تيانشان تورى   ›   ۇيرەنۋ   ›   شولۋ

كۇرەس بارىسىندا العا تارتۋعا قۋات الدى

− جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتى جونىندەگى جالپى شولۋ (10)

شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ

  اسقار تيانشان، جوڭكىلگەن تارىم وزەنى. شينجياڭنىڭ ءبىر ميلليون 660 مىڭ شارشى كيلومەتر توپىراعىندا، بارلىق جەردەن جاندى كورىنىستەردى، تاماشا ريتىمدى، سۇيىندىرەر ساتتەردى بايقاۋعا بولادى. قارىشتاي العا باسقان، جىگەرى تاسقىنداعان شينجياڭ جىلدام زىمىراۋدا.

  ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، جاڭا داۋىردەگى پارتيانىڭ شينجياڭدى جونگە سالۋ جالپى جوباسى تيانشاننىڭ تۇستىگى مەن تەرىستىگىندە تامىر تارتىپ تياناقتاندى. 6 جىلدان بەرى، وسى مەزگىلدەگى ءاربىر مينۋت بەينە بەدەرلەۋىش ىسپەتتى، شينجياڭنىڭ دارقان دالاسىنىڭ بەت - بەينەسىن وسىنشاما تەرەڭ وزگەرتۋدە.

  ەل جاڭارىپ، شينجياڭ وزگەردى. وسىناۋ كوركەم كارتينادا شينجياڭداعى كادرلار مەن بۇقارا بولاشاققا اسقاق سەزىممەن ىلگەرىلەۋدە. كۇرەستىڭ كۇش - قۋاتى تەڭىزگە تامعان تامشىداي، جينالىپ بۋىرقانعان ءداۋىر تولقىنىنا اينالدى.

  جۇرەكتە وت بولسا، كوزدە نۇر بولادى. 25 ميلليون تيانشان ۇلاندارى العىس ايتۋ بارىسىندا شابىت الىپ، جىگەرلەنە العا ۇمتىلدى. ءبىز شىت جاڭا بولاشاق جاراتۋدامىز.

باس شۋجيگە العىس ايتتى

− شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭعا ەرەكشە ءمان بەرىپ، شىنايى قامقورلىق جاساپ، بىزگە باتىلدىقپەن العا تارتاتىن بەرىك سەنىم سيلادى

  9 - ايدىڭ 20 - كۇنى كەريا اۋدانى ءداريابويى اۋىلىنىڭ جاڭا تۇرعىندار تۇيىنىندەگى جاڭا ۇيىندە بالالارىنىڭ ءماز - مايرام ويناپ جۇرگەنىنە قاراپ تۇرعان ءازحان ءاۋلانىڭ جۇزىنەن كۇلكى ەستى. ”باس شۋجي شي جينپيڭگە العىس ايتامىز، ۇلى وتانعا العىس ايتامىز. پارتيا مەن مەملەكەتتىڭ قامقورلىعى بولماسا، مۇنداي باقىتتى تۇرمىس قايدان بولسىن!“ - دەدى ءازحان.

  بىلتىر 9 - ايدىڭ 27 - كۇنى ءازحاندى قامتىعان 114 اۋىلداس قۇمدى ءشول قويناۋىنان كوشىپ شىقتى. ءبىر مەزگىل ”ەڭ سوڭعى قۇم تايپاسى“ اتانعان ءداريابويى اۋىلى تولىعىمەن كوشىرىلىپ بولدى.

  ”كەدەيلەردى سۇيەمەلدەۋ قارجىسىنىڭ ۇسىنىلىم تەبىنىن ارتتىرىپ، ونى ەگىن، مال شارۋاشىلىعى وڭىرلەرىنە، شەكارا وڭىرلەرگە، ەرەكشە قيىنشىلىعى بار قاۋىمعا ءتۇيىندى تۇردە بەيىمدەپ، كەدەيلەردى دالمە - ءدال سۇيەمەلدەۋ قىزمەت مەحانيزمىن ورناتىپ، ءدال، تۇبىرىنەن سۇيەمەلدەۋ، ءاربىر وتباسىنا دەيىن سۇيەمەلدەۋ كەرەك“. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندەگى باس شۋجي شي جينپيڭنىڭ بۇل ءسوزى كوڭىلىمىزدە سايراپ تۇر.

  بۇل كۇندەرى قونىس جاڭالاپ كەدەيلەردى سۇيەمەلدەۋ ساياساتىنىڭ ارقاسىندا، بۇل ارانىڭ كەدەي بۇقاراسى شارباق ۇيگە، سور سۋعا قوش ايتىپ، باقىتتى جاڭا مەكەنگە كوشىپ كىردى.

  استانا بەيجيڭنەن سان مىڭ شاقىرىم الىستا بولعانىمەن، وسىناۋ ءشول - جازيرا جيەگىندەگى ءار ۇلت بۇقاراسى تۇگەلدەي حالىق كوسەمىنىڭ كوڭىلىنەن مىقتاپ ورىن العان!

  پارتيا 18 - قۇرىلتايىنان بەرى، باس شۋجي شي جينپيڭ شينجياڭ قىزمەتىنە باستان - اياق قىرۋار زەيىن - زەردەسىن جۇمساپ، شينجياڭداعى ءار ۇلت حالقىنا باستان - اياق ەرەكشە قامقورلىق جاسادى.

  كورەگەندىك بايقاتىپ، كوش باستادى −

  باس شۋجي شي جينپيڭ تالاي رەت ورتالىق ساياسي بيۋروسى تۇراقتى كوميتەتىنىڭ ءماجىلىسىن، ساياسي بيۋرونىڭ ءماجىلىسىن باسقارىپ اشىپ، شينجياڭ قىزمەتىن اقىلداستى، ءوزى شينجياڭعا كەلىپ قىزمەت تەكسەرىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشىپ، مەملەكەتتىك 12 - كەزەكتى حالىق قۇرىلتايى 5 - ماجىلىسىندەگى شينجياڭ ۋاكىلدەر ۇيىرمەسىنىڭ قاراۋىنا قاتىناسىپ، شينجياڭ قىزمەتى مالىمەتىن ارناۋلى تىڭدادى، جەلىلەس ماڭىزدى سوزدەرىن جاريالاپ، جەلىلەس ماڭىزدى نۇسقاۋ بەرىپ، قوعام ورنىقتىلىعى مەن باياندى تىنىشتىق سىندى شينجياڭ قىزمەتى باس نىساناسىن تۇراقتاندىردى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بايىتتى جانە دامىتتى، شينجياڭ قىزمەتىن ويداعىداي ىستەۋگە العا باسۋ بەتالىسىن ايقىنداپ، ءتۇبىرلى بويسۇنۋ ولشەمىن ازىرلەدى.

  ەسىنەن شىعارماي، شىنايى سۇيىسپەنشىلىگىن ارنادى −

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ءمان بەرۋ دەڭگەيىنىڭ جوعارى بولۋى بۇرىن بولىپ كورىلمەگەن، شينجياڭدى قولداۋ تەبىنىنىڭ زور بولۋى بۇرىن بولىپ كورىلمەگەن، شينجياڭداعى ءار ۇلت كادر - بۇقاراسىنا كوڭىل ءبولۋىنىڭ، قامقورلىق جاساۋىنىڭ تەرەڭدىگى بۇرىن بولىپ كورىلمەگەن. ءبىر قىدىرۋ ەرەكشە ءتيىمدى ساياساتتار مەن شارالار شىعارىپ، ۇزاق ۋاقىتتار بويى شەشۋدى ويلاسا دا شەشىلمەي كەلگەن كوپتەگەن قيىن ماسەلەلەردى شەشۋىنە، بۇرىن ءبىتىرۋدى ويلاسا دا بىتىرە الماي كەلگەن كوپتەگەن ۇلكەن ىستەردى بىتىرۋىنە كومەكتەستى.

  جاقسىلىقتى ءبىلۋ − باقىتتىڭ قاينارى. شينجياڭ سىندى وسىناۋ ىرىستى توپىراقتا جاساپ جاتقان ادامداردا مەملەكەت قول جەتكىزگەن ۇلى تابىستارعا بارىنشا جەلپىنبەيتىندەر جوق، شينجياڭدا تۋىلعان وراسان زور وزگەرىستەرگە شاتتانبايتىندار جوق.

  ”باس شۋجيگە العىس ايتامىز!“ − تيانشان ۇلاندارىنىڭ العىس سەزىمى كەدەيلەردى سۇيەمەلدەۋ سەحتارىنداعى اناۋ ينە - جىپپەن اينالىسىپ وتىرعان شەبەر قولداردان مەن مۇندالايدى، بۇتاقتاردا ماۋەلى جەمىستەر سامسىعان جەمىس باقتاردان مەن مۇندالايدى، مول ءونىمدى بايتاق دالادان مەن مۇندالايدى، بالاباقشاداعى بالالاردىڭ ءتاتتى داۋىستارىنان مەن مۇندالايدى، ءاربىر شينجياڭدىقتىڭ جان دۇنيەسىنەن مەن مۇندالايدى.

سەنترلەس شەڭبەر سىزدى

− ىنتىماقپەن جۇرت تىلەگىن ۇيىستىرىپ، كۇرەس رۋحىن اسقاقتاتىپ، اسقاق ارىنمەن جانە بەرىك بەكىممەن ورنىقتى العا تارتتى

  بارلىق ادام ءبىر نيەتتە بولسا، زور كۇش - قۋات تۋادى؛ ءبىر نيەتتە بولا الماسا، ءبىر ادامعا دا تەڭ كەلە المايدى.

  جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن جۇڭگوشا سوتسياليستىك شينجياڭ قۇرۋ ”بۇكىل پارتيانىڭ پاراساتىن شوعىرلاندىراتىن، بۇكىل ەلدىڭ كۇشىن جۇمىلدىراتىن“ بەكىمدى قاجەت ەتەدى، بۇكىل ەل حالقىنىڭ زور كۇشپەن قولداۋىن قاجەت ەتەدى، جالپى شينجياڭدىقتاردىڭ كۇرەس تۋىن جەلبىرەتىپ، ناقتى ىستەۋمەن جاۋاپكەرشىلىك ارقالاۋدى ايگىلەۋىن، نىق قاداممەن ساپارعا اتتانۋىن، ءاربىر قاداممەن ىرىقتىلىققا قول جەتكىزۋىن، باسىمدىققا يە بولۋىن، بولاشاققا يە بولۋىن ءتىپتى دە قاجەت ەتەدى.

  شينجياڭنىڭ بايتاق دالاسىندا تۋىلعان وراسان زور وزگەرىستەردى شينجياڭعا كومەككە كەلۋشىلەردىڭ ەڭبەگى مەن زەيىن - زەردەسىنەن بولە قاراۋعا بولمايدى −

  پامير ۇستىرتىنەن جوڭعار ويپاتىنا، تارىم وزەنى جاعالاۋىنان التاي تاۋىنىڭ باۋرايىنا دەيىن، سۋ ىستەرى، قاتىناس، ەنەرگيا، حابارلاسۋ سياقتى ءبىر توپ شينجياڭعا كومەك ءىرى نىساندارى ارت - ارتىنان تياناقتانىپ، ءبىر توپ حالىق تۇرمىسى نىساندارى گۇل اشىپ جەمىس بەرىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى جاپپاي جوعارىلادى.

  2014 - جىلدان 2019 - جىلعا دەيىن، جالپى تياناقتانعان شينجياڭعا كومەك قارجىسى 83 ميلليارد 811 ميلليون يۋان بولىپ، شينجياڭعا كومەك نىسانىنان 9161ى اتقارىلدى، 8965 كادر - دارىندىنى تاڭداپ جىبەردى. شينجياڭعا باعىتتامالى كومەكتەسۋدىڭ رولى اناعۇرلىم كۇشەيىپ، شينجياڭدى ورنىقتىرۋعا، شينجياڭدى گۇلدەندىرۋگە قۋاتتى كۇش ۇستەدى.

  شينجياڭنىڭ بايتاق دالاسىندا تۋىلعان وراسان زور وزگەرىستەرگە قايىرىلا قاراعاندا، بيڭتۋان مەن جەرگىلىكتى ورىننىڭ قول ۇستاسا وتىرىپ، تەرەڭ توعىسقان جاندى امالياتىنان بولە قاراۋعا بولمايتىندىعىن كورە الامىز −

  بيڭتۋان مەن جەرگىلىكتى ورىننىڭ توعىسپالى دامۋىنىڭ جاڭا ۇلگىسىنە، جاڭا بارىسىنا ۇزدىكسىز ىزدەنىس جاساپ، شەكارا ءوڭىردى بىرگە قورعاعان، ىنتىماقتاسىپ قوسىلا ناتيجە شىعارعان، بايلىقتى ورتاقتاسىپ، باسىمدىقتار ارقىلى ءبىر - ءبىرىن تولىقتاعان، مادەنيەتى توعىسقان جاڭا كورىنىس ايشىقتالدى.

  شينجياڭنىڭ بايتاق دالاسىندا تۋىلعان وراسان زور وزگەرىستەرگە قايىرىلا قاراعاندا، شينجياڭدىقتاردىڭ قايىسپاس قايسارلىقپەن، نىق قاداممەن قۇلشىنا كۇرەس جاساۋىنان بولە قاراۋعا بولمايتىندىعىن كورە الامىز −

  نازاردى باس نىساناعا شوعىرلاندىرىپ، ”كەشەندى شارانى“ ويداعىداي اتقارىپ، ءاربىر ادام ورنىقتىلىقتى قورعاۋدىڭ قۇرىش قورعانىن سوعۋعا كۇش قوستى؛ جوعارى ساپالى دامۋدى كوزدەپ، اناعۇرلىم كوپ كاسىپورىن جاڭالىق اشۋ ارقىلى تىڭنان جول سالىپ، ”ءبىر بەلدەۋ، ءبىر جولدى“ بىرگە قۇرۋ بارىسىندا تولقىن جارا العا ىلگەرىلەدى؛ كەدەيلىكتەن ارىلتۋدان قامال الۋعا كۇش ۇيىستىرىپ، ءار ۇلت بۇقاراسى كۇتىپ وتىرماي، يەك سۇيەمەي، ەڭبەكشىل قوس قولدارىنا سۇيەنىپ، تاۋەكەلشىل، باتىل رۋحپەن تاماشا تۇرمىس جاراتتى؛ نەگىزگى ساتىنىڭ نەگىزىن بەكەمدەپ، توپ - توپ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى تىنىم تاپپاي ىستەپ، تىڭعىلىقتى، قاجىرلى ىستەپ، كادرلار مەن بۇقارانىڭ قاتىناسىن اناعۇرلىم قويۋلاتىپ، پارتيا تىلەگىن، حالىق تىلەگىن ۇيىستىردى.

  تيانشان الابىندا ءبىر نيەت، ءبىر تىلەكپەن، ورگە، العا ۇمتىلعان رۋح پەن كۇش جەر - جەردە تاسقىنداپ، بۇكىل ەل حالقىمەن تەڭ قادامدا جاپپاي دوڭگەلەك داۋلەتكە قادام تاستاۋدىڭ سەنىمى مەن باتىلدىعىن جەتكىزدى.

تاعى دا ەكپىندەي العا تارتتى

− العىس سەزىمىن كۇرەس جاساۋ كۇشىنە اينالدىرىپ، مەن ىستەمەي كىم ىستەيدى دەيتىن جاۋاپكەرشىلىك ارقالاۋ جانە تەز قارماناتىن بورىش ارقىلى ارشىنداي العا تارتاتىن قۋاتتى كۇش ۇيىستىردى

  جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەكشىلىگىندە شينجياڭنىڭ قوعامدىق كەلەلى جاعدايى ۇزدىكسىز ورنىقتى بولىپ، ەكونوميكا ورنىقتى اقاۋسىز دامىپ، بۇقارانىڭ تۇرمىسى كورنەكتى جاقساردى، ۇلتتار ىنتىماقتى، جاراسىمدى، ءدىن تاتۋ، ۇيلەسىمدى بولىپ، شەكارا ورنىقتى، تىنىش بولىپ، پارتيا قۇرىلىسى جاپپاي نىعايدى، سان سالالى ىستەر ۇزدىكسىز العا ىلگەرىلەدى.

  تەرەڭ وزگەرىس بوستان - بوسقا كەلگەن جوق، ول ”جۇيەنىڭ اۆتوماتتى جاڭارۋى“ ەمەس، ول سانسىز سان وزگەرىسىنىڭ جينالۋىنان كەلگەن ساپا وزگەرىسى.

  اشتى تەردىڭ ءتاتتى جەمىسىن تاتقان كەزدە، كەزىندەگى ارمان رەالدىققا اينالا باستاعان كەزدە، بىزدە ەرىكسىزدەن مىناداي سۇراق تۋادى، ءسىرا، قانداي كۇش ءبىزدى سان رەتكى بوران - شاشىننان الىپ شىقتى، سىن - سايىستاردان قالايشا قايمىقپادىق؟ ءسىرا، قانداي رۋحپەن ءبىز تالاي - تالاي قيىن قامالداردى الدىق، تالاي - تالاي حيكىمەتتەر جاراتتىق؟

  باعدار دۇرىس بولسا، جول الىستىق ەتپەيدى.

  سان قيلى قيىنشىلىق بارىسىندا ءبىز باعداردان جازبادىق. جاڭا داۋىردەگى پارتيانىڭ شينجياڭدى جونگە سالۋ جالپى جوباسى − شينجياڭ قىزمەتىن ويداعىداي ىستەۋدىڭ كومپاسى، رولى، تەڭگەرگىشى، شينجياڭ قىزمەتىن توتەنشە كۇردەلى بارىستا دۇرىستىقتان تايماي جاڭالىق اشىپ، قايشىلىقتار مەن حاۋىپ - قاتەرلەر اراسىنان جەڭىسپەن العا تارتۋعا جەتەكتەيتىن قۇدىرەتتى يدەيالىق قارۋ.

  جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تيانشان الابىنداعى تابىستى امالياتى بىزگە مىناداي وي سالدى: تەك ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ، بەكىتۋىنىڭ رۋحىن بۇلجىماي دايەكتىلەندىرىپ، ويداعىداي تياناقتاندىرىپ، شينجياڭ قىزمەتى باس نىساناسىن ويداعىداي دايەكتىلەندىرىپ، تياناقتاندىراتىن بولساق، شينجياڭ قىزمەتىنىڭ بەتالىسى ايقىن، جولى دۇرىس، ونىمدىلىگى جاقسى بولىپ، قوعام ورنىقتىلىعى مەن باياندى تىنىشتىق، ءسوز جوق، جۇزەگە اسادى.

  كۇرەس وزگەرىس اكەلدى، ءۇمىت سيلادى. كۇرەس ساپارىندا ەڭ اسقاق ايبىندى جىر رۋحتان كەلەدى؛ ادام جانىن جەلپىندىرەتىن وزگەرىس جۇرەكتەن كەلەدى. ءبىز جۇڭحۋا ۇلتى ورتاق تۇلعا تانىمىن سومداپ، ”ءۇشتىڭ ءبىر - بىرىنەن ايرىلا الماۋى يدەياسىن“ ورناتىپ، ”بەستى شىنايى مويىنداۋدى“ كۇشەيتىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، جەكە باستىڭ بولاشاعىن مەملەكەتتىڭ نىساناسىمەن ارنالاس، قادامداس قويىپ، شينجياڭنىڭ بايتاق دالاسىنداعى ءاربىر ”كىشكەنە مەن“ مەن ”ۇلكەن مەن“دى ءبىر باعىتتا العا تارتتىرۋىمىز كەرەك. ءار ادامنىڭ جۇرەگىندەگى اسقاق سەزىمىن تاسقىنداتىپ، قاي - قاشان دا تاسقىنداعان كۇشتى ساقتاپ، كۇرەسكەرلىك كۇيمەن ۇزدىكسىز العا تارتامىز.

  ”وتكەننەن باستاۋ العان بۇگىنگى كۇن ۇلى كەلەشەككە ساقاداي سايلانۋدا“. تاريحتىڭ تىڭ باستالۋ تۇيىنىندە تۇرىپ، ءبىز العىس سەزىمىن كۇرەسكەرلىك كۇشكە اينالدىرىپ، ۋاقىتپەن جارىساتىن ءجىتى اياق الىسپەن، مەن ىستەمەسەم كىم ىستەيدى دەيتىن جاۋاپكەرشىلىك ارقالاۋمەن، تەز قارماناتىن بورىش سۇيىسپەنشىلىگىمەن بولاشاققا قاراي جەدەل تارتايىق!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.