”جاڭعاق مەكەنى“ قاعىلىق اۋدانىنداعى شارۋالاردىڭ سالاۋاتى كاسىپ سالاسىنا بايلانىستى وزگەرىپ، كەدەيلىكتەن ارىلۋ جەدەل دامۋ ارناسىنا ٴتۇستى

【كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋ . قالپاعى الىنباعان كەدەي اۋدانداردىڭ شايقاسىن قاداعالاۋ】

　　9-ايدىڭ 23-كۇنى شينجياڭ قاشقار ايماعى قاعىلىق اۋدانى جاڭعاق ساۋدا ورتالىعىنىڭ جاڭعاق سۇرىپتاۋ سەحىنداعى جاساندى كومەكشى سۇرىپتاۋ تەكشەسىنىڭ الدىندا جۇمىسشىلار ناشار جاڭعاقتاردى ىرىكتەۋدە.

　　تيانشان تورىنىڭ حابارى (ماقالاسىن جازىپ، سۋرەتىن تۇسىرگەن ٴتىلشى ياڭ گۋاڭ) التىن كۇزدە قاشقار ايماعى قاعىلىق اۋدانىنداعى جاڭعاق جاپپاي تەرۋ مەزگىلىنە ٴوتتى.

　　9-ايدىڭ 23-كۇنى ٴتىلشى شوعىرلى ٴوندىرۋ-ساتۋ ٴبىر تۇلعالانعان قاعىلىق اۋدانى جاڭعاق ساۋدا ورتالىعىنىڭ تيەۋ ـ ٴتۇسىرۋ رايونىنا كەلدى. تيەۋ ـ ٴتۇسىرۋ جۇمىسشىلارى بەينە توبەشىكتەي ۇيىلگەن جاڭعاق قالتالارىن اۆتوكوموبيلگە تيەپ تاسىپ اكەتىپ جاتىر ؛ جاڭعاق سۇرىپتاۋ سەحىنىڭ جاساندى كومەكشى سۇرىپتاۋ تەكشەسىنىڭ الدىندا جۇمىسشىلار ناشار جاڭعاقتاردى ىرىكتەۋدە؛ جاڭعاق ٴدانىن ايىرۋ سەحىندا جۇمىسشىلار قابىق جارۋ ماشيناسىمەن قابىعىن جارعاننان كەيىن جاڭعاق ٴدانىن الۋدا.

　　بۇرىن جاڭعاق ەگۋگە سۇيەنەتىن ديقاندار قازىر جاڭعاق كاسىبى ارقىلى ارت-ارتىنان جۇمىسقا ورنالاسىپ، جاڭعاق كاسىپ سالاسى تىزبەگىندەگى جۇمىسشىعا اينالدى. سالاۋاتتىڭ وزگەرۋىمەن جەرگىلىكتى ديقانداردىڭ، اسىرەسە، كەدەي وتباسىلارىنىڭ تۇرمىسىندا ٴتۇبىرلى وزگەرىس بولدى.

　　ٴبۇماريام ٴومار جاڭعاق سۇرىپتاۋشى، زاۆودقا كەلۋدەن بۇرىن ول قاراپايىم ديقان بولعاندىقتان، ۇيلەنگەننەن كەيىن وزىندە كىرىس بولمادى. ”2019 - جىلى 9 - ايدا زاۆودقا كەلىپ جۇمىس ىستەدىم، قازىر اي سايىن 2000 يۋان اينالاسىندا ەڭبەكاقى الامىن. جۇبايىم تەمىرشى، ول ايىنا 3000 يۋاننان استام كىرىس كىرگىزەدى“،-دەدى ٴبۇماريام ٴومار. قازىر ولاردىڭ وتباسىنداعى ٴۇش جان جاقسى تۇرمىس كەشىرىپ، كەدەيلىكتەن ارىلدى.

　　9-ايدىڭ 23-كۇنى شينجياڭ قاشقار ايماعى قاعىلىق اۋدانى جاڭعاق ساۋدا ورتالىعىنىڭ جاڭعاق سۇرىپتاۋ سەحىنداعى جاساندى كومەكشى سۇرىپتاۋ تەكشەسىنىڭ الدىندا ٴبۇماريام ٴومار ( سولدا ) ناشار جاڭعاقتاردى ىرىكتەۋدە.

　　ساۋدا ورتالىعىنىڭ تيەۋ-ٴتۇسىرۋ رايونىندا ابىلەت توحتىمامەت كاسىپتەستەرىمەن بىرگە جاڭعاقتى قالتالاۋدا. ابىلەت توحتىمامەت تىلشىگە ۇيىندە بەس جان بارىن، قازىر تيەۋ - ٴتۇسىرۋ جۇمىسشى بولىپ، ايىنا 3500 - 4000 يۋان كىرىس كىرگىزىتىنىن، ۇلكەن ۇلى ەندى جۇمىسقا شىعىپ، اسحانادا ىستەيتىنىن، كىرىسى دە جاقسى ەكەنىن ايتىپ بەردى. ”وتباسىمىز 2020 - جىلى 20 مىڭ يۋان امانات اقشا قويدى، كەلەر جىلى مەن ٴبىر ماشينا ساتىپ الىپ، جاڭعاق تاسىماقشىمىن، بۇلاي ىستەسەم ٴتىپتى دە كوپ اقشا تابامىن“،-دەدى ابىلەت توحتىمامەت.

　　9 ـ ايدىڭ 23 ـ كۇنى شينجياڭ قاشقار ايماعى قاعىلىق اۋدانى جاڭعاق ساۋدا ورتالىعىندا قامباشى الىمجان وسمان اۆتوموبيلگە تيەلگەن زاتتاردى تەكسەرۋدە.

　　الىمجان وسمان 2020 - جىلى ەندى عانا 22 جاستا شىققان. ول 2019 ـ جىلى 9 ـ ايدا وقۋ تاۋىسقاننان كەيىن، قاعىلىق اۋدانى جاڭعاق ساۋدا ورتالىعىنا بارىپ قامبا باسقارۋ قىزمەتىن ىستەدى. ”قازىر اكە - شەشەم، اعام، جەڭگەممەن بىرگە تۇرمىس كەشىرىپ جاتىرمىن. اكە-شەشەمنىڭ جاس ۇلعايىپ، ۇيدە مالعا قاراپ، اۋلانىڭ شارۋاسىمەن بولادى. اعام قۇرىلىس اتىرەتىنىڭ توكشىسى، جەڭگەم شاعىن دۇكەن اشادى، وتباسىمىزدىڭ 17 مۋ جەرىن تۇگەلدەي كوتەرمەگە بەردىك“. الىمجان وسمان بىلاي دەدى: قازىر ايلىق ەڭبەكاقىم 4000 يۋان، زاۆود تاعى تاماق، جاتىن ورىندى كوتەرەدى، 2020 ـ جىلى وتباسىمىزدىڭ جالپى كىرىسى 100 مىڭ يۋاننان اسادى.

　　كەلەشەكتەگى ويلارىنا توقتالعاندا، الىمجان وسمان تىلشىگە بىلاي دەدى: قازىر تەك قۇلشىنا قىزمەت ىستەپ، الدىمەن شارۋاشىلىق قۇرىپ، ونان سوڭ ۇيلەنبەكشىمىن.

　　قاعىلىق اۋدانى ”جاڭعاقٴىرى اۋدانى“، ”جاڭعاق مەكەنى“ دەگەن اتى بار. قاعىلىق اۋداندىق اۋىل شارۋاشىلىق، اۋىل - قىستاق مەكەمەسى قامداعان ساندى مالىمەتكە قاراعاندا، 2020 ـ جىلى وسى اۋداننىڭ جاڭعاق ەگىلگەن جالپى جەر اۋدانى 580 مىڭ مۋعا جەتىپ، ٴونىم مولشەرى مەجەمەن 130 مىڭ تونناعا جەتەتىن كورىنەدى. سوڭعى جىلدارى جەرگىلىكتى پارتكوم جانە ۇكىمەتتىڭ زور كۇشپەن جەبەۋىندە، جاڭعاق كاسىبى جەرگىلىكتى تۇرعىنداردىڭ كەدەيلىكتەن ارىلىپ، كىرىسىن ارتتىرۋداعى ماڭىزدى ارناسىنا اينالدى.

　　اۋدارعان: قادىر ماقان