− جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭنىڭ بايتاق دالاسىنداعى تابىستى امالياتى
شينجياڭ گازەتى رەداكسياسى
ءۇرىمجى ەكونوميكالىق، تەحنيكالىق اشۋ رايونىنا (توۋتۇنحى رايونى) بيىكتەن كوز جىبەرگەندە (ۇشقىش اپپاراتپەن 9 - ايدىڭ 11 - كۇنى تۇسىرىلگەن). سۋرەتتى شينحۋا اگەنتتىگىنىڭ ءتىلشىسى حۋ حۋحۋ تۇسىرگەن
حوتان قالاسىنىڭ كەپتەر كوشەسىندە ويناپ جۇرگەن بالالار (5 - ايدىڭ 27 - كۇنى تۇسىرىلگەن). شينحۋا اگەنتتىگىنىڭ ءتىلشىسى سادات تۇسىرگەن
ءبىرىنشى
توعىزىنشى ايداعى كۇزگى كۇن ساۋلەسىن توگىپ تۇر. تيانشان الابى شاتتىققا شومعان.
الۋان تۇستەر كوز تارتىپ، جەمىستەردىڭ ءتاتتى ءدامى ءتىل ۇيىرگەندە شار - تاراپتان كەلگەن جۇرتتىڭ ءبارى: شينجياڭ جاقسى جەر ەكەن! دەپ القاۋدا.
سولاي، شينجياڭ جاقسى جەر! زامانى تىنىش، ەلى امان؛ ومىرشەڭدىگى قاۋلاعان، بولاشاعى شەكسىز.
بۇگىنگى شينجياڭ − وتانىمىزدىڭ كەڭ - بايتاق تەرريتورياسىنداعى ارىنى اسقاق ىرىستى مەكەن، جىبەك جولى ەكونوميكالىق بەلدەۋىندەگى جارقىراعان جاھۇت.
بۇگىنگى شينجياڭدا الۋان تۇسكە بويالدى اتا مەكەن تۇلعالى، اقشا بۇلتتار قالىقتاپ جاڭا ءبىر اسپان تۋعالى.
جول نۇسقاۋشىنىڭ كۇشى شىت جاڭا لەپ اكەلدى.
ۋاقىتتى 2014 - جىلدىڭ 5 - ايىنا شەگەرسەك، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىس بەيجيڭدە اشىلدى. شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ تاريحي بيىگىندە تۇرىپ، شينجياڭنىڭ بولاشاعىن جوبالادى، شينجياڭ قىزمەتىن جاقسى ىستەۋ بۇكىل پارتيانىڭ، بۇكىل ەلدىڭ كەلەلى ءىسى ەكەنىن، ءسوز جوق، ۇزاق بولاشاقتىق جوبا - جوسپار جاساپ، نەگىزدى بەكەمدەۋ شارالارىن اتقارىپ، باياندى تىنىشتىق اۋقىمىن ساقتاپ، باياندى جونگە سالۋ ءىسىن ورىنداۋ كەرەكتىگىن باسا دارىپتەدى. ءماجىلىس قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ تۇراقتاندىرىپ، پارتيانىڭ شينجياڭدى جونگە سالۋ جالپى جوباسىن بايىتتى، دامىتتى، ءبىر ميلليون 660 مىڭ شارشى كيلومەترلىك ۇلان - بايتاق دالادا تاريحي ورىندى بەلگىلەپ، شينجياڭنىڭ بولاشاق تاعدىرىنا تەرەڭ ىقپال تۋدىردى.
وسكەلەڭ بورىش قايسارلىقپەن جاۋاپكەرشىلىك ارقالاۋعا شابىت بەردى.
2014 - جىلى كوكتەمنەن ساپارعا اتتانىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم 25 ميلليون تيانشان ۇلاندارىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى ۇزاق ۋاقىت گۇلدەندىرۋگە تاباندى بولىپ، باس نىسانانى جۇزەگە اسىرۋدىڭ ارشىندى ساپارىندا قيىن - قىستاۋدا بوگەلمەي، العا ىلگەرىلەدى.
بەتالىس جولدى بەلگىلەيدى، جول تاعدىردى بەلگىلەيدى. بۇگىنگى شينجياڭدا قوعام ورنىقتى، ەكونوميكا دامىعان، ۇلتتار ىنتىماقتى، ءدىن جاراسىمدى، ەكولوگيا تاماشا، شەكارا قورعانىسى بەكەمدەلگەن، ءار ۇلت حالقى تىنىش ءومىر، شات - شادىمان تىرشىلىك ەتىپ، ءتۇرلى ىستەر كوركەيىپ - گۇلدەنۋدە. جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تابىستى امالياتى تيانشان الابىندا تاريحي وزگەرىستەردىڭ تۋىلۋىن ىلگەرىلەتتى، وتە - موتە، شينجياڭداعى ءار ۇلت كادر - بۇقاراسىن كەدەرگى - بوگەتتەردى الاستاپ، ۇدەرە العا تارتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك ەتەتىن جۇڭگوشا سوتسياليستىك شينجياڭ قۇرۋعا جىگەرلەندىردى.
اسقاق تيانشاندا جاڭا ءداۋىردىڭ ايبىندى جوبا، ۇلى ءىسى بىرتىندەپ باستالدى.
ەكىنشى
ەرەكشە مول قامقورلىق؛ ۇمىتكە تولى سۇيىسپەنشىلىك.
بيىل 7 - ايدا جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسىپ شينجياڭنىڭ نەگىزگى ساتىسىندا قالىپ قىزمەت ىستەۋدى تاڭداعان وقۋشىلار باس شۋجي شي جينپيڭگە حات جازىپ، باتىس بولىكتە تامىر تارتۋ، شەكارا ءوڭىردى گۇلدەندىرۋ تاباندى بەكىمدەرىن ءبىلدىردى. باس شۋجي بۇعان قاتتى ءسۇيىندى، ول جاۋاپ حاتىندا بىلاي دەپ جازدى: ”سىزدەردىڭ − وقۋ تاۋىسقان 118 وقۋشىنىڭ وقۋ تاۋىسقاننان كەيىن شينجياڭنىڭ نەگىزگى ساتىلارىنا قىزمەت ىستەۋگە اتتانىپ، ءار ۇلت بۇقاراسىمەن بىرگە كۇرەس جۇرگىزۋدى مۇرات ەتىپ، ۇلكەن ىسكە جارامدى، كەلەلى مىندەت ارقالايتىن باتىس بولىكتىڭ قۇرۋشىلارى بولۋعا قۇلشىناتىندىقتارىڭىزدان حابار تاپتىم، مەن سىزدەردىڭ وسىنداي ءومىر تالعامدارىڭىزدى قولدايمىن“.
باس شۋجيدىڭ ىستىق ىقىلاسقا تولى ءسوزى، شىنايى سۇيىسپەنشىلىگى − جاستارعا دەگەن ىقىلاستى ءۇمىتى، ونان دا ماڭىزدىسى، وتاننىڭ شينجياڭىنا دەگەن ايرىقشا كوڭىل ءبولۋى مەن قامقورلىعى.
ومىرلىك جوسپاردى جاساماعان ادام ساتتىك جوسپاردى دا جاساي المايدى؛ جالپى اۋقىمدى جوسپارلاماعان ادام ءبىر سالانى دا جوسپارلاي المايدى. شينجياڭ ەلىمىزدىڭ باتىس سولتۇستىگىندەگى ماڭىزدى حاۋىپسىزدىك قالتقىسى، شينجياڭ جاعدايى بۇكىل ەلدىڭ رەفورما، دامۋ، ورنىقتىلىق كەلەلى جاعدايىنا سايادى، وتاننىڭ تۇتاستىعىنا، ۇلتتاردىڭ ىنتىماعىنا، مەملەكەتتىڭ حاۋىپسىزدىگىنە سايادى، ”قوس 100 جىلدىق“ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا سايادى. شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە.
ءاربىر ءىس - ارەكەتكە ناعىز سۇيىسپەنشىلىك ءسىڭىردى، باس شۋجي شي جينپيڭ وسى توپىراقتاعى جانە وسى اراداعى حالىقتى تەرەڭ سۇيىسپەنشىلىكپەن كوكەيىندە ساقتادى. شينجياڭعا كەلىپ قىزمەت تەكسەرىپ، قىزمەتكە جەتەكشىلىك ەتۋدەن ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشقانعا، مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندەگى شينجياڭ ۋاكىلدەر ۇيىرمەسىنىڭ قاراۋىنا قاتىناسقانعا دەيىن؛ شينجياڭنىڭ نەگىزگى ساتىسىنداعى ۇلتتار ىنتىماعىنىڭ تاڭداۋلى ۋاكىلدەرىن قابىلداعاننان شينجياڭداعى كادرلار مەن بۇقاراعا كوپ رەت جاۋاپ حات قايتارعانعا دەيىن... باس شۋجي قاشاندا ەسىنەن شىعارماي، زەيىن - زەردەسىن سارقا جۇمسادى.
پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر قىدىرۋ ەرەكشە ساياساتتىق شارالار شىعارىپ، بۇكىل پارتيانىڭ، بۇكىل ەلدىڭ كۇشىن جۇمىلدىرىپ شينجياڭنىڭ دامۋىن قولدادى. قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ تۇراقتاندىرعاننان شينجياڭدى جىبەك جولى ەكونوميكالىق بەلدەۋى وزەكتى رايونى ەتىپ بەلگىلەگەنگە؛ ورتالىق قازىنا ءار جىلى شينجياڭعا 100 ميلليارد يۋان قارجىنى قازىنادان اۋدارىپ تولەگەننەن بۇكىل ەلدەگى 19 ولكە - قالا ءار جىلى 10 ميلليارد يۋاننان استام قارجى سالىپ شينجياڭعا باعىتتامالى كومەكتەسكەنگە؛ نەگىزدىك قۇرىلعى قۇرىلىسىن زور كولەمدە ورىستەتۋدەن ءبىر قىدىرۋ حالىق تۇرمىسى ينجەنەرياسىن ۇزدىكسىز اتقارعانعا دەيىن... پارتيا ورتالىق كوميتەتى شينجياڭ قىزمەتىنە بۇرىن بولماعان دەڭگەيدە ءمان بەرىپ، شينجياڭدى بۇرىن بولماعان دەڭگەيدە اسا زور سەرپىنمەن قولداپ، شينجياڭداعى ءار ۇلت كادر - بۇقاراسىنا بۇرىن بولماعان دەڭگەيدە كوڭىل ءبولىپ، قامقورلىق جاساپ، شينجياڭعا كومەكتەسىپ، ۇزاقتان بەرى شەشۋدى ويعا العان، ءبىراق شەشىلمەي كەلە جاتقان ءبىرتالاي قيىن ماسەلەلەردى شەشىپ، بۇرىن ىستەۋدى ويعا العان، ءبىراق ىستەلمەي كەلگەن ءبىرتالاي ءىرى ىستەردى تىندىردى.
شىعىس جەلى جەلپىپ ءوتتى كۇن ەلشىسى سەكىلدى ءبىر مامىرلاپ، گۇل بايشەشەك بۇرشىك جارىپ، قاۋلاي ءوستى جامىراپ. پارتيانىڭ نۇر - شۇعىلاسى مەن وتان ۇلى شاڭىراعىنىڭ مەيىرىنە بولەنىپ، باس شۋجيدىڭ شىنايى قامقورلىعى مەن ىقىلاستى تاپسىرماسىن ەستە بەرىك ساقتاعان شينجياڭداعى ءار ۇلت كادر - بۇقاراسى كوكىرەك تولى العىس سەزىمىن كەرنەگەن قىزۋ ىنتا مەن ارىن - جىگەرگە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ بەرىك سەنىمى مەن جاندى امالياتىنا اينالدىرىپ، شينجياڭنىڭ بايتاق دالاسىندا ەكپىندەي ىلگەرىلەۋدىڭ جالىندى دا اسقاق سيمفونياسىن شارىقتاتتى.
ءۇشىنشى
اسەم ءان قالىقتادى، جەمىس - جيدەكتىڭ جۇپار ءيىسى اڭقىدى. 9 - ايدىڭ 8 - كۇنى تۇستەن كەيىن ىشكى وڭىردەن كۇشار اۋەجايىنا كەلىپ تۇسكەن 71 ساياحاتشى قوناقجاي شينجياڭدىقتارعا قاتتى ءتانتى بولدى. مۇنداي ىستىق ىقىلاس كوڭىلى تىنىش ءارى جاراستى جاندارعا عانا ءتان.
الايدا كەزىندە شينجياڭدا زورلىقتى كۇش لاڭكەستىك ارەكەتتەر كوپ، ءجيى تۋىلىپ، ءار ۇلت حالقىنا اۋىر اپات اكەلدى، مەملەكەتتىڭ تۇتاستىعىنا، ۇلتتاردىڭ ىنتىماعىنا، قوعامنىڭ ورنىقتىلىعىنا اۋىر زيان جەتكىزدى. تولىقسىز ساناققا قاراعاندا، 1990 - جىلدان 2016 - جىلدىڭ سوڭىنا دەيىن ”ءۇش ءتۇرلى كۇش“ شينجياڭ سياقتى جەرلەردە جيىنى نەشە مىڭ رەت زورلىقتى كۇش لاڭكەستىك دەلوسىن (وقيعا) تۋدىرىپ، قىرۋار بەيكۇنا بۇقاراعا زالال جەتكىزىپ، نەشە جۇزدەگەن قوعام حاۋىپسىزدىگى حالىق ساقشىسى قىزمەت ۇستىندە قازا بولىپ، قيساپسىز مال - مۇلىك زيانعا ۇشىراعان.
ورنىقتىلىق بولماسا، ءىستىڭ ءبارى سەلگە كەتەدى، حالىقتىڭ باقىتى مەن تىنىشتىعىنان ءسوز اشۋعا بولمايدى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە قوعام ورنىقتىلىعى مەن باياندى تىنىشتىق باس نىساناسى تۇراقتاندىرىلدى. بۇل − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ جاعدايى مەن بۇكىل ەلدىڭ كەلەلى جاعدايىنا نەگىزدەلە وتىرىپ جاساعان ماڭىزدى ستراتەگيالىق تۇجىرىمى. باس نىسانانى ويداعىداي يگەرۋ شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى ۇزاق ۋاقىت گۇلدەندىرۋدىڭ جەتەكشى ۇقىعى مەن ىرىقتىلىق ۇقىعىن يگەرگەندىك بولىپ تابىلادى.
باس نىسانا − تۋ ۇستاپ بەتالىستى بەلگىلەۋدىڭ تۇعىرناماسى، ونان دا ماڭىزدىسى، مىزعىماس سەنىم. اۆتونوميالى رايوندىق پارتكوم پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى ساياسات - باعىتتارىن باتىل دايەكتىلەندىرىپ، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا اۋىر ساياسي جاۋاپكەرشىلىك ەتىپ، شينجياڭدى زاڭمەن جونگە سالۋعا تاباندى بولىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، كەشەندى شارا قولدانىپ، شينجياڭنىڭ قوعامدىق كەلەلى جاعدايىنىڭ باياندى ورنىقتىلىعىنا شىنايى كەپىلدىك ەتتى.
زورلىقتى كۇش لاڭكەستىك الاستالماسا، مەملەكەتتە تىنىشتىق بولمايدى. قيىن دا كۇردەلى كۇرەس جاعدايىنا سايكەس، اۆتونوميالى رايون پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرلەسىپ قيمىلداۋعا، كەشەندى شارا قولدانۋعا تاباندى بولىپ، زاڭ قارۋىن قولدانا وتىرىپ كۇرەس جۇرگىزۋگە، قىلمىسقا سوققى بەرۋگە تاباندى بولىپ، قاتاڭ سوققى بەرۋدىڭ تەگەۋرىندى كۇيىن بوساڭسىتپاي، زورلىقتى كۇش لاڭكەستىك دەلولارىنىڭ كوپ، ءجيى تۋىلۋ بەتالىسىن وڭاپ، قوعام ورنىقتىلىعىنىڭ قۇرىش قورعانىن تۇرعىزدى.
كەسىر - كەساپاتتى جويۋعا شەبەر كىسى ونىڭ ءتۇپ قاينارىن تابا الادى، اۋرۋدى جازۋعا شەبەر ادام اۋرۋدىڭ سەبەبىن ءبىلىپ ءتۇبىن ۇزە الادى. اۆتونوميالى رايون الدىن الۋ سيپاتىنداعى لاڭكەستىككە قارسى تۇرۋدى ءبىرىنشى ورىنعا قويۋعا تاباندى بولدى، زورلىقتى كۇش لاڭكەستىك قىلمىستارىنا زاڭ بويىنشا قاتاڭ سوققى بەرۋمەن بىرگە، تۋ باستان جونگە سالۋعا دا ءمان بەرىپ، زاڭ - ءتۇزىم جونىندەگى ۇگىت - تاربيەنى كۇشەيتۋ، كاسىپتىك شەبەرلىككە تاربيەلەۋ - باۋلۋ ورتالىعىن زاڭ بويىنشا قۇرۋ سياقتى كوپ ءتۇرلى تاسىلدەر ارقىلى لاڭكەستىكتىڭ، ۇشقارىلىقتىڭ ءوسىپ - ءوربۋ توپىراعى مەن شارت - جاعدايىن ەڭ جوعارى شەكتە الاستادى.
جۇرت تىلەگى − ەڭ ۇلكەن ساياسي. اۆتونوميالى رايون ءتۇرلى حالىق تۇرمىسى ينجەنەريالارىن تىڭعىلىقتى ىلگەرىلەتىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ىشكەرىلەي ورىستەتىپ، بۇقارامەن تىعىز بايلانىس ورناتۋ، بۇقاراعا قىزمەت وتەۋ بارىسىندا ءار ۇلت بۇقاراسىنا پارتيانىڭ مەيىرى مەن قامقورلىعىن شىنايى سەزىندىرىپ، حالىق تىلەگىنە ەڭ جوعارى شەكتە قول جەتكىزىپ جانە ونى ۇيىستىرىپ، شينجياڭ قىزمەتىنىڭ باس نىساناسىن جۇزەگە اسىرۋدىڭ بۇقارالىق نەگىزىن بەكەمدەدى.
نالىعانمەن ءتۇن بويى كوكەك كوپتەن، كۇن شىعىستان كەلەدى كۇلىپ كوكتەم. تەمىرگە تاپ، تاسقا تاڭبا قالدىراتىن ءبىر قىدىرۋ تىڭعىلىقتى شارالار شينجياڭنىڭ قوعامدى جونگە سالۋ قابىلەتى مەن جونگە سالۋ ورەسىنىڭ ۇزدىكسىز جوعارىلاعانىنا كۋا بولدى، ونان دا ماڭىزدىسى، باس نىسانانىڭ تيانشان الابىندا تياناق تاۋىپ تامىر تارتۋىن ىلگەرىلەتتى. بۇگىنگى شينجياڭدا جاعداي مەڭگەرىمدى، كەلەلى جاعداي ورنىقتى بولىپ، اۋقىم جاقسارۋدا، بۇكىل رايوندا ءۇرتىس 3 جىل 9 اي بويى زورلىقتى كۇش لاڭكەستىك دەلوسى تۋىلعان جوق، قىلمىستىق ىستەر دەلولارى، قوعام اماندىعىنا قاتىستى دەلولار، حاۋىپسىزدىككە قاتەر توندىرۋگە قاتىستى دەلولار، الەۋمەتتىك حاۋىپسىزدىككە قاتىستى وقيعالار زور مولشەردە ازايىپ، ءار ۇلت بۇقاراسىنىڭ باقىت، تىنىشتىق ارمانى جۇزەگە استى.
بۇلتتى جارىپ كۇن شىقتى، اسپان شايداي اشىلدى. تىنىش، جاراسىمدى قوعامدىق رايدا تيانشان الابىنداعى ءار ۇلت كادر - بۇقاراسىنىڭ كوڭىلى مارقايدى، جۇزدەرىنەن كۇلكى ەستى، بۇكىل ەل حالقىمەن بىرگە قول ۇستاسا دوڭگەلەك داۋلەتكە ۇمتىلۋ جىگەرى ونان ارى تاسقىنداي ءتۇستى. ورنىقتى قوعامدىق ورتا ەكونوميكالىق دامۋعا ماڭىزدى شارت - جاعداي، ەڭ پارمەندى تىرەك ازىرلەدى، ونان دا ماڭىزدىسى، باياندى تىنىشتىققا ىقپال جاسايتىن تەرەڭ قاتپارلى ماسەلەلەردى شەشۋ ءۇشىن ۋاقىتقا، ىرىقتىلىققا قول جەتكىزدى.
ءتورتىنشى
دوڭعالاقتار باتىسقا زاۋلاپ، كۇمىس قانات قىراندار ەۆروپا مەن ازيانى جالعادى. قورعاستا، قاشقاردا، الاتاۋ ساعاسىندا ءار كۇنى سان - ساناقسىز تاۋارلار شينجياڭ ارقىلى وسى كەڭ - بايتاق قۇرلىقتى ەندەي وتۋدە. قازىرگە دەيىن شينجياڭ جۇڭگو - ەۆروپا كەزەكشى پويەزىنان 3700دەن استامىن جونەلتىپ، جىلىنا ورتا ەسەپپەن ％80تىڭ ۇستىندە ارتتى، سونىمەن بىرگە 17 مەملەكەتپەن، حالىقاراداعى (رايون) 25 قالامەن، ەل ىشىندەگى 88 قالامەن ارادا ۇشاق قاتىنادى ءارى جۇڭگوداعى تارماق جەلىسى ەڭ تىعىز اۋە تورىن قۇردى.
جىبەك جولى ەكونوميكالىق بەلدەۋىندەگى وزەكتى رايوندىق ورنىنىڭ ايقىندالۋىنا مەڭزەس، شينجياڭ جۇڭگونىڭ ەسىك اشۋىنىڭ ەڭ الدىڭعى شەبىنە شىقتى، ”ءبىر پورت“، ”2 رايون“، ”5 ۇلكەن ورتالىق“، ”شەكارا وتكەلى ەكونوميكالىق بەلدەۋى“ قۇرىلىسىنىڭ ءساتتى ىلگەرىلەۋى دۇنيە جۇزىنە بەيبىتشىلىكتى سۇيەتىن، گۇلدەنۋ جولىندا ارشىندى قاداممەن العا باسىپ كوركەيگەن جۇڭگونىڭ شينجياڭنان باتىسقا كوز تاستاپ، اسپان استىنداعىلارمەن كەڭىنەن دوستاسقاندىعىن كورسەتتى.
شالقار تەڭىز ۇلان - قايىر، جەلكەن جايىپ كەمەمىز، نىسانانى بەتكە الىپ، تولقىن جايىپ كەلەمىز. بۇگىنگى شينجياڭدا رەفورما جاساۋ، ەسىك اشۋدىڭ ءدۇبىرلى تولقىنى جوڭكىلىپ، ەكونوميكالىق دامۋ نىق قادام باسۋدا.
ورنىقتىلىق پەن دامۋ اربانىڭ قوس دوڭگەلەگى، قۇستىڭ ەكى قاناتى ىسپەتتى. ورنىقتىلىق بولماسا، دامۋدان اۋىز اشۋعا بولمايدى؛ دامۋ بولماسا، ورنىقتىلىق تىرەگىنەن ايرىلادى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى، ءسوز جوق، ورنىقتىلىقتى ارقاۋ ەتە دامۋدى كوزدەپ، دامۋ ارقىلى ورنىقتىلىقتى جەبەۋدى باسا دارىپتەدى.
ورنىقتىلىق پەن دامۋ سىندى 2 ۇلكەن تاريحي مىندەت الدىندا، اۆتونوميالى رايوندىق پارتكوم بولشەكتەۋشىلىككە قارسى كۇرەستى ىشكەرىلەي ورىستەتىپ، قوعام ورنىقتىلىعىن قورعاۋمەن قاتار، جاڭا دامۋ ۇستانىمىنا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ”1+3+3+رەفورما جاساۋ، ەسىك اشۋ“ قىزمەت ورنالاستىرۋىن تىڭعىلىقتى ىلگەرىلەتىپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن ويداعىداي تياناقتاندىرىپ، ەكونوميكانىڭ جوعارى ساپالى دامۋ كەمەسىنىڭ نىق قاداممەن الىسقا جەتۋىن ىلگەرىلەتتى.
كەڭ - بايتاق قۇبا ءتۇز، يەن دالادا شينجياڭنىڭ تازا ەنەرگيا كاسىپ سالاسى دۇنيە ءجۇزىنىڭ تازا ەنەرگيا جۇيەسىندەگى اسا ماڭىزدى ءبىر بۋىنعا اينالىپ، اسىرەسە، دۇنيە جۇزىندەگى ەلەكتر جەتكىزۋ، كەرنەۋ وزگەرتۋ كاسىپ سالاسىنىڭ جەتەكشىسىن ومىرگە اكەلدى؛ ۇشى قيىرسىز شينجياڭنىڭ ساپالى ماقتا ءوندىرىس بازاسىندا، ماقتا جيناۋ ماشينالارى ءوز كەرەمەتتەرىن كورسەتىپ، ماقتانى جيناۋدى، تايلاۋدى، تاسۋدى ءبىر تۇلعالاندىرىپ ىستەۋدى جۇزەگە اسىردى؛ تارىم ويپاتى اينالاسىنداعى ەرەكشە جەمىس ورمانىن ەگۋ رايونىندا، ”شينجياڭنىڭ جەمىس تاباعىندا“ ءتۇرلى جەمىستەر كوزدىڭ جاۋىن الىپ، جان - جاعىمىزدى تۇگەل ”ءتاپ - ءتاتتى“ دامگە تولتىردى؛ ”شينجياڭ ىشىندە شەڭبەر قالىپتاستىرۋ، شينجياڭنان كىرىپ - شىعۋدى تەزدەتۋدى“ ارقاۋ ەتكەن شينجياڭنىڭ ستەرەولدى قاتىناس جۇيەسى جەدەل قالىپتاسىپ، شىعىسپەن جالعاسىپ، باتىسقا شىعارۋ ارناسىنىڭ رولى بارعان سايىن كورنەكتىلەنە ءتۇستى؛ ”تۇنىق سۋ، جاسىل تاۋ − باعالى بايلىق“، ”قارلى دالا، مۇزدى القاپ تا باعالىق بايلىق“ ۇستانىمىن بەرىك ورناتىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن جانە اۋىل - قىستاق قونىس ورتاسىن جالپىلىق رەتتەۋ - جونگە سالۋدى جالپى بەتتىك ورىستەتىپ، ”اناعۇرلىم كوپ ”كوكيارلار“ تيانشان الابىن جاسىل جەلەكپەن كومكەرىپ، شينجياڭ ەكونوميكاسىنىڭ جوعارى ساپالى دامۋىنىڭ ەكولوگيالىق كەڭىستىگى ۇزدىكسىز كەڭەيە ءتۇستى...
بۇگىنگى شينجياڭ بايتاق دالاسىنىڭ تۇس - تۇسىندا جالىنداعان جاسامپازدىق، جەر - جەرىندە كۇن سايىن وزگەرىپ، اي سايىن جاڭالانعان ىلگەرىلەۋشىلىك جارىققا شىعۋدا. 2014 - جىلدان بەرى، بۇكىل رايوننىڭ وڭىرلىك ءوندىرىس جالپى ءونىم قۇنى جىلىنا ورتا ەسەپپەن ％7.7 ارتىپ، 2019 - جىلى ءبىر تريلليون 359 ميلليارد 700 ميلليون يۋانعا جەتتى. قالا - قالاشىق تۇرعىندارىنىڭ جان باسىندىق ورتاشا قولداعى تابىسى جىلىنا ورتا ەسەپپەن ％8.3 ارتىپ، 2019 - جىلى 34 مىڭ 664 يۋانعا جەتتى. اۋىل - قىستاق تۇرعىندارىنىڭ جان باسىندىق ورتاشا قولداعى تابىسى جىلىنا ورتا ەسەپپەن ％8.5 ارتىپ، 2019 - جىلى 13 مىڭ 122 يۋانعا جەتتى. دامۋدىڭ باعىت كورسەتكىشى ۇزدىكسىز جوعارى ورلەپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ زاتتىق نەگىزىن بەكەمدەدى.
قوعام ورنىقتىلىعىنىڭ ”كورسەتكىشى“ سانالاتىن ساياحات كاسىبى شينجياڭنىڭ ستراتەگيالىق تىرەكتى كاسىبىنە اينالۋدا. 2019 - جىلى شينجياڭ شەكارا ءىشى - سىرتى ساياحاتشىلارىنان 213 ميلليون ادام (رەت) قابىلداپ، ساياحات كىرىسى 363 ميلليارد 262 ميلليون يۋانعا جەتىپ، جەكە - جەكە 2014 - جىلداعىدان4.3 ەسە جانە 5.6 ەسە ءوستى؛ داستارقان باسىندا ەڭ كوپ كەزدەسەتىن شينجياڭ نانى تالاي وتباسىلاردىڭ باقىتىمەن بايلانىستى بولدى، اۆتونوميالى رايون نان شارۋاشىلىعىن دامىتۋدى جوعارى ولشەممەن، جوعارى باستامادا ىلگەرىلەتىپ، ەرەكشەلىككە يە توقاشتار شينجياڭدى كوركەيتەتىن ۇلكەن كاسىپ سالاسىنا اينالۋدا. ساياحات كاسىبىن، نان شارۋاشىلىعىن ۋاكىل ەتكەن شينجياڭنىڭ 3 - كاسىبىنىڭ ەكونوميكانىڭ ارتۋىنا قوسقان ۇلەس مولشەرى 2014 - جىلعى ％36.5تەن 2019 - جىلى ％66.7كە ءوستى.
جاڭا دامۋ ۇستانىمىن جەتەكشى ەتكەن شينجياڭ جوعارى ساپالى دامۋدى ىلگەرىلەتۋدە مول تابىسقا كەنەلدى، وتە - موتە، سان مىڭداعان شينجياڭدىقتاردىڭ ارمانى مەن ءۇمىتىنىڭ وسىناۋ توپىراقتا قاۋلاۋىنا مۇمكىندىك جاسادى.
بەسىنشى
كۇنلۇن تاۋىنىڭ تەرەڭ قويناۋى، شىڭدار قىساڭىنا تولعان اينا كول. 5 جىلدىق قۇرىلىس جۇمىستارىنان كەيىن، 2020 - جىلى 5 - ايدىڭ 29 - كۇنى مەملەكەتتىڭ ماڭىزدى سۋ يگىلىگى نىسانى − شينجياڭ ارتاش سۋ يگىلىگى تورابى ينجەنەرياسىنداعى ۇلكەن توسپانىڭ نەگىزگى تۇلعا قۇرىلىسى اياقتالدى. مەملەكەت 14 ميلليارد يۋان قارجى سالعان ياركەن وزەنىن جالپىلىق جونگە سالۋ جۇمىسى ياركەن وزەنىن مىڭ جىلعا جالعاسقان سەل حاۋپىنەن ءبىر جولدا سەيىلتتى. ياركەن وزەنى الابىنداعى ميلليونداعان بۇقارا ۇرەي بيلەگەن، ۇرپاقتار بويى تاسقىننان ساقتانۋمەن اينالىسىپ كەلگەن ماشاقاتتى تۇرمىسقا قوش ايتتى.
ياركەن وزەنىن جونگە سالۋ ميلليونداعان ادامنىڭ تاعدىرىن وزگەرتتى، وتە - موتە، ادامدى نەگىز ەتەتىن، حالىقتى بارىنەن جوعارى قوياتىن بيلىك جۇرگىزۋ ۇستانىمىن ايگىلەدى.
مەملەكەتتى جونگە سالۋدىڭ وزگەرمەس زاڭ - قاعيداسى بولادى، ءبىراق ونىڭ نەگىزى حالىققا ءتيىمدى بولۋ. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، باس شۋجي شي جينپيڭ: ”شينجياڭنىڭ اناعۇرلىم جاقسى، اناعۇرلىم تەز دامۋىن تاباندىلىقپەن ىلگەرىلەتۋ، سونىمەن بىرگە دامۋدى حالىق تۇرمىسىن جاقسارتۋ جاعىندا تياناقتاندىرىپ، جەرگىلىكتى ورىنعا جاپپاي تيىمدىلىك جاساۋ جاعىندا تياناقتاندىرىپ، ىنتىماقتى نىعايتۋ جاعىندا تياناقتاندىرىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرۋ كەرەك“ دەپ اتاپ كورسەتتى.
حالىق تۇرمىسىن ۇلتاندى ەتكەندە عانا، حالىق كوڭىلى الاڭسىز بولادى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ ءتۇبىرلى تەتىگى − جۇرت تىلەگىن ۇيىستىرۋدا، حالىق تۇرمىسىن قاجىماس تاباندىلىقپەن قامتاماسىز ەتۋدە جانە جاقسارتۋدا. اۆتونوميالى رايوندىق پارتكوم بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن حالىق تۇرمىسىنداعى ەڭ ماڭىزدى ولشەم ەتۋگە تاباندى بولىپ، حالىق تۇرمىسى سۇيىسپەنشىلىگىن دامۋ ۇستانىمىنا تەرەڭ توعىستىرىپ، حالىق تۇرمىسىنىڭ ەمتيحان قاعازىنا ەكپىندەتە وتىرىپ جىلى مەيىرگە تولى جاۋاپ جازدى.
حالىق تۇرمىسىن الدىمەن ويلاستىرۋعا، حالىق تۇرمىسىن الدىمەن جۇرگىزۋگە تاباندى بولدى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى اۆتونوميالى رايوننىڭ ءوز دارەجەسىندەگى قازىنالىق شىعىسى مەن شينجياڭعا كومەك قارجىلاردىڭ ％70تەن كوبى حالىق تۇرمىسىن قامتاماسىز ەتۋگە، جاقسارتۋعا جۇمسالىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ، بەيقۇت ءۇي سياقتى حالىققا ءتيىمدى ءتۇيىندى ينجەنەريالار ۇزدىكسىز ىلگەرىلەپ، حالىق تۇرمىسى ينجەنەرياسى شىن مانىندە حالىق تىلەگى ينجەنەرياسى بولىپ قۇرىلىپ شىقتى.
بۇگىنگى تاڭدا، ەڭ قيىن، قاتەرلى ۇستىرتتە دە اسفالت جول سايراپ جاتىر؛ ەڭ الىس قىستاقتاردا دا دوۋيىن شولىپ، ۋيبو اقتاراتىن ورەندەر بار؛ كۇنلۇن تاۋىنىڭ ەتەگىندەگى قۇربان اتايدىڭ ۇرپاقتارى جارتى كۇندە بەيجيڭگە جەتە الادى؛ پامير ۇستىرتىندە، مۇزتاۋعا كەلگەن جاڭا قوناقتاردىڭ اياعى ۇزىلمەي، قىزىق - دۋمان اڭگىمەلەر شەرتۋدە...
بۇگىنگى تاڭدا، جۇمىستاندىرۋ ارنالارىن كەڭەيتىپ كىرىس ارتتىرۋ ءار ۇلت بۇقاراسىنىڭ تۇرمىسىنا اناعۇرلىم مول ءۇمىت سيلاپ، مەكتەپكە دەيىنگى 3 جىلدىق تەگىن تاربيە قىستاقتاعى بالالاردىڭ باستالۋ سىزىعىن جاڭالاپ، جالپى حالىقتىڭ دەنساۋلىعىن تەكسەرۋ ەر - ايەل، كارى - جاس ءۇشىن ءومىردىڭ ”قورعانىش قالقانىن“ تۇرعىزدى، بارعان سايىن ءجيى توقىلعان قوعامدىق قامتاماسىز ەتۋ تورى مىڭداعان، ون مىڭداعان وتباسىلاردىڭ باقىتىن ”تومەنگى شەكتەن تۇسىرمەدى“...
بۇگىنگى تاڭدا، پارتيا بەكىمى، حالىق تىلەگى حالىق تۇرمىسىمەن تىعىز بايلانىسقان دامۋ بارىسىندا ۇزدىكسىز ۇيىسىپ، وتاندى ءسۇيۋدىڭ، شينجياڭدى ءسۇيۋدىڭ وڭ ەنەرگياسى شينجياڭنىڭ بايتاق دالاسىنا كەڭىنەن تارالۋدا، بۇل كورىكتى شينجياڭ قۇرۋدىڭ ەڭ ءتۇبىرلى كەپىلى، ەڭ پارمەندى تىرەگى، ەڭ قۋاتتى كۇشى بولىپ تابىلادى.
2019 - جىلى 9 - ايدىڭ سوڭىندا، وزگەلەر ”قۇمدى شولدەگى تايپا“ دەپ اتاعان كەريا اۋدانى داريابويى اۋىلى داريابويى قىستاعى تايلى - تاياعىمەن تاكلاماكاننىڭ كىندىك وڭىرىنەن تازا، جارىق، سايكەستى قۇرىلىعىلارى تولىق جاڭا وتىرىقتاندىرۋ تۇيىنىنە كوشىپ كەلدى. وسىعان دەيىن، شينجياڭنىڭ ”13 - بەسجىلدىقتاعى“ كەدەيلەردى قونىس جاڭالاپ سۇيەمەلدەۋ مىندەتى تولىق ورىندالىپ، 159 مىڭ 100 ادام جاڭا قونىسقا كوشىپ، كوشىپ شىعا الاتىن، ورنىعىپ وتىراتىن، بايۋ جولىنا تۇسە الاتىن جاڭا تۇرمىستارىن باستادى.
كەدەيلىكتەن ارىلتۋدان قامال الۋدىڭ ايبىندى دابىلى قاعىلعاننان بەرى، قۇمدى شولدەن بيىك تاۋعا، ساحارادان وزەن اڭعارىنا دەيىن، شينجياڭداعى ءار دارەجەلى پارتكوم مەن ۇكىمەت نازاردى اۋىر كەدەيلىككە شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىسىترىپ، ”جەتى ءبىر توپتى“، ”ۇشتە سەرپىندى ارتتىرۋدى“ تىڭعىلىقتى ىلگەرىلەتىپ، تاپتەشتەي ىستەۋگە بار كۇشتى سالىپ، كەدەيلىكتەن ارىلتۋ جولىندا بىردە - ءبىر وتباسىنىڭ، بىردە - ءبىر ادامنىڭ قاعىس قالماۋىنا شىنايى كەپىلدىك ەتتى.
2019 - جىلدىڭ سوڭىنا دەيىن، شينجياڭ جيىنى 2 ميلليون 923 مىڭ 200 ادامنىڭ كەدەيلىكتەن ارىلۋىن، 3107 كەدەي قىستاقتىڭ كەدەيلىك تىزىمىنەن شىعۋىن، 25 كەدەي اۋداننىڭ كەدەيلىك قالپاعىن الىپ تاستاۋىن جۇزەگە اسىردى. كەدەيلىكتىڭ تۋىلۋ مولشەرى 2013 - جىلدىڭ سوڭىنداعى ％19.4تەن ％1.24كە ءتۇستى. ”ەكىدەن تارىقتىرماۋ، ءۇشتى قامتاماسىز ەتۋدەگى“ كورنەكتى ماسەلەلەر نەگىزىنەن شەشىلدى.
2020 - جىلى جاڭا جىلدان باستاپ، شينجياڭ كەدەيلىك قالپاعى الىنباعان 10 كەدەي اۋداندا شايقاسقا باسى - قاسىندا قاداعالاۋ جۇرگىزىپ، اۋداندارعا، قىستاقتارعا بولە وتىرىپ، دالمە - ءدال شارا قولدانىپ، كورنەكتى ماسەلەلەر مەن ءالسىز بۋىنداردى كوزدەپ، قامال الىپ، قيىندىقتاردى ەڭسەرىپ، ولقىلىقتاردى تولىقتادى. كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋدىڭ 100 مەترلىك جۇلقىنىسىندا، شينجياڭ تۇگەلدەي سايلاۋىت كۇشپەن شايقاسقا شىعىپ، تيتتەي دە بوساڭسىمايتىن، تولىق جەڭىسكە جەتپەي بەل شەشپەيتىن بەكىممەن جانە ارىنمەن ەڭ سوڭعى كەدەيلىك قامالىنا جالپى شابۋىل قوزعادى.
كەزەكتە شينجياڭداعى ءار ۇلت كادر - بۇقاراسى بۇكىل ەل حالقىمەن بىرگە قول ۇستاسا وتىرىپ جاپپاي دوڭگەلەك داۋلەتتىلىككە قادام تاستاۋدا. مىڭ جىلدىق ارمان شىندىققا اينالعان ساتتە، شينجياڭنىڭ بايتاق دالاسىندا دا ايبىندى ەسكەرتكىشتەر بوي كوتەرىپ، بيلىك جۇرگىزۋشى پارتيانىڭ حالىق ءۇشىن اۋەلگى ماقساتتان اينىماعان جاۋاپكەرشىلىگى مەن ىسكەرلىگى تاريح ەسىندە ماڭگى جاتتالىپ قالماق.
التىنشى
كەريا اۋدانى توعراعاز اۋىلى توعراعاز قىستاعىندا تاسپاداي تارتىلعان اسفالت جول الىسقا سوزىلىپ جاتىر، جولدىڭ ءبىر باسىندا قۇربان تۇلىمنىڭ ەسكەرتكىش سارايى تۇر. قاز - قاتار تىزىلگەن تاريحي سۋرەتتەر، جازبالار، ناقتى زاتتار ىنتىماقتىڭ حيكايالارىن بايانداپ، ەرلىكپەن العا باسۋدىڭ شۇعىلاسىن شاشىپ، شينجياڭداعى ءار ۇلت بۇقاراسىنىڭ پارتيانى سۇيەتىن، وتاندى سۇيەتىن ىستىق سۇيىسپەنشىلىگىنە كۋا بولۋدا.
60 نەشە جىلدىڭ الدىندا، قۇربان اتايدىڭ ”ەسەگىنە ءمىنىپ بەيجيڭگە بارىپ ءتوراعا ماۋ زىدۇڭعا امانداساتىن“ اڭگىمەسىنە ءدۇيىم جۇرت قانىق. 2017 - جىلى باس شۋجي شي جينپيڭ قۇربان اتايدىڭ ۇرپاقتارىنا قايتارعان حاتىندا ولاردى ”پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەۋگە“ ىنتالاندىردى.
باس شۋجي شي جينپيڭ شينجياڭنىڭ ۇلتتار ىنتىماعى قىزمەتىنە ءار ۋاقىت كوڭىل ءبولدى، مەيلى شينجياڭعا كەلىپ قىزمەت تەكسەرسىن، الدە نەگىزگى ساتى ۇلتتار ىنتىماعىنىڭ تاڭداۋلى ۋاكىلدەرىن قابىلداسىن، مەيلى قۇربان اتايدىڭ ۇرپاقتارىنا جاۋاپ حات قايتارسىن، الدە مەملەكەتتىك ەكى ماجىلىستە شينجياڭ ۋاكىلدەر ۇيىرمەسىنىڭ قاراۋىنا قاتىناسسىن، ءار ۇلتتىڭ ىنتىماعى، تاتۋلىعى باستان - اياق باس شۋجيدىڭ ەڭ تەرەڭ قام جەيتىن ءىسى بولدى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي شي جينپيڭ ”ىنتىماقتاسا شينجياڭدى ورنىقتىرۋدىڭ“ تاريحي بيىك تۇرعىسىندا تۇرىپ شينجياڭنىڭ بولاشاعىن جوبالاپ، بىلاي دەپ باسا دارىپتەدى: ”شينجياڭ ماسەلەسىندە ەڭ ۇزاققا سوزىلاتىنى، سايىپ كەلگەندە، ۇلتتار ىنتىماعى ماسەلەسى. ۇلتتىق بولشەكتەۋشى كۇشتەر ۇلتتار ىنتىماعىن بۇلدىرۋگە ۇرىنعان سايىن، ءبىز ۇلتتار ىنتىماعىن سولعۇرلىم كۇشەيتىپ، ءار ۇلت حالقىنىڭ وتان تۇتاستىعىن بىرگە قورعايتىن، ۇلتتار ىنتىماعىن بىرگە قورعايتىن، قوعام ورنىقتىلىعىن بىرگە قورعايتىن قۇرىش قورعانىن بەرىك قالاۋىمىز كەرەك“.
باس شۋجي ءجون سىلتەگەن بەتالىستى بويلاپ، اۆتونوميالى رايون جۇڭحۋا ۇلتى ورتاق تۇلعا تانىمىن بەرىك سومداۋدى نەگىزگى جەلى ەتۋگە تاباندى بولىپ، پارتيانىڭ ۇلت ساياساتىن دايەكتىلەندىرىپ، ۇلتتىق وڭىرلىك اۆتونوميا ءتۇزىمىن تياناقتاندىرىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ءۇرتىس ىشكەرىلەي ورىستەتىپ، ءتۇرلى فورماداعى ۇلتتار ىنتىماعى، العاباسارلىعى جاعىندا وزاتتاردان بولۋدى كەڭ كولەمدە ورىستەتىپ، ءار ۇلتتىڭ تاتۋ - ءتاتتى ءوتۋىن، قيىندىقتى تىزە قوسا جەڭۋىن، جاراسىمدى دامۋىن جەبەپ، ۇلتتار ىنتىماعىنىڭ سەنترلەس شەڭبەرىن بارعان سايىن ۇلكەيتە ءتۇستى.
بۇگىنگى تاڭدا، شىنايى سۇيىسپەنشىلىككە تولى ”ۇلتتار ىنتىماعىنىڭ بەرەكەلى شاڭىراعى“ اتتى پويەزدارى شينجياڭنىڭ ۇلان - بايتاق دالاسىندا زاۋلاۋدا، تۇتاس رايونداعى ءار ۇلت كادرلارى، جۇمىسشى - قىزمەتكەرلەر نەگىزگى ساتىداعى بۇقارامەن جۇپ قۇراپ، تۋىس بولىپ، حال - جاعداي سۇراۋ، ءوزارا قارايلاسۋ بارىسىندا تىنىستاس، تاعدىرلاس ءبىر وتباسىنىڭ ادامدارىنا اينالدى.
بۇگىنگى تاڭدا، ۇلتتار ىنتىماعى، العاباسارلىعىنداعى ۇلگىلەر تيانشان الابىندا شوق جۇلدىزداي جارقىرادى، قۇربان نياز، جۋاڭ شىحۋا، يوۋ لياڭيىڭ... ءبىر - بىرلەگەن رۋحاني كورديناتالار ءار ۇلت كادر - بۇقاراسىن ىنتىماققا پايدالى سوزدەردى سويلەۋگە، ىنتىماققا پايدالى ىستەردى ىستەۋگە جەتەكتەپ، ءبىر جاعادان باس، ءبىر جەڭنەن قول شىعارا وتىرىپ ىنتىماق نەگىزىن بەرىك قالادى.
بۇگىنگى تاڭدا، جۇڭحۋا ۇلتى ورتاق تۇلعا تانىمى، ”ءۇشتىڭ ءبىر - بىرىنەن ايرىلا الماۋى“، ”بەستى شىنايى مويىنداۋ“ يدەياسى ءار ۇلت حالقىنىڭ جۇرەگىنە تەرەڭ تامىر تارتىپ، ”ۇلتتار ىنتىماعىنىڭ بەرەكەلى شاڭىراعى، جۇڭگو ارمانىن ءبىر نيەتپەت بىرگە قۇرۋدىڭ“ قۋاتتى وڭ ەنەرگياسى شينجياڭنىڭ بايتاق دالاسىندا ۇزاققا دەيىن جاڭعىردى.
فاكت ۇلتتار ىنتىماعى بەينە كۇن نۇرى، اۋا سياقتى كەم بولسا بولمايتىندىعىن، باس نىسانانى جۇزەگە اسىرۋدىڭ ماڭىزدى العى شارتى جانە ءتۇبىرلى كەپىلى ەكەندىگىن تولىق ءتۇسىندىردى.
باس شۋجي شي جينپيڭ بىلاي دەپ ايقىن اتاپ كورسەتتى: ”شينجياڭداعى ەڭ ۇلكەن بۇقارالىق قىزمەت ۇلتتار ىنتىماعى مەن ءدىن جاراسىمدىلىعى“. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، اۆتونوميالى رايون پارتيانىڭ ءدىن قىزمەتى نەگىزگى باعىتىن جالپى بەتتىك دايەكتىلەندىرىپ، ەلىمىزدە ءىسلام ءدىنىن جۇڭگوشالاندىرۋ بەتالىسىنا تاباندى بولىپ، قالىپتى ءدىني قيمىلداردى زاڭ بويىنشا قورعاپ، ءدىني ورىنداردا ”جەتىنى جەتكىزۋدى، ەكى بولۋدى، توعىزدى سەپتەۋدى“ تىڭعىلىقتى ىلگەرىلەتىپ، وتانشىل ءدىني قايراتكەرلەردى باۋلۋدى، قورعاۋدى، ولارعا قامقورلىق جاساۋدى كۇشەيتتى... ءدىندى سوتسياليستىك قوعامعا ۇيلەسۋگە بەلسەنە جەتەكتەپ، قالىڭ ءدىن سالاسىنداعى قايراتكەرلەردى جانە دىنگە سەنەتىن بۇقارانى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەسۋگە ىنتىماقتاستىردى، ۇيىستىردى.
شينجياڭنىڭ كەڭ - بايتاق دالاسىندا ءار ۇلت بۇقاراسى ەتەنە بولىپ، ءبىر - بىرىنە قارايلاستى، ءتۇرلى دىندەر توعىسىپ، بىرگە ءومىر ءسۇرىپ، تاتۋ، جاراسىمدى ءوتتى.
جەتىنشى
قاراپايىم تۇرعىن ءۇي، حوش ءيىستى كوفەحانا، ءداستۇرلى قولونەر، سونداي - اق ۇلتتىق ءتۇسى قويۋ ءدامدى تاعامدار ادامدى سۇيىندىرە ەلىكتىرىپ، ەل ءىشى - سىرتىنىڭ تالاي - تالاي سەرۋەنشىلەرىن باۋرادى − بۇگىنگى تاڭدا وڭتۇستىك شينجياڭداعى ماڭىزدى قالاشىق قاشقاردا، قورعاۋ سيپاتتى وزگەرتۋدەن كەيىنگى كونە قالا رايونى شىت جاڭا جاڭارىپ، شينجياڭداعى ەڭ دۋماندى ساياحات نىسانالى جەرلەردىڭ بىرىنە اينالدى.
كونە قالا تىڭنان تۇلەدى، بۇل رەفورما جاساۋدىڭ، ەسىك اشۋدىڭ قۇت - ىرىسى، ونان دا ماڭىزدىسى، قوعام ورنىقتىلىعىنىڭ پايداسى، ونىڭ يگىلىگىنە كەنەلگەندەر ۇرپاقتار بويى وسى ارادا تۇرمىس كەشىرىپ كەلە جاتقان ادامدار.
قاشقار كونە قالاسىنىڭ تاماشا بۇرىلىس جاساۋىنىڭ استارىندا پارتيا ورتالىق كوميتەتىنىڭ وڭتۇستىك شينجياڭ قىزمەتىنە وسكەلەڭ نازار اۋدارۋى مەن كوڭىل ءبولۋى جاتىر.
شينجياڭ شاحمات تاقتاسى بولسا، وڭتۇستىك شينجياڭ شاحمات كوزى. وڭتۇستىك شينجياڭنىڭ 4 ايماق، وبلىسى لاڭكەستىككە قارسى تۇرۋدىڭ، ورنىقتىلىقتى قورعاۋدىڭ نەگىزگى شايقاس مايدانى، كەدەيلىكتەن ارىلتۋدان قامال الۋدىڭ نەگىزگى شەبى. شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا وسى شاحمات كوزىن جاقسى اشۋ تەتىك ەسەپتەلەدى.
شي جينپيڭ جولداستى ۇيتقى ەتكەن پارتيا ورتالىق كوميتەتى بيىكتە تۇرىپ الىسقا كوز تاستاپ، مەملەكەت دەڭگەيىندە وڭتۇستىك شينجياڭنىڭ دامۋىن جوعارى دەڭگەيدە جوبالاپ، ءبىر قىدىرۋ ەرەكشە قازىنا، قارجى قوسۋ، فينانس، دارىندىلار ساياساتى سياقتىلاردى وڭتۇستىك شينجياڭنىڭ 4 ايماق - وبلىسىنا بەيىمدەدى، تەبىننىڭ زور بولۋى تاريحتا بولماعان دەڭگەيگە جەتتى، قامقورلىقتىڭ تەرەڭدىگى جۇرت كوڭىلىنە تەرەڭ ۇيالادى.
ماسەلە شوعىرلانعان سايىن، قيىندىق كورنەكتىلەنگەن سايىن ەرەن اقىل - پاراسات پەن ەرلىكتى سولعۇرلىم قاجەت ەتەدى. اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، بۇكىل شينجياڭنىڭ كۇشىن جۇمىلدىرىپ، بۇكىل شينجياڭنىڭ اقىل - پاراساتىن توپتاپ وڭتۇستىك شينجياڭ قىزمەتىن كۇش سالا ىلگەرىلەتتى.
− لاڭكەستىككە قارسى تۇرۋ، ۇشقارىلىقتى الاستاۋ كۇرەسىن زاڭ بويىنشا ورىستەتىپ، وڭتۇستىك شينجياڭنىڭ قوعامدىق كەلەلى جاعدايىنىڭ ءۇرتىس جاراسىمدى، ورنىقتى بولۋىنا شىنايى كەپىلدىك ەتتى، ءار ۇلت بۇقاراسىنىڭ تىرشىلىك ۇقىعىن، دامۋ ۇقىعىن ەڭ جوعارى شەكتە قامتاماسىز ەتتى؛
− اۆتونوميالى رايوننىڭ قازىنا ءبولىسىن، كەلەلى نەگىزدىك قۇرىلعى قۇرىلىسى سايكەستى قارجى ورنالاستىرۋىن جانە كەلەلى حالىق تۇرمىسى نىساندارى ۇسىنىلىمىن وڭتۇستىك شينجياڭعا بەيىمدەۋگە تاباندى بولدى. 2014 - جىلدان 2018 - جىلعا دەيىن، اۆتونوميالى رايون قازىناسىنان وڭتۇستىك شينجياڭنىڭ 4 ايماق - وبلىسىنا جالپى 497 ميلليارد 400 ميلليون يۋان جۇمسالىپ، جىلىنا ورتا ەسەپپەن ％17.1 ارتىپ، وڭتۇستىك شينجياڭنىڭ ەكونوميكالىق، قوعامدىق دامۋىنا قۋاتتى قوزعاۋشى كۇش ۇستەدى.
− جۇمىستاندىرۋ، وقۋ - اعارتۋ، ەمدەۋ، تۇرعىن ءۇي، اۋىز سۋ، ەلەكتر سياقتى حالىق تۇرمىسى ماسەلەسىن بار كۇشپەن شەشتى. جۇمىستاندىرۋدى الدىمەن ويلاسۋ ساياساتىن بەلسەنە اتقارىپ، قالا، اۋىلداردا ءبىر تۇلعالانعان مەكتەپكە دەيىنگى 3 جىلدىق تەگىن وقۋ - اعارتۋدى جالپى بەتتىك اتقاردى، كەدەي حالىقتىڭ قاتەرلى ۇيدە تۇرۋ، اشتى، سورتاڭ سۋ ىشەتىن تاريحى كەلمەسكە كەتتى... ءوندىرىس، تۇرمىس شارت - جاعدايى بارىنشا جاقسارىپ، حالىق قالاۋىنا ۇيلەسىپ، حالىق تىلەگىن ۇيىستىردى؛
− نازاردى اۋىر كەدەي وڭىرلەرگە جانە ەرەكشە كەدەي قاۋىمعا شوعىرلاندىرىپ، كەدەيلىكتەن ارىلتۋدان قامال الۋداعى ماشاقاتتى تۇيىندەردى باتىلدىقپەن شەشتى. ”ەكىدەن تارىقتىرماۋ، ءۇشتى قامتاماسىز ەتۋ“ ماسەلەسىمەن تىعىز بايلانىستىرىپ، كەدەيلەردى سۇيەمەلدەۋ شارالارىن دالمە - ءدال تياناقتاندىرىپ، ەرىك - جىگەر، اقىل - وي سىندى ەكى جاقتان سۇيەمەلدەۋ قوزعاۋشى كۇشتى قاۋلاتىپ، ءبىر تۇتاس قامال الىپ، قيىندىقتى جەڭۋ بويىنشا شايقاستى باسى - قاسىندا قاداعالادى، وڭتۇستىك شينجياڭنىڭ 4 ايماق، وبلىسىندا كەدەيلىكتىڭ تۋىلۋ سالىستىرماسى 2013 - جىلدىڭ سوڭىنداعى ％29.1تەن 2019 - جىلدىڭ سوڭىنداعى ％2.21كە تومەندەپ، كۇنلۇن تاۋىنىڭ باۋرايىنداعى مىڭ جىلدىق كەدەيلىكتىڭ تامىرى تۇبەگەيلى تالقاندالدى، جاپپاي دوڭگەك داۋلەتتىلىكتىڭ كوركەم كورىنىسى كوز الدىمىزدا تۇر.
وڭتۇستىك شينجياڭنىڭ بايتاق دالاسىنا كوز جىبەرسەك، شار تاراپقا تۇتاسقان جوعارى قارقىندى تاس جولدا اۆتوكولىكتەر زىمىراۋدا، دۋمانعا شومعان كاسىپ سالاسى باقشا رايونىندا ماشينالاردىڭ داۋىسى گۇرىلدەۋدە، گۇلدەنىپ - كوركەيگەن شەكارا وتكەلدەرىندە ادامدار قايشالىسۋدا... رەفورما جاساۋ، ەسىك اشۋ وسى ارادا اسقاق ءداۋىر اۋەنىن شىعانداتۋدا.
وڭتۇستىك شينجياڭنىڭ بايتاق دالاسىنا كوز جىبەرسەك، وسى زامانعى مەكتەپتەردە كىتاپ وقىعان داۋىس شىعانداۋدا، رەتتى جوبالانعان كوشىرۋ تۇيىندەرىندە شاتتىق ءۇنى كوتەرىلۋدە، جاقىن ماڭداعى توقىماشىلىق زاۆودتارىندا ءار ۇلت بۇقاراسى قوس قولدارىمەن كورىكتى تۇرمىستى كەستەلەۋدە.
وڭتۇستىك شينجياڭنىڭ بايتاق دالاسىنا كوز جىبەرسەك، قىستاقتاعى بويجەتكەندەر بارعان سايىن زاماناۋيلاسا ءتۇستى، از ۇلت بۇقاراسى پۋتۇڭحۋانى بارعان سايىن جاتىق سويلەيتىن بولدى، اۋىل - قىستاقتارداعى مادەنيەت قيىمىلدارى بارعان سايىن باي مازمۇندى بولدى، شارۋالاردىڭ تۇرمىس ءتاسىلى بارعان سايىن وسىزامانداندى... وركەنيەتتى جاڭا سالت بايىرعى مەكەندە ەسىپ، گۇلدەر شەشەك اتقان اۋىل - قىستاق دۇنيەگە كەلدى.
تاۋلاردىڭ اناسى، شەكسىز دە شەتسىز كەڭ كوسىلگەن كۇنلۇن ادامزات دۇنيەسىنىڭ كوركەيۋى مەن قۇلدىراۋىنىڭ كۋاسى، سونداي - اق ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى وڭتۇستىك شينجياڭنىڭ بايتاق دالاسىنىڭ شىت جاڭا كەلبەتىنىڭ دە كۋاسى. جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تابىستى امالياتى وسى ءوڭىردىڭ تاعدىرىن تەرەڭ وزگەرتىپ، وسى وڭىردەگى ەڭبەكشىل، اق كوڭىل حالىقتى شىنايى باقىتقا كەنەلدىرۋدە.
وڭتۇستىك شينجياڭ ورنىقتى بولسا شينجياڭ ورنىقتى بولادى، وڭتۇستىك شينجياڭ گۇلدەنسە شينجياڭ گۇلدەنەدى. فاكت شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ساپارىندا وڭتۇستىك شينجياڭ سىندى وسى شاحمات كوزىن مىقتى ۇستاعاندا، قايشىلىقتىڭ نەگىزگى جاعىن يگەرۋگە بولاتىندىعىن، شاحماتتىڭ ءبىر تاسى دۇرىس جۇرىلسە، بۇكىل ويىن جانداناتىندىعىن دالەلدەدى.
سەگىزىنشى
داشي قىستاعى تانىمالى ەسىم، باس شۋجي شي جينپيڭ كوڭىل ءبولىپ، كوكەيىنە ساقتاعان قىستاق.
2014 - جىلى 4 - ايدا باس شۋجي شي جينپيڭ شينجياڭدا قىزمەت تەكسەرگەندە داشي قىستاعىنىڭ قىستاق ونەگەسى جونىندە ارناۋلى توقتالدى، ”قالتا قامپيىپ، رۋح كوتەرىڭكى بولۋ كەرەك“؛ 2014 - جىلى 9 - ايدا باس شۋجي شي جينپيڭ داشي قىستاعىنا جاۋاپ حات قايتارىپ: ”قىستاق پارتيا ياچەيكاسىنان جاۋىنگەر قورعاندىق رولدى تولىق ساۋلەلەندىرىپ، اۋىلداستاردى ماگنيتتەي تىعىز ۇيىستىرۋدى ءۇمىت ەتتى“.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، داشي قىستاعىنىڭ جان باسىندىق تازا كىرىسى 2014 - جىلداعى 25 مىڭ يۋاننان 2019 - جىلى 33 مىڭ يۋانعا كوبەيىپ، 360 وتباسى جاڭا ۇيگە كىردى، 300 نەشە وتباسى شاعىن اۆتوكولىك ساتىپ الدى... داشي قىستاعىنىڭ پارتيا ۇيىمى باس شۋجيدىڭ تاپسىرماسىن ەستە بەرىك ساقتاپ، ءار ۇلت بۇقاراسىن باستاپ ىنتىماقتاسا كۇرەس جۇرگىزدى، اۋىلداستاردىڭ تۇرمىسى كۇن سايىن جاقساردى.
شينجياڭدى گۇلدەندىرۋدىڭ، شينجياڭدى ورنىقتىرۋدىڭ ءتۇيىنى نەگىزگى ساتىدا. پارتيانىڭ نەگىزگى ساتى ۇيىمدارى پارتيانىڭ جالپى قىزمەتى مەن جاۋىنگەرلىك قۋاتىنىڭ نەگىزى. نەگىزگى ساتى پارتيا ۇيىمى پارمەندى، قۋاتتى بولسا عانا ورنىقتىلىقتا پارمەندى تىرەك بولادى، دامۋدا سارقىلماس قوزعاۋشى كۇش بولادى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، باس شۋجي شي جينپيڭ بىلاي دەپ باسا دارىپتەدى: ”نەگىزگى ساتىنى يگەرۋدى، نەگىزدى قالاۋدى شينجياڭدى ورنىقتىرۋدىڭ، شينجياڭدى تىنىشتاندىرۋدىڭ ۇزاق ۋاقىتتىق جوباسى جانە نەگىزدى بەكەمدەۋ شاراسى ەتىپ، نەگىزگى ساتى پارتيا ۇيىمى قۇرىلىسىن بۇقاراعا قىزمەت وتەۋدىڭ، ورنىقتىلىقتى قورعاۋدىڭ، بولشەكتەۋشىلىككە قارسى تۇرۋدىڭ بەرىك جاۋىنگەرلىك قورعانى ەتۋگە قۇلشىنۋ كەرەك“.
اۆتونوميالى رايوندىق پارتكوم پارتيانى باسقارۋ، پارتيانى جونگە سالۋ جاۋاپكەرشىلىگىن باتىل دايەكتىلەندىرىپ، تياناقتاندىرىپ، پارتيا قۇرىلىسىن جاپپاي كۇشەيتىپ، اۋىل - قىستاققا ۇزىكىسىز كۇش جۇمساپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتاردا تۇرۋ قىزمەتىن ىشكەرىلەي ورىستەتۋمەن بىرگە، ءالسىز، بىتىراڭقى نەگىزگى ساتى پارتيا ۇيىمدارىن رەتتەۋدى مىقتاپ يگەرىپ، پارتيا تۋىن نەگىزگى ساتىنىڭ ءارقايسى شەبىندە بيىك جەلبىرەتىپ، پارتيانىڭ بيلىك جۇرگىزۋ نەگىزىن، دامۋ نەگىزىن، ورنىقتىلىق نەگىزىن بەرىك بەكەمدەدى.
قازىر تيانشاننىڭ وڭتۇستىگى مەن سولتۇستىگىندەگى ون مىڭداعان قىستاق پەن الەۋمەتتىك اۋماقتا ”ەكى كوميتەتتىڭ“ رولى اناعۇرلىم كورنەكتى ساۋلەلەندىرىلدى، پارتيا مۇشەلەرىنىڭ قىزمەت وتەۋ تانىمى اناعۇرلىم كۇشەيدى، كادرلار مەن بۇقارانىڭ بايلانىسى اناعۇرلىم قويۋلاستى، كادرلار مەن بۇقارانىڭ كەدەيلىكتەن ارىلىپ بايۋ، دوڭگەلەك داۋلەتتىلىككە جەتۋ ەرىك - جىگەرى اناعۇرلىم كۇشەيە ءتۇستى.
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدە، تياناقتاندىرۋدا، نەگىزگى ساتىنىڭ پارمەندى بيلىگى قاجەت، سونداي - اق ءسوز جوق، ساياسيدا بەرىك، قابىلەتى مىعىم، ستيلى قاتاڭ جوعارى ساپالى نەگىزگى ساتى كادرلار قوسىنىن شىڭداپ شىعۋ كەرەك. اۆتونوميالى رايوندىق پارتكوم پارتيانىڭ ساياسي قۇرىلىسىن كۇشەيتۋدى ماڭداي الدى ورىنعا قويۋعا تاباندى بولىپ، ستيلدەگى كورنەكتى ماسەلەلەردى شەشۋدەن باستاپ كىرىسىپ، ادال، پاك، جاۋاپكەرشىلىك ارقالايتىن كادرلار قوسىنىن قۇلشىنا قۇردى.
شەشۋشى ساتتە جاۋاپكەرشىلىك ارقالاۋدى ايگىلەدى، بوران - شاشىنداردا ەكپىندەي ىلگەرىلەيتىن رۋحتى بەينەلەدى. قوعام ورنىقتىلىعىن قورعاۋدىڭ ەڭ الدىڭعى شەبىندە، كەدەيلىكتەن ارىلتۋدان قامال الۋدىڭ نەگىزگى شايقاس مايدانىندا، جوعارى ساپالى دامۋدىڭ ءبىرىنشى شەبىندە، شينجياڭداعى قالىڭ پارتيالى كادرلار كەۋدە كەرە العا شىعىپ، جۇرەكتىلىكپەن اتويلاپ الدا ءجۇرىپ، بار نيەتىمەن حالىق ءۇشىن ىستەيتىن سۇيىسپەنشىلىكپەن، قايشىلىقتارعا بەتپە - بەت كەلەتىن جۇرەكتىلىكپەن، كەۋدە كەرىپ العا شىعاتىن قايراتپەن جاڭا ىسكەرلىكتەرىن ايگىلەپ، جاڭا وبرازىن اسقاقتاتىپ، قيىندىقتاردان قامال الاتىن، ىنتىماقتاسىپ قايراتتانا العا ۇمتىلاتىن قۋاتتى بىرىككەن كۇش ۇيىستىردى.
شىلىڭگىر شىلدەدە ۇرىمجىدە جاڭا تيپتى ايدارشا ۆيرۋس وكپە قابىنۋ ىندەتى تاعى تۋىلدى، جاعداي قيىن، ساقتانۋ - تىزگىندەۋ مىندەتى اۋىر دا جاپالى بولدى. ”مەن پارتيا مۇشەسىمىن، مەن الدىمەن بارامىن“، ”ىندەت جويىلمايىنشا شەگىنبەيمىن“ دەپ، ءبىر - بىرلەگەن پارتيا مۇشەسى اۆانگارد قوسىندارى، پارتيالى ەرىكتىلەر قىزمەت وتەۋ اترەتتەرى ۆيرۋسپەن ارا ءولىم مەن ءومىر بەلدەسكەن ءبىرىنشى شەپتە اتويلاپ شىعىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ شەشۋشى جەڭىسىنە جەتۋدە تىرەكتىك رولدارىن ساۋلەلەندىردى. ساياسيدا پارمەندى، داۋىلدى تولقىنداردىڭ سىنىنان وتە الاتىن وسىنداي جوعارى ساپالى كادرلار قوسىنى − جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋدەگى، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدەگى سەنىمىمىزدىڭ تياناعى، ونان دا ماڭىزدىسى، باياندى تىنىشتىققا ارشىندى قادام تاستاۋعا دەگەن ءۇمىتىمىزدىڭ تياناعى.
اسقار - اسقار تاۋلاردىڭ دا بارىنەن بيىك شىڭى بولادى. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ تەتىگى − پارتيانىڭ جالپى جاعدايدى مەڭگەرىپ، ءارقايسى جاقتاردى سايكەستىرۋدەي باسشىلىق ۇيتقىلىق رولىن ساۋلەلەندىرۋدە. ءبىز تەك جاڭا داۋىردەگى پارتيا قۇرىلىسىنىڭ باس تالابىن باتىل دايەكتىلەندىرىپ، تياناقتاندىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، قۋاتتى كادرلار قوسىنىن قۇرىپ، بەرىك نەگىزگى ساتى ۇيىمدىق جۇيەسىن ورناتىپ، جارامدى بۇقارالىق قىزمەت مەحانيزمىن قالىپتاستىرساق بولعانى، ”تىرەك“ تۇرعىزىپ، ”ارقالىق“ كوتەرىپ، ”ورنىقتىرعىشتى“ مىقتاپ ورناتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا پارمەندى ساياسي كەپىلدىك ازىرلەي الامىز.
توعىزىنشى
”قانشا جەردى ارالايىن، ەڭ كوركەمى، جانە دە ءبىزدىڭ شينجياڭ...“، وسىندا تۋىپ - وسكەن شينجياڭدىقتار مەكەندەرىن انگە قوسىپ جىرلاعاندى ۇناتادى، تەرەڭ ساعىنىشقا تولى سازدى اۋەن ىنتىزار تىلەكتەرمەن ونان سايىن قۇيقىلجيدى.
”حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز“، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان تارتىپ قازىرگە دەيىن، 2000 نەشە كۇن زىمىراپ وتە شىقتى، قاراماققا جاي كۇندەردەي سەزىلگەنىمەن، شىنتۋايتىندا وزگەشە ەدى.
بۇل اسقاق مۇراتتان اينىماعان ايبىندى ساپار. اسقار تاۋ، اساۋ وزەن، قات - قابات قيىنشىلىقتار بولسا دا، شينجياڭداعى ءار ۇلت كادرلارى مەن بۇقاراسىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تاباندىلىقپەن بۇلجىماي دايەكتىلەندىرۋ، تياناقتاندىرۋ سەنىمى ەشقاشان وزگەرگەن ەمەس.
بۇل قايىسپاس قايسارلىققا تولى كۇرەس ساپارى. بوران - شاشىندار تولاستاماي، جولدار كەدىر - بۇدىر بولسا دا، شينجياڭداعى ءار ۇلت كادرلارى مەن بۇقاراسىنىڭ اۆتونوميالى رايوندىق پارتكومنىڭ ىنتىماقتاستىرىپ باستاۋىندا، قوعام ورنىقتىلىعى مەن باياندى تىنىشتىق باس نىساناسىنا قاراي ۇدەرە العا تارتقان اياق الىسى ەشقاشان كىدىرگەن ەمەس.
تاريح تاباندىلاردىڭ، ۇدەرە العا تارتقانداردىڭ، سايىسۋشىلاردىڭ ءۇمىتىن ەشقاشان جەردە قالدىرعان ەمەس، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭنىڭ بايتاق دالاسىنداعى تابىستى امالياتى تاۋ - وزەندەردى دۋمانعا بولەپ، بەيبىت زامان ورناتتى، تيانشاننىڭ وڭتۇستىگى مەن سولتۇستىگى شىت جاڭا بەينەگە ەنىپ، ءار ۇلت حالقىنىڭ ىرىس - قۇتى ۇزاعىنان ءسۇيىنتتى.
وڭاي - وسپاق قولعا كەلمەگەن اسا تاماشا جاعداي باس شۋجي شي جينپيڭنىڭ تۋ ۇستاپ بەتالىس بەلگىلەپ، رول ۇستاپ جول باستاۋىنىڭ ناتيجەسى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، ىقىلاستى قامقورلىعىنىڭ ناتيجەسى. اماليات ءبىزدىڭ تەك باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن بۇلجىماستان دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىماستان دايەكتىلەندىرىپ، تياناقتاندىرساق عانا بولعانى، شينجياڭنىڭ، ءسوز جوق، جاراسىمدى، ورنىقتى قوعامدىق جاعدايعا قول جەتكىزەتىندىگىن، ءار ۇلت بۇقاراسىنىڭ، ءسوز جوق، تىنىش ءومىر، شات - شادىمان تىرشىلىك كەشەتىن تاماشا مەكەنگە قول جەتكىزەتىندىگىن تولىق دالەلدەدى.
وڭاي - وسپاق قولعا كەلمەگەن اسا تاماشا جاعداي بۇكىل ەلدەگى ءار ۇلت حالقىنىڭ زور كۇشپەن قولداۋىنىڭ، قالتقىسىز كومەكتەسۋىنىڭ ناتيجەسى، بۇكىل رايونداعى پارتيا، ۇكىمەت، ارميا، ساقشى، بيڭتۋان، حالىقتىڭ ءبىر نيەتپەن ىنتىماقتاسىپ، قاجىرلىلىقپەن كۇرەس جاساۋىنىڭ ناتيجەسى. اماليات ءبىزدىڭ تەك جۇڭحۋا ۇلتى ورتاق تۇلعا تانىمىن بەرىك ورناتىپ، تار جول، قيىن - قىستاۋدى بىرگە وتكەرىپ، ەل بىرلىگىنەن بەرىك قامال تۇرعىزساق بولعانى، ءسوز جوق، بارلىق قيىنشىلىقتار مەن سىن - سايىستاردى جەڭىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىراتىن جويقىن كۇش - قۋات ۇيىستىرا الاتىنىمىزدى تولىق دالەلدەدى.
وتكەننىڭ ءبارى ەندىگىنىڭ بەتاشارى.
”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە، جۇڭحۋا ۇلتى بۇكىلدەي كەدەيلىكتەن ءۇزىلدى - كەسىلدى ارىلىپ، جاپپاي دوڭگەلەك داۋلەتتى قوعام ورناتۋدى جۇزەگە اسىرۋدىڭ ەڭ سوڭعى ساتىندە، ”13 - بەسجىلدىق“ اياقتالىپ، ”14 - بەسجىلدىق“ باستالۋ الدىندا تۇرعان شەشۋشى ساتتە، شينجياڭ تاعى ءبىر جاڭا تاريحي باستامادا تۇر.
ءدال وسى ساتتە، سوتسياليستىك وسىزاماندانعان قۇدىرەتتى ەل قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ايبىندى ساپارى ءبىزدى شاقىرۋدا. بۇل جۇڭحۋا ۇلتىنىڭ ەڭ جوعارى مۇددەسى مەن ءتۇبىرلى مۇددەسىنىڭ تياناعى، سونداي - اق شينجياڭداعى ءار ۇلت كادرلارى مەن بۇقاراسىنىڭ ءۇمىتى، باقىتى. سوتسياليستىك وسىزاماندانعان قۇدىرەتتى ەل قۇرۋدىڭ ۇلى شەرۋىندە، تيانشاننىڭ ءار ۇلت پەرزەنتتەرى قايراتتانا ۇمتىلىپ، ءوزىن تالماي الۋەتتەندىرە بەرەدى.
ءبىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايىق. شينجياڭ استانا بەيجيڭنەن شالعاي بولعانىمەن، اۆتونوميالى رايوندىق پارتكومنىڭ، تۇتاس رايونىمىزداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرى مەن كادرلاردىڭ جانە ءار ۇلت بۇقاراسىنىڭ تىلەگىن قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناستىرۋدى، تىعىز توعىستىرۋدى باتىل ورىنداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۋاقىتپەن جارىسىپ، ەسىل شاقتى زايا جىبەرمەي، وتاننىڭ شينجياڭىن بارعان سايىن كورىكتى ەتىپ قۇرۋ ءۇشىن قۇلشىنا كۇرەسەيىك!
