− شينجياڭ حالىق تۇرمىسى قىزمەتىن ەگجەي - تەگجەيلى، ناقتى، تۇبەگەيلى تياناقتاندىرۋعا تاباندى بولدى
حالىق گازەتىنىڭ تىلشىلەرى
”قازىر ۇساق - تۇيەك سىرقاتتاردى قىستاق نەمەسە قالاشىقتىڭ وزىندە كورسەتە الامىز، ۇلكەن شيپاحانالارعا بارۋدىڭ قاجەتى جوق، وتە قولايلى بولدى!“، - دەدى شينجياڭ قاشقار ايماعى يوپۇرعا اۋدانى يوپۇرعا قالاشىعى ءاۋزالقۇم قىستاعىندا شاندۇڭنان شينجياڭعا كومەكتەسۋگە كەلگەن شيپاگەرگە كورىنىپ جاتقان پاشاگۇل راحمان. بۇگىنگى كۇندە شينجياڭنىڭ نەگىزگى ساتىسىنداعى پاشاگۇل سياقتى بۇقارالار يگىلىكتەنگەن ەمدەۋ قىزمەت وتەۋدىڭ دەڭگەيى ۇزدىكسىز جوعارىلاۋدا.
2 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعان 6 جىلدان بەرى، پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايوندىق پارتكوم ءار ۇلت كادرلارى مەن بۇقاراسىن ىنتىماقتاستىرىپ، باستاپ، حالىقتى وزەك ەتكەن دامۋ يدەياسىن بۇلجىماي اتقارىپ، ءتۇرلى قىزمەتتەردى ەگجەي - تەگجەيلى، ناقتى، تۇبەگەيلى تياناقتاندىرىپ، ”حالىقتى بارىنەن جوعارى قويۋدى“ بۇقارا تۇرمىسىنىڭ بۇگە - شىگەسىنە دەيىن ەنگىزدى.
ءبىر - بىرلەگەن ساندى مالىمەتتەر حالىق تۇرمىسى جاعدايىن اڭعارتادى: شينجياڭ قازىنا مەجە ەسەبىنىڭ ％70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساۋعا ۇزدىكسىز تاباندى بولدى؛ اۆتونوميالى رايون قالا - قالاشىقتارداعى بىردە - ءبىر ادامى جۇمىسقا ورنالاسپاعان وتباسىلارىن 24 ساعات ىشىندە يكەمدى اداقتاپ، كەم دەگەندە، بىرەۋىن جۇمىستاندىرۋعا كەپىلدىك ەتتى؛ 2011 - جىلدان بەرى، 2 ميلليون 687 مىڭ 700 وتباسىنىڭ اۋىل - قىستاق بەيقۇت ءۇي ينجەنەريا قۇرىلىسى مىندەتىن ورىنداپ، 10 ميلليوننان استام ءار ۇلت ەگىنشى - مالشىلارىنىڭ بەيقۇت ۇيدە تۇرۋىن، جانعا جايلى قونىستا تۇرۋىن جۇزەگە اسىردى؛ بيىل 346 مىڭ كەدەي حالىقتىڭ اۋىز سۋ حاۋىپسىزدىگى ماسەلەسىن شەشتى...
دامۋدى حالىق تۇرمىسىن جاقسارتۋدا، جەرگىلىكتى ورىنعا تيىمدىلىك جەتكىزۋدە، ىنتىماقتى كۇشەيتۋدە تياناقتاندىرىپ، ءار ۇلت بۇقاراسى پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىنىپ، كىشى - گىرىم وزگەرىس بارىسىندا تابىس سەزىمى مەن باقىت سەزىمىن بارىنشا سەزىندى.
بالالاردى اماناتتايتىن جەر، قارتتاردى قارايتىن كۇتىمحانا بار، الەۋمەتتىك اۋماقتىڭ قىزمەت وتەۋ يقۋاتى ۇزدىكسىز جوعارىلادى
ىلە شاپشال سىبە اۆتونوميالى اۋدانى قىزىل انار الەۋمەتتىك اۋماعىنىڭ ”ساعات التى شاعىن ساباقحاناسى“ مۇقامەت ادىلجاننىڭ ءار كۇنى مەكتەپتەن قايتقاننان كەيىن، ءسوز جوق، باراتىن جەرىنە اينالدى. ”شاعىن ساباقحانا“ ءىس جۇزىندە شاعىن ەمەس، الەۋمەتتىك اۋماق كەڭسە عيماراتىنىڭ 2 - قاباتىندا، تۇپ - تۋرا 94 شارشى مەتر بولىپ، ساباقحانا جانە قيمىل ءۇيى سىندى ەكى بولەكتەن قۇرالعان. ساباقحانا ەسىگىن اشقانىمىزدا 15 باستاۋىش مەكتەپ وقۋشىسى بار زەيىندەرىمەن تاپسىرما ورىنداپ وتىرىپتى، 7 جاستان 12 جاسقا دەيىنگى ءار جىلدىقتىڭ وقۋشىلارى بار ەكەن.
”بۇل جەردە كاسىپتىك وقىتۋشىلار تاپسىرما ىستەۋگە جەتەكشىلىك ەتىپ قانا قويماي، ءار ءتۇرلى اۋەستەرى بويىنشا تاربيەلەيدى“. مۇقامەت بيىل 9 جاستا، بۇل جەردە ۇيرەنگەنىنە ءبىر جىلدان اسىپتى. ول ءار كۇنى كەشتە ساعات 6دان 8گە دەيىن وسى ارادان تاپجىلماۋدى ادەتىنە اينالدىرعان.
قىزىل انار الەۋمەتتىك اۋماعىندا جىلجىمالى جان سانى كوپ، تاۋلى ءوڭىرلى اۋىلداردا جۇمىس ىستەيتىندەردىڭ ءوزى 505 وتباسى، 1782 ادامعا جەتەدى. الەۋمەتتىك اۋماقتىڭ ءبىرىنشى شۋجيى گۋان شياۋجۇي تەكسەرۋ - زەرتتەۋ ارقىلى بالالاردىڭ ”مەكتەپتەن قايتقاننان كەيىن قاراۋسىز قالۋ“ ماسەلەسى جۇمىس ىستەۋشىلەردىڭ قيىن ماسەلەسىنە اينالعانىن بايقايدى. سونىمەن الەۋمەتتىك اۋماق ”ساعات التى شاعىن ساباقحاناسىن“ قۇرىپ، 2 كاسىپتىك وقىتۋشى مەن ءبىر الەۋمەتتىك اۋماق كادىرىن سايكەستىرىپ، مەكتەپتەن قايتقان بالالاردى قاراۋعا جانە ولارعا جەتەكشىلىك ەتۋگە جاۋاپتى ەتىپ، جۇمىس ىستەۋشىلەردى ۋايىمنان ارىلتتى.
الەۋمەتتىك اۋماقتىڭ قىزمەت وتەۋ يقۋاتى ۇزدىكسىز جوعارىلاپ، بالالاردى قاراپ قانا قويماي، قارتتارعا دا قارايلاساتىن بولدى.
”ەڭبەكشى حالىق قوس قولىنا سۇيەنىپ، اسەم جياڭناننىڭ بالىق، كۇرىش مەكەنىن كەسكىندەدى...“ ىرحۋدىڭ جاعىمدى ىرعاعىنا ىلەسىپ، جيڭجۇي ”شاجياباڭنىڭ“ ارياسى الىستان ەستىلدى. ءۇرىمجى قالاسى سايباق رايونى 1 - تامىز ءمالىسى گوداۋ الەۋمەتتىك اۋماعىنىڭ كۇندىز قارايلاسۋ، قىزمەت وتەۋ ورتالىعىنىڭ قيمىل ۇيىنە كىرگەنىمىزدە بىرنەشە قارت شابىتتانا جاتتىعىپ جاتىر ەكەن.
جانىنداعى كىتاپ وقۋ ۇيىندە ءتىلشى كىتاپ وقىپ وتىرعان لي بيڭرۇڭ كاريامەن اڭگىمە دۇكەنىن قۇردى. لي بيڭرۇڭ بيىل 75 جاستا ەكەن، 2002 - جىلى پەنسياعا شىققاننان كەيىن جۇبايى ەكەۋى گوداۋ الەۋمەتتىك اۋماعىنىڭ قارتتاردى كۇتىمدەۋ ۇيىنە كوشىپ كەلىپتى. الەۋمەتتىك اۋماقتىڭ قىزمەت وتەۋىن اۋىزعا العاندا، كاريا اۋىز جاپپاي ماقتادى: ”بۇل جەردە تەاتر ايتۋدان، كىتاپ وقۋدان تىس، ارناۋلى ءنارلى تاعامداردى تۇتىنا الامىز. الدىڭعى ءبىر مەزەتتە ىندەتتەن ساقتانۋ - تىزگىندەۋ بولىپ، الەۋمەتتىك اۋماقتىڭ ەرىكتىلەرى كۇرىش، ۇن، بالىق، ەت سياقتىلاردى تىكە ۇيىمىزگە جەتكىزىپ بەردى. اسىرەسە، قيىنشىلىعى بار جالعىز تۇراتىن قارتتارعا ارناۋلى ادام ءدارى - دارمەك اپارىپ بەرىپ، قارايلاستى“.
”گوداۋ الەۋمەتتىك اۋماعىنا قاراستى اۋماقتا 60 جاستان جوعارى 376 قارت بار، الەۋمەتتىك اۋماق الدىڭعى مەزگىلدەگى وتباسىلارىن ارالاپ جاعداي ۇعىسۋ نەگىزىندە، ساتىپ الۋ قىزمەت وتەۋ ءتاسىلى ارقىلى قارتتاردى كۇتىمدەۋ كاسىپتىك قۇرىلىمدارى سياقتىلارمەن بىرلەسىپ قارتتارعا كۇندىز قارايلاسۋ، قىزمەت وتەۋ پۋنكتىن بىرگە قۇردى“، - دەپ تانىستىردى الەۋمەتتىك اۋماق شۋجيى شاڭگۋان ايفاڭ.
قازىر شينجياڭدا بالالاردى اماناتتاپ باعۋ ورنى، كۇندىز قارايلاسۋ ورتالىعى نەگىزگى ساتى الەۋمەتتىك اۋماعى، اۋىل - قىستاق جونىنەن جاڭالىق ەمەس، ءوز ماڭايلارىندا - اق كوڭىلدەگىدەي قارايلاسۋعا يە بولعان قارتتار مەن بالالار بارعان سايىن كوبەيدى.
جابدىق بار، دارىندىلار بار، ءۇي ماڭايىندا - اق ەمدەۋ قىزمەت وتەۋىنەن يگىلىكتەندى
72 جاستاعى جىڭ جۋشۇن قارتتىڭ جۋىقتان بەرى قان قىسىمى ءبىراز جوعارىلاپ، بيڭتۋان 2 - شىسى تەمىنگۋان قالالىق شيپاحاناعا بالنيتساعا تۇسكەن ەدى. ءۇيى جاقىندا بولعاندىقتان، تۇستە ۇيىندەگىلەر وعان تاماق جەتكىزىپ بەرە الادى.
بىرنەشە جىلدىڭ الدىندا، تەمىنگۋان قالالىق شيپاحانادا اۋرۋ تەكسەرتۋ مۇمكىن ەمەس ەدى، ۇساق - تۇيەك سىرقاتتىڭ ءوزىن جوعارى دارەجەلى شيپاحاناعا بارىپ تەكسەرتكەن سوڭ، قايتا كەلىپ ەمدەلۋگە تۋرا كەلەتىن، كەيدە ءدارى الۋ ءۇشىن دە الىسقا شاپقىلايتىن. وسىندا قىزمەت ىستەگەنىنە نەشە ون جىل بولعان شيپاحانا جۇمىسشى ۇيىمىنىڭ ءتوراعاسى دۋ بيڭشۇن مىنانى تەرەڭ سەزىنگەن ەدى: قاراجات جەتىسپەيتىندىكتەن، شيپاحانادا جوعارى دالدىكتى ارناۋلى جابدىق جوق، دارىندىلار دا كەلە قويمايتىن. وقۋ بىتىرگەندەردەن ارەڭ قابىلداپ العانداردى دا تۇراقتاپ قالدىرۋ قيىن ەدى.
2019 - جىلى 9 - ايدىڭ 22 - كۇنى حىبەي مەديتسينا داشۋەسى 3 - شيپاحاناسى بيڭتۋان 2 - شىسى تەمىنگۋان قالالىق ۇكىمەتپەن توقتامداسىپ، تەمىنگۋان قالالىق حالىق شيپاحاناسىن رەسمي مىندەتتەمەلى باسقارىپ، حىبەي ولكەسىنەن 9 ەمدەۋ مامانىن ءارقايسى بولىمدەردىڭ مەڭگەرۋشىلىگى مىندەتىن ارقالاۋعا جىبەرەدى. قازىر دارىندىلاردى باعىتتامالى باۋلۋ ارقىلى ەمدەۋ قىزمەتكەرلەرىنەن 30 نەشە ادام باۋلىندى، شيپاحانانىڭ وپەراتسيا ءۇيى دە ىسكە قوسىلىپ، پايدالانۋعا بەرىلۋ الدىندا تۇر، اناعۇرلىم كوپ تۇرعىندار ءوز ءۇيىنىڭ الدىندا - اق ساپالى ەمدەۋ قىزمەت وتەۋىنەن يگىلىكتەنە الاتىن بولدى.
التاي ايماعىندا، كوكتوعاي اۋداندىق حالىق شيپاحاناسىندا دا شينجياڭعا كومەككە كەلگەن ءبىر شيپاگەردىڭ كەلۋىمەن زور وزگەرىستەر تۋىلدى. 10 جىلدىڭ الدىندا ۋ يانبين حيلۇڭجياڭنىڭ چيچيحار قالالىق جۇڭي شيپاحاناسىنان كوكتوعاي اۋداندىق حالىق شيپاحاناسىنا كەلگەن كەزدە بۇل ارانىڭ ەمدەۋ شارت - جاعدايى ءالى ءبىرشاما ناشار بولاتىن، ناۋقاستاردا ءسال كۇردەلى اۋرۋ بولسا ۇرىمجىگە جۇگىرىپ، ءبىر بارىپ - كەلۋ ءۇشىن 1000 كيلومەتردەي جول باساتىن، اقشا جۇمساۋمەن بىرگە، ۋاقىت تا زايا بولاتىن. ”قازىر كوكتوعاي اۋدانىنان سىرت، توڭىرەكتەگى اۋدان، قالالارداعى ناۋقاستار دا شيپاحانامىزعا اۋرۋ كورسەتۋگە كەلەدى“، - دەدى ۋ يانبين. ول جاۋاپتى رەنتگەن بولىمىندە قازىر كۇنىنە اۋرۋ كورسەتەتىندەردىڭ سانى ول العاش كەلگەن كەزدەگىدەن نەشە ەسە كوبەيگەن.
ۋ يانبين اۋىلعا بارىپ ارالاپ ءجۇرىپ ناۋقاس كورۋگە دە تاباندى بولدى. ءار جولى اۋىلعا بارعاندا ول ۋاقىت شىعارىپ، اۋىلدىق شيپاحانادا بىرلەسىپ دياگنوز قويىپ، اۋىل - قىستاق شيپاگەرلەرىنە ءوزىنىڭ كەسكىن ارقىلى دياگنوز قويۋ - ەمدەۋ تەحنيكاسى مەن تاجىريبەسىن ءبولىسىپ، ”كەتپەيتىن قوسىندى“ جەتىلدىردى.
ەمدەۋ قوسىنىنىڭ قابىلەتى جوعارىلاۋمەن بىرگە، شينجياڭنىڭ جەر - جەرىنىڭ ەمدەۋدى قامتاماسىز ەتۋ دەڭگەيى ۇزدىكسىز جوعارىلادى. وتكەن ءبىر جىلدا شينجياڭ اۋدان، سونداي - اق اۋداننان جوعارى شيپاحانالاردىڭ الىس ارالىقتان ەمدەۋىن تولىق قامتۋدى جۇزەگە اسىرىپ، اۋىل - قالاشىق شيپاحانالارىن، قىستاق ەمحانالارىن ولشەمدەندىرۋ سالىستىرماسى ％100كە جەتتى. نەگىزگى ەمدەۋ قامسىزداندىرۋ، سالماقتى اۋرۋلار قامسىزداندىرۋى، ەمدەۋ قۇتقارۋ - كومەگى سىندى 3 قابات قامتاماسىزداندىرۋ ءتۇزىمى ۇزدىكسىز كەمەلدەنىپ، قامسىزداندىرۋعا قاتىناسۋ سالىستىرماسى ％95تەن جوعارى دەڭگەيدى ورنىقتى ساقتادى، بۇقارانىڭ اۋرۋ كورسەتۋى قيىن بولۋ، اۋرۋ كورسەتۋى قىمبات بولۋ ماسەلەسى ءونىمدى شەشىلىپ، بۇكىل رايونداعى اۋىل - قىستاق نوپوسىنداعىلار وزدەرى تۇرعان وڭىردەگى سەلبەستىك شيپاحانالارىندا شيپاحاناعا جاتسا الدىمەن ەمدەپ، سوڭىنان اقى تولەۋ جانە ءبىر پۋنكتتىك ەسەپ جاساۋ جۇزەگە استى.
وقىتۋشىلاردى ەنگىزىپ، قۇرىلىمدى رەتتەدى، ساپالى وقۋ - اعارتۋ بايلىعى بارعان سايىن مولايا ءتۇستى
جۇڭگوشا سۋرەت كۋرجەگى، حور كۋرجەگى، وركەستر، 3D باسۋ... ءار سەيسەنبى كۇنى تۇستەن بۇرىن بيڭتۋان 2 - شىسى تەمىنگۋان قالالىق 1 - ورتا مەكتەپ تولىق ورتا 2 - جىلدىعى وقۋشىلارىنىڭ اۋەس كۋرجەگى ۋاقىتى بولاتىن.
شەت - شالعاي وڭىردەگى تۋان - الاڭ مەكتەبىنەن بۇگىنگىدەي كولەمدەنە دامۋىنا نەبارى 2 جىلدام استام ۋاقىت عانا جۇمسالدى − 2018 - جىلى حۋاشان وقۋ - اعارتۋ بىرلەستىگىنە مۇشە مەكتەپ بولعاننان كەيىن، ساپالى وقۋ - اعارتۋ بايلىعىنا سۇيەنگەن بۇل مەكتەپتىڭ قاتتى بولشەك قۇرىلعىلارى جانە وقىتۋشىلاردىڭ تولىمدىلىق دەڭگەيى تۇگەلدەي بارىنشا جوعارىلادى.
يگىلىككە كەنەلگەن جالعىز بۇل مەكتەپ عانا ەمەس. بيڭتۋان 2 - شىسى حۋاشان ورتا مەكتەبى شارت - جاعدايى ءالسىز 15 مەكتەپكە بارىنشا كومەكتەستى - سۇيەمەلدەدى. ”مۇنداي كومەكتەسۋ - سۇيەمەلدەۋ بيڭتۋاننىڭ بولاشاقتاعى وقۋ - اعارتۋىنىڭ دامۋى جونىنەن بايلىق سانالادى“، - دەدى كومەكتەسۋ - سۇيەمەلدەۋگە يە بولعان تەمىنگۋان قالالىق 1 - ورتا مەكتەپتىڭ باستىعى تاۋ شۋبيڭ.
وقۋ - اعارتۋ ارقىلى حالىققا تيىمدىلىك جەتكىزۋ ينجەنەرياسىن اتقارۋ ارقىلى اناعۇرلىم كوپ ورتا، باستاۋىش مەكتەپ وقۋشىلارى ساپالى وقۋ - اعارتۋ بايلىعىنان يگىلىكتەندى. بىلتىر شينجياڭدا مەكتەپكە دەيىنگى تاربيە بويىنشا بالاباقشاعا جالپىلاما كىرۋ سالىستىرماسى ％95.95كە، باستاۋىش جاسىنداعى بالالاردىڭ وقۋعا ءتۇسۋ سالىستىرماسى ％99.9كە جەتىپ، 9 جىلدىق مىندەتتى وقۋ - اعارتۋدى بەكەمدەۋ سالىستىرماسى ％95تەن استى.
جوعارى وقۋ - اعارتۋدىڭ دامۋى دا جۇرت نازارىن اۋداردى. 2019 - جىلى شينجياڭدا ادەتتەگى جوعارى وقۋ - اعارتۋ بويىنشا مەكتەپتە وقىپ جاتقان وقۋشى 453 مىڭ 800 ادام بولىپ، 2014 - جىلداعىدان 146 مىڭ 200 ادام ارتتى؛ ورتا دارەجەلى وقۋ - اعارتۋ بويىنشا مەكتەپتە وقىپ جاتقان وقۋشى ءبىر ميلليون 843 مىڭ 600 ادام بولىپ، 2014 - جىلداعىدان 147 مىڭ 600 ادام ارتتى. شينجياڭ جوعارى مەكتەپتەردەن وقۋ تاۋىسقان وقۋشىلارعا جۇمىستانۋدى، شارۋاشىلىق قۇرۋدى جەبەۋ جوسپارىن، نەگىزگى ساتىدا تولىسۋ جوسپارىن، ”ۇشكە كومەكتەسۋ، ءبىردى سۇيەمەلدەۋ“ جوسپارىن، جاستاردىڭ جۇمىستانۋىن باستاۋ جوسپارىن، ت.ب اتقارىپ، وقۋ تاۋىسقان وقۋشىلاردى نەگىزگى ساتىعا بارىپ جۇمىستانۋعا، كاسىپورىندارعا بارىپ جۇمىستانۋعا جانە دەربەس شارۋاشىلىق قۇرۋعا جەتەكتەدى جانە شابىتتاندىردى.
ءشول - جازيرانىڭ قويناۋىنا ورنالاسقان تارىم داشۋەسىندە مەكتەپ نازاردى ەكونوميكالىق، قوعامدىق دامۋ قاجەتىنە شوعىرلاندىرىپ، ءپان، كاسىپ قۇرىلىمىن رەتتەپ، ساپالىلاندىرىپ، شەكارا وڭىرگە تامىر تارتقان تۇلەكتەردى توپ - توبىمەن جەتىلدىردى.
بيىل 24 جاستاعى ياسىنجان تۇرسىنجان تارىم داشۋەسىنەن وقۋ تاۋىسقاننان كەيىن حوتان ايماعى كەريا اۋدانىنىڭ جينكىن مال شارۋاشىلىعى سەرىكتەستىگىنە بارىپ قىزمەت ىستەۋدى تاڭدايدى. ”وقىعان كاسىبىم اۋىل شارۋاشىلىعى ءىلىمى، قازىر زاۆودتىڭ تەحنيگىمىن. مەنى ەڭ قاجەت ەتكەن جەردە ءوز رولىمدى ساۋلەلەندىرۋدى ءۇمىت ەتەمىن“.
اقسۋ قالاسى بەستيىرمەن اۋىلىنىڭ باستىعى قايۇم احات دا ياسىنجان سياقتى نەگىزگى ساتىعا تامىر تارتۋشىلاردىڭ ءبىرى ەدى. 2002 - جىلى ول تارىم داشۋەسىنىڭ مال شارۋاشىلىعى، مال شيپاگەرلىك كاسىبىنەن وقۋ تاۋىسقاننان كەيىن نەگىزگى ساتىعا بارىپ قىزمەت ىستەيدى، ول مال شيپاگەرلىگى قىزمەتىمەن شۇعىلدانباسا دا، كەڭسەسىنە جىل بويى ءدارى ساندىعىن قويىپ قويۋشى ەدى، قىستاق تۇرعىندارى مالدارىنىڭ ىندەتىن كورسەتۋ ءۇشىن ۇنەمى ونى ىزدەپ كەلەتىن.
”توراڭعى رۋحىمەن ادام تاربيەلەپ، شينجياڭدى گۇلدەندىرىپ، شەكارانى بەكەمدەۋگە قىزمەت وتەۋ كەرەك“. تارىم داشۋەسى پارتكومىنىڭ شۋجيى جاۋ گۋاڭحۇي بىلاي دەدى: مەكتەپ قۇرىلعاننان بەرى، تارىم داشۋەسى 70 مىڭعا تارتا وقۋشى باۋلىپ اتتاندىردى، وقۋ تاۋىسقان وقۋشىلاردىڭ ％85ى شينجياڭعا تامىر تارتىپ، ىشكى ولكەلەردەن كەلىپ وقىعان وقۋشىلاردىڭ ％52ى شينجياڭدا قالىپ قىزمەت ىستەدى.
(تىلشىلەر لي يانان، چاڭ چين، ياڭ شۇي، چىڭ لۇڭ، ارداق)
(9 - ايدىڭ 23 - كۇنگى «حالىق گازەتىنە» باسىلعان)
