تيانشان تورى   ›   ۇيرەنۋ   ›   شولۋ

بيڭتۋان دامۋدىڭ جاڭا جىرىن اسقاقتاتتى

− جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتى جونىندەگى جالپى شولۋ (9)

شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان

  باس شۋجي شي جينپيڭ شينجياڭدا قىزمەت تەكسەرگەن كەزدە بىلاي دەپ اتاپ كورسەتتى: بيڭتۋاننىڭ ءومىر ءسۇرۋى مەن دامۋى استە ۋاقىتتىق شارا ەمەس، قايتا ۇزاق مەزگىلدىك جوسپار. جاڭا جاعدايدا بيڭتۋان قىزمەتىن تەك قانا كۇشەيتۋگە بولادى، السىرەتۋگە بولمايدى.

  شينجياڭدا تىڭ يگەرىپ، شەكارانى قورعاۋ بورىشىن ارقالايتىن بيڭتۋان قۇرۋ − پارتيا ورتالىق كوميتەتىنىڭ ەل باسقارۋداعى، ەل تىنىشتىعىن ساقتاۋداعى ستراتەگيالىق ورنالاستىرۋى، شەكارانى جونگە سالۋدى كۇشەيتۋدەگى ماڭىزدى جالپى جوباسى. جاڭا داۋىردە پارتيا ورتالىق كوميتەتى بيڭتۋاننىڭ شەكارانى ورنىقتىراتىن - بەكەمدەيتىن ورنىقتىرعىش، ءار ۇلت بۇقاراسىن ۇيىستىراتىن دومنا پەش، وزىق وندىرگىش كۇشتەر مەن وزىق مادەنيەتتەن ۇلگى كورسەتۋ رايونى سىندى ”ءۇش ۇلكەن رولىن“ ويداعىداي اتقارۋدى تالاپ ەتىپ، بيڭتۋان قىزمەتىن ويداعىداي ىستەۋگە العا باسۋ باعدارىن ايقىن نۇسقاپ، ءتۇبىرلى بويسۇنۋ ولشەمىن ازىرلەپ، قۋاتتى قوزعاۋشى كۇش قوستى. وسىلايشا بيڭتۋاننىڭ دامۋى جاڭا داۋىرگە قادام تاستادى.

  ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، بيڭتۋان جاڭا داۋىردەگى پارتيانىڭ شينجياڭدى جونگە سالۋ جالپى جوباسى مەن بيڭتۋاننىڭ ورنى جونىندەگى تالابىن ىشكەرىلەي دايەكتىلەندىرىپ، ورنىقتىلىقتى قورعاۋ، شەكارانى قورعاۋ قابىلەتىن جالپى بەتتىك جوعارىلاتىپ، ەرەكشە رولىن ساۋلەلەندىرۋدەگى پارمەندى كۇش - قۋاتىن شىڭداپ، بورىشتى ەستە بەرىك ساقتاپ، رەفورمانى تەرەڭدەتىپ، دامىپ، زورايىپ، تىڭ ساپارعا ارشىندى قادام تاستادى.

وتانىمنىڭ قورعاۋشىسى بولامىن

  بيڭتۋان 10 - شىسى 185 - تۋانىندەگى شەكارالىق وزەن جاعاسىندا قاراۋىل ورنى قاسقايىپ تۇر. بيڭتۋان قىزمەتكەرى ما جۇن - ۋ 32 جىل بويى وسى ارانى شارلاپ، كۇزەتتى. نەشە ونداعان جىلدى ءبىر كۇنگىدەي وتكىزىپ، تاپجىلماي قورعاپ، بيڭتۋاندىقتاردىڭ وتانعا دەگەن شەكسىز ادالدىعىن بەينەلەدى!

  ما جۇن - ۋ بيڭتۋان حالىق جاساعىنىڭ ۋاكىلى رەتىندە، 2 رەت باس شۋجي شي جينپيڭنىڭ قابىلداۋىندا بولدى. ول بيڭتۋاندىقتارعا ۋاكىل رەتىندە باس شۋجيگە بىلاي دەپ مالىمەت بەردى: ءومىر بويى ءبىر عانا ءىستى ىستەيمىن، ياعني وتانىمنىڭ قورعاۋشىسى بولامىن!

  شينجياڭنىڭ شەكارا جەلىسىن قورعاپ جاتقان بيڭتۋاندىقتار بۇلجىماس تاباندىلىقتارىمەن جانە ادال نيەتتەرىمەن وتاننىڭ تىنىشتىعىن قورعاۋدا. قوعامدىق كەلەلى جاعدايدىڭ باياندى ورنىقتىلىعىنا شىنايى كەپىلدىك ەتۋ ءۇشىن، شينجياڭ پارتيا، ۇكىمەت، ارميا، ساقشى، بيڭتۋان، حالىق بىرلەسىپ مىندەت وتەۋ، بىرلەسىپ ساقتانۋعا تاباندى بولىپ، شەكارانى باسقارۋ، مەڭگەرۋدىڭ قۇرىش قورعانىن قۇردى.

  بيڭتۋان قۇرىلعان كۇننەن باستاپ، ورنىقتىلىقتى قورعاۋ، شەكارانى قورعاۋ ءاربىر بيڭتۋاندىقتىڭ كوكەيىنە تەرەڭ ۇيالادى، بۇل پارتيا ورتالىق كوميتەتى بيڭتۋانعا جۇكتەگەن قاسيەتتى بورىش جانە جاۋاپكەرشىلىك. بيڭتۋان شينجياڭ قىزمەتىنىڭ باس نىساناسىن ىسكە اسىرۋداعى ماڭىزدى كۇش رەتىندە، مەملەكەت مۇددەسى بيڭتۋاننىڭ مۇددەسى، شينجياڭنىڭ كەلەلى جاعدايى بيڭتۋاننىڭ كەلەلى جاعدايى دەگەنگە تاباندى بولىپ، ورنىقتىلىقتى قورعاۋدىڭ، شەكارانى قورعاۋدىڭ ءتۇرلى جاۋاپكەرشىلىكتەرىن بۇلجىماي اتقارىپ، شەكارانى ورنىقتىرۋداعى، شەكارانى بەكەمدەۋدەگى ورنىقتىرعىشتىق ماڭىزدى رولىن ويداعىداي تولىق ساۋلەلەندىردى.

  بيڭتۋان پارتكومى اۆتونوميالى رايوندىق پارتكومنىڭ ورنىقتىلىقتى قورعاۋداعى ءتۇرلى ورنالاستىرۋلارىن باتىل دايەكتىلەندىرىپ، تياناقتاندىرىپ، ساڭلاق سايلاۋىت حالىق جاساعى قوسىنى قۇرىلىسىن تىڭعىلىقتى ويداعىداي يگەرىپ، زورلىقتى كۇش لاڭكەستىككە قاتاڭ سوققى بەرۋ ارناۋلى ارەكەتىن ۇزدىكسىز تەرەڭدەتىپ، قوعامدىق باسقارۋدى، تىزگىندەۋدى كۇشەيتىپ، شەكارانىڭ حاۋىپسىزدىگىن قورعاپ، شينجياڭنىڭ قوعام ورنىقتىلىعى مەن باياندى تىنىشتىعىندا ەرەكشە رول ساۋلەلەندىردى.

ءبىر نيەتپەن ىنتىماقتاسىپ، قول ۇستاسا العا باستى

  جاڭا داۋىردەگى پارتيانىڭ شينجياڭدى جونگە سالۋ جالپى جوباسى مەن بيڭتۋاننىڭ ورنىن تۇراقتاندىرۋ تالابىن ىشكەرىلەي دايەكتىلەندىرۋ، تياناقتاندىرۋ بيڭتۋان مەن جەرگىلىكتى ورىننىڭ توعىسپالى دامۋىندا، ءسوزسىز، باسىپ وتۋگە ءتيىستى جول.

  ەجەلدەن بەرى اۆتونوميالى رايون ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن بەرىك ورناتىپ، بيڭتۋاننىڭ رەفورماسىن، دامۋىن، ورنىقتىلىعىن كۇش سالا قولدادى. بيڭتۋان مەن جەرگىلىكتى ورىننىڭ توعىسپالى دامۋىن بەلسەنە جەبەپ، بيڭتۋان مەن جەرگىلىكتى ورىننىڭ جوبالاۋ، اتقارۋ، سايكەستىرۋ جانە كەلەلى ماسەلەلەردى اقىلداسۋ مەحانيزمىن اقاۋسىزداندىردى، كەمەلدەندىردى. بيڭتۋان مەن جەرگىلىكتى ورىن قول ۇستاسا العا باسىپ، بيڭتۋان مەن جەرگىلىكتى ورىنداعى ءار ۇلت بۇقاراسىنىڭ بايلانىس جاساۋ، اۋىس - ءتۇيىس دانەكەرىن قالىپتاستىردى.

  بيڭتۋاننىڭ قىزمەتكەرى يوۋ لياڭيىڭ ون نەشە جىلدان بەرى گۇما اۋدانىنداعى ۇيعۇر باۋىرى مامەتتۇرۇپ مۇساققا كومەكتەسىپ كەلەدى، اپەكەلى - ءىنىلى ەكەۋىنىڭ بىرلىكتە دوڭگەلەك داۋلەتكە ۇمتىلعانى تاماشا اڭگىمەگە ارقاۋ بولدى.

  سونىمەن قاتار لياندارعا بارىپ وتباسىلارىن ارالاۋ، مەيىرگە تولى قول الىسۋلار..... ”ۇلتتار ىنتىماعىنىڭ بەرەكەلى شاڭىراعى“ قيمىلىن ۇزدىكسىز ورىستەتۋ بارىسىندا ۇلتتار ىنتىماعىنىڭ تۇقىمى بيڭتۋانداعى قالىڭ پارتيالى كادرلار مەن ءار ۇلت بۇقاراسىنىڭ جۇرەگىندە تەرەڭ تامىر تارتتى.

  بيڭتۋان پارتكومى از ۇلتتار ءجيى قونىستانعان تۋان - الاڭداردى جەدەل دامىتۋدى ماڭىزدى مىندەت ەتىپ، بيڭتۋاننىڭ ەرەكشە ءتۇزىلىس ابزالدىلىعىن تولىق ساۋلەلەندىرىپ، تۇتاس بيڭتۋاننىڭ كۇشىن شوعىرلاندىرىپ، از ۇلتتار ءجيى قونىستانعان تۋان - الاڭداردى دامىتۋدى جەدەلدەتىپ، ارناۋلى قارجىدان ويداعىداي پايدالانىپ، ءتۇرلى بايلىق قاينارلارىن ءونىمدى بىرىكتىرىپ، نىساننىڭ جەتەكتەۋىنە سۇيەنىپ، دامۋدى حالىق تۇرمىسىن جاقسارتۋ بارىسىندا تياناقتاندىرۋدان، جەرگىلىكتى ورىنعا تيىمدىلىك جەتكىزۋ بارىسىندا تياناقتاندىرۋدان، ىنتىماقتى نىعايتۋ بارىسىندا تياناقتاندىرۋدان بۇلجىماي، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىمىن شىنايى سەزىندىردى.

  حالىققا تيىمدىلىك جەتكىزۋ ينجەنەريالارىنىڭ ىركەس - تىركەس اتقارىلۋى ءار ۇلت بۇقاراسىنا بىرگە قونىستاناتىن، بىرگە ۇيرەنەتىن، بىرگە جۇمىس ىستەيتىن، بىرگە قۋانىشقا بولەنەتىن قوعامدىق شارت - جاعداي جاراتىپ، ءار ۇلت ارالاسقان، ىشتەسكەن، توعىسقان راي بارعان سايىن قويۋلانىپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسى ونان ارى بەكەمدەلدى.

  ”ۇلى وتاندى قىزۋ ءسۇيۋ، كورىكتى مەكەن قۇرۋ“ نەگىزگى تاقىرىبىنداعى تاربيە قيمىلىن دانەكەر ەتە وتىرىپ، بيڭتۋان بۇقارامەن بايلانىس ورناتۋدا ”ەڭ سوڭعى ءبىر بولەك جولدى“ تۇتاستىرىپ، ”ەڭ شالعايداعى ءبىر وتباسىنا“ دەيىن بۇقاراعا قىزمەت وتەۋدى جۇزەگە اسىرىپ، ءار ۇلت بۇقاراسىنىڭ ءتول مۇددەسىنە ساياتىن ماسەلەلەردى شىن مانىندە شەشىپ، ورنىقتىلىقتى قورعاۋدىڭ، ىنتىماقتى كۇشەيتۋدىڭ بىرىككەن كۇشىن قالىپتاستىردى.

  سوڭعى جىلدارى بيڭتۋاننىڭ ”ۇعىسۋ، تيىمدىلىك جاساۋ، توعىستىرۋ“ بويىنشا لياندە (قىستاق) تۇراتىن قىزمەت اترەتتەرى جۇرت تىلەگىن ۇيىستىرۋ جانە كەدەيلىكتەن ارىلتۋدان قامال الۋ سياقتى قىزمەت مىندەتتەرىن مىقتاپ ارقاۋ ەتىپ، ماڭىزدى ءتۇيىندى مىقتى يگەرىپ، قيىن تۇيىننەن قامال الىپ، ولقىلىقتاردى تولىقتاپ، ءالسىز بۋىنداردى كۇشەيتىپ، دالمە - ءدال شارا اتقارىپ، بىرتە - بىرتە اۋىر كەدەيلىكتىڭ قامالىن الدى. ساناققا قاراعاندا، بيڭتۋان، شى، تۋان 3 دارەجە جيىنى 10 مىڭداعان ادامنان قۇرالعان ”ۇعىسۋ، تيىمدىلىك جاساۋ، توعىستىرۋ“ بويىنشا لياندە (قىستاق) تۇراتىن قىزمەت اترەتىن شىعارىپ، كەدەي لياندەردى (قىستاق) تۇتاستاي قامتۋدى جۇزەگە اسىرعان.

  2017 - جىلدان بەرى بيڭتۋان «پارتيا قۇرىلىسىن مىقتى يگەرىپ، كەدەيلىكتەن ارىلتۋدان قامال الۋدى ىلگەرىلەتۋگە قاتىستى اتقارۋ پىكىرىن» بەلگىلەپ، كەدەي تۋان، الاڭداردىڭ باسشىلىق القاسىن تولىقتاپ، كۇشەيتىپ، كەدەي ليان - دۇيلەردىڭ ءبىرىنشى شۋجيلەرىن تاڭداۋلىلاردان سارالاپ ساقاداي سايلاپ، كەدەي لياندەرگە (قىستاق) ءبىرىنشى شۋجيلەردى تاڭداپ جىبەرۋدى تولىق قامتۋدى جۇزەگە اسىرىپ، نەگىزگى ساتى پارتيا ۇيىمىنىڭ ولشەمدەندىرىلگەن قۇرىلىسىن تىڭعىلىقتى ىلگەرىلەتىپ، ليان (قىستاق) پارتيا ياچەيكاسىنىڭ قامال الۋدىڭ، توسقاۋىلدى بۇزۋدىڭ اتويشىسىنا اينالۋىنا شىنايى كەپىلدىك ەتتى.

  بىلتىر جىل سوڭىندا بيڭتۋان كەدەي تۋان الاڭدارىنىڭ كەدەيلىك قالپاعىن تۇگەلدەي الىپ تاستاۋدى، كەدەي ليان - دۇيلەردى تۇگەلدەي كەدەيلىك تىزىمىنەن شىعارۋدى، كەدەي جان سانىن تۇگەلدەي كەدەيلىكتەن ارىلتۋدى جۇزەگە اسىرعان بولاتىن. پارتيا 18 - قۇرىلتايىنان بەرى بيڭتۋاندا 161 مىڭ كەدەي جان سانى كەدەيلىكتەن ارىلىپ، 77 كەدەي تۋان الاڭى كەدەيلىك قالپاعىن الىپ تاستادى.

  ءبىرسىپىرا ۇتىمدى شارالار بيڭتۋانداعى ءار ۇلت كادر - بۇقاراسىن ءبىر نيەتپەن ىنتىماقتاسۋعا، قول ۇستاسا بىرگە ىلگەرىلەيتىن اسقاق رۋحقا ۇيىستىردى، ولاردىڭ بۇكىل ەل حالقىمەن بىرگە، كوكىرەك كەرە جاپپاي دوڭگەلەك داۋلەتتىلىككە قادام تاستاۋعا بەكىمدەرى، سەنىمدەرى كامىل.

رەفورما جاساۋدىڭ، دامۋدىڭ جاڭا كارتيناسىن سالدى

  تاياۋدا اشىلعان بيڭتۋان 7 - كەزەكتى پارتكومىنىڭ جەتىنشى رەتكى جالپى ماجىلىسىنەن مىناداي شات حابار كەلدى: ىندەت سياقتى ءتيىمسىز فاكتورلاردىڭ ىقپالىن جەڭگەن بيڭتۋان ەكونوميكاسى ۇزدىكسىز جاقسى بەتالىسقا قاراي بەت الدى. بيىل الدىڭعى جارتى جىلدا بيڭتۋاننىڭ ءوندىرىس جالپى ءونىم قۇنى سايكەس مەزگىلدەگىدەن %3.8 ارتتى، 1 - ايدان 8 - ايعا دەيىن تۇراقتى مۇلىككە قوسىلعان قارجى سايكەس مەزگىلدەگىدەن %26.8 ارتتى، كولەمدەنگەن ونەركاسىپتىڭ ارتقان قۇنى سايكەس مەزگىلدەگىدەن %6.7 ارتتى. بۇگىنگى كۇندە بيڭتۋاننىڭ ەكونوميكالىق كولەمى ۇزدىكسىز كەڭەيىپ، دامۋ ءتاسىلى ۇزدىكسىز ساپالىلاندى.

  بيڭتۋاندىقتار شينجياڭنىڭ اۋىل شارۋاشىلىعىن وسىزامانداندىرۋدى ءتىپتى دە بيىك بەلەسكە كوتەرۋ ءۇشىن قۇلشىنۋدا.

  تۇقىم ءسىڭىرۋ مەزگىلىندە بيڭتۋان 8 - شى 149 - تۋانىنىڭ سالالى اتىزىندا بيڭتۋان ءوزى زەرتتەپ جاساعان 146 دانا اۆتوماتتى جۇرگىزىلەتىن تۇقىم ءسىڭىرۋ ماشيناسى بەيدوۋ باعدار سىلتەپ، ورىن بەلگىلەۋ ينفورماتسياسىن قابىلداۋ ارقىلى تۇقىم ءسىڭىردى. جۇمىسشى - قىزمەتشىلەر ماشينالاردى ەركىن جۇرگىزىپ، سۋلياۋ جارعاق جابۋ، تۇتىكشە جاتقىزۋ، تۇقىم ءسىڭىرۋ جۇمىستارىن ءبىر - اق جولدا تىندىردى، 1000 مەترلىك تۇقىم ءسىڭىرۋ قاتارىنىڭ تۇزۋلىگىنەن شىعاتىن پارىق 3 سانتيمەتردەن اسپادى.

  بيڭتۋان 1 - شى الار قالاسىنىڭ ماقتا اتىزىندا بيڭتۋانداعى ءبىر اۋىل شارۋاشىلىق عىلىم - تەحنيكا سەرىكتەستىگىندەگى ”90 - جىلداردان كەيىن تۋىلعان“ جاس جىگىت چىن پىڭيۇي سەرىكتەرىمەن بىرگە ۇشقىشسىز ۇشاقپەن وسىمدىك باپتاۋدا...

  جاڭاشا اۋىل شارۋاشىلىق تەحنيكاسى بيڭتۋاننىڭ وسىزاماندانعان اۋىل شارۋاشىلىعىنىڭ دامۋ بەتالىسىنا جەتەكشىلىك ەتتى. بيڭتۋان باستاماشىلدىقپەن وسىزاماندانعان، ماشينالاسقان، كولەمدەندىرىلگەن ەگىنشىلىكتەن پايدالانىپ، اۋىل شارۋاشىلىق ءوندىرىس ءتاسىلىن جاڭالاۋدى ىلگەرىلەتتى.

  سونىمەن بىرگە، بيڭتۋاننىڭ ايبىندى رەفورما كارتيناسى كەڭگە جايىلدى.

  ورتالىقتىڭ ورنالاستىرۋى بويىنشا، بيڭتۋان رەفورمانى تەرەڭدەتۋدى ىلگەرىلەتىپ، بيڭتۋان ءتۇزىلىسىنىڭ ەرەكشە باسىمدىعى مەن دامۋ قوزعاۋشى كۇشىن تولىق ايگىلەدى.

  نەگىزگى ساتىدا تۋان الاڭىنىڭ جالپىلىق، جۇيەلىلەنگەن رەفورماسى نەگىزىنەن ورىندالىپ، جۇمىسشى - قىزمەتشىلەردىڭ جەردى كوتەرمەگە الۋىنا قاراتا ۇقىعىن ايقىنداپ تىزىمدەپ، كۋالىك بەرىلىپ، تيجارات جۇرگىزۋ وزىندىك ۇقىعىن جۇمىسشى - قىزمەتشىلەرگە قايتارىپ بەردى، جۇمىسشى - قىزمەتشىلەردىڭ ءوندىرىس، تيجارات جۇرگىزۋ بەلسەندىلىگىن قوزعاپ، اۋىل شارۋاشىلىق وندىرگىش كۇشى مەيلىنشە ازات بولدى.

  مەملەكەت يەلىگىندەگى مال - مۇلىك، مەملەكەت يەلىگىندەگى كاسىپورىنداردىڭ رەفورماسى ورنىقتى قاداممەن ىلگەرىلەپ، قازىنالىق باسقارۋ ءتۇزىلىس رەفورماسى كورنەكتى ونىمدىلىككە قول جەتكىزدى.

  بۇگىنگى بيڭتۋانعا زەر سالساڭىز، ورنىقتىلىقتى قورعاۋ، شەكارانى كۇزەتۋ جالپىلىق قۋاتى كورنەكتى جوعارىلاپ، ەكونوميكاسى، قوعامى تىنباي اقاۋسىز دامىپ، جۇمىسشى - قىزمەتشىلەردىڭ، بۇقارانىڭ ءوندىرىس، تۇرمىس شارت - جاعدايىندا كورنەكتى جاقسارۋ بولىپ، ءتۇرلى ىستەردە شەكسىز قوزعاۋشى كۇش ايگىلەندى.

  − بيڭتۋان جىبەك جولى ەكونوميكالىق بەلدەۋى وزەكتى رايون قۇرىلىسىنا بەلسەنە ات سالىسىپ، قارجى قوسۋ، ساۋداگەر شاقىرىپ قارجى ەنگىزۋ، شينجياڭعا باعىتتامالى كومەكتەسۋ قىزمەتىن كۇش سالا ويداعىداي يگەرىپ، حالىقتىق شارۋاشىلىقتى زور كۇشپەن دامىتىپ، ساياحات كاسىبىن دامىتۋدى جەدەلدەتىپ، قالا - قالاشىقتاندىرۋ قۇرىلىسىن تىڭعىلىقتى ىلگەرىلەتىپ، جاڭاشا ونەركاسىپتەندىرۋدى جەتەكشى ەتكەن كاسىپ سالاسىن دامىتۋ جۇيەسىن ورناتۋعا كۇش سالدى.

  − بيڭتۋان جاڭا دامۋ ۇستانىمىن دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت نەگىزگى ارناسىنان جازباي، ءۇش ءىرى قامال الۋ شايقاسىن كۇش سالا ويداعىداي جۇرگىزىپ، جوعارى ساپالى دامۋدى ىلگەرىلەتىپ، ەكونوميكاسى دامىعان، ەكولوگياسى كوركەم، حالقى باقىتتى تاماشا جاعدايدى قالىپتاستىردى.

  2019 - جىلى بيڭتۋان ءوندىرىس جالپى ءونىم قۇنىن 274 ميلليارد 700 ميلليون يۋانعا جەتكىزۋدى جۇزەگە اسىرىپ، 2014 - جىلمەن سالىستىرعاندا، ارتۋى 100 ميلليارد يۋاننان استى. 2019 - جىلدىڭ اياعىندا حۋياڭحى قالاسى رەسمي ماڭدايشىلىق اسىپ، قۇرىلىپ، بيڭتۋاننىڭ باسقارۋىنداعى اۆتونوميالى رايونعا توتە قاراستى اۋدان دارەجەلى قالا 10عا جەتتى...

  جاڭا تاريحي باستامادا تۇرىپ، باس شۋجي شي جينپيڭ نۇسقاعان باعىتتى بويلاعان بيڭتۋانداعى كادرلار مەن بۇقارا بيڭتۋان رۋحىن، ساقا اسكەرلەر رۋحىن جانە توراڭعى رۋحىن زور كۇشپەن اسقاقتاتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قىزمەت مىندەتى مەن بورىشىن اناعۇرلىم ويداعىداي اتقارىپ، شينجياڭ قىزمەتى باس نىساناسىنا اناعۇرلىم ويداعىداي قىزمەت ەتىپ، جاڭا داۋىردەگى بيڭتۋان ىستەرىنىڭ دامۋىندا جاڭا جاعداي اشۋعا كۇش سالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.