شينحۋا اگەنتتىگىنىڭ 9 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 25 - كۇنى كەشتە انگولانىڭ زۇڭتۇڭى لورەنسومەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى الدىندا جۇڭگو مەن انگولا ەكى ەل ۇكىمەتى حالىقتى بارىنەن جوعارى قويۋ، ءومىردى بارىنەن جوعارى قويۋ پرينسيبىن تياناق ەتىپ، باتىل شارالار قولدانىپ، ىندەتتىڭ ءورشۋىن ءونىمدى تەجەدى. ەكى جاق ءوزارا قولداپ، ءوزارا كومەكتەسىپ، ەكى ەل قارسى جاق ەلدىڭ چياۋميندەرىنە جاقسى قارايلاستى. جۇڭگو جاق انگولا جاققا شاماسىنىڭ جەتىسىنشە ۇزدىكسىز كومەكتەسۋدى قالايدى، تاياۋدا ىندەتكە قارسى اتتانۋ ەمدەۋ ماماندار گرۋپپاسىن انگولاعا جىبەرەدى. جۇڭگو جاق ىندەت ۆاكسيناسىن ءساتتى زەرتتەپ - اشىپ ءارى قولدانۋعا بەرگەننەن كەيىن ەڭ الدىمەن افريكاداعى ەلدەرمەن ورتاقتاسۋدى قالايدى.
شي جينپيڭ بىلاي دەپ باسا دارىپتەدى: انگولا − جۇڭگونىڭ افريكاداعى ماڭىزدى سەلبەستىك سەرىگى. جۇڭگو - انگولا ەكى ەل ناعىز تاتۋ، ادال جاقسى باۋىرلاستار، جاقسى سەرىكتەر. جۇڭگو جاق انگولا جاقتىڭ ءوز مەملەكەتىنىڭ جاعدايىنا ۇيلەسەتىن دامۋ جولىن دەربەس قاراستىرۋىن قولدايدى، انگولا جاقپەن بىرگە ەكى ەل قارىم - قاتىناسىنىڭ العا باسۋ بەتالىسىن يگەرىپ، جۇڭگو - انگولا ستراتەگيالىق سەرىكتەستىك قارىم - قاتىناسىن اناعۇرلىم جوعارى دەڭگەيگە كوتەرۋدى قالايدى. جۇڭگو مەن انگولانىڭ ەكونوميكالىق جاقتا ءبىر - ءبىرىن تولىقتاۋ سيپاتى كۇشتى، جۇڭگو جاق انگولا جاقپەن بىرگە ىندەتتەن ساقتانۋ - تىزگىندەۋدى جاقسى ىستەۋ نەگىزىندە، جۇمىستى، ءوندىرىستى قالپىنا كەلتىرۋ سەلبەستىگىن ىلگەرىلەتىپ، قۋاتتى جۇڭگو كاسىپورىندارىن انگولاعا بارىپ قارجى قوسۋ سەلبەستىگىن ورىستەتۋگە شابىتتاندىرىپ، ەكى ەلدىڭ ناقتى سەلبەستىگىنىڭ تىڭ دامۋعا قول جەتكىزۋىن ىلگەرىلەتىپ، انگولانىڭ ەكونوميكالىق، قوعامدىق دامۋىنا دەم بەرۋدى قالايدى. جۇڭگو جاق انگولا جاقپەن كوپ جاقتى ورتاداعى جانە حالىقارالىق ىستەردەگى سايكەسۋدى، سەلبەسۋدى جيىلەتىپ، حالىقارالىق ادىلدىكتى، تۋراشىلدىقتى بىرگە قورعاپ، كوپ جاقتىلىقتى جانە وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
لورەنسو جۇڭگو حالقىنىڭ مەملەكەت مەرەكەسىنىڭ قۇتتى بولۋىن تىلەدى. ول مىنالاردى ءبىلدىردى: جۇڭگو قىسقا ۋاقىتتا جاڭا تيپتى ايدارشا ۆيرۋس وكپە قابىنۋ ىندەتىن ءساتتى تىزگىندەگەن بىردەن - ءبىر ءىرى ەل. انگولا جاق جۇڭگو جاقتىڭ انگولانى قامتىعان افريكا ەلدەرىنىڭ ىندەتكە قارسى اتتانۋىنا كومەك كورسەتكەندىگىنە العىس ايتادى، جۇڭگو جاقپەن ىندەت ۆاكسيناسى سياقتى سالالارداعى سەلبەستىكتى كۇشەيتۋدى ءۇمىت ەتەدى. انگولا جاق جۇڭگومەن جوعارى دەڭگەيدەگى قارىم - قاتىناسىنا جانە تەرەڭ دوستىعىنا ايرىقشا ءمان بەرەدى، جۇڭگو جاقتىڭ ءوزىنىڭ وزەكتى مۇددەسىنە ساياتىن ماسەلەلەردەگى تۇرعىسىن باتىل قولدايدى، جۇڭگو كاسىپورىندارىنىڭ انگولاعا قارجى قوسۋىن مولايتىپ، ەكونوميكا - ساۋدا سياقتى سالالارداعى سەلبەستىگىن كەڭەيتۋىن قارسى الادى. انگولا جاق جۇڭگو جاقپەن حالىقارالىق ىستەردەگى ءوزارا قولداۋدى كۇشەيتىپ، حالىقارالىق ادىلدىكتى، تۋراشىلدىقتى بىرگە قورعاۋدى قالايدى.
شينحۋا اگەنتتىگىنىڭ 9 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 25 - كۇنى كەشتە جاپونيانىڭ باس ءۋازىرى جيان - ي - ۋيمەن تەلەفوندا سويلەستى.
شي جينپيڭ بىلاي دەپ باسا دارىپتەدى: جۇڭگو مەن جاپونيا ءوزارا ماڭىزدى جاقىن كورشىلەر جانە سەلبەستىك سەرىكتەستەر، ەكەۋى دە ازياداعى جانە دۇنيە جۇزىندەگى ماڭىزدى مەملەكەتتەر، كەڭ ورتاق مۇددەگە جانە كەڭ سەلبەستىك كەڭىستىگىنە يە. ەكى جاقتىڭ بىرگە قۇلشىنۋىندا، سوڭعى جىلدارى جۇڭگو - جاپونيا قارىم - قاتىناسى دۇرىس ارناعا قايتا ورالدى جانە جاقسارۋ بەتالىسىن ساقتادى. جۇڭگو جاق جاپونيانىڭ جاڭا كەزەكتى ۇكىمەتىمەن بىرگە، جۇڭگو مەن جاپونيانىڭ ءتورت ساياسي حۇجاتىنداعى ءتۇرلى پرينسيپتەر مەن رۋحتار نەگىزىندە، تاريح سياقتى ەلەۋلى سەزىمتال ماسەلەلەردى لايىقتى ءبىر جاقتى ەتىپ، ساياسيداعى ءوزارا سەنىمدىلىكتى ۇزدىكسىز نىعايتىپ، ءوزارا ءتيىمدى سەلبەستىكتى تەرەڭدەتىپ، گۋمانيتارلىق اۋىس - كۇيىستى كەڭەيتىپ، جاڭا ءداۋىر تالابىنا ساي كەلەتىن جۇڭگو - جاپونيا قارىم - قاتىناسىن ورناتۋعا قۇلشىنۋدى قالايدى. مەن سىزبەن بىرگە ستراتەگيالىق جەتەكشىلىك رولدى ساۋلەلەندىرىپ، ەكى ەل قارىم - قاتىناسىنىڭ جاڭا دامۋعا قول جەتكىزۋىن ىلگەرىلەتۋدى قالايمىن.
شي جينپيڭ بىلاي دەپ اتاپ كورسەتتى: ورتاق مۇددەلەردى ۇزدىكسىز كەڭەيتىپ، ەكى ەل حالقىن اناعۇرلىم ويداعىداي باقىتقا كەنەلتۋ − جاڭا داۋىردەگى جۇڭگو - جاپونيا قارىم - قاتىناسىن دامىتۋدىڭ ماندىك تالابى. كەزەكتە جاڭا تيپتى ايدارشا ۆيرۋس وكپە قابىنۋ ىندەتى ءالى دە دۇنيە جۇزىندە كەڭ كولەمدە بەلەڭ بەردى، ىندەتكە قارسى اتتانۋ، ەكونوميكانى ورنىقتىرۋ، حالىق تۇرمىسىن قامتاماسىز ەتۋ ءار ەلدىڭ ورتاق ساياساتتىق تاڭداۋىنا اينالدى. جۇڭگو مەن جاپونيا ەكى جاق ءوزارا قولداۋ كورسەتىپ، تەڭ يگىلىكتەنۋدى جۇزەگە اسىرۋىنا بولادى. جۇڭگو مەن جاپونيانىڭ ەكونوميكا - ساۋدا سەلبەستىگى ىندەتتىڭ سوققىسىندا ىڭعايسىز جاعدايدا ارتىپ، قۋاتتى سەرپىمدىلىك جانە وراسان زور كومەسكى كۇش بايقاتتى. جۇڭگو ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋدى جەدەل ىلگەرىلەتۋدە. ەكى جاقتىڭ ورنىقتى، ىركىلىسسىز كاسىپ سالاسى تىزبەگىن، قامداۋ تىزبەگىن جانە ءادىل، اشىق ساۋدا مەن قارجى قوسۋ ورتاسىن بىرگە قورعاپ، سەلبەستىكتىڭ ساپاسى مەن دەڭگەيىن ءوسىرۋىن ءۇمىت ەتەمىن. جۇڭگو جاق جاپونيا جاقتىڭ كەلەر جىلى وليمپيادانى ءساتتى وتكىزۋىنە قولداۋ كورسەتەدى.
شي جينپيڭ بىلاي دەپ باسا دارىپتەدى: جۇڭگو مەن جاپونيا دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن قورعاۋدىڭ ماڭىزدى جاۋاپكەرشىلىگىن بىرگە ارقالاۋدا. ەكى جاق ادامزات تاعدىرلاس ورتاق تۇلعا ۇستانىمىن نەگىز ەتە وتىرىپ، كوپ جاقتىلىقتى بەلسەنە دارىپتەپ جانە اتقارىپ، بىرلەسكەن مەملەكەتتەر ۇيىمىن وزەك ەتكەن حالىقارالىق ءتارتىپ پەن حالىقارالىق جۇيەنى باتىل قورعاپ، حالىقارالىق كوپ جاقتى قۇرىلىمدار مەن وڭىرلىك سەلبەستىك مەحانيزمدەر اياسىندا پىكىرلەسۋدى، سايكەسۋدى، سەلبەسۋدى كۇشەيتىپ، ءتۇرلى الەمدىك سىن - سايىستارعا قول ۇستاسا توتەپ بەرىپ، ازيانىڭ گۇلدەنۋى، دامۋى ءۇشىن بەلسەنە ۇلەس قوسۋ ءتيىس. جيان - ي - ۋي مىنالاردى ءبىلدىردى: جاپونيا جۇڭگوعا ايرىقشا ءمان بەرەدى، جاپونيا - جۇڭگو قارىم - قاتىناسىن ەڭ ماڭىزدى ەكى جاقتى قارىم - قاتىناستاردىڭ بىرىنە بالايدى. ەكى ەل جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا ءوزارا قولداۋ كورسەتتى. ورنىقتى جاپونيا - جۇڭگو قارىم - قاتىناسى ەكى ەل حالقىنىڭ مۇددەسىنە ۇيلەسىپ قانا قويماي، دۇنيە ءجۇزىنىڭ بەيبىتشىلىگى مەن گۇلدەنۋى ءۇشىن دە كەم بولسا بولمايدى. مەن ءتوراعا شي جينپيڭمەن ءجيى پىكىرلەسۋدى ساقتاپ، ەكى ەلدىڭ ەكونوميكا - ساۋدا سەلبەستىگىن كۇشەيتۋگە، گۋمانيتارلىق اۋىس - كۇيىستى تەرەڭدەتۋگە كۇش سالىپ، جاپونيا - جۇڭگو قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى ءۇمىت ەتەمىن. جاپونيا جاق جۇڭگو جاقپەن تىعىز پىكىرلەسىپ، وسى جىل ىشىندە وڭىرلىك جان - جاقتى ەكونوميكالىق سەرىكتەستىك قارىم - قاتىناس تۋرالى كەلىسىمگە قول قويۋعا شىنايى كەپىلدىك ەتىپ، جاپونيا - جۇڭگو - كورەيا ەركىن ساۋدا رايونى كەلىسسوزىن جەدەل ىلگەرىلەتىپ، وڭىردەگى كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن بىرگە قورعاۋدى قالايدى.
ەكى جاق بىرگە كوڭىل ءبولىپ وتىرعان ماسەلەلەر جونىندە دە پىكىر اۋىستىردى.
