شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ جىلي
التىن كۇز، 9 - اي، وڭتۇستىك شينجياڭنىڭ بايتاق دالاسىندا گۇلدەر قۇلپىرا اشىلىپ، جەمىستەردىڭ حوش ءيىسى اڭقىپ، كۇز كوركى مەن مۇندالايدى.
وسى كەزدە كۇزگى جيىن - تەرىن تۇسىنداعى اتىز باسىندا پارتيا مۇشەلەرى باستاماشى بولعان قىستاق تۇرعىندارىنىڭ ءوزارا كومەكتەسۋ شاعىن گرۋپپاسى تىزە قوسا ەڭبەك ەتىپ، نەگىزگى ساتى ۇيىمدارى جىبەرگەن كۇشتەر كەدەيلەردى سۇيەمەلدەپ، قيىنشىلىعى بارلارعا كومەكتەسۋدە؛ اۋىل - قىستاقتىڭ ۇلكەن ساحناسىندا نەمەسە مادەنيەت قيمىلدارى ۇيىندە ءار ۇلت بۇقاراسى وزدەرى كونسەرت دايىنداپ، پارتياعا العىستارى مەن قىزۋ سۇيىسپەنشىلىكتەرىن بىلدىرۋدە.
نەگىزگى ساتى ورنىقتى، جۇرت نيەتى ۇيىستى. كادرلار بۇقاراعا ءيىلىپ قىزمەت ەتتى، بۇقارانىڭ حال - جايىن كوكەيلەرىندە ساقتادى؛ قيىنشىلىققا ءدوپ كەلگەندە، بۇقارا الدىمەن پارتيا ياچەيكاسىن ىزدەدى، پارتيانىڭ قامقورلىعىن كوكەيلەرىندە ساقتادى. پارتيا تۋى ءاربىر قىستاق، الەۋمەتتىك اۋماق، ورگان، مەكتەپ، كاسىپورىنداردا اسقاق جەلبىرەدى، نەگىزگى ساتى پارتيا قۇرىلىسىنىڭ ”جۇيكە ۇشى“ جانداندى، نەگىزگى ساتى كادرلارىنىڭ سەنىمى نىعايدى، قالىڭ پارتيا مۇشەلەرىنىڭ ماقتانىش سەزىمى، جاۋاپكەرشىلىك سەزىمى كۇشەيدى، پارتياعا كىرۋدى اڭساعان جاستاردىڭ قاتارى مولايدى، بۇقارانىڭ ءىس تىندىرىپ، شارۋاشىلىق قۇرۋ بەلسەندىلىگى جوعارىلادى...
نەگىزگى ساتىنىڭ نەگىزى شىڭدالدى
9 - ايدىڭ 17 - كۇنى تاڭ سارىدە، تاڭ نۇرىمەن جارىسا ءۇشتۇرپان اۋدانى العا قالاشىعى ياربەشى قىستاعىنىڭ تۇرعىنى سامەت تۇرسۇن اتىز باسىنا بارىپ اشتى بۇرىش ءۇزدى. تاپتاۋرىندى بولعان اتىز قىرى سامەتتىڭ عانا جۇرەر جولى ەمەس ەدى، 3 - ايدا اشتى بۇرىشتى العاش ەككەننەن قازىرگى 2 - رەت ەگۋگە دەيىن، كادرلار مەن تەحنيكتەر ۇنەمى كەلىپ جەتەكشىلىك ەتىپ، كومەكتەسىپ تۇردى.
سامەت ءۇزىپ بولعان اشتى بۇرىشىن قىستاقتاعى كوكونىس سەلبەستىك كووپەراتيۆىنە جەتكىزدى، سەلبەستىك كووپەراتيۆىنىڭ جاۋاپتىسى تۇرسۇن مامۇت بىرنەشە ەگىمشى شارۋامەن بىرگە كەلەر جىلى كوكتەمدە كوكونىستى قالاي ەگۋدى اقىلداسىپ جاتقان ەدى، ول دا دەرەۋ جاقىنداپ بارىپ قۇلاعىن تۇرە قالدى. ”بۇرىن ءبارىمىز كوكونىس ەگۋدى بىلمەۋشى ەدىك، ءبىرىنشى شۋجي مەن ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتىنىڭ مۇشەلەرى بىزگە تىكەلەي ۇيرەتىپ، ءبىزدىڭ كىرىسىمىزدىڭ ارتىپ، كەدەيلىكتەن ارىلۋىمىزعا مۇمكىندىك جاسادى“، - دەدى پارتيا ىزناگىن تاققان سامەت.
ياربەشى قىستاعىنىڭ ءۇمىت لەبى ەسكەن اتىز باسىندا پارتيا مۇشەلەرىنىڭ بۇقارانى باستاپ بىرگە ەڭبەك ەتكەن كورىنىسىن كەز - كەلگەن جەردەن ۇشىراتۋعا بولادى. 2018 - جىلدان باستاپ وسى قىستاق كوكونىس ەگىمشىلىگى، وتباسىلىق باعىمشىلىعى، جاڭعاق مانەرلەۋ، كيىم - كەشەك تىگۋ سياقتى 7 كاسىپ سالاسىن دامىتۋعا ىزدەنىس جاسادى. پارتيانىڭ نەگىزگى ساتى ۇيىمى قىستاق تۇرعىندارى شاعىن گرۋپپاسىنا، شارۋالار كاسىپتىك سەلبەستىك كووپەراتيۆىنە، سەرىك زاۆودقا، كەدەيلەردى سۇيەمەلدەۋ سەحىنا دەيىن كەڭەيدى، ءاربىر كاسىپ سالاسىندا پارتيا مۇشەلەرى باستاماشىلدىق، جەتەكشىلىك ەتتى.
ءتىلشى وڭتۇستىك شينجياڭنىڭ 4 ايماق - وبلىسىنىڭ نەگىزگى ساتىلارىندا تىلشىلىك ىستەگەندە، ”پارتيا ياچەيكاسى + سەلبەستىك كووپەراتيۆى + سەرىكتەستىك + شارۋا وتباسى“ سىندى دامۋ ۇلگىسىنىڭ ءارقايسى قىستاقتاردا كەڭىنەن جالپىلاستىرىلعاندىعىن، پارتيا ياچەيكاسىنىڭ جاۋىنگەرلىك قامال رولى تولىق ساۋلەلەنىپ، نەگىزگى ساتىنىڭ نەگىزى ۇزدىكسىز بەكەمدەلىپ، كەدەي وتباسىلارىنىڭ تۇراقتى كىرىستەرى بارلىعىن، ”كەۋەك قىستاقتىڭ“ ”شىنايى قىستاققا“ اينالعاندىعىن، ”ءالسىز، بىتىراڭقى قىستاقتىڭ“ ”كورىكتى، ىنتىماقتى“ قىستاققا اينالعاندىعىن، بۇقارانىڭ قىستاق كادرلارىنا رازى بولۋ سالىستىرماسىنىڭ ۇزدىكسىز جوعارىلاعاندىعىن بايقادى.
”پارتيا قۇرىلىسى قىزمەتى ەڭ نەگىزگى ساتىعا دەيىن كەڭەيدى“. 9 - ايدىڭ 19 - كۇنى ءپايزاۋات اۋداندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى حى شانفىڭ تىلشىگە بىلاي دەدى: ”ءبىزدىڭ اۋداننىڭ بارلىق قىستاعىندا قۇرىلعىسى كەمەلدى قىستاق دارەجەلى شەپ، پارتيالى ەرىكتىلەر قىزمەت وتەۋ اترەتى بار؛ ءاربىر قىستاق تۇرعىندارى شاعىن گرۋپپاسىندا ’وتباسىلىق پارتيا مەكتەبى‘ مەن مىندەتتى ۇگىتشى، ’پارتيا مۇشەلەرى وتاۋى‘ بار؛ بارلىق پارتيا مۇشەلەرىنىڭ ۇيىندە پارتيا قۇرىلىسى ’كالەندارى‘ بار، بارلىق ادام ءتۇرلى ۇيرەنۋ، باۋلۋ قيمىلدارىنا قاتىناسقان“.
سول كۇنى ءپايزاۋات اۋدانى جامباز اۋىلىنىڭ اۋىل باستىعى تۇرسۇن سەيىت وسى اۋىلدىڭ يىپەكچى قىستاعىنىڭ تۇرعىنى ابدۇقيۇم قۇرباننىڭ ۇيىنە بارعاندا، ابدۇقيۇم ىستىق ىقىلاسپەن قاۋىن ءتىلىپ، ءۇزىم جۋا ءجۇرىپ، ءوزىنىڭ سيىر باعۋ، ايەلىنىڭ جۇمىس ىستەۋ جاعدايىن باياندادى، ”پارتيا ءبىزدى جاقسى تۇرمىسقا جەتكىزدى“ دەگەن ءسوزدى ول ەڭ كوپ اۋزىنا الدى.
العىس ايتۋ سەزىمى ارتا ءتۇستى
قاراقاش اۋدانى قاراساي قالاشىعى ارال قىستاعىنداعى حالىققا قولايلى شاعىن بازار اۋاحان قازى اجەيدىڭ ۇنەمى باراتىن ورنى. ول شاعىن بازاردا جاڭا تيپتى ايدارشا ۆيرۋس وكپە قابىنۋى ىندەتى كەزىندە تۋىلعان بىرنەشە اڭگىمەنى ەستىدى.
قىستاق تۇرعىنى روزى تۇرىپتىڭ قىزى ۇرىمجىدە داشۋە وقيدى، ۋيچات ىستەتە المايتىن ول تۇرمىس قاراجاتىن قىزىنىڭ بانكە كارتچكاسىنا اۋدارىپ بەرۋگە شاراسىز ەدى. قىستاق پارتيا ياچەيكاسىنىڭ شۋجيى ابدۇحىليل دولەت مۇنى بىلگەننەن كەيىن، جان قالتاسىنان اقشا شىعارىپ روزى تۇرىپتىڭ قىزىنا اقشا اۋدارىپ بەرەدى؛ باقتاشى روزى مامۇتتىڭ ۇيىندە جەم - ءشوپ تاۋسىلىپ قالعاندا، قىستاق ”ەكى كوميتەتى“ جەم - ءشوپ اكەلۋگە سايكەستىرە ءجۇرىپ، بارلىق جەردى ارالاپ، ونىڭ جەم - ءشوپتى قارىزعا الا تۇرۋىنا كومەكتەسەدى؛ گۇلنياز ماحمۇتتىڭ ۇيىندە سۋ، توك توقتاپ قالعاندا، وتباسىلارىن ارالاپ جۇرگەن كادر ونىڭ سۋ، توك كارتچكاسىن الىپ، وعان سۋ، توك ساتىپ اكەلىپ بەرەدى، وعان تاعى تۇرمىستىق بۇيىمدار مەن ءدارى - دارمەك ساتىپ اكەلىپ بەرەدى...
بىلتىر بۇكىل قىستاقتا اۋىل - قىستاق قونىس ورتاسىن رەتتەۋ، جونگە سالۋ جۇرگىزىلدى، قىستاق ”ەكى كوميتەتى“ ەڭبەككۇش جەتىسپەگەن وتباسىلارىنىڭ ماسەلەلەرىن شەشۋىنە كومەكتەسۋ ءۇشىن، كەي كادرلار كەزەكپەن قۇرىلىس ورنىن كۇزەتتى، شارشاسا كىلەم جايىپ سول جەرگە جاتا كەتتى. وسىلاردى ويلاعانىندا اۋاحاننىڭ جان دۇنيەسى جىلىنىپ سالا بەردى، ول وسى سۇيىكتى پارتيالى كادرلارعا تاعى دا العىس ايتا باردى. وتكەن جولى ول كادرلارعا اتىزداعى جاڭا پىسكەن شابدالىدارىن اپارعان بولاتىن؛ وسى جولى قازىرگە دەيىن ساقتاپ جۇرگەن قاربىزدارىن الا باردى.
”اۋاحان اپاي، ەشقانداي نارسە اكەلمەي - اق قويىڭىز. ءبىز پارتيا مۇشەسىمىز، بۇقارا ءۇشىن جاقسى ءىس، ناقتى ءىس ىستەيمىز، شەشۋشى ساتتە الدا جۇرەمىز“، - دەدى اۆتونوميالى رايوندىق مادەنيەت جانە ساياحات مەڭگەرمەسىنىڭ ارال قىستاعىندا تۇراتىن ءبىرىنشى شۋجيى ءانۋار مامەت اۋاحاندى سۇيەپ جاتىپ. وعان اۋاحان كونبەدى، ول بىلاي دەدى: ”سەندەر مەنىڭ ەڭ جاقىن ادامىمسىڭدار، مەنىڭ سونشاما كوپ قيىنشىلىقتارىمدى شەشىپ بەردىڭدەر، جاقىنىما ازىن - اۋلاق كوڭىلىمدى بىلدىرۋىمە بولماي ما؟“.
”پارتيا − ءبىزدىڭ ەڭ جاقىن ادامىمىز“، وسى ءسوز وڭتۇستىك شينجياڭ شارۋالارىنىڭ ءۇزىم سورەسى استىندا، مەرەكەلىك حال سۇراۋ قيمىلى مەن ادەبيەت - كوركەمونەر باعدارلامالارىندا، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلدارىندا ۇنەمى ايتىلادى.
اقتاۋ اۋدانى ءپىلال اۋىلى يەيىلعان قىستاعىنىڭ تۇرعىندارى جەمىس ورمانى بازاسى سياقتى نىسانداردىڭ ارقاسىندا كەدەيلىكتەن ارىلعاننان كەيىن، قىستاقتا ”العىس ايتۋ تامىن“ ورناتۋدى، پارتياعا العىس ايتقان سوزدەرىن قۇرمەت جالاۋىنا ورنەكتەپ، وجاۋقاباققا ويىپ جازىپ، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنە اپارىپ بەرۋدى ورتاعا قويدى. اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ يەيىلعان قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ادىل ءالي قىستاق تۇرعىندارىنا بىلاي دەدى: ”حالىقتى بارىنەن جوعارى قويۋ − كوممۋنيستىك پارتيا مۇشەلەرىنىڭ ارقالاۋعا ءتيىستى جاۋاپكەرشىلىگى. كوپشىلىك، بىردەڭە اكەلىپ بىزگە العىس ايتۋلارىڭىزدىڭ قاجەتى جوق، پارتياعا العىس كوڭىلدەرىڭىزدى كەدەيلىكتەن ارىلىپ، دوڭگەلەك داۋلەتتىلىككە ۇمتىلۋدىڭ، كورىكتى اتا مەكەن قۇرۋدىڭ كۇش - قايراتىنا اينالدىرۋلارىڭىزدى ءۇمىت ەتەمىز!“
پارتيا مۇشەلەرى قوسىنى زورايدى
”بارلىعىمىز پارتياعا كىرۋ ءوتىنىشىن جازىپ، بارلىق ورىندا ۇلگىلىك، باستاماشىلدىق رولىمىزدى ساۋلەلەندىرۋ جونىندە ۋادە بەرگەنبىز. وسى جولى سىرتقا شىعىپ ماقتا تەرۋگە بارعانىمىزدا، ەڭبەك سياقتى جاقتاردا ۇلگى كورسەتىپ قانا قالماي، تاعى كوپشىلىككە ويداعىداي قارايلاسۋىمىز ءتيىس“. 9 - ايدىڭ 20 - كۇنى قاعىلىق اۋدانى بوشەرىق اۋىلى كەنتىشى قىستاعىنىڭ ماقتا تەرۋ جۇمىسكەرلەر اترەتى جاقىن ماڭداعى اۋدان، قالالارعا ماقتا تەرۋگە اتتانار الدىندا، جۇمىسكەرلەر اترەتىندەگى پارتيا مۇشەسى پاتىگۇل نياز بىرنەشە پارتياعا كىرۋ بەلسەندىسىنە وسىنى قاداعالاپ ايتتى.
پاتىگۇلدىڭ سىرتقا شىعىپ ماقتا تەرگەلى باراتىنىن، تاعى بىرگە باراتىن باسقالاردىڭ قامىن ويلاعانىن كورگەندە، ونىڭ كورشىسى گۇلنيسا تۇردىنياز وعان جانى اشىپ بىلاي دەدى: ”وسىنشاما كوپ ادام بارعالى جاتىر، ءاسىلى ەرلەر ايەلدەرگە قارايلاسۋى كەرەك، سەن وتە شارشاپ كەتپە“. ”مەن پارتيا مۇشەسىمىن، ۇلگىلىك، باستاماشىلدىق رولىمدى ساۋلەلەندىرۋىم كەرەك“، - دەيدى پاتىگۇل نياز.
ءبىر ايدىڭ الدىندا پارتيا مۇشەسى ماحمۇت مۇراتتىڭ اياعى جارالانعاندىقتان، قىستاق پارتيا ياچەيكاسى پارتيا مۇشەلەرىن كەزەكشىلىككە ۇيىمداستىرعاندا ونى ورنالاستىرماعان بولاتىن. كەيىن ول قىستاق پارتيا ياچەيكا شۋجيىن ىزدەپ بارىپ بىلاي دەيدى: ”مەن پارتيا مۇشەسىمىن، پارتياعا كىرگەن سوڭ بارلىق جەردە باستاماشى بولۋىم كەرەك. قازىر بارلىق پارتيا مۇشەلەرىنىڭ مىندەتى بار، نەگە مەنى قالدىرىپ قوياسىزدار؟ مەنىڭ اياعىم جاقسى بولماعانىمەن، باسقا جۇمىس ىستەۋىمە بولادى عوي“.
قىستاق پارتيا ۇيىمىنىڭ قىزمەت اينالىمى ولشەمگە ءتۇستى، پارتيا مۇشەلەرى قوسىنى زورايدى، بۇقاراعا قىزمەت وتەۋ قۋاتى دا ارتتى. وسى وزگەرىستەردى كورگەن ساقا پارتيا مۇشەسى مەللاۋىت مامەت: ۇيىسۋ قۋاتى ارتتى، نەگىزگى ساتى اناعۇرلىم ورنىقتى، - دەدى تەبىرەنە.
وڭتۇستىك شينجياڭنىڭ 4 ايماق - وبلىسىندا قىستاق دارەجەلى زاپاس كادرلار قوسىنى، پارتيا مۇشەلەرى قوسىنى ۇزدىكسىز زورايدى. مۇنىڭ ىشىندە جاس پارتيا مۇشەلەرىنىڭ، داشۋەدەن وقۋ تاۋىسىپ اۋىلىنا قايتقان پارتيا مۇشەلەرىنىڭ ۇستاعان سالىستىرماسى بارعان سايىن جوعارىلادى.
”پارتيا ۇيىمى مەنى تاربيەلەدى، مەن، ءسوزسىز، ۇزدىكسىز ۇيرەنىپ، قۇلشىنا قىزمەت ىستەپ، بۇقارانىڭ كەدەيلىكتەن ارىلتۋدان قامال الىپ، دوڭگەلەك داۋلەتتىلىككە ۇمتىلۋى ءۇشىن كوبىرەك ۇلەس قوسامىن“، - دەدى كۇشار قالاسى الاقاعا قالاشىعى باعۋان قىستاعى پارتيا ياچەيكاسىنىڭ مۇشەسى، كەدەيلەردى سۇيەمەلدەۋ ارناۋلى كادرى سۇلايمان توحتى.
