تيانشان تورىنىڭ حابارى (سۋرەتىن ءتۇسىرىپ، حابارىن جازعان ەرىكتى ٴتىلشى ارداق بەيىسقان) 2020 ـ جىلى 9 - ايدىڭ 11-كۇنى، شينجياڭنىڭ التاي ايماعى جەمەنەي اۋدانى شالشىقاي اۋىلىنىڭ ٴبيداي اتىزى كوپتەگەن ”سيرەك كەلەتىن قوناقتاردى“ قارسى الدى. توپ - توبىمەن ۇشىپ كەلىپ جاتقان بۇل بوز تىرنالار مەملەكەتتىك ەكىنشى دارەجەلى قورعالاتىن قۇستار ەدى، ولار بۇل ارانىڭ كورىكتى كۇزىنىڭ سالتاناتىنا ءسان قوستى.
تاياۋ جىلداردان بەرى، جەمەنەي اۋدانى ساۋىر جايلاۋىنىڭ ەكولوگيالىق ورتاسىنىڭ ۇزدىكسىز جاقسارۋىنا جانە ٴار ۇلت بۇقاراسىنىڭ جابايى جانۋارلاردى قورعاۋ ساناسىنىڭ ۇزدىكسىز ارتۋىنا بايلانىستى، ساۋىر جايلاۋى جىل قۇستارى اۋعاندا قوناقتايتىن، ازىقتاناتىن، كوبەيەتىن تابيعي ورتاسىنا اينالىپ، ءتۇز قۇستارىنىڭ ءتۇرى مەن سانى ۇزدىكسىز ارتتى.
