تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ بۇرىنعى مۇشەسى سۋ بياۋ تارتىپكە، زاڭعا اۋىر قايشىلىق جاساعاندىقتان، پارتيادان جانە قىزمەتتەن ايدالدى

  شينجياڭ گازەتىنىڭ حابارى. تاياۋدا اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ بۇرىنعى مۇشەسى سۋ بياۋدىڭ تارتىپكە، زاڭعا اۋىر قايشىلىق جاساۋ ماسەلەسىن دەلو تۇرعىزىپ تەكتەدى، تەكسەردى.

  تەكسەرۋ ارقىلى مىنالار انىقتالدى: سۋ بياۋ مۇرات - سەنىمنەن ايرىلىپ، اۋەلگى ماقسات - بورىشتان كەشىپ، پارتيا تارتىبىنەن، مەملەكەت زاڭىنان تيتتەي دە يمەنبەي، ۇيىمنىڭ تەكسەرۋىنە قارسى شىققان؛ جەكە باسىنا قاتىستى ىستەردى شىنايى مالىمدەمەگەن، كادرلاردىڭ قىزمەتىن اۋىستىرۋ بارىسىندا بەلگىلەمەگە قايشىلىق جاساپ، باسقالارعا پايدا جەتكىزگەن؛ ۇكىمەت قىزمەتىن ءادىل اتقارۋعا ىقپال جاساۋ مۇمكىندىگى بار تارتۋ - تارالعى، سي اقى، دۇنيە - مۇلىك قابىلداعان؛ تۇرمىستا ءىرىپ - ءشىرىپ ازعىنداعان؛ ول تاعى قىزمەتتەگى قولايلىلىعىنان پايدالانىپ قوماقتى قازىنا - مۇلىك قابىلداپ، باسقالارعا پايدا جەتكىزگەن.

  سۋ بياۋ پارتيانىڭ ساياسي تارتىبىنە، ۇيىمدىق تارتىپكە، پاكتىك تارتىبىنە، تۇرمىس تارتىبىنە اۋىر قايشىلىق جاساعان ءارى پارا الۋ قىلمىسىنا شاتىلعان، سونداي - اق پارتيا 18 - قۇرىلتايىنان كەيىن دە تيىلماعان، قولىن تارتپاعان، سيپاتى جيرەنىشتى، زاردابى اۋىر بولعاندىقتان، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرى اكىمشىلىك جازا زاڭى»، «اكىمشىلىك ورگاندارداعى ۇكىمەت قىزمەتكەرلەرىن جازالاۋ ەرەجەسى» سياقتى قاتىستى بەلگىلەمەلەرگە نەگىزدەلىپ، اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەت ماجىلىسىندە اقىلداسۋ جانە اۆتونوميالى رايوندىق پارتكومعا جولداپ بەكىتتىرۋ ارقىلى وعان پارتيادان ايداۋ جازاسىن بەرۋدى؛ اۆتونوميالى رايوندىق باقىلاۋ - تەكسەرۋ كوميتەتى وعان قىزمەتتەن ايداۋ جازاسىن بەرۋدى؛ ونىڭ تارتىپكە، زاڭعا قايشى بارلىق تابىسىن تاركىلەۋدى؛ ونىڭ قىلمىسقا شاتىلعان ماسەلەلەرىن پروكۋراتۋرا ورگانىنىڭ زاڭ بويىنشا تەكسەرىپ، شاعىم ايتۋىنا تاپسىرۋدى، شاتىلعان قازىنا - مۇلىكتەرىن دە دەلومەن بىرگە وتكىزىپ بەرۋدى ۇيعاردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى