تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

【كەدەيلىكتەن قۇتىلدىرۋدان قامال العان 52 اۋدانعا ساپار】 ”ناڭشياۋشۋاي“ بايۋدىڭ ٴىرى كاسىبىنە اينالدى

  ”اتىم اسىمگۇل اسەن، بۇرىن ۇيدە ەگىنشىلىكپەن شۇعىلداناتىنمىن، بىلتىر وسى ارادا نان كاسىپ باقشاسى قۇرىلعانىن ەستىپ، كەلىپ تىزىمدەلدىم. كۋرسقا قاتىناسقاننان كەيىن جۇمىسقا شىعىپ، قازىر كاسىپ باقشاسىنىڭ اسحاناسىندا ىستەپ جاتىرمىن، ايلىق كىرىسىم 3000 يۋاننان اسادى، وسىندا كەلىپ جۇمىس ىستەگەنىمە قاتتى قۋاندىم“.

  9-ايدىڭ 18-كۇنى شينجياڭ قاشقار ايماعى ٴپايزاۋات اۋدانىنداعى نان باقشاسىندا وسى ارادا جۇمىس ىستەيتىن ۇيعۇر بويجەتكەن اسىمگۇل تىلشىگە وسىلاي دەدى. ول بيىل 25 جاستا، وتباسىندا ٴتورت جان بار، بۇرىن وتباسىنىڭ كىرىسى باستىسى ماقتا ەگۋدى نەگىز ەتكەن، كىرىس وتە تومەن، كەزىندە كەدەي وتباسى بولىپ، كاسىپ باقشاسىنا جۇمىسقا شىققاننان كەيىن، قازىر بۇكىل وتباسى كەدەيلىكتەن ارىلدى.

  نان شينجياڭداعى ٴار ۇلت بۇقاراسى ۇناتاتىن نەگىزگى ۇن تاعامدارىنىڭ ٴبىرى، 2000 جىلدان استام تاريحقا يە. ”ناڭشياۋشۋاي“ — شينجياڭنىڭ قاشقار ايماعى ٴپايزاۋات اۋدانىنىڭ نان مادەنيەتى كاسىپ باقشاسى جاراتقان ساۋدا ماركاسى. 2019-جىلى ٴپايزاۋات اۋداندىق پارتكوم مەن ۇكىمەت كاسىپ ابزالدىلىعىن تياناق ەتىپ، 80 ميلليون يۋان قارجى ازىرلەپ، ”نان كاسىبى + تەحنيكالىق كۋرس + كەدەيلەردى جۇمىستاندىرۋ جولىمەن سۇيەمەلدەۋ + ساياحات“ سىندى دامۋ ۇلگىسى بويىنشا، 274 مۋ جەردى يەلەگەن ٴبىر تۇرالاعان كاسىپورىندى جانداندىرىپ، قۇرىلىس كولەمى 30 مىڭ شارشى مەتر كەلەتىن نان مادەنيەتى كاسىپ باقشاسىن قۇردى. ۇعىسۋىمىزشا، ”ناڭشياۋشۋاي“ ماركاسى پراندىك نان، روزا گۇلى توسابى نانى، جەمىس ٴدانى سامساسى، قاتتاما نان، قايماق نان سياقتى 120 نەشە ٴتۇردى قامتيدى ەكەن. قازىرگە دەيىن نان مادەنيەتى كاسىپ باقشاسىندا 402 تونار بولىپ، كۇندىك ورتاشا ٴوندىرىس قۋاتى 500 مىڭعا، كۇندىك ورتاشا ساتىلۋ مولشەرى 300 مىڭعا جەتكەن. مۇنىڭ 180 مىڭى جەرگىلىكتى ورىندا ساتىلىپ، 20 مىڭى ماڭايىنداعى اۋدان-قالالارعا تىكەلەي ساتىلادى، 30 مىڭى جەلىدە زاكاز بەرىلىپ، 70 مىڭ ىشكى ولكەلەرگە تىكەلەي ساتىلادى.

  تىلشىلەر نان كاسىپ باقشاسىندا ٴوندىرىس رايونى، ەكسكۋرسيا رايونى، سىناپ كورۋ رايونىنان سىرت، تاعى نان مادەنيەتى كورمە سارايى بارىن، نان ساتىپ الۋعا جانە ەكسكۋرسيالاۋعا كەلگەن ساياحاتشىلار ناننىڭ ”وتكەنى مەن بۇگىنىن“ ۇعىنۋمەن بىرگە، سەيىل - سەرۋەن قۇرىپ، نان جابۋدى ۇيرەنىپ، ەگىنشى وتباسىنىڭ شاتتىعىن دا سەزىنگەنەتىنىن، نان مادەنيەتى كاسىپ باقشاسى ٴپايزاۋات اۋدانىنىڭ اۋىل شارۋاشىلىعى، ونەركاسىپ، قىزمەت وتەۋ كاسىپتەرىنىڭ توعىسپالى دامۋىنىڭ جەبەۋشىسىنە اينالعانىن بايقادى.

  ”ٴبىزدىڭ بۇل ارادا 1200 قىزمەتكەر بار، ولار نەگىزىنەن ٴپايزاۋات اۋدانىنداعى ٴارقايسى اۋىل-قالاشىقتان كەلگەن بۇقارالار. مۇنىڭ ىشىندە كەدەي وتباسى 696 ادام، ايەل جۇمىسشى 266. جۇمىسشىلار جۇمىسقا شىعۋدان بۇرىن تۇگەلدەي تەحنيكالىق جاقتان ارناۋلى تاربيەلەنەدى، تەحنيكالىق قابىلەتى باعالاعاننان كەيىن جۇمىسقا شىعادى. قازىر جۇمىسشىلاردىڭ ورتاشا ەڭبەكاقىسى 2500 يۋان، ەڭ جوعارى ەڭبەكاقىسى 5000 يۋانعا جەتەدى“،ـ دەدى باقشا رايونىنىڭ جاۋاپتىسى ما جۇن تىلشىگە.

( تىلشىلەر يۋان پىڭ، تيان مىڭدي، ۋاڭ جياڭپيڭ)

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى