ىندەتتەن كەيىنگى داۋىردە بىرلەسكەن مەملەكەتتەر ۇيىمىنىڭ ادىلەتتى جاقتاپ، زاڭمەن جونگە سالۋدى بۇلجىتپاي اتقارىپ، سەلبەسۋدى جەبەپ، نازاردى ناقتى ارەكەتكە شوعىرلاندىرۋ كەرەكتىگىن باسا دارىپتەدى جۇڭگونىڭ قاشاندا كوپ جاقتىلىقتى امالياتتا ايگىلەۋشى بولىپ، الەمدىك جونگە سالۋ جۇيەسى رەفورماسىنا جانە قۇرىلىسىنا بەلسەنە ات سالىسىپ، ادامزات تاعدىرلاس ورتاق تۇلعاسىن قۇرۋدى ىلگەرىلەتەتىندىگىن قايتالاي دارىپتەدى
مەملەكەت ءتوراعاسى شي جينپيڭ 9 - ايدىڭ 21 - كۇنى بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعىن ەسكە الۋ باسشىلار باس قوسۋىندا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 9 - ايدىڭ 21 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 21 - كۇنى بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعىن ەسكە الۋ باسشىلار باس قوسۋىندا ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: 75 جىلدىڭ الدىندا، دۇنيە ءجۇزى حالقى قان كەشىپ ەرلىكپەن شايقاس جاساپ، دۇنيە جۇزىلىك فاشيزمگە قارسى سوعىستىڭ ۇلى جەڭىسىنە قول جەتكىزدى. بۇل ادىلەتتىڭ جەڭىسى، حالىقتىڭ جەڭىسى ەدى. وتكەن عاسىردىڭ الدىڭعى جارتىسىندا ادامزات 2 رەت جانتۇرشىگەرلىك سوعىس اپاتىن باستان وتكەرگەن سوڭ، بىرلەسكەن مەملەكەتتەر ۇيىمى ءداۋىر تالابىنا ساي دۇنيەگە كەلىپ، 75 جىلدىق وزگەشە ءۇردىستى باسىپ ءوتتى. دۇنيە ءجۇزىنىڭ بەيبىتشىلىگى مەن دامۋىندا جاڭا تاراۋ اشىلدى.
بىرلەسكەن مەملەكەتتەر ۇيىمىنىڭ 75 جىلى ادامزات قوعامى جەدەل دامىعان 75 جىل بولدى. ءبىز تەرەڭ دە كەڭ اۋقىمدى عىلىم - تەحنيكالىق دامۋدى جانە ونەركاسىپ توڭكەرىسىن باستان كەشىرىپ، اناعۇرلىم كەڭ كولەمدى، اناعۇرلىم تەرەڭ ساتىداعى عىلىم - تەحنيكالىق توڭكەرىس پەن كاسىپ سالاسى وزگەرىسىنە قۇشاق جايىپ وتىرمىز، دۇنيە ءجۇزى قوعامىنىڭ وندىرگىش كۇشى بارىنشا ازات ەتىلىپ جانە دامىپ، ادامزاتتىڭ قيىندىقتاردى جەڭۋ جانە دۇنيەنى وزگەرتۋ قابىلەتى بۇرىن بولماعان دەڭگەيدە جوعارىلادى.
بىرلەسكەن مەملەكەتتەر ۇيىمىنىڭ 75 جىلى حالىقارالىق جاعدايدا تەرەڭ وزگەرىس تۋىلعان 75 جىل بولدى. قالىڭ وركەندەپ كەلە جاتقان ەلدەر ۇلت ازاتتىعى مەن مەملەكەت تاۋەلسىزدىگىنە قول جەتكىزدى، ميللياردتان استام حالىق كەدەيلىكتەن ارىلىپ، نەشە ميلليارد حالىق وسىزامانداندىرۋ ساپارىنا قادام تاستاپ، دۇنيە ءجۇزى بەيبىتشىلىگى مەن دامۋىنىڭ كۇش - قۋاتىن بارىنشا نىعايتىپ، دۇنيە جۇزىلىك ارنانى تەرەڭدەي وزگەرتتى.
بىرلەسكەن مەملەكەتتەر ۇيىمىنىڭ 75 جىلى كوپ جاقتىلىق جەدەل دامىعان 75 جىل بولدى. دۇنيە جۇزىندە ماسەلەلەر وتە كوپ، وتە ۇلكەن، الەمدىك سىن - سايىستار كۇن سايىن ارتا تۇسۋدە، مۇنى كەڭەسۋ، سەلبەسۋ ارقىلى شەشۋگە ءتيىسپىز. حالىقاراداعى ىستەردى كوپشىلىك اقىلداسىپ ىستەۋ، قيىندىقتى بىلەك بىرىكتىرە جەڭۋ حالىقارالىق قوعامنىڭ كەڭ كولەمدى ورتاق تانىمىنا اينالدى. بەينەت ءتۇبى زەينەت. تالاي - تالاي سىناقتان وتكەن بىرلەسكەن مەملەكەتتەر ۇيىمى ءالى دە ومىرشەڭدىككە تولى، 7 ميللياردتان استام حالىقتىڭ تاماشا تۇرمىسقا تالپىنىسىن ارقالاپ وتىر، بىرلەسكەن مەملەكەتتەر ۇيىمىنىڭ ۋستاۆى ءالى دە دۇنيە ءجۇزى بەيبىتشىلىگى مەن دامۋىنىڭ ماڭىزدى كەپىلى بولىپ تابىلادى.
شي جينپيڭ بىلاي دەپ باسا دارىپتەدى: قازىر دۇنيە ءجۇزى 100 جىلدا بولماعان ۇلكەن وزگەرىستى باستان كەشىرۋدە، توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى كۇللى دۇنيە ءجۇزى ءۇشىن قاتاڭ سىناق بولدى. ادامزات ءوزارا ۇلاسۋ - تۇتاسۋدىڭ جاڭا داۋىرىنە ءوتتى، ءار ەلدىڭ مۇددەسى بىتە قايناسقان، تاعدىرى تىعىز بايلانىسقان. الەمدىك حاۋىپ پەن سىن - سايىس قۋاتتى، كۇشتى الەمدىك توتەپ بەرۋگە مۇقتاج. جاڭا جاعداي، تىڭ سىن - سايىس الدىندا، ءبىز، ءسوز جوق، بايسالدى تۇردە مىناعان وي جۇگىرتۋىمىز كەرەك: دۇنيە جۇزىنە قانداي بىرلەسكەن مەملەكەتتەر ۇيىمى قاجەت؟ ىندەتتەن كەيىنگى داۋىردە بىرلەسكەن مەملەكەتتەر ۇيىمى ءوز رولىن قالاي ساۋلەلەندىرگەنى ءجون؟
شي جينپيڭ بۇل جونىندە 4 ۇسىنىس ورتاعا قويدى.
ءبىرىنشى، ادىلەتتى جاقتاۋ. ءىرى ەلدەر مەن شاعىن ەلدەر ءوزارا قۇرمەت ەتۋ، بارلىعى تەڭ بولۋ − ءداۋىردىڭ العا باسۋ تالابى، سونداي - اق بىرلەسكەن مەملەكەتتەر ۇيىمى ۋستاۆىنىڭ ماڭداي الدى پرينسيبى. ءارقانداي مەملەكەتتە حالىقارالىق ىستەردى شەڭگەلدەپ الاتىن، باسقا مەملەكەتتىڭ تاعدىرىن بيلەيتىن، دامۋ باسىمدىعىن مونوپوليالايتىن ۇقىق جوق، دۇنيە جۇزىندە ءوز بىلگەنىن ىستەۋىنە، زورەكەرلىك ىستەۋىنە، زورلىق - زومبىلىق جاساۋىنا، وزبىرلىق ىستەۋىنە ءتىپتى دە بولمايدى. سىڭار جاقتىلىق تۇيىققا تىرەيدى، بىرگە اقىلداسۋعا، بىرگە قۇرۋعا، بىرگە يگىلىكتەنۋگە تاباندى بولۋ، ءار ەل جالپىلىق حاۋىپسىزدىكتى بىرگە قورعاۋ، دامۋ جەتىستىكتەرىنەن ورتاق پايدالانۋ، دۇنيە ءجۇزىنىڭ تاعدىرىن بىرگە يگەرۋ كەرەك. وركەندەپ كەلە جاتقان ەلدەردىڭ بىرلەسكەن مەملەكەتتەر ۇيىمىنداعى ۋاكىلدىك سيپاتى مەن سويلەۋ ۇقىعىن شىنايى جوعارىلاتىپ، بىرلەسكەن مەملەكەتتەر ۇيىمىنىڭ باسىم كوپشىلىك مەملەكەتتەردىڭ مۇددەسى مەن تىلەگىن اناعۇرلىم تەڭگەرىمدى تۇردە بەينەلەۋىنە مۇمكىندىك جاساۋ كەرەك.
ەكىنشى، زاڭمەن جونگە سالۋدى بۇلجىتپاي اتقارۋ. بىرلەسكەن مەملەكەتتەر ۇيىمى ۋستاۆىنىڭ باستى ماقساتى مەن پرينسيبى حالىقارالىق قارىم - قاتىناستاردى ءبىر جاقتى ەتۋدىڭ ءتۇبىرلى بويسۇنۋ ولشەمى، سونداي - اق حالىقارالىق ءتارتىپتىڭ تۇراقتىلىعىنىڭ ماڭىزدى ىرگە تاسى، ونى، ءسوز جوق، تيتتەي دە بۇلجىتپاي قورعاۋ كەرەك. ءار ەلدىڭ قارىم - قاتىناسى مەن مۇددەسىن تەك ءتۇزىم مەن ەرەجە ارقىلى عانا سايكەستىرۋ كەرەك، كىمنىڭ جۇدىرىعى جۋان ەكەن دەپ سونىڭ سوزىنە جىعىلۋعا بولمايدى. ءىرى ەلدەر ءتىپتى دە حالىقارالىق زاڭمەن جونگە سالۋدىڭ دارىپتەۋشىلەرى جانە قورعاۋشىلارىنان بولۋعا باستاماشى بولۋى، سەنىمدىلىككە قۇرمەت ەتىپ، ۋادەدە تۇرۋ ءتيىس، ەرەكشەلەنۋشىلىكپەن شۇعىلدانۋعا، قوس ولشەم قولدانۋعا بولمايدى، حالىقارالىق زاڭدى بۇرمالاۋعا، زاڭنىڭ اتىمەن باسقا مەملەكەتتىڭ ورىندى ۇقىق - مۇددەسىنە قول سۇعۋعا، حالىقارالىق بەيبىتشىلىك پەن ورنىقتىلىقتى بۇلدىرۋگە دە بولمايدى.
ءۇشىنشى، سەلبەستىكتى جەبەۋ. حالىقارالىق سەلبەستىكتى جەبەۋ − بىرلەسكەن مەملەكەتتەر ۇيىمىن قۇرۋدىڭ العاشقى ماقساتى، سونداي - اق بىرلەسكەن مەملەكەتتەر ۇيىمى ۋستاۆىنىڭ ماڭىزدى باستى ماقساتى. قىرعي قاباق سوعىستىق ويلاۋعا سۇيەنۋ، يدەولوگيا بويىنشا شەك - شەكارا بەلگىلەپ، نولدىك جيىنتىق ويىنىن ويناۋ ءوز مەملەكەتىنىڭ ماسەلەسىن شەشۋى بىلاي تۇرسىن، ادامزات ءدوپ كەلگەن ورتاق سىن - سايىسقا دا توتەپ بەرە المايدى. ءبىز قاقتىعىستان گورى كەڭەس وتكىزۋىمىز، كۇش كورسەتۋدەن گورى اقىلداسۋىمىز، نولدىك جيىنتىقتان گورى تەڭ يگىلىكتەنۋىمىز، ءوز مەملەكەتىمىزدىڭ مۇددەسىن ءار ەلدىڭ ورتاق مۇددەسىمەن بىرلەستىرىپ، ءار ەلدىڭ ورتاق مۇددەسىنىڭ توعىسۋ ءتۇيىنىن كەڭەيتۋگە قۇلشىنىپ، جاراسىمدى، سەلبەسەتىن حالىقارالىق ۇلكەن شاڭىراق قۇرۋىمىز كەرەك.
ءتورتىنشى، نازاردى ارەكەتكە شوعىرلاندىرۋ. كوپ جاقتىلىقتى امالياتتا ايگىلەۋدە قۇر ءسوزدى كوپىرتە بەرۋگە بولمايدى، قايتا ناقتى قيمىلعا كوشۋ كەرەك، تەك رەتسەپ عانا اشىپ قويىپ، شيپاسىمەن ساناسپاۋعا بولمايدى. بىرلەسكەن مەملەكەتتەر ۇيىمى ماسەلەنى شەشۋدى شىعار ءتۇيىن ەتىپ، كورنەكى ناتيجەنى باعدار ەتىپ، حاۋىپسىزدىكتى، دامۋدى، ادامدىق ۇقىقتى تەڭگەرىمدى ىلگەرىلەتۋى، اسىرەسە، «2030 - جىلعا دەيىنگى باياندى دامۋ كەڭەستىك ءتارتىبىن» تياناقتاندىرۋدى وراي ەتىپ، الەۋمەتتىك دەنساۋلىق ساقتاۋ سياقتى ءداستۇرلى ەمەس حاۋىپسىزدىك سىن - سايىستارىنا توتەپ بەرۋدى بىرلەسكەن مەملەكەتتەر ۇيىمى قىزمەتىنىڭ باسىم باعىتى ەتىپ، دامۋ ماسەلەلەرىن الەمدىك ماكرولىق جۇلگەدە كورنەكتى ورىنعا قويىپ، ءومىر ءسۇرۋ ۇقىعى مەن دامۋ ۇقىعىن جەبەۋگە جانە قورعاۋعا اناعۇرلىم ءمان بەرۋ كەرەك.
شي جينپيڭ بىلاي دەپ باسا دارىپتەدى: جۇڭگو بىرلەسكەن مەملەكەتتەر ۇيىمىنىڭ ۋستاۆىنا ءبىرىنشى بولىپ قول قويعان مەملەكەت، بىرلەسكەن مەملەكەتتەر ۇيىمىن قۇرعان مۇشە مەملەكەت، سونداي - اق حاۋىپسىزدىك القالار كەڭەسىنە تۇراقتى مۇشە مەملەكەتتەردىڭ ىشىندەگى بىردەن - ءبىر وركەندەپ كەلە جاتقان مەملەكەت. ءبىز قاشاندا كوپ جاقتىلىقتى امالياتتا ايگىلەۋشى بولىپ، الەمدىك جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى باتىل قورعايمىز، حالىقارالىق زاڭدى نەگىز ەتكەن حالىقارالىق ءتارتىپتى باتىل قورعايمىز، بىرلەسكەن مەملەكەتتەر ۇيىمىنىڭ حالىقارالىق ىستەردەگى وزەكتى رولىن باتىل قورعايمىز.
شي جينپيڭ سوڭىندا بىلاي دەپ باسا دارىپتەدى: دۇنيە ءجۇزى جاڭا تاريحي باستامادا تۇر. ءبىز كوپ جاقتىلىققا دەگەن بۇلجىماس ۋادەمىزدى قايتالاي دارىپتەپ، ادامزات تاعدىرلاس ورتاق تۇلعاسىن قۇرۋدى ىلگەرىلەتىپ، بىرلەسكەن مەملەكەتتەر ۇيىمىنىڭ تۋى استىندا اناعۇرلىم زور ىنتىماق پەن العا باسۋدى جۇزەگە اسىرايىق!
