9 - ايدىڭ 22 - كۇنى ساياحاتشىلار قاناس كورىنىس ءوڭىرىنىڭ ۋولۇڭۋانىن تاماشالاۋدا. التىن كۇزدەگى قاناس كورىنىس ءوڭىرى الۋان تۇسكە بويانىپ، توڭىرەكتىڭ ءتورت بۇرىشىنان كەلگەن ساياحاتشىلاردى باۋرادى. سۋرەتتى شۇي گۋاڭجيان تۇسىرگەن
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ گاڭ، رىن جياڭ 9 - ايدىڭ 25 - كۇنى ۇرىمجىدەن حابارلايدى. 9 - ايدىڭ 19 - كۇنى ”حوتان. شيزاڭعا باراتىن 9 - لەنياسى“ ءوز اۆتوكولىگىمەن قىزىل ساياحاتتاۋ لەنياسىندا جولعا شىعۋ سالتى ءوتتى، سىچۋان، ىشكى موڭعۇل سياقتى جەرلەردەن كەلگەن 135 ءوز اۆتوكولىگىمەن ساياحاتتاۋشى كەريادان اتتانىپ، باتىرلاردىڭ بايىرعى جولى − ”شيزاڭعا باراتىن 9 - لەنيانى“ قايتا باستى. 9 - ايدىڭ 23 - كۇنى ”جۇڭگو شارۋالار مول ءونىم مەرەكەسىندە“ شونجى اۋدانى كەڭ القاپ سۋرەت كورمەسى، ءبيداي تولقىنىنداعى كۋايشان سياقتى قيمىلداردى ورىستەتتى، شىڭگىل اۋدانى شىرعاناق جەمىسىن تەرۋ مەرەكەسىن وتكىزىپ، كوپتەگەن ساياحاتشىنى باۋرادى.
التىن كۇز 9 - اي، كۇز رايى بىرتىندەپ قويۋلانىپ، شينجياڭنىڭ بارلىق جەرىندە كوركەم كورىنىس كوز تارتادى. رايونىمىزدىڭ جەر - جەرى 350 ءتۇرلى مادەنيەت جانە ساياحات قيمىلىن ىركەس - تىركەس شىعارىپ ساياحاتشىلاردى تاماشالاۋعا باۋرادى، شينجياڭعا كومەكتەسەتىن ولكە، قالالار دا جابال كۇش شىعارىپ، ساياحات جالداما ۇشاعىن، ارناۋلى پويەزىن شينجياڭعا قاتىناۋعا ۇيىمداستىرىپ، شينجياڭ ساياحات بازارىندا شالقۋ جاعدايى جارىققا شىقتى.
9 - ايدىڭ 18 - كۇنى كەشتە 200گە جۋىق جيليندىق ساياحاتشى وتىرعان كەزەكشى ۇشاق التاي اۋەجايىنا قوندى، كەزەكشى ۇشاقتاعى جولاۋشىلار ”جيتاي ءنومىرلى“ جيليننىڭ شينجياڭعا كومەكتەسۋ جالداما ۇشاعىنداعى ساياحاتشىلار ۇيىرمەسى ەدى. ءتىپتى دە كوپ ساياحاتشىنى باۋراۋ ءۇشىن، التاي ايماعى ساياحاتتا تيىمدىلىك جاساۋدىڭ كوپ ءتۇرلى ساياساتتارىن شىعاردى ءارى شينجياڭعا كومەكتەسۋشى ولكە، قالالارمەن بەلسەنە ۇشتاسىپ، التايعا ساياحاتشى باۋرادى. تاياۋدا جيلين ولكەسى التاي ايماعىنا 1 − 2 رەت ارناۋلى پويەز، 1 − 2 ساياحات جالداما ۇشاعىن ورنالاستىردى. مەجەمەن بيىل ”جيتاي ءنومىرلى“ جيليننىڭ شينجياڭعا كومەكتەسۋشى ساياحات ارناۋلى پويەزى، ساياحات جالداما ۇشاعى 3000نان استام ساياحاتشىنى التايعا ساياحاتتاۋعا جەتكىزەدى ەكەن.
سول كۇنى حۋناننىڭ شينجياڭعا كومەكتەسۋ قولباسشىلىق شتابى ”ساياحاتتىق تۇتىنۋ ارەكەتى. حۋناندىقتاردىڭ تۇرپاندا ساياحاتتاۋى“ قيمىلىن ۇيىمداستىرىپ، 200دەن استام حۋناندىق ساياحاتشى تۇرپاندا سەيىل - سەرۋەن قۇردى.
ىلە قازاق اۆتونوميالى وبلىسى تاياۋدا 19 ساياحات جالداما ۇشاعىن، 2 ساياحات ارناۋلى پويەزىن قابىلداماقشى. مۇنىڭ 11ى جياڭسۋدىڭ ىلە وبلىسىنا كومەكتەسۋ جالداما ۇشاعى، 8ى شينجياڭ ىشىندەگى جالداما ۇشاق.
قازىرگى ماۋسىمنىڭ ەرەكشەلىگىنە قاراي، شينجياڭ تەمىر جولى ساياحات دامىتۋ توبى شەكتى سەرىكتەستىگى سولتۇستىك شينجياڭنىڭ اسەم كۇزى جەلىسى، باق كەرنەگەن وڭتۇستىك شينجياڭ جەلىسى، جان باۋراعان شىعىس شينجياڭ جەلىسى، دۇنحۋاڭدا كەزدەسۋ جەلىسى، شينجياڭنان شىعاتىن ارناۋلى پويەز جەلىسى سياقتى وڭتۇستىك شينجياڭ، سولتۇستىك شينجياڭ، شىعىس شينجياڭ 3 باعىتتاعى ساياحات ونىمدەرىن جوبالاپ، 9 - ايدىڭ 11 - كۇنىنەن 12 - ايدىڭ 12 - كۇنىنە دەيىن ساياحات ارناۋلى پويەزىنەن 26 پويەز جۇرگىزەدى ەكەن. ساياحات ارناۋلى پويەز ونىمدەرىنىڭ باعاسى سايكەس مەزگىلدەگىدەن ％30 تومەندەپ، ساياحاتشىلارعا بارىنشا تيىمدىلىك جاسالدى.
