تيانشان تورى   ›   ۇيرەنۋ   ›   ماڭىزدى حۇجاتتار

جەردى وتكەرمەلەۋ كىرىسىنىڭ پايدالانىلۋ كولەمىن رەتتەپ، كەمەلدەندىرىپ، اۋىل - قىستاقتى گۇلدەندىرۋدى الدىمەن قولداۋ كەرەك

ورتالىق كوميتەت كەڭسەسى، مەملەكەتتىك كەڭەس كەڭسەسى پىكىر باسىپ تاراتتى

جەردى وتكەرمەلەۋ كىرىسىنىڭ پايدالانىلۋ كولەمىن رەتتەپ، كەمەلدەندىرىپ، اۋىل - قىستاقتى گۇلدەندىرۋدى الدىمەن قولداۋ كەرەك

  شينحۋا اگەنتتىگىنىڭ 9 - ايدىڭ 23 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتىنىڭ كەڭسەسى، مەملەكەتتىك كەڭەس كەڭسەسى «جەردى وتكەرمەلەۋ كىرىسىنىڭ پايدالانىلۋ كولەمىن رەتتەپ، كەمەلدەندىرىپ، اۋىل - قىستاقتى گۇلدەندىرۋدى الدىمەن قولداۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، وڭىرلەردىڭ، تاراۋلاردىڭ ءىس جۇزىندىك جاعدايىمەن ۇشتاستىرا مۇقيات دايەكتىلەندىرۋىن، تياناقتاندىرۋىن تالاپ ەتتى.

  «پىكىردە» مىنالار اتاپ كورسەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”اۋىل - قىستاقتان الۋ، باستىسى، اۋىل - قىستاققا پايدالانۋ“ تالابى بويىنشا جەردى وتكەرمەلەۋ پايداسىنىڭ قالا، اۋىلدارداعى ءبولىس ارناسىن رەتتەپ، اۋىل - قىستاقتى گۇلدەندىرۋ ستراتەگياسىن اتقارۋعا پارمەندى تىرەك ازىرلەۋ كەرەك.

  «پىكىردە» مىنالار ايقىندالدى: الدىمەن قامتاماسىز ەتۋگە، ناقتى ونىمدىلىككە ۇمتىلۋعا تاباندى بولۋدى، بەلسەندى، ورنىقتى تۇردە ساتىلارعا ءبولىپ اتقارۋدى، ءبىر تۇتاس جوبالاپ پايدالانۋدى، ارناعا ءتۇسىرىپ باسقارۋدى قىزمەت پرينسيبى ەتىپ، ”14 - بەسجىلدىقتىڭ“ ءبىرىنشى جىلىنان باستاپ، ءارقايسى ولكەلەر (اۆتونوميالى رايون، توتە قاراستى قالا) جەردى وتكەرمەلەۋ كىرىسىنىڭ اۋىل شارۋاشىلىعىنا، اۋىل - قىستاققا پايدالانىلۋ سالىستىرماسىن جىلدارعا ءبولىپ نىق قاداممەن جوعارىلاتۋ كەرەك؛ ”14 - بەسجىلدىق“ مەزگىلىنىڭ اياعىندا ولكەلەردى (اۆتونوميالى رايون، توتە قاراستى قالا) بىرلىك ەتىپ ەسەپتەلەدى، جەردى وتكەرمەلەۋ پايداسىنىڭ اۋىل شارۋاشىلىعىنا، اۋىل - قىستاققا پايدالانىلۋ سالىستىرماسى %50تەن جوعارى بولادى.

  «پىكىردە» 5 ءتۇيىندى شارا العا قويىلدى:

  ءبىرىنشى، جەردى وتكەرمەلەۋ كىرىسىنىڭ اۋىل شارۋاشىلىعىنا، اۋىل - قىستاققا پايدالانىلۋ سالىستىرماسىن جوعارىلاتۋ كەرەك. ولكەلەر (اۆتونوميالى رايون، توتە قاراستى قالا) قاراستى قالالار، اۋداندار ءۇشىن پارىقتاندىرىپ ەسەپتەۋ ولشەمىن بەلگىلەيدى، ورتالىق ءىس جۇزىندىك كىرىس - شىعىس جاعدايىنا نەگىزدەلىپ، ولكەلەردىڭ (اۆتونوميالى رايون، توتە قاراستى قالا) جەردى وتكەرمەلەۋ كىرىسىنىڭ اۋىل شارۋاشىلىعىنا، اۋىل - قىستاققا پايدالانىلۋ سالىستىرماسىنىڭ تالاپقا جەتكەن - جەتپەگەنىن تەكسەرەدى.

  ەكىنشى، قاتىستى ساياساتتاردى ويداعىداي ۇشتاستىرۋ كەرەك. جەر - جەر جەر باسقارۋ زاڭى سياقتى قاتىستى زاڭدار مەن زاڭ ەرەجەلەرگە، سونداي - اق ساياساتتىق بەلگىلەمەلەرگە ساي، جەردى وتكەرمەلەۋ كىرىسى مەن پايداسىنىڭ جالپى تۇلعالىق ورنىقتىلىعىن ساقتاۋى كەرەك.

  ءۇشىنشى، قالا، اۋداندار الىپ قالىپ پايدالانۋدى نەگىز ەتكەن، ورتالىق پەن ولكە دارەجەلى ورىن ۇيلەسىمدى ءبىر تۇتاس جوسپارلايتىن قارجىنى رەتتەۋ مەحانيزمىن ورناتۋ كەرەك. جەردى وتكەرمەلەۋ كىرىسىنەن اۋىل شارۋاشىلىعىنا، اۋىل - قىستاققا پايدالانىلاتىن قارجىنى، باستىسى، قالالىق، اۋداندىق ۇكىمەتتەر ورنالاستىرىپ پايدالانىپ، اۋدان دارەجەلى ورىنعا ءتۇيىندى تۇردە بەيىمدەيدى، اۋدان دارەجەلى ۇكىمەتكە قارجىدان ۇيلەسىمدى پايدالانۋدىڭ دەربەس ۇقىعىن بەرەدى. ورتالىق قازىنا ۇزدىكسىز تۇردە قازىرگى اتقارىلىپ وتىرعان بەلگىلەمەگە ساي، ەگىنجاي سۋ يگىلىگى قۇرىلىسى قارجىسىنىڭ %20ىن، جاڭادان قوسىلعان قۇرىلىسقا پايدالانىلاتىن جەرلەردى اقىلى پايدالانۋ قاراجاتىنىڭ %30ىن ءبىر تۇتاس جوسپارلاپ، استىق نەگىزگى القاپتارىنا، ورتا، باتىس بولىكتەگى وڭىرلەرگە بەيىمدەلەدى.

  ءتورتىنشى، جەردى وتكەرمەلەۋ كىرىسىنەن اۋىل شارۋاشىلىعىنا، اۋىل - قىستاققا پايدالانىلۋ قارجىسىن ءبىر تۇتاس جوسپارلاپ پايدالانۋدى كۇشەيتۋ كەرەك. جەر - جەردىڭ اۋىل - قىستاقتى گۇلدەندىرۋدىڭ ءىس جۇزىندىك قاجەتىنە نەگىزدەلىپ، جەردى وتكەرمەلەۋ كىرىسىنەن اۋىل شارۋاشىلىعىنا، اۋىل - قىستاققا پايدالانىلاتىن قارجىنى بىرىكتىرۋىنە رۇقسات ەتىلىپ، اۋىل شارۋاشىلىعىنا، اۋىل - قىستاققا سالىناتىن قارجىنىڭ شىن مانىندە ارتۋىنا شىنايى كەپىلدىك ەتىلەدى.

  بەسىنشى، جەردى وتكەرمەلەۋ كىرىسىنەن اۋىل شارۋاشىلىعىنا، اۋىل - قىستاققا پايدالانىلاتىن قارجىنى ەسەپتەۋدى كۇشەيتۋ كەرەك. جەردى وتكەرمەلەۋ كىرىسىن باسقارۋدى ارناعا ءتۇسىرىپ، جەردى وتكەرمەلەۋدىڭ وزىندىك قۇن سيپاتتى شىعىسى قاتاڭ تەكسەرىلىپ بەكىتىلەدى.

  «پىكىردە» مىنالار تالاپ ەتىلدى: جەرگىلىكتى پارتكومدار مەن ۇكىمەتتەر باسشىلىقتى كۇشەيتۋ كەرەك. ولكەلەر (اۆتونوميالى رايون، توتە قاراستى قالا) 2020 - جىلدىڭ اياعىنان بۇرىن ناقتى شارا بەلگىلەيدى ءارى ورتالىق كوميتەتتىڭ اۋىل - قىستاق قىزمەتى كەڭسەسىنە مالىمدەيدى.

  ورتالىقتىڭ 1 - ءنومىرلى حۇجاتىنىڭ دايەكتىلەندىرىلۋ، تياناقتاندىرىلۋ جاعدايىن قاداعالاۋدىڭ ماڭىزدى مازمۇنى رەتىندە، جەردى وتكەرمەلەۋگە قاتىستى ساياساتتاردىڭ تياناقتاندىرىلۋىن، سونداي - اق جەردى وتكەرمەلەۋ كىرىس - شىعىسىن باسقارۋدى قازىنالىق باقىلاۋدى، باقىلاۋدى كۇشەيتىپ، جەردى وتكەرمەلەۋ كىرىس - شىعىسىنىڭ بۇكىل ەل بويىنشا ءبىر تۇتاس ينفورماتسيا تۇعىرىن ورناتىپ، مەملەكەت قازىناسىنا تاپسىرىلۋعا ءتيىستى جەردى وتكەرمەلەۋ كىرىسىن ءوز بەتىمەن ازايتۋ - كەشىرۋ، ۇستاپ قالۋ، يەلەپ الۋ، باسقاعا ىستەتۋ، سونداي - اق جەردى وتكەرمەلەۋدىڭ وزىندىك قۇنىن جالعاننان ارتتىرۋ، اۋىل - قىستاققا، اۋىل شارۋاشىلىعىنا سالىنعان قارجىنى ەرەجەگە قايشى تۇردە پايدالانۋ سياقتى ارەكەتتەردى قاتاڭ تەكسەرىپ ءبىر جاقتى ەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.