− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە كوڭىل بولگەندىگىنەن ەستەلىك
شينحۋا اگەنتتىگىنىڭ تىلشىلەرى لي دادۇڭ، ۋاڭ چي، ليۋ بيڭ، يۇي تاۋ
ءبىزدىڭ شينجياڭ جاقسى جەر، تيانشاننىڭ تۇستىگى مەن تەرىستىگى اسەم كورىنىس −
وتانىمىزدىڭ باتىس سولتۇستىك جيەگى ءبىر ميلليون 660 مىڭ شارشى كيلومەتردەن استام كوركەم شينجياڭ. وسىناۋ مەكەندە تۇرمىس كەشىرىپ جاتقان 56 ۇلت، 25 ميلليون جۇڭحۋا ۇلاندارى ءوزارا قارايلاسىپ، قاجىماي - تالماي كۇرەس جۇرگىزىپ، كورىكتى مەكەندى بىرگە قۇرۋدا.
”بۇكىل پارتيا بارلىعىندا شينجياڭ قىزمەتىنىڭ ماڭىزدىلىعىن ستراتەگيالىق جانە جالپى جاعداي بيىگىنەن تانۋ كەرەك“. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، شينجياڭنىڭ جاعدايىنا عىلمي تالداۋ جاساپ، شينجياڭ قىزمەتىنىڭ ءبىر قىدىرۋ كەلەلى نازاريالىق جانە امالي ماسەلەلەرىن تەرەڭ ءتۇسىندىرىپ، جاڭا جاعدايدا شينجياڭ قىزمەتىن جاقسى ىستەۋگە ءتۇبىرلى بويسۇنۋ ولشەمىن ازىرلەدى.
بۇگىنگى شينجياڭدا كەڭ - بايتاق تارىم ويپاتىنان اسقار التاي تاۋىنا دەيىن، ايبىندى پامير ۇستىرتىنەن ىرىستى تۇرپان ويپاتىنا دەيىن بارلىق جەر تاسقىنداعان ۇمىتكە جۇكتى بولۋدا.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭداعى ءار ۇلت حالقى ەرلىكپەن العا ىلگەرىلەپ، تالىقپاي ىستەپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن جۇڭگوشا سوتسياليستىك شينجياڭدى قۇلشىنا قۇرۋدا.
جوبا جاساپ، بەتالىس كورسەتتى
شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە جالپى بەتتىك ورنالاستىرۋ جاساپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىردى
شەتسىز دە شەكسىز قۇمدىق، ۇشى - قيىرسىز ءشول دالا، ۇزىننان - ۇزاققا كوسىلىپ جاتقان قاتپارلى تاۋلار، ومىرشەڭدىككە تولى جاسىل القاپتار −
بەيبىت ازات بولعاننان بەرى، ءار كەزەكتى ورتالىق كوميتەت باسشىلىق كوللەكتيۆىنىڭ پارمەندى دە قۋاتتى باسشىلىعىندا، شينجياڭ ەن دالادان گۇلدەنۋگە، كەدەيلىكتەن بايۋعا، توماعا - تۇيىقتىقتان ەسىك اشۋعا، مەشەۋلىكتەن العا باسۋعا بەت الدى.
شينجياڭ جونىندە، باس شۋجي شي جينپيڭ اسا قانىق بىلەدى. 20 - عاسىردىڭ 80 - جىلدارىنىڭ باسىندا شي جينپيڭ جولداس شينجياڭعا كەلگەن بولاتىن. جىجياڭدا نەگىزگى باسشىلىق مىندەتىن ارقالاپ تۇرعان كەزىندە شي جينپيڭ جولداس حوتان ايماعىنىڭ قۇرىلىسىنا باعىتتامالى كومەكتەسۋ، جىجياڭ جانە شينجياڭ 2 ولكە، اۆتونوميالى رايوننىڭ ەكونوميكالىق سەلبەستىگىن ىلگەرىلەتۋ جونىندە شينجياڭداعى جولداستارمەن تالاي رەت اڭگىمەلەسىپ، اقىلداسقان بولاتىن. 2003 - جىلى شي جينپيڭ جولداس جىجياڭ ولكەلىك پارتكوم مەن ۇكىمەتتىڭ ۋاكىلدەر ۇيىرمەسىن باستاپ شينجياڭعا كەلىپ 8 كۇن قىزمەت تەكسەرىپ، تيانشان الابىندا ءىزىن قالدىردى.
ورتالىققا بارىپ قىزمەت ىستەگەننەن كەيىن، شي جينپيڭ جولداس 2009 - جىلى شينجياڭعا كەلىپ 5 كۇن قىزمەت تەكسەرىپ، بايىنعولين، قاشقار، قارامايلى، شىحىزى، ءۇرىمجى قاتارلى جەرلەردەگى اۋىل - قىستاقتاردى، كاسىپورىنداردى، الەۋمەتتىك اۋماقتاردى، مەكتەپتەردى ارالادى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، تالاي رەت ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن، ورتالىق كوميتەت ساياسي بيۋروسىنىڭ ءماجىلىسىن اشىپ، شينجياڭ قىزمەتىن اقىلداستى. اسىرەسە، باس شۋجي شي جينپيڭ شينجياڭعا ءوزى كەلىپ قىزمەت تەكسەرىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە ماڭىزدى ءسوز سويلەپ، 12 - كەزەكتى مەملەكەتتىك حالىق قۇرىلتايىنىڭ 5 - رەتكى ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسىپ، شينجياڭ قىزمەتىن ستراتەگيالىق جانە جالپى جاعداي بيىگىنەن باعامداپ، جوسپارلاپ، ورنالاستىرۋ جاساپ، پارتيانىڭ شينجياڭدى جونگە سالۋ جالپى جوباسىن بايىتتى جانە دامىتتى.
− شينجياڭ قىزمەتىن جاقسى ىستەۋدە قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتۋ كەرەك.
شينجياڭنىڭ قوعام ورنىقتىلىعى مەن باياندى تىنىشتىعى بۇكىل ەلدىڭ رەفورما جاساۋ، دامۋ، ورنىقتىلىق كەلەلى جاعدايىنا سايادى، وتاننىڭ تۇتاستىعىنا، ۇلتتار ىنتىماعىنا، مەملەكەتتىڭ حاۋىپسىزدىگىنە سايادى، جۇڭحۋا ۇلتىنىڭ ۇلى گۇلدەنۋىنە سايادى.
ءبىرشاما ۇزاق مەزگىل ىشىندە شينجياڭ ۇلتتىق بولشەكتەۋشى كۇشتەردىڭ، ءدىني ۇشقارى كۇشتەردىڭ، زورلىقتى كۇش لاڭكەس كۇشتەردىڭ قاباتتاسقان ىقپالىنا تەرەڭ ۇشىراپ، زورلىقتى كۇش لاڭكەستىك دەلولارى (وقيعالارى) ءجيى تۋىلىپ، ءار ۇلت حالقىنىڭ ءومىرى مەن مال - مۇلىك حاۋىپسىزدىگىنە اسا زور قاتەر ءتوندى.
شينجياڭنىڭ قوعام ورنىقتىلىعىن قورعاۋدا، باياندى تىنىشتىقتى جۇزەگە اسىرۋدا ۇستىنەن وڭاۋ مەن تۇبىرىنەن وڭاۋعا بىردەي ءمان بەرۋدەگى ءتۇرلى قىزمەتتەردى، ءسوز جوق، ويداعىداي ىستەۋ كەرەك. بۇل جونىندە، باس شۋجي شي جينپيڭ بىلاي دەپ باسا دارىپتەدى: ورنىقتىلىقتى قورعاۋدى ساياسي جاۋاپكەرشىلىك ەتۋگە تاباندى بولىپ، ەرتە يگەرۋدى، كىشكەنەدەن يگەرۋدى، تەز يگەرۋدى، ويداعىداي يگەرۋدى تياناق ەتىپ، ۇزاق بولاشاقتىق جوبا - جوسپار جاساۋ، نەگىزدى بەكەمدەۋ شارالارىن اتقارۋ، باياندى تىنىشتىق اۋقىمىن ساقتاۋ، باياندى جونگە سالۋ كەرەك.
− شينجياڭ قىزمەتىن جاقسى ىستەۋدە شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى جەتەكشى ەتۋ كەرەك.
شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە پارتيانىڭ پارمەندى باسشىلىعىنا سۇيەنۋ كەرەك.
باس شۋجي شي جينپيڭ بىلاي دەپ اتاپ كورسەتتى: ”شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ تەتىگى پارتيادا“؛ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي شي جينپيڭ بىلاي دەپ باسا دارىپتەدى: ”نەگىزگى ساتى پارتيا ۇيىمدارىن بۇقاراعا قىزمەت وتەپ، ورنىقتىلىقتى قورعاپ، بولشەكتەۋشىلىككە قارسى تۇرۋدىڭ بەرىك جاۋىنگەرلىك قامالىنا اينالدىرۋعا قۇلشىنىپ، پارتيا تۋىن نەگىزگى ساتى شەپتەرىنىڭ بارلىعىندا بيىكتەن اسقاق جەلبىرەتۋ كەرەك“.
شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە، ءسوز جوق، ساياسيدا مىعىم، قابىلەتى كۇشتى، ستيلى بەكەم جوعارى ساپالى كادرلار قوسىنىن قۇرۋ كەرەك.
باس شۋجي شي جينپيڭ بىلاي دەپ اتاپ كورسەتتى: دۇرىس ولشەم، ۇيلەسىمدى قۇرىلىم بويىنشا كادر تاڭداپ، القا سەپتەپ، ءار دارەجەلى، ءتۇرلى كادرلاردىڭ دارىنىن تولىق ايگىلەۋىنە ساحنا ازىرلەۋ، ءار دارەجەلى باسشىلىق القالارى تۇتاس تۇلعالىق يقۋاتىن ساۋلەلەندىرە الاتىن بولۋ كەرەك.
− شينجياڭ قىزمەتىن جاقسى ىستەۋدە ەكونوميكالىق دامۋ مەن حالىق تۇرمىسىن جاقسارتۋدى نەگىز ەتۋ كەرەك.
باس شۋجي شي جينپيڭ ەكونوميكالىق دامۋ مەن حالىق تۇرمىسىن جاقسارتۋدى شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ستراتەگيالىق بيىگىنە كوتەرىپ، ”دامۋدى حالىق تۇرمىسىن جاقسارتۋدا تياناقتاندىرۋدى، جەرگىلىكتى ورىنعا تيىمدىلىك جەتكىزۋدە تياناقتاندىرۋدى، ىنتىماقتى نىعايتۋدا تياناقتاندىرۋدى“ تالاپ ەتتى؛ ”ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرۋىن مىقتاپ ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەپ، ءار ۇلت بۇقاراسىنىڭ كوكەي تەستى ماسەلەلەرىن كوبىرەك شەشىپ، ءار ۇلت بۇقاراسىنا پارتيانىڭ قامقورلىعى مەن وتاننىڭ ۇلى شاڭىراعىنىڭ مەيىرىن سەزىندىرۋ كەرەك“.
وڭتۇستىك شينجياڭنىڭ 4 ايماق - وبلىسى مەملەكەت بويىنشا ”3 رايون، 3 وبلىستاعى“ اۋىر كەدەي وڭىرلەردىڭ ءبىرى، شينجياڭنىڭ جاپپاي دوڭگەلەك داۋلەتتى قوعام ورناتۋىندا شەشۋگە ءتيىستى قيىن ءتۇيىن.
”كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال ارىلتۋدى جالپى بەتتىك تياناقتاندىرىپ، وڭتۇستىك شينجياڭداعى كەدەي وڭىرلەردى كەدەيلىكتەن ارىلتۋدان قامال الۋدىڭ نەگىزگى شايقاس مايدانى ەتۋ كەرەك“. باس شۋجي شي جينپيڭ وڭتۇستىك شينجياڭنىڭ دامۋىنا ايرىقشا كوڭىل ءبولىپ، اۋىل - قىستاق بەيقۇت ءۇيى جانە مالشىلاردى وتىرىقتاندىرۋ ينجەنەرياسىن، قالا - قالاشىقتارداعى قامتاماسىز ەتۋ سيپاتىندىق بەيقۇت ءۇي ينجەنەرياسىن ويداعىداي اتقارىپ، ەگىن، مال شارۋاشىلىق وڭىرلەرى مەن شەكارا وڭىرلەردەگى نەگىزگى الەۋمەتتىك قىزمەت وتەۋدى كەمەلدەندىرىپ، ءار ۇلت بۇقاراسىنىڭ اناعۇرلىم جاقسى تۇرمىس وتكىزۋىنە مۇمكىندىك جاساۋعا قۇلشىنۋدى تالاپ ەتتى.
− شينجياڭ قىزمەتىن جاقسى ىستەۋدە وتاننىڭ تۇتاستىعىن قورعاۋ، ۇلتتار ىنتىماعىن جەبەۋ سياقتىلاردى ماڭىزدى ءتۇيىن ەتۋ كەرەك.
ەلىمىز ءبىر تۇتاس كوپ ۇلتتى مەملەكەت، جۇڭحۋا ۇلتىنىڭ تاريحى − ۇلتتاردىڭ ىنتىماقتاسا ۇيىسۋ، تىزە قوسا العا ىلگەرىلەۋ تاريحى.
شينجياڭدا قىزمەت تەكسەرگەن كەزدە قاشقاردان ۇرىمجىگە دەيىن، قىستاق تۇرعىندارىمەن اڭگىمەلەسۋدەن اۆتونوميالى رايوننىڭ باسشىلارىمەن اڭگىمە ءماجىلىس اشۋعا دەيىن باس شۋجي شي جينپيڭ بىلاي دەپ قايتالاي باسا دارىپتەدى: ”ۇلتتار ىنتىماعى − دامۋدىڭ، العا باسۋدىڭ نەگىزى“، ”شينجياڭنىڭ ماسەلەسىندە ەڭ قيىنى، ەڭ ۇزاققا جالعاساتىنى، اينالىپ كەلگەندە، ۇلتتار ىنتىماعى ماسەلەسى“.
شينجياڭدا ۇلتتار ىنتىماعى قىزمەتىن قالاي ورىستەتۋ كەرەك؟ باس شۋجي شي جينپيڭ ۇزاق بولاشاقتىق ورنالاستىرۋ جاسادى: ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ورىستەتىپ، ۇلتتار ىنتىماعىن كۇندەلىكتى تۇرمىستا، قىزمەتتە، ۇيرەنۋدە تياناقتاندىرىپ، مەكتەپتەگى تاربيەنىڭ، وتباسىنداعى تاربيەنىڭ، قوعامدىق تاربيەنىڭ ءاربىر بۋىنىمەن، بارلىق جاعىمەن ساباقتاستىرىپ، ۇلتتار ىنتىماعى گۇلىن ماڭگى جايقالتۋ كەرەك.
...
تۋ ۇستاپ، باعدار تۇراقتاندىرىپ، رول ۇستاپ، جول باستادى.
باس شۋجي شي جينپيڭنىڭ شينجياڭ قىزمەتى جونىندەگى ءبىر قىدىرۋ ماڭىزدى بايىمداۋلارى شينجياڭ قىزمەتىن ىشكەرىلەي جاقسى ورىستەتۋگە كارتينا سالىپ بەرىپ، ايقىن بەتالىس كورسەتتى. شينجياڭداعى كادرلار مەن بۇقارا پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ، تامىر تارتۋىن مىزعىماستان ىلگەرىلەتىپ، تيانشان الابىندا كوكتەم لەبى تاسقىنداپ، ومىرشەڭدىك كۇش قاۋلادى.
حالىق تىلەگىن ءتۇسىنىپ، حالىق جۇرەگىن مەيىرگە بولەدى
باس شۋجي شي جينپيڭ شينجياڭداعى ءار ۇلت ۇلاندارىن كوڭىلىندە ساقتاپ، شىنايى قادىر - قۇرمەتكە بولەندى
”باس شۋجي جاۋاپ حات جازدى!“ بيىلعى وقۋ تاۋىسۋ ماۋسىمىندا جۇڭگو مۇناي داشۋەسى (بەيجيڭ) قارامايلى مەكتەپ رايونى شاتتىق پەن قۋانىشقا تولدى.
مەكتەپتەن وقۋ تاۋىسقان 118 تۇلەككە جازعان جاۋاپ حاتىندا باس شۋجي شي جينپيڭ ولاردىڭ ”شينجياڭنىڭ نەگىزگى ساتىلارىنا قىزمەت ىستەۋگە اتتانىپ، ءار ۇلت بۇقاراسىمەن بىرگە كۇرەس جۇرگىزۋدى مۇرات ەتىپ، ۇلكەن ىسكە جارامدى، اۋىر مىندەت ارقالاي الاتىن باتىس بولىكتىڭ قۇرۋشىلارى بولۋ“ سىندى ءومىر تالعامىن تۇراقتاندىردى.
وقۋ تاۋىسقان تۇلەكتەردىڭ بىرەۋى رەتىندە، فىڭ ۋيگاڭ جۇڭگو مۇناي حيميا باتىس سولتۇستىك مۇناي الابىنداعى ءبىر مۇناي جۇمىسشىسى بولۋدى تاڭدادى. ”باس شۋجي شي جينپيڭنىڭ جاۋاپ حاتى ءبىزدى بارىنشا شابىتتاندىردى. ءبىز شينجياڭعا كەلىپ ۇيرەنۋدى جانە قىزمەت ىستەۋدى تاڭداعاندا، وسىندا تامىر تارتىپ، ءوزىمىزدىڭ ماماندىق بىلىمدەرىمىزدەن پايدالانىپ، كورىكتى شينجياڭدى قۇرۋعا كۇش قوسۋدى ويلادىق“، - دەدى فىڭ ۋيگاڭ.
اسىل كەڭەس، ورەلى ءتالىم جۇرت جۇرەگىن مەيىرگە بولەدى.
پارتيا 18 - قۇرىلتايىنان بەرى باس شۋجي شي جينپيڭ شينجياڭداعى ءار ۇلت ۇلاندارىن كوڭىل تۇكپىرىندە ساقتاپ، تەرەڭ سۇيىسپەنشىلىككە تولى قامقورلىق جەتكىزىپ، وسىناۋ مەكەندە تۇرمىس كەشىرىپ جاتقان حالىقتىڭ جۇرەگىن مەيىرگە بولەدى.
− باس شۋجي شي جينپيڭ شينجياڭنىڭ كەدەيلىكتەن ارىلتۋ ىستەرىنە كوڭىل ءبولدى، دوڭگەلەك داۋلەتكە بەت الۋ جولىنداعى اۋىلداستارعا قامقورلىق جاسادى.
باس شۋجي شي جينپيڭنىڭ ۇيىنە كەلگەندەگى مەيىرگە تولى كورىنىس شينجياڭ كونەءشار اۋدانى توعىزاق قالاشىعى اياققى مانگان قىستاعىنىڭ تۇرعىنى ابدۇقيۇم روزىنىڭ ءالى ەسىندە: باس شۋجي تۇرعىن ءۇي، اس ءۇي، سيىر، قوي قورا، جەمىس باعى، اۋىل شارۋاشىلىق جابدىقتارىن ءبىر - بىرلەپ كورىپ، اۋىل - قىستاق كادرلارىمەن جانە قىستاق تۇرعىندارىمەن اڭگىمەلەستى، تاعى ولاردىڭ وتباسىنىڭ پارتيانىڭ ساياساتىنىڭ دەمەۋىندە تۇرمىستارىنىڭ ءتىپتى دە باقىتتى بولۋىن تىلەدى.
”وسى بىرنەشە جىلدا وتباسىمىز جىلىجاي سالىپ، گۇل ءوسىرۋ سەلبەستىك كووپەراتيۆىنە كىردىك“، - دەدى ابدۇقيۇم روزى، باس شۋجيدىڭ تاعى كەلىپ كورۋىن ءۇمىت ەتەمىن، باس شۋجيدى ۇيدەگى ءتاتتى دە ءدامدى جەمىس - جيدەكتەن اۋىز تيۋگە ۇسىنىس ەتكىم كەلەدى.
− باس شۋجي شي جينپيڭ ۇلتتار ىنتىماعى، العاباسارلىعى ىستەرىنە كوڭىل ءبولىپ، ءار ۇلت حالقىنىڭ ءبىر ءۇيلى جانداي تاتۋ بولۋىن ءۇمىت ەتتى.
”ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، پارتيانىڭ باسشىلىعىندا شينجياڭنىڭ اناعۇرلىم كوركەم بولاشاعىن بىرگە جاراتۋ كەرەك“. 2017 - جىلى 1 - ايدا قۇربان اتايدىڭ ۇرپاقتارىنا جازعان جاۋاپ حاتىندا، باس شۋجي شي جينپيڭ ولاردىڭ وتباسىنداعىلاردىڭ ۇزدىكسىز قۇربان اتاي سياقتى اۋىلداستارىمەن بىرگە پارتيانى، وتاندى، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋلارىن ءۇمىت ەتتى.
رۋحيام ماتسايدى قۇربان اتاي وتباسىنداعى 4 - ۇرپاق، كەزىندە ەلىمىزدىڭ تۇڭعىش اۆياماتكاسى ”لياۋنيڭ“ اتتى اۆياماتكادا اسكەرلىك مىندەت وتەگەن. قازىر قۇربان تۇلىم ەسكەرتكىش سارايىنداعى ءتۇسىندىرۋشى بولعان ول، قۇربان اتايدىڭ ەسەككە ءمىنىپ بەيجيڭگە بارماقشى بولعان حيكاياسىن توپ - توپ ەكسكۋرسيالاۋشىلارعا اڭگىمەلەۋدە.
”قۇربان اتايدىڭ ۇرپاعى بولعاندىعىمنان، پارتياعا العىس ايتۋ، وتاندى ءسۇيۋ، ۇلتتار ىنتىماعىن قاستەرلەۋ قانىمدا اعىپ جاتقان گەن، ول ۇرپاقتار بويى جالعاسادى“، - دەدى رۋحيام ماتسايدى.
− باس شۋجي شي جينپيڭ شينجياڭداعى ءدىن قىزمەتىنە باسا ءمان بەردى، قالىڭ ءدىن سالاسى قايراتكەرلەرى مەن دىنگە سەنەتىن بۇقاراعا كوڭىل ءبولدى.
شينجياڭدا پارتيانىڭ ءدىن ساياساتىن قالاي ويداعىداي دايەكتىلەندىرۋ، تياناقتاندىرۋ باس شۋجي شي جينپيڭ ۇنەمى وي جۇگىرتىپ كەلە جاتقان ماسەلە.
”قاي جىلى سالىنعان“، ”ءبىر جولدا قانشا ادام نامازعا كىرە الادى“، ”ناماز ۋاقىتى قانشا ۋاقىتقا جالعاسادى“... ءۇرىمجى قالاسىنداعى ياڭحاڭ مەشىتىندە قىزمەت تەكسەرگەندە، باس شۋجي شي جينپيڭ يمام مۇحتارام شەرىپجانمەن ىقىلاستى تۇردە اڭگىمەلەسىپ، وسى مەشىتتىڭ وتكەن - كەتكەنىن جانە قاتىستى جاعدايلارىن ۇعىستى.
قازىرگى تاڭدا 120 جىلدان استام تاريحى بار ياڭحاڭ مەشىتىندە ءدىني قيمىلدار ءتارتىپتى ورىستەتىلۋدە.
− باس شۋجي شي جينپيڭ شينجياڭ ءوندىرىس - قۇرىلىس بيڭتۋانىنىڭ دامۋىنا، زورايۋىنا قولداۋ كورسەتىپ، بيڭتۋاندى ەرەكشە رولىن ويداعىداي ساۋلەلەندىرۋگە ىنتالاندىردى.
”14 - شى 47 - تۋانداعى 9 ساقا جاۋىنگەر ماعان حات جازىپ، وزدەرىنىڭ شينجياڭ مەن بيڭتۋانعا دەگەن تىلەكتەرىن بايانداپ، شينجياڭعا تامىر تارتقان، شينجياڭدى قىزۋ سۇيگەن، تىڭ يگەرىپ، شەكارا قورعاعان ساقا جاۋىنگەرلەر رۋحىن ايگىلەدى، مەن ايرىقشا اسەرلەندىم...“
باس شۋجي شي جينپيڭ بيڭتۋان 6 - شىسى كوممۋنيستىك جاستار وداعى ەگىس الاڭىنداعى اڭگىمە ماجىلىستە وسى اڭگىمەنى ەمىرەنە ەسكە العان - دى.
باس شۋجي شي جينپيڭنىڭ قولداۋىندا، شابىتتاندىرۋىندا بيڭتۋان باسقاراتىن قالا - قالاشىقتار بوي كوتەرىپ، كاسىپ سالاسىنىڭ ۇلكەن ءبىر توبى بيڭتۋانعا شوعىرلانىپ، ءتۇرلى تۇزىمدەر ۇزدىكسىز جاڭالاندى...
تەرەڭ سۇيىسپەنشىلىككە تولى قامقورلىق جۇرت جۇرەگىنە جىلى شۋاق شاشىپ، شىن ىقىلاستى تاپسىرما جۇرتتى جىگەرلەنە العا باسۋعا جەبەدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تەرەڭ سۇيىسپەنشىلىككە تولى قامقورلىعى شينجياڭداعى ءار ۇلت ۇلاندارىنا زور شابىت بەردى. ولار اسقاق رۋحپەن ارشىنداي العا باسۋدا.
شينجياڭنىڭ بولاشاعى اناعۇرلىم تاماشا
باس شۋجي شي جينپيڭ شينجياڭداعى ءار ۇلت ۇلاندارىن ىنتىماقتاسا قول ۇستاسىپ دامۋدىڭ جاڭا تاراۋىن جازۋعا باستادى
”سۇتتەي جارىق اي تۋدى تيانشاندا“. باس شۋجي شي جينپيڭنىڭ كوڭىل ءبولىپ، قامقورلىق جاساۋىندا شينجياڭداعى ءار ۇلت ۇلاندارى ىنتىماقتاسا ەرلىكپەن كۇرەس جاساپ، تيانشان الابىندا ومىرشەڭدىك كۇش قاۋلاپ، ەسكىنىڭ ورنىن جاڭا باسقان دامۋ كەرەمەتتەرى تولاسسىز جازىلىپ جاتتى.
كۇنلۇن تاۋى، قاراقۇرىم تاۋى، ھيندىقۋش تاۋى... پامير ۇستىرتىندەگى تاشقورعان تاجىك اۆتونوميالى اۋدانى اۋماعىندا تاۋ كوپ.
49 جاستاعى دۇر جارمان بۇدان بۇرىن تاشقورعان تاجىك اۆتونوميالى اۋدانى داتۇڭ اۋىلى اقتۇبەلاڭگار قىستاعىندا تۇرعان ەدى. قىستاق تاۋ شاتقالىنا ورنالاسقان، ۇيلەر تاۋدىڭ ەتەگىندە عانا ەدى، تاۋى بيىك، جەرى تار بۇل جەردە كۇننىڭ كوزىن كورۋ مۇڭ ەدى.
2018 - جىلى جەرگىلىكتى ۇكىمەت جاپالى، شەت - شالعاي تاۋلى وڭىردەگى تۇرعىنداردى وزگە جەرگە كوشۋگە ىنتالاندىردى. كەلەسى جىلى دۇر جارمان وتباسىنداعى 5 جان تۇگەلدەي تاۋدان ءتۇسىپ اۋدان قالاشىعىنا تاياۋ جەردەگى جاڭا قونىسقا كوشىپ كەلدى. كىر جۋعىش، گاز وشاق، پار قازانمەن جابدىقتالعان 80 شارشى مەترلىك 2 بولمەلى ۇيدەن سىرت، تاعى ولشەمدى قورا - جاي جانە اۋلاسى بار.
كوشىپ كەلگەن سوڭ، دۇر جارمان شەكارا كۇزەتشىسى بولدى، 3 ۇلىنا دا ىستەيتىن جۇمىس تابىلىپ، بۇكىل وتباسىنىڭ ءبىر جىلدىق تابىسى 100 مىڭ يۋانعا تاياپ، سول جىلى - اق كەدەي وتباسى دەگەن قالپاقتى الىپ تاستادى.
دۇر جارمان وتباسىنىڭ وزگەرىسى كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋدەگى شينجياڭداعى وراسان زور وزگەرىستىڭ شاعىن كورىنىسى ەدى.
2013 - جىلدان 2019 - جىلدىڭ سوڭىنا دەيىن شينجياڭدا جيىنى 25 كەدەي اۋدان كەدەيلىك قالپاعىن الىپ تاستادى، 3107 كەدەي قىستاق كەدەيلىك تىزىمىنەن شىعارىلدى، كەدەيلىكتىڭ تۋىلۋ مولشەرى ％19.4تەن ％1.24كە تومەندەدى. 2014 - جىلدان 2019 - جىلدىڭ سوڭىنا دەيىن جيىنى 737 مىڭ 600 وتباسى، 2 ميلليون 923 مىڭ 200 ادام كەدەيلىكتەن ارىلدى، 2020 - جىلدىڭ سوڭىندا تۇگەلدەي كەدەيلىكتەن ارىلۋدى جۇزەگە اسىرادى.
اسقار تيانشان، ايىندى كۇنلۇن شينجياڭداعى تاريحي زور وزگەرىسكە كۋا بولدى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شىن ىقىلاستى قامقورلىعىندا شينجياڭ پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن دايەكتىلەندىرىپ، باياندى دامۋعا قول جەتكىزدى.
− نەگىزگى ساتى پارتيا ۇيىمدارى بەرىك جاۋىنگەر قامال بولىپ، پارتيا تۋى بيىكتەن اسقاق جەلبىرەدى.
شينجياڭنىڭ بۇراتالا قالاسى شويىڭپان قالاشىعىندا قىستاقتا تۇراتىن كادرلار ءار كۇنى حالىق جاعدايى ەستەلىك داپتەرى، دەنساۋلىق ساقتاۋ كىتاپشاسى، حالىققا ءتيىمدى ساياساتتارعا تۇسىنىك كىتاپشاسى، شۇعىل جاعدايعا توتەپ بەرۋگە پايدالانىلاتىن ءدارى ساندىقشاسى سالىنعان ”حالىق جاعدايى سومكەلەرىن“ اسىنىپ، قىستاقتى ارالاپ، وتباسىلارىنا باردى. قىستاق تۇرعىندارىنىڭ باعىمشىلىققا ارناپ قارىز اقشا الۋىنا كومەكتەستى، سيىر مەن قويعا قامسىزداندىرۋ ساتىپ الىپ، مال شيپاگەرلەرىن شاقىردى، تۇندەلەتىپ سۋ قۇبىرلارىن اۋىستىردى، جوندەدى... ولاردى جەرگىلىكتى بۇقارا جاقىن تارتىپ ”سومكە اسىنعان كادرلار“ دەپ اتادى.
شينجياڭدى كوركەيتۋدىڭ، شينجياڭدى ورنىقتىرۋدىڭ سالماعى نەگىزگى ساتىدا. پارتيا 18 - قۇرىلتايىنان بەرى شينجياڭ باس شۋجي شي جينپيڭنىڭ ”پارتيا تۋىن ءاربىر نەگىزگى ساتى شەبىندە اسقاق جەلبىرەتۋ“ تالابىن دايەكتىلەندىرىپ، ”حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ“ بويىنشا قىستاقتا تۇرۋ قىزمەتىن ۇزدىكسىز ورىستەتىپ، ءار جىلى 70 مىڭنان استام كادردى تاڭداپ جىبەرىپ، 10 مىڭنان استام قىزمەت اترەتىن قۇرىپ نەگىزگى ساتىعا ءتۇسىردى، ولار اۋىل - قىستاقتارعا، الەۋمەتتىك اۋماقتارعا بارىپ، ءار ۇلت بۇقاراسىمەن ەتەنە ارالاسىپ، قيىن ماسەلەلەردى شەشىپ، ناقتى ىستەر تىندىردى.
”قىستاقتا تۇرۋدان“ ”ۇيدە تۇرۋدان“ ”جۇرەك تورىنە شىعۋعا“ دەيىن پارتيا مۇشەلەرى، كادرلار بۇقارامەن ەرتەلى - كەش ارالاسۋ بارىسىندا سۇيىسپەنشىلىك ونان ارى تەرەڭدەپ، نەگىزگى ساتىنىڭ كەلبەتىندە تەرەڭ وزگەرىس تۋىلدى.
− قوعامنىڭ ورنىقتىلىق جاعدايى ۇزدىكسىز بەكەمدەلىپ، حالىقتىڭ حاۋىپسىزدىك سەزىمى ايتارلىقتاي كۇشەيدى.
بىرنەشە جىلدىڭ الدىندا زورلىقتى كۇش لاڭكەستىك دەلولارى (وقيعا) كوپ تۋىلۋ سەبەبىنەن شينجياڭنىڭ ەڭ وڭتۇستىك شەتىندەگى حوتان ايماعىنا ساياحاتشىلار سيرەك باراتىن. سوڭعى جىلدارى لاڭكەستىككە قارسى تۇرۋ، ۇشقارىلىقتى الاستاۋ شارالارى ارقىلى سول جەردىڭ قوعامى ورنىعىپ، ساياحات كاسىبى دە قارىشتاي دامۋ جولىنا ءتۇستى.
حوتان بايىرعى قالاسىنىڭ ءبىر ءبولىمى رەتىندەگى ”كەپتەر كوشەسى“ ۇكىمەتتىڭ نەشە 100 ميلليون يۋان قارجىمەن جاڭالاۋى ارقىلى لاس، بىلىققان، ناشار لاشىقتى اۋماقتان ساياحاتتا ”ينتەرنەتتە تانىمالى، ءسوزسىز، باراتىن جەرگە“ اينالدى. 2017 - جىلدان بەرى نەشە ءجۇز كەدەي وتباسى حوتان كەشكى بازارىندا جىڭعىل كاۋاپ، ايران زۇڭزى، پەتىر ءمانتى سياقتى ءدامدى تاعامدار ساۋداسىمەن اينالىسىپ، ”اس - سۋ ارقىلى كەدەيلىكتەن ارىلدى“.
بۇگىنگى شينجياڭدا ۇدايى 3 جىل 9 اي زورلىقتى كۇش لاڭكەستىك دەلوسى (وقيعا) تۋىلمادى، زورلىقتى كۇش لاڭكەستىك ارەكەتتەرى ءونىمدى تىزگىندەلىپ، ۇشقارىلىقتى الاستاۋدىڭ ناتيجەسى كورنەكتى بولدى، قوعام اماندىعى جاعدايى كورنەكتى جاقسارىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ايتاقالسىن كۇشەيدى.
وسىناۋ قۋانارلىق وزگەرىس حالىقارالىق قوعامنىڭ دا مويىنداۋىنا يە بولدى، بيىل 7 - ايدا بىرلەسكەن مەملەكەتتەر ۇيىمىنىڭ ادامدىق ۇقىق كەڭەسىنىڭ ماجىلىسىندە 40 نەشە مەملەكەت بىرگە لەبىز ءبىلدىرىپ، شينجياڭداعى ادامدىق ۇقىق ىستەرىنىڭ دامۋ جەتىستىگىنە جانە لاڭكەستىككە قارسى تۇرۋدىڭ، ۇشقارىلىقتى الاستاۋدىڭ جەمىسىنە بەلسەندى باعا بەردى.
− ءار ۇلت بۇقاراسى ءبىر - بىرىنە قارايلاسىپ، ءوزارا كومەكتەسىپ، ىنتىماقتاسا كۇرەس جۇرگىزدى.
ءار دۇيسەنبىدە شينجياڭنىڭ شاۋەشەك قالاسى قارا ءدوڭ الەۋمەتتىك اۋماعىنداعى ءبىر شاعىن اۋلادا ۇيعۇر تۇرعىن سالىقجان يمىن مەن ونىڭ كورشى - قولاڭدارى ونىڭ اۋلاسىندا سالتاناتتى تۇردە مەملەكەت تۋىن شىعارۋ سالتىن وتكىزەدى.
”مەملەكەت تۋىن كورگەندە، ۇلى وتانىمىز ەسكە تۇسەدى، مەن ءوزىمنىڭ سۇيىكتى انامدى ۇنەمى ەسكە الامىن“، - دەيدى سالىقجان يمىن، قازىر ونىڭ اۋلاسىنا كەلىپ مەملەكەت تۋىن شىعارۋ سالتىنا قاتىناساتىن ادامدار بارعان سايىن كوبەيىپ كەلەدى، ولاردىڭ ءبىرتالايى سول ماڭداعى حانزۋ، ۇيعۇر، قازاق سياقتى ءار ۇلت تۇرعىندارى، ءتىپتى، الىستان ارنايى كەلەتىندەر دە بار.
2019 - جىلى سالىقجان يمىن ”ۇلتتار ىنتىماعى، العاباسارلىعىنداعى مەملەكەتتىك ۇلگىلى جەكە“ بولىپ باعالاندى ءارى بەيجيڭگە بارىپ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنا قاتىناستى. ”بەس جۇلدىزدى قىزىل تۋ تيان - انمىن الاڭىندا كوتەرىلگەن سول ءبىر ءساتتى كورگەندە، ايرىقشا ماقتانىشقا بولەندىم“، - دەيدى سالىقجان يمىن تەبىرەنە.
”ۇلتتار ىنتىماعىن كۇندەلىكتى تۇرمىستا، قىزمەتتە، ۇيرەنۋدە تياناقتاندىرىپ، مەكتەپ تاربيەسىنىڭ، وتباسى تاربيەسىنىڭ، قوعامدىق تاربيەنىڭ ءار بۋىنىنا، ءار جاعىنا ءسىڭىرۋ كەرەك“. باس شۋجي شي جينپيڭنىڭ تالابىن دايەكتىلەندىرگەن شينجياڭ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ورىستەتىپ، كادرلار، قىزمەتكەر - جۇمىسشىلار نەگىزگى ساتىداعى ءار ۇلت بۇقاراسىمەن جۇپ قۇراپ تۋىس بولىپ، ءار ۇلت كادرلارى مەن بۇقارا ءوزارا قارايلاسىپ، ءبىر - بىرىنە كومەكتەسىپ، بىرگە تۇرىپ، بىرگە ۇيرەنىپ، بىرگە ىستەپ، بىرگە كوڭىلدى ءوتىپ، جۇڭحۋا ۇلتىنىڭ بەرەكەلى شاڭىراعىنىڭ اسەرلى كارتيناسىن كەسكىندەدى.
− ەكولوگيالىق ورتا ۇزدىكسىز جاقسارىپ، تۇنىق سۋ، جاسىل تاۋ − باعالى بايلىق ۇستانىمى جۇرت جۇرەگىنە تەرەڭ ۇيالادى.
سايىن دالادا گۇل - شوپتەر جايقالىپ، ءۇيىر - ءۇيىر تاۋ ەشكىلەر تاستان - تاسقا سەكىرىپ، بيىك تاۋ، كوك مايسانىڭ كەز - كەلگەن جەرىنەن اسىر سالعان تيىن، سۋىر سياقتى ۇساق اڭدار كەزىگەدى... قازىرگى تاڭدا، شينجياڭ تيانشان 1 - ءنومىرلى مۇزارتى قورىق رايونى جابايى اڭداردىڭ جەرۇيىعىنا اينالعان.
شينجياڭ ەلىمىزدەگى ەنەرگيا، كەن بايلىعى مول ءىرى رايون، سونداي - اق ەكولوگيالىق ورتاسى ءالسىز رايون. سوڭعى جىلدارى باس شۋجي شي جينپيڭنىڭ ”اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنۋ“ تالابىن دايەكتىلەندىرگەن شينجياڭ جاسىل دامۋعا تاباندى بولىپ، ەكولوگيانى قورعاۋدىڭ ەڭ قاتاڭ ءتۇزىمى، سۋ بايلىعىن باسقارۋدىڭ ەڭ قاتاڭ ءتۇزىمى سياقتىلاردى اتقارىپ، ەكولوگيانىڭ قىزىل سىزىعىن باتىل ساقتادى.
ساناققا نەگىزدەلگەندە، تيانشان الابىنداعى ءتۇيىندى قالالاردىڭ 2019 - جىلعى اۋا ساپاسىنىڭ ورتاشا جاقسى بولۋ كۇن سانىنىڭ سالىستىرماسى سايكەس مەزگىلدەگىدەن 1.5 پايىز، وزەن الاپتارىنداعى ساپالى سۋ بايلىعىنىڭ سالىستىرماسى سايكەس مەزگىلدەگىدەن 1.2 پايىز ارتىپ، ەنەرگيا جۇمسالىمى مەن باستى لاستاۋشى زاتتاردىڭ شىعارىلۋ مولشەرى ۇزدىكسىز تومەندەگەن.
− وقۋ - اعارتۋ ىستەرى ۇزدىكسىز كەمەلدەنىپ، دامۋعا پاراسات كۇشىمەن باياندى قولداۋ كورسەتتى.
قىزىلسۋ قىرعىز اۆتونوميالى وبلىسى 3 - باستاۋىش مەكتەبىنىڭ ورىنباسار باستىعى ساۋ حىڭبين جياڭسۋدىڭ يانچىڭ قالاسىنان كەلگەن، بىلتىر جىل سوڭىندا تۇڭعىش كەزەكتى ”10 مىڭ ادامنىڭ شينجياڭعا كومەك بەرۋ جوسپارى“ بويىنشا شينجياڭعا كومەك بەرەتىن وقىتۋشىلىق قىزمەتىن اياقتاتقان سوڭ، ساۋ حىڭبين ”كەلىسىم - شارتتى ۇزارتۋدى“ تاڭدادى.
2018 - جىلى 8 - ايدا شينجياڭعا كەلگەننەن بەرى، ساۋ حىڭبين مەكتەپتەگى باسقا وقىتۋشىلاردى باستاپ، شاي ونەرى، قىش بۇيىمدار جاساۋ ونەرى، كەستەشىلىك، حاتكەرلىك سياقتى 20 نەشە شۋاقتى كۋرجەگ ۇيىمداستىردى. ”بالالار ەرەكشە قىزىعۋشىلىق تانىتتى، اپتا سايىن وتكىزىلگەن كۋرجەگ قيمىلىندا بالالار ايرىقشا بەلسەندىلىك كورسەتتى“، - دەيدى ساۋ حىڭبين ماقتانىشپەن.
جاڭا داۋىردەگى شينجياڭدا وقۋ - اعارتۋ ىستەرى ۇزدىكسىز كەمەلدەندى: مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىن جۇرگىزدى؛ مەكتەپكە دەيىنگى تاربيەنىڭ دامۋ جەتىستىكتەرىن بەكەمدەپ، بۇكىل رايونداعى مەكتەپكە دەيىنگى تاربيە جاسىنداعى بالالاردىڭ ”بالاباقشاعا كىرۋگە تيىستىلەرىن تۇگەل كىرگىزۋدى“ جۇزەگە اسىردى؛ قالا مەن اۋىلدا مىندەتتى وقۋ - اعارتۋدى ءبىر تۇلعالاندىرىپ دامىتۋدى ىلگەرىلەتىپ، باستاۋىش مەكتەپ جاسىنداعى بالالاردىڭ وقۋعا ءتۇسۋ مولشەرى ％99.9كە جەتىپ، 9 جىلدىق مىندەتتى وقۋ - اعارتۋدىڭ بەكەمدەلۋ مولشەرى ％95تەن استى.
− تاريحي ورايدى مىقتى يگەرىپ، مەملەكەتتىڭ جىبەك جولى ەكونوميكالىق بەلدەۋى قۇرىلىسىمەن، باتىسقا ەسىك اشۋ جالپىلىق ورنالاستىرۋىمەن توعىستى.
كەزەكشى پويەزدار ەۆروپا مەن ازيانى ۇلاستىرىپ، جىبەك جولىندا گۋدوك ءۇنى توقتاۋسىز شالىندى. شينجياڭنىڭ الاتاۋ، قورعاس شەكارا وتكەلدەرىندە قاز - قاتار جۇڭگو - ەۆروپا كەزەكشى پويەزدارى ”قۇرىش كەرۋەندەي“ بايىرعى جىبەك جولىنىڭ كەرەمەتىن جالعاستىرۋدا.
ساندى مالىمەتتەردە كورسەتىلۋىنشە، بيىل 8 - ايدا جۇڭگو - ەۆروپا كەزەكشى پويەزدارىنان جيىنى 1247 كەزەك قاتىناپ، 110 مىڭ ولشەمدى تيەۋىش قوراپتى جۇك تاسىمالدانعان. جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە ءجۇزىن جايلاپ، حالىقارالىق تاسىمال اۋىر ىقپالعا ۇشىراعان جاعدايدا، جۇڭگو - ەۆروپا كەزەكشى پويەزدارى قۇرلىق تاسىمالىنىڭ ”نەگىزگى تىرەگى“ بولىپ، ءار ەلدىڭ قول ۇستاسا وتىرىپ ىندەتكە قارسى اتتانۋىنداعى ”ءومىر ارناسىنا“ جانە ”تاعدىر دانەكەرىنە“ اينالدى.
سوڭعى جىلدارى شينجياڭ باس شۋجي شي جينپيڭنىڭ ورنالاستىرۋلارىن مۇقيات دايەكتىلەندىرىپ، ءوزىنىڭ وڭىرلىك سىرتقا ەسىك اشۋ ستراتەگياسىن مەملەكەتتىڭ جىبەك جولى ەكونوميكالىق بەلدەۋى قۇرىلىسىنا، باتىسقا ەسىك اشۋ جالپىلىق ورنالاستىرۋىنا توعىستىرىپ، مەملەكەتتىڭ باتىسقا ەسىك اشۋداعى الدىڭعى شەبىنە اينالىپ، دامۋدىڭ وراسان زور كومەسكى كۇشىن ىسكە قوستى.
توپ - توپ ساندى مالىمەتتەر شينجياڭنىڭ جاڭا داۋىردەگى نىق دامۋ قادامىنا كۋا بولدى − 2014 - جىلدان 2019 - جىلعا دەيىن، شينجياڭنىڭ وڭىرلىك ءوندىرىسىنىڭ جالپى قۇنى 926 ميلليارد 410 ميلليون يۋاننان ءبىر تريلليون 359 ميلليارد 711 ميلليون يۋانعا ارتىپ، قالا - قالاشىق تۇرعىندارىنىڭ جان باسىندىق قولداعى تابىسى 23 مىڭ 214 يۋاننان 34 مىڭ 664 يۋانعا، اۋىل - قىستاق تۇرعىندارىنىڭ جان باسىندىق قولداعى تابىسى 8724 يۋاننان 13 مىڭ 122 يۋانعا كوبەيدى.
وسى ساپاردا داۋىل سوعىپ، ناجاعاي جارقىلدادى، وسى ساپاردا جەڭىس جىرى اۋەلەدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەكشىلىگىندە، شينجياڭداعى ءار ۇلت ۇلاندارى ءبىر نيەتپەن كۇش قوسىپ، قاجىماي - تالماي ەرلىكپەن كۇرەس جۇرگىزىپ، وتانىمىزدىڭ شينجياڭىن اناعۇرلىم تاماشا ەتىپ قۇرۋعا ۇمتىلىپ، جاڭا داۋىردەگى شينجياڭنىڭ دامۋىنىڭ، العا باسۋىنىڭ ايبىندى تاراۋىن جازدى.
(قاتىناسقان تىلشىلەر: پان يىڭ، گۋان شياۋشياۋ، فۋ شياۋبو، شاڭشىڭ، ساۋ ديان، گۋ يۇي)
(شينحۋا اگەنتتىگىنىڭ 9 - ايدىڭ 24 - كۇنى ۇرىمجىدەن بەرگەن حابارى)
