق پارتكوم پارتيا مەكتەبىنىڭ عىلمي بايانداما زالىندا التاي ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى ۋاڭ جۇن - ان ايماقتىق ۇيىمداستىرۋ جۇيەسىندەگى پارتيالى كادرلارعا پارتيا ساباعىن ءوتتى، كوپشىلىك مول تابىسقا كەنەلدى.

  وسىنداي ۇيرەنۋ جاعدايى رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلار اراسىندا قالىپتى جاعدايعا اينالدى.

  اۆتونوميالى رايوندىق پارتكوم ساياسي قۇرىلىستى باستان - اياق ماڭداي الدى ورىنعا قويىپ، تۋى ايقىن تۇردە ساياسيدى دارىپتەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن پارتيالى كادرلاردىڭ وي - ساناسىن قارۋلاندىرۋعا بۇلجىماي تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شينجياڭ استانا بەيجيڭنەن شالعاي بولعانىمەن، اۆتونوميالى رايوندىق پارتكومنىڭ، تۇتاس رايونىمىزداعى ءار دارەجەلى پارتيا ۇيىمدارىنىڭ، قالىڭ پارتيالى كادرلاردىڭ جانە ءار ۇلت بۇقاراسىنىڭ تىلەگىن باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناستىرۋدى، تىعىز توعىستىرۋدى باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتادى.

  يدەيالىق جاقتان پارتيا قۇرۋعا، نازاريالىق جاقتان پارتيانى كۇشەيتۋگە تاباندى بولىپ، پارتيانىڭ جاسامپاز نازارياسىمەن اۋەلگى ماقساتتى نارلەندىردى، بورىشقا ءجون سىلتەدى.

  − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ، بەكىتۋىنىڭ رۋحىن ۇيرەنۋدى ۇدايىلاندىرۋ مەحانيزمىن ورناتىپ، ولشەمگە، ۇلگىگە مۇقيات تۋرالانىپ، ماسەلەنى تەكسەرىپ تاۋىپ، اۋىتقۋدى تۇزەتىپ، شينجياڭ قىزمەتىنىڭ باستان - اياق باس شۋجيدىڭ جەتەكشىلىگىندە دۇرىس بەتالىستى بويلاي العا باسۋىنا مۇمكىندىك جاسادى؛

  − جوعارىدان تومەنگە دەيىن 2 توپقا ءبولىپ بۇكىل شينجياڭدا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتتى. ءبىر ميلليون 612 مىڭ پارتيا مۇشەسى ءتۇپ نۇسقانى وقىپ، ءماتىندى ۇيرەنىپ، قاعيدانى ءتۇسىنىپ، جەتە ۇيرەنۋ، جەتە ۇعىنۋ، شىنايى ىستەۋ جاعىنا كۇش سالىپ، اۋەلگى ماقسات پەن بورىشتى جۇرەككە تەرەڭ ۇيالاتتى، سەنىم نەگىزىن اناعۇرلىم بەكەمدەدى، رۋحاني كالتسيدى اناعۇرلىم تولىقتادى.

  − ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن سان مىڭداعان وتباسىلارعا جەتكىزۋ“ قيمىلىن ىشكەرىلەي ورىستەتىپ، شارۋالار اۋلاسىندا، اتىز باستارىندا جانە ءوندىرىستىڭ ءبىرىنشى شەبىندە بۇقارا تۇسىنە الاتىن، يلانىمدى سوزدەرمەن كەڭ كولەمدى نازاريالىق ۇگىت - لەكسيا جاساپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تيانشان الابىندا تياناقتانىپ، تامىر تارتۋىن ىلگەرىلەتتى.

  ۇزدىكسىز ۇيرەنۋ بارىسىندا ساياسي كۇش، يدەيالىق كۇش، امالياتتىق كۇش الۋ ارقىلى تۇتاس رايونداعى قالىڭ پارتيالى كادرلاردىڭ تانىمدى، سەنىمدى، ارەكەتتى بىرلىككە كەلتىرۋ قابىلەتى پارمەندى جوعارىلادى، اۋەلگى ماقساتتان اينىماۋداعى، بورىش ارقالاۋداعى يدەيالىق سانالىلىعى مەن ارەكەت سانالىلىعى ۇزدىكسىز كۇشەيدى.

نەگىزدى كۇشەيتىپ، ءتۇبىردى بەكەمدەۋدى كوزدەپ، نەگىزگى ساتىنىڭ نەگىزىن بەكەمدەدى

  9 - ايدىڭ 19 - كۇنى گۇما اۋدانى چودا اۋىلى باشلاقبينام قىستاعىنىڭ سافا زاۆودىندا قىستاق تۇرعىنى رۋحيا وسمان سافا جاساۋدىڭ ەڭ سوڭعى قۇراستىرۋ قىزمەتىمەن قاربالاستانىپ جاتتى.

  ”وسى بىرنەشە جىلدا قىستاقتىڭ وزگەرىسى ەرەكشە زور بولدى، جول جوندەلدى، ورتا كورىكتەندى، سافا زاۆودى، بويرا توقۋ زاۆودى سياقتىلاردىڭ ارقاسىندا ءبىز جۇمىس ىستەپ اقشا تاپتىق. بىلتىر تۇتاس قىستاقتاعىلاردىڭ بارلىعى كەدەيلىكتەن ارىلدى، كوپشىلىكتىڭ تۇرمىسى بارعان سايىن جاقسارىپ كەلەدى“. رۋحيا تەبىرەنە: ”تاماشا تۇرمىس قىستاق پارتيا ياچەيكاسىنىڭ، قىستاقتا تۇراتىن كادرلاردىڭ كوپشىلىكتى باستاپ بىرگە ىستەۋىنەن كەلگەن“، - دەدى.

  اۆتونوميالى رايوندىق پارتكوم ۇگىت ءبولىمىنىڭ باشلاقبينام قىستاعىنداعى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاقتا تۇرعاننان بەرى ابزالدىلىعىن ساۋلەلەندىرىپ، ”ۇيرەتىپ، كومەكتەسىپ، جەتەكتەپ“، قىستاق دارەجەلى پارتيا ۇيىمىن ”قۋاتتاندىردى“. قىستاق پارتيا ياچەيكاسى جاۋىنگەر قورعاندىق رولىن تولىق ساۋلەلەندىرىپ، شاعىن قىستاقتا زور وزگەرىستىڭ تۋىلۋىنا مۇمكىندىك جاسادى.

  اعاش ءوسسىن دەسەڭ تامىرىن بەكەمدە. تاياۋ جىلدارى اۆتونوميالى رايوندىق پارتكوم نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭدى تىنىشتاندىرۋدىڭ ۇزاق بولاشاقتىق جوباسى جانە ءتۇبىردى بەكەمدەۋ شاراسى ەتىپ، نەگىزگى ساتى پارتيا ۇيىمى قۇرىلىسىن بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن پارمەندى جاۋىنگەر قورعانعا اينالدىرۋعا قۇلشىندى.

  − اناعۇرلىم زور كۇش جۇمساپ، نەگىزگى ساتىنىڭ نەگىزىن بەكەمدەدى. ”10دى جاپپاي ورىنداۋ“ ارقىلى اۋىل - قىستاقتاردىڭ نەگىزگى ساتى پارتيا قۇرىلىسىن كۇشەيتۋ، ”10عا كۇش سالۋ“ ارقىلى قالالاردىڭ نەگىزگى ساتى پارتيا قۇرىلىسىن ىلگەرىلەتۋ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ۇدايىلاندىرا، باياندىلاندىرا، تۇزىمدەندىرە ىلگەرىلەتۋ سياقتى ءبىر قىدىرۋ تۇبىرىنەن باسقاراتىن، ۇزاق بولاشاقتىق باسقاراتىن تۇزىمدىك حۇجاتتاردى شىعاردى ءارى اتقاردى؛ پارتيا ۇيىمىن ءاربىر قوعامدىق باسقارۋ كلەتكاسىندا قۇرىپ، رايونىمىزدىڭ اۋىل - قىستاق، قالا، ورگان، مەملەكەت يەلىگىندەگى كاسىپورىن، جوعارى مەكتەپ سياقتى ءتۇرلى سالادا پارتيا قۇرىلىسىنىڭ جالپى بەتتىك العا باسۋىن ىلگەرىلەتتى؛

  − سايلاۋىت قوسىن، مىقتى باسشىلار نەگىزگى ساتىعا ءتۇستى. قىستاق (الەۋمەتتىك اۋماق) ”ەكى كوميتەتى“ القاسىنا ۇزدىكتەردى تاڭداپ، مىقتىلاردى سەپتەپ، رايون، قالا، اۋدان ءۇش دارەجەلى ورگاننان ۇزدىك كادرلاردى قىستاق (الەۋمەتتىك اۋماق) پارتيا ۇيىمىنىڭ ءبىرىنشى شۋجيلىگىنە تاڭداپ جىبەرىپ، قىستاقتى (الەۋمەتتىك اۋماق) جاپپاي قامتۋدى جۇزەگە اسىردى. بايۋ شەبەرلەرى، سىرتقا شىعىپ جۇمىس ىستەپ، ساۋدامەن شۇعىلدانىپ اۋىلىنا ورالعاندار، ءوز اۋىلىنىڭ، ءوز جەرىنىڭ داشۋە تاۋىسقان وقۋشىلارى، پارتيا مۇشەسى بولعان قوسىننان قايتقان اسكەريلەر اراسىنان قىستاق پارتيا ۇيىمىنىڭ باستاماشىسىن باۋلىپ، تاڭداپ ءوسىرىپ، اۋىل شارۋاشىلىعىن تۇسىنەتىن، اۋىل - قىستاقتى سۇيەتىن، شارۋالاردى سۇيەتىن شۋجيلەردىڭ تىرەك بولۋىنا مۇمكىندىك جاسادى؛

  − ”حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ“ بويىنشا قىستاقتا تۇرۋ قىزمەتىن ءۇرتىس ورىستەتىپ، ءار جىلى 70 مىڭنان استام كادردى تاڭداپ جىبەردى، 10 مىڭنان استام قىزمەت اترەتىن قۇرىپ، بۇكىل شينجياڭنىڭ بارلىق قىستاقتارىندا (الەۋمەتتىك اۋماق) تۇرۋعا جىبەردى. قىستاقتا تۇراتىن قالىڭ كادر قيىندىقتان يمەنبەي، شىنايى سۇيىسپەنشىلىگى مەن ىستىق ىنتاسى، اقىل - پاراساتى مەن قاجىر - قايراتى ارقىلى قيىن تۇيىندەردى ءبىر - بىردەن شەشتى: حالىق تۇرمىسىنا تيىمدىلىك جەتكىزۋ نىسانىنان 69 مىڭىن اتقارىپ، بۇقارانىڭ ءىس جۇزىندىك قيىنشىلىعىن شەشىپ، سانسىزداعان ناقتى ءىس، يگى ءىس تىندىرىپ، تالاي - تالاي قىستاقتىڭ كەدەيلىكتەن ارىلۋىنا كومەكتەسىپ، ەڭ جوعارى شەكتە حالىق تىلەگىنە قول جەتكىزدى، جۇرت تىلەگىن ۇيىستىردى؛

  ...

  ولقىلىقتاردى تولىقتاۋدىڭ، ءالسىز تۇستاردى كۇشەيتۋدىڭ، ءتۇبىردى بەكەمدەۋدىڭ تالاي - تالاي پارمەندى شاراسى نەگىزگى ساتى پارتيا ۇيىمىنىڭ ۇيىسۋ قۋاتىن، جاۋىنگەرلىك قۋاتىن بەكەمدەپ، پارتيا تۋىن ءاربىر نەگىزگى ساتى شەبىندە اسقاق جەلبىرەتتى.

ايقىن باعدار ورناتىپ، كادرلار قوسىنىن قۇردى، كۇشەيتتى

  ەل باسقارۋدا، ەڭ ماڭىزدىسى، دارىندىلاردى ويداعىداي ىستەتۋدە. ”ساياسيدا بەرىك، قابىلەتى كۇشتى، ستيلدە تاباندى جوعارى ساپالى كادرلار قوسىنىن قۇرۋ كەرەك“. باس شۋجي شي جينپيڭنىڭ تاپسىرماسىنىڭ ماعىناسى تەرەڭدە جاتىر.

  اۆتونوميالى رايوندىق پارتكوم جاڭا داۋىردەگى جاقسى كادرلار ولشەمىنە جانە ۇلتتىق وڭىرلەردەگى كادرلاردىڭ ساياسي ولشەمىنە تاباندى بولىپ، ساياسيدا، يدەيادا، ستيلدە، قابىلەتتە كادرلار قوسىنى قۇرىلىسىن جالپى بەتتىك كۇشەيتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قۇلشىنا سومداپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى ۇيىمدىق كەپىلدىك ازىرلەدى.

  − ساياسي ولشەمدى كورنەكتىلەندىرىپ ادام تاڭدادى، ادام ىستەتتى. وتاننىڭ تۇتاستىعىن قورعايتىن، ۇلتتىق بولشەكتەۋشىلىككە قارسى تۇراتىن يدەيالىق تانىمى مەن ءىس جۇزىندىك بەينەسىن ماڭداي الدى ورىنعا قويىپ، ىندەتتەن ساقتانۋ - تىزگىندەۋ، ەكونوميكالىق دامۋ، كەدەيلىكتەن ارىلتۋدان قامال الۋ، بۇقاراعا قىزمەت وتەۋ سياقتى نەگىزگى ساتىنىڭ ءبىرىنشى شەبىندە جانە جاپالى وڭىرلەردە كادرلاردى باۋلۋعا، شىنىقتىرۋعا، تاڭداپ وسىرۋگە، ىستەتۋگە ءمان بەردى. شەشۋشى ساتتە كەۋدە كەرىپ العا شىعاتىن، اتويلاپ الدا جۇرەتىن، قايىسپايتىن، جەڭىسكە جەتەتىن ءبىر توپ كادردى ءوسىرىپ، ماڭىزدى ورىنعا قويدى.

  − ءار دارەجەلى باسشىلىق القاسىنا ۇزدىكتەردى تاڭدادى، مىقتىلاردى سەپتەدى. ءمورالدى دا قابىلەتتى بولۋعا، ءمورالدى الدىمەن ەسكەرۋگە، جارامدىلاردى مىندەتكە قويۋعا تاباندى بولىپ، پارتيا، ۇكىمەتتىڭ ءبىرىنشى باسشىلىق قىزمەتىنە ۇزدىكتەردى تاڭداۋدى، مىقتىلاردى سەپتەۋدى كورنەكتىلەندىرىپ، جاس، ماماندىق، توركىن، كەشىرمە قۇرىلىمىن ۇزدىكسىز ساپالىلاندىرىپ، ۇزدىك جاس كادرلاردى كۇش سالا بايقاپ، باۋلىپ، تاڭداپ ءوسىرىپ، ايەل كادرلاردى، از ۇلت كادرلارىن جانە پارتيا سىرتىنداعى كادرلاردى ۇيلەسىمدى سەپتەپ، ءار دارەجەلى باسشىلىق القالارىنىڭ جالپى تۇلعالىق يقۋاتىن اناعۇرلىم كۇشەيتتى.

  − وتاندى سۇيەتىن، ۇلەس قوساتىن ءار جاقتاعى ۇزدىك دارىندىلاردى توپتاپ، كورىكتى شينجياڭ قۇردى. ءتۇرلى ىنتالاندىرۋ شاراسىن شىعارىپ، دارىندىلاردى وڭتۇستىك شينجياڭعا جانە نەگىزگى ساتىنىڭ ءبىرىنشى شەبىنە قاراي ويىسىپ، شينجياڭنىڭ ورنىقتىلىق، دامۋ كەلەلى جاعدايىنا ساياتىن ءتۇيىندى كاسىپتەرگە، شەشۋشى سالالارعا بارىپ رولىن ساۋلەلەندىرۋگە جىگەرلەندىردى، جەتەكتەدى. 2014 - جىلدان بەرى، تۇتاس رايون قوعامعا باعىتتالعان اشىق ەمتيحان الىپ قابىلداعان مەملەكەت قىزمەتكەرلەرى اراسىندا اۋدان، قالا، رايون، اۋىل - قالاشىق ورگاندارىنا قابىلدانعانداردىڭ ۇستاعان سالىستىرماسى %80تەن استى. سونىمەن بىرگە، ناقتى ناتيجەسىن باعالاۋ ”ولشەمىنەن“ ويداعىداي پايدالانىپ، ناقتى ءىس ىستەۋشىلەردىڭ جىگەرىن ۇشتادى؛ قىستاقتا تۇراتىن كادرلارعا، شينجياڭعا كومەككە كەلگەن كادرلارعا، نەگىزگى ساتىداعى كادرلارعا كوڭىل ءبولۋ، قامقورلىق جاساۋ شاراسىن، ءادىسىن شىعارىپ، ءىس تىندىرىپ، ناتيجە شىعارۋدىڭ تاماشا رايىن قالىپتاستىرىپ، پارتيالى كادرلاردىڭ جاۋاپكەرشىلىك ارقالايتىن، ىسكەرلىك كورسەتەتىن ىشكى قوزعاۋشى كۇشىن بارىنشا قاۋلاتتى.

  نەگىزگى ساتى امالياتى − كادرلاردى باۋليتىن، شىنىقتىراتىن ”جاتتىعۋ الاڭى“. اۆتونوميالى رايوندىق پارتكوم نەگىزگى ساتىنى امالياتتىق شىنىعۋدىڭ ماڭىزدى دانەكەرى ەتۋگە تاباندى بولىپ، تالايلاعان كادرلار نەگىزگى ساتىدا ەركىن شىڭدادى، بۇقارالىق قىزمەت قابىلەتىن كۇشەيتتى، قاتاڭ ستيلدى جەتىلدىردى.

      ”باتىر مايداندا سىنالار، التىن وتتا شىڭالار“. رايونىمىزداعى قالىڭ پارتيالى كادرلار ىندەتتەن ساقتانۋ - تىزگىندەۋدىڭ ءبىرىنشى شەبىندە، ورنىقتىلىقتى قورعاۋدىڭ ەڭ الدىڭعى شەبىندە، كەدەيلىكتەن ارىلتۋدان قامال الۋدىڭ نەگىزگى شايقاس مايدانىندا اتويلاپ الدا ءجۇرىپ، بولاتتاي شىڭدالىپ، باس نىسانانى جۇزەگە اسىرۋدىڭ مويىماس تىرەگىنە اينالدى.

  ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”العان بەتىنەن قايتپايتىن “ قايسارلىقپەن، ”شەپتى المايىنشا شەگىنبەيتىن“ قايراتپەن كۇرەس جۇرگىزۋدى ماقسات تۇتاتىن بولساق، ءسوز جوق، بارلىق جاپا - ماشاقاتتى، قيىندىقتاردى، كەدەرگىلەردى جەڭىپ، وتانىمىزدىڭ شينجياڭىن ءتىپتى دە كورىكتى ەتىپ قۇرىپ شىعاتىنىمىزعا كامىل سەنەمىز!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.