شينجياڭ كەريا اۋدانى تۋراقاز اۋىلى اۋىل شارۋاشىلىق كاسىپتىك باقشاسىندا قىستاق تۇرعىندارى ولشەنىپ بولعان بارقىت ٴشوپتى اشىتۋ كولشىگىنە سالۋدا. (9 - ايدىڭ 20 - كۇنى تۇسىرىلگەن) سۋرەتتى شينحۋا اگەنتتىگىنىڭ حۋ حۋحۋ تۇسىرگەن
كەريا اۋدانى شينجياڭنىڭ حوتان ايماعىنداعى كەدەيلىك قالپاعى الىنباعان 5 كەدەي اۋداننىڭ ٴبىرى. اۋىل شارۋاشىلىق ەگىمشىلىك قۇرىلىمىن رەتتەۋ ٴۇشىن، جەرگىلىكتى ورىن بيوتەحنيكالىق كاسىپورىنداردى ەنگىزىپ، ”ۇكىمەت قولداۋ + كاسىپورىن قارجى قوسۋ + شارۋا وتباسىلارى قاتىناسۋ“ سىندى كاسىپتى دامىتۋ ۇلگىسىن قولدانىپ، قىستاق تۇرعىندارىن بارقىت ٴشوپ ەگۋگە جەتەكتەپ، كىرىستى ارتتىرۋ جولىن كەڭەيتتى. ەگىمشىلىك بارىسىندا، كاسىپورىن تەحنيكالىق جاقتان جەتەكتەۋمەن بىرگە تۇقىم جانە تىڭايتقىشپەن قامدادى، شارۋا وتباسىلارى بارقىت ٴشوپتى جيناپ العاننان كەيىن، كاسىپورىن تومەنگى شەكتەن تۇسىرمەي ساتىپ الدى. قازىر كەريا اۋدانىنداعى 10 مىڭ مۋلىق اتىزداعى بارقىت ءشوپتى جيناۋ قىزمەتى بىرتىندەپ اقىرلاستى. كەلەر جىلى جەرگىلىكتى ورىن بارقىت ٴشوپتى ەگۋ كولەمىن ونان ارى كەڭەيتىپ، ٴتىپتى دە كوپ شارۋا وتباسىن يگىلىككە كەنەلتۋدى جوسپارلاۋدا.
