تيانشان تورى   ›   جاڭالىقتار   ›   وقۋ-اعارتۋ

حالىق رازى بولاتىن وقۋ - اعارتۋدى ويداعىداي جۇرگىزۋگە قۇلشىنامىز

− باس شۋجي شي جينپيڭنىڭ وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنىڭ ماماندارى، ۋاكىلدەرى اڭگىمە ماجىلىسىندە سويلەگەن ماڭىزدى ءسوزى رايونىمىزدا قىزۋ اڭىس قوزعادى

شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا، ەرىكتى ءتىلشى جاڭ لۋ

  9 - ايدىڭ 22 - كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنىڭ ماماندارى، ۋاكىلدەرى اڭگىمە ماجىلىسىندە سويلەگەن ماڭىزدى ءسوزى رايونىمىزدىڭ وقۋ - اعارتۋ سالاسىندا قىزۋ اڭىس قوزعادى. قالىڭ وقۋ - اعارتۋ قىزمەتكەرلەرى مىنانى ءبىلدىردى: وقۋ - اعارتۋ ىستەرىن دامىتۋدا ءدوپ كەلگەن جاڭا جاعداي، جاڭا مىندەتتەردى دۇرىس مەڭگەرىپ، وقۋ - اعارتۋ ىستەرىن الدىمەن دامىتۋعا تاباندى بولىپ، پارتيا ءۇشىن ادام تاربيەلەۋگە، مەملەكەت ءۇشىن دارىندى تاربيەلەۋگە تاباندى بولىپ، حالىق رازى بولاتىن وقۋ - اعارتۋدى ويداعىداي جۇرگىزۋگە قۇلشىنامىز.

  ”باس شۋجي سوزىندە پارتيا مەن مەملەكەت ىستەرى دامۋىنىڭ جالپى جاعدايى تۇرعىسىندا تۇرىپ، وقۋ - اعارتۋ ىستەرىنىڭ ورنىن، مىندەتى مەن نىساناسىن ىشكەرىلەي باسا دارىپتەپ، ءبىزدىڭ ’14 - بەسجىلدىق‘ مەزگىلىندەگى وقۋ - اعارتۋ قىزمەتىمىزگە ايقىن باعىت كورسەتتى“، - دەدى اقسۋ ايماقتىق پارتكوم وقۋ - اعارتۋ قىزمەت كوميتەتىنىڭ ورىنباسار شۋجيى، ايماقتىق وقۋ - اعارتۋ مەكەمەسى پارتيا باسشىلىق گرۋپپاسىنىڭ شۋجيى جاڭ ۋي.

  سوڭعى جىلدارى، اقسۋ ايماعى وقۋ - اعارتۋ ىستەرىن الدىمەن دامىتۋ ستراتەگياسىن جالپى بەتتىك تياناقتاندىرىپ، وقۋ - اعارتۋ ىستەرىندە قۋانارلىق وزگەرىستەردى جارىققا شىعاردى. جاڭ ۋي مىنانى ءبىلدىردى: باس شۋجيدىڭ تالابى بويىنشا پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، سوتسياليستىك مەكتەپ باسقارۋ بەتالىسىنان جازباي، ونەگە كورسەتىپ ادام تاربيەلەۋدى ءتۇبىرلى مىندەت ەتىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزم قۇرىلىسشىلارى مەن ءىزباسارلارىن قۇلشىنا باۋلۋىمىز كەرەك. اناعۇرلىم ىستىق ىقىلاسپەن، مىعىم جىگەرمەن وقۋ - اعارتۋ ءتۇزىلىس رەفورماسىن تەرەڭدەتىپ، وقۋ - اعارتۋ ىستەرىن دامىتۋدىڭ جاڭا جاعدايىن ۇزدىكسىز اشۋىمىز كەرەك.

  شينجياڭ داشۋەسى باتىس سولتۇستىك شەكارا وڭىردەگى ”قوس ۇزدىك“ قۇرىلىسىنداعى جوعارى مەكتەپ رەتىندە، باس شۋجي شي جينپيڭنىڭ ”ەلىمىزدىڭ جوعارى مەكتەپتەرى ماڭىزدى مىندەتتى جۇرەكتىلىكپەن ارقالاپ، نازاردى مەملەكەتتىڭ ستراتەگيالىق قاجەتىنە شوعىرلاندىرىپ، شەشۋشى، وزەكتى تەحنيكالاردى كوزدەپ، تەحنيكالىق قامال الۋدى جەدەلدەتۋ كەرەك“ دەگەن دارىپتەمەسىن ويداعىداي تياناقتاندىرۋىنىڭ ماڭىزى زور. شينجياڭ داشۋەسىنىڭ پارتكوم شۋجيى شۇي شيان - ي مىنانى ءبىلدىردى: پارتيانىڭ وقۋ - اعارتۋ باعىتىن تاباندىلىقپەن باتىل دايەكتىلەندىرىپ، جوعارى مەكتەپتەردىڭ وڭىرلىك دامۋ ستراتەگياسىنا قىزمەت وتەۋ دەڭگەيىن جوعارىلاتۋ كەرەك. ەنەرگيا، بايلىق، جاڭا ماتەريال سياقتى وڭىرلىك ءتۇيىندى ماسەلەلەرگە نازار اۋدارىپ، نەگىزدىك زەرتتەۋدى جانە تەحنيكالىق جاڭالىق اشۋدى ورىستەتۋ، ىسكە قوسۋ كەرەك. شينجياڭنىڭ جاڭاشا ونەركاسىپتەندىرۋ ستراتەگياسىن ارقاۋ ەتە وتىرىپ، شەشۋشى، وزەكتى تەحنيكالاردى كوزدەپ، نازاردى جاساندى زەردە، ۇلكەن ساندى مالىمەت، قايتا تۋىندايتىن ەنەرگيا سياقتى عىلىم - تەحنيكانىڭ العى شەبىنە شوعىرلاندىرىپ، ينفورماتسيالاندىرۋ مەن ونەركاسىپتەندىرۋدى ىشكەرىلەي توعىستىرۋدى ىلگەرىلەتىپ، دارىندىلاردى باۋلۋ ساپاسىن ۇزدىكسىز ءوسىرۋ كەرەك.

  ءۇرىمجى قالالىق 80 - باستاۋىش مەكتەپ پارتيا ياچەيكاسىنىڭ ورىنباسار شۋجيى، مەكتەپ باستىعى يىن جيە: باس شۋجي شي جينپيڭنىڭ ”وقۋشىلاردىڭ احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامۋىن جەبەپ، وقۋشىلاردىڭ وتانشىلدىق سۇيىسپەنشىلىگىن، قوعامدىق جاۋاپكەرشىلىك سەزىمىن، جاڭالىق اشۋ رۋحىن، امالياتتىق قابىلەتىن جەتىلدىرۋدى“ تالاپ ەتۋى ءبىزدىڭ مەكتەپتەگى ءمورالدىق تاربيە قىزمەتىمىزدى ويداعىداي جۇرگىزۋىمىزدەگى ءتۇبىرلى بويسۇنۋ ولشەمىمىز، - دەدى. ول مىنانى ءبىلدىردى: كەزەكتە، مەكتەبىمىز ءداستۇرلى مادەنيەتتى جەتەكشى ەتكەن ”كوڭىلدى وقىتۋ“ ماركا ەرەكشەلىگىن قالىپتاستىردى. بۇدان كەيىن وقىتۋ بايلىعىن قۇلشىنا كادەگە جاراتىپ، يدەيا - ساياسي ساباقحاناسىندا جاڭالىق اشىپ، يدەيالىق - ساياسي تاربيەمەن وقىتۋدى، ءتۇرلى قيمىلداردى ىشكەرىلەي توعىستىرىپ، وقۋ - اعارتۋدىڭ سوتسياليستىك وزەكتى قۇن كوزقاراسىن جەتىلدىرۋدەگى جانە امالياتتا ايگىلەۋدەگى رولىن ۇزدىكسىز ساۋلەلەندىرەمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.