رايونىمىزداعى ءار ۇلت كادرلارى مەن بۇقارا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات ۇيرەنىپ، ءبىر اۋىزدان مىنالاردى ءبىلدىردى −
باس شۋجي نۇسقاعان بەتالىستى بويلاپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز
شينجياڭ گازەتىنىڭ جالپىلىق اقپارات قۇرالدارى تىلشىلەرى
9 - ايدىڭ 26 - كۇنى قاشقار ايماعى قاعىلىق اۋدانى لوق اۋىلىنىڭ كاڭكيچىك قىستاعى قىستاقتا تۇراتىن قىزمەت اترەتى مۇشەلەرىن، قىستاق ”ەكى كوميتەتىن“ جانە پارتيا مۇشەلەرىن، بۇقارانى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى تۋرالى تەلەۆيزوردا بەرىلگەن حاباردى كورۋگە ۇيىمداستىردى. سۋرەتتى ياڭ لۇڭ تۇسىرگەن
9 - ايدىڭ 26 - كۇنى شينجياڭ داشۋەسى تاريح شۋەيۋانىنىڭ، ماتەماتيكا شۋەيۋانىنىڭ، جۇڭگو ءتىل - ادەبيەت شۋەيۋانىنىڭ وقۋشىلارى جاتاقتا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى حابارىن كوردى. سۋرەتتى شيە لۇڭفەي تۇسىرگەن
9 - ايدىڭ 26 - كۇنى حوتان گازەتى مەكەمەسىنىڭ قاراقاش اۋدانى ماڭلاي اۋىلى قۇرعۇي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى مەن قىستاق كادرلارى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى حابارىن كوردى. سۋرەتتى حوۋ شينيۇي تۇسىرگەن
3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ اشىلۋى قۇددى كۇزدىڭ شۋاقتى كۇنىندەي مەيىرىم شۋاعىمەن تيانشان الابىنداعى ءار ۇلت پەرزەنتتەرىنىڭ جان دۇنيەسىن نۇرلاندىردى. ءماجىلىس حابارى تاراعاننان كەيىن، رايونىمىزداعى قالىڭ كادرلار مەن بۇقارا دەر كەزىندە ينتەرنەت، تەلەۆيزور، راديو سياقتىلاردان حابار ەستىپ، كورىپ، زور شابىت الىپ، ەرەكشە جىگەرلەندى، العىستى كوڭىل كۇي، اسەرلى سەزىمدەر كوپشىلىكتىڭ ءسوز - الپەتتەرىنەن اڭعارىلدى.
ءار ۇلت كادرلارى مەن بۇقارا باس شۋجي شي جينپيڭنىڭ تاۋداي سۇيىسپەنشىلىگىنەن تەرەڭ اسەرلەندى، پارتيا ورتالىق كوميتەتىنىڭ شينجياڭعا دەگەن ەرەكشە قامقورلىعىنان تەرەڭ اسەرلەندى. كوپشىلىك ءبىر اۋىزدان بىلاي دەپ قارادى: باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، مازمۇنى باي، ول − جاڭا داۋىردەگى شينجياڭ قىزمەتىنە جەتەكشىلىك ەتۋدىڭ تۇعىرنامالىق حۇجاتى، شينجياڭ قىزمەتىن تۋراشىلدىقتى ساقتاپ جاڭالىق اشۋعا، جەڭىسپەن العا باسۋعا جەتەكتەيتىن قۇدىرەتتى يدەيالىق قارۋ. ءبىز شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى ءسوزىنىڭ رۋحىن تەرەڭدەي ۇيرەنۋدى، جەتە ءتۇسىنۋدى ماڭىزدى ساياسي مىندەت ەتىپ، وزەكتى ويى مەن رۋحاني ءمانىن يگەرىپ، مۇنى قىزمەتتەردى ىلگەرىلەتۋدىڭ قۋاتتى قوزعاۋشى كۇشىنە اينالدىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋىمىز كەرەك.
پارتيا ورتالىق كوميتەتىنىڭ شىنايى قامقورلىعى ادام جانىن جەلپىندىرىپ، ەكپىندەي ىلگەرىلەۋگە جەبەدى
اۆتونوميالى رايوندىق پارتكوم كەڭسە مەڭگەرمەسى جالپىلىق 4 - باسقارماسىنىڭ باستىعى جۋ ماۋجوۋ بىلاي دەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ ءمانى زور. باس شۋجي شي جينپيڭنىڭ ماڭىزدى ءسوز جاريالاپ، جاڭا داۋىردەگى شينجياڭ قىزمەتىن جاقسى ىستەۋگە رول ۇستاپ باعدار بەلگىلەپ، جوبا جاساپ ورنالاستىرۋى پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرۋىن جانە شينجياڭداعى ءار ۇلت حالقىنا دەگەن ىقىلاستى قامقورلىعىن تولىق ايگىلەدى. ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اناعۇرلىم تاماشا رۋحاني بەينەمەن جانە اناعۇرلىم مىعىم قىزمەت ستيلىمەن ءتۇرلى قىزمەتتەردىڭ تياناقتانىپ تامىر تارتۋىن ىلگەرىلەتەمىز.
”6 جىلدىڭ الدىندا، باس شۋجي وتباسىمىزعا كەلگەن ەدى. قازىر مەن باس شۋجيگە تۇرمىسىمىز بارعان سايىن جاقساردى دەپ ايتقىم كەلەدى“، - دەدى كونەءشار اۋدانى توققۇزاق قالاشىعى اياققىمانگەن قىستاعىنىڭ تۇرعىنى ابدۇكەرىم روزى − ”باس شۋجيدىڭ ماڭىزدى ءسوزى سەنىمىمىزدى اناعۇرلىم نىعايتتى! ءبىز ماڭگى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ءبىر نيەتتە بولا وتىرىپ كۇش بىرىكتىرسەك نىسانانى جۇزەگە اسىرا الامىز“.
اۆتونوميالى رايوندىق حالىق قۇرىلتايى تۇراقتى كوميتەتى وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ قىزمەت كوميتەتىنىڭ مەڭگەرۋشىسى تيان لەيجىن ۇيرەنۋدە قۋاتتى ەل تۇعىرى جانە انار بۇلت كليەنتى ارقىلى باس شۋجي شي جينپيڭنىڭ ماڭىزدى ءسوزىن قايتا - قايتا ۇيرەندى. ول بىلاي دەدى: باس شۋجيدىڭ ماڭىزدى ءسوزى تۇتاس شينجياڭداعى ءار ۇلت كادرلارى مەن بۇقاراسىنا اسا زور شابىت بەردى ءارى ءبىزدىڭ ءتۇرلى قىزمەتتەردى ونان ارى ىلگەرىلەتۋىمىزدىڭ پارمەندى جەبەۋشىسى بولدى. ءبىز باستان - اياق اسقاق رۋحاني كۇيدى ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، قىزمەت ورنىمىزدان تاپجىلماي ۇلەس قوسىپ، زاڭ شىعارۋ، باقىلاۋ، ۋاكىلدەر قىزمەتى بارىسىندا فۋنكتسيالىق رولدى ساۋلەلەندىرۋگە قۇلشىنىپ، پارتيا ورتالىق كوميتەتىنىڭ شينجياڭعا دەگەن قامقورلىعىن، كوڭىل ءبولۋىن شينجياڭنىڭ ورنىقتىلىعىن، دامۋىن ىلگەرىلەتۋدەگى ناقتى ونىمدىلىككە اينالدىرامىز.
قاشقار ايماقتىق ايەلدەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، ءتوراعاسى ماينۇر يۇنۇس مىنالاردى ءبىلدىردى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، قالىڭ ايەلدەر قاۋىمىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاستىرىپ، باس شۋجي نۇسقاعان نىساناعا قاراي ەرلىكپەن العا تارتامىز.
شينجياڭ جازۋشىلار قوعامىنىڭ ورىنباسار ءتوراعاسى ەركەش قۇرمانبەك بىلاي دەدى: باس شۋجي شينجياڭدى مادەنيەتپەن نارلەندىرۋ تالابىن ايقىن ورتاعا قويدى، مادەنيەت قىزمەتكەرى رەتىندە، مەن باستان - اياق جۇڭحۋا ۇلتى ورتاق تۇلعا تانىمىن مىقتاپ ورناتۋدى ارقاۋ ەتە وتىرىپ كوركەمونەر جاسامپازدىعىن ورىستەتىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى ءبىر تۇلعالى ارناسىن زەرتتەۋدى كۇشەيتىپ، جۇڭحۋانىڭ تاڭداۋلى ءداستۇرلى مادەنيەتى ارقىلى شينجياڭنىڭ ىرىستى توپىراعىنا ءنار بەرەمىن.
اۆتونوميالى رايوندىق حالىق ۇكىمەتى كەڭسەسىنىڭ جاڭاءشار اۋدانى ارال اۋىلىنىڭ حانشا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي يلھام احات بىلاي دەدى: باس شۋجيدىڭ ماڭىزدى ءسوزى ادام جانىن جەلپىندىرىپ، ەكپىندەي العا باسۋعا جەبەيدى. جۋىقتاعى جىلداردان بەرى، پارتيا ورتالىق كوميتەتىنىڭ وڭتۇستىك شينجياڭدى كەدەيلىكتەن ارىلتۋدان قامال الۋدى، حالىق تۇرمىسىن جاقسارتۋدى قولداۋ تەبىنى بۇرىن بولماعان دەڭگەيگە جەتتى. ءبىز باس شۋجيدىڭ تالابى بويىنشا، قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمى مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن جالپى بەتتىك ارىلتۋدى اۋىل - قىستاقتى گۇلدەندىرۋمەن ورگانيكالى ۇشتاستىرۋدى ۇزدىكسىز ىلگەرىلەتىپ، ءار ۇلت بۇقاراسىن اناعۇرلىم باقىتتى تۇرمىس كەشىرۋگە باستايمىز.
شينجياڭ لانشانتۇنحى پولي ەفير شەكتى سەرىكتەستىگىنىڭ ورىنباسار باس ديرەكتورى گو جىچىڭ مىنالاردى ءبىلدىردى: جاڭا دامۋ ۇستانىمىنا ۇزدىكسىز تاباندى بولىپ، جاسىل ءونىم، جاسىل زاۆود، جاسىل توپتاۋمەن تولىق قامتۋدى جۇزەگە اسىرۋدى ىلگەرىلەتىپ، سەرىكتەستىكتى ەل ىشىندەگى حيميا ونەركاسىبى جاڭا ماتەريالدارى بويىنشا وزىق كاسىپورىن ەتىپ قۇرىپ شىعىپ، كاسىپ سالاسىنىڭ تيبىن وزگەرتىپ دارەجەسىن جوعارىلاتۋدى ىلگەرىلەتەمىز.
”باس شۋجيدىڭ ماڭىزدى ءسوزى ءبىزدىڭ جوعارى مەكتەپ وقۋ - اعارتۋ قىزمەتىن اناعۇرلىم جاقسى ىستەۋىمىزگە باعىت كورسەتىپ، قۋاتتى قوزعاۋشى كۇش ۇستەدى“. شينجياڭ اۋىل شارۋاشىلىعى داشۋەسى پارتكومىنىڭ شۋجيى شيە شۋچيڭ مىنالاردى ءبىلدىردى: پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ بەتالىسىن اناعۇرلىم كۇشەيتىپ، توراڭعى رۋحىن بەلسەندى تۇردە امالياتتا ايگىلەپ، جاڭا داۋىردە شەكارا وڭىرگە تامىر تارتاتىن، شەكارا وڭىرگە ۇلەس قوساتىن اناعۇرلىم كوپ سوتسياليزم قۇرىلىسشىلارىن جانە ءىزباسارلارىن تاربيەلەۋگە قۇلشىنامىز.
قارۋلى ساقشى شينجياڭ باس اترەتى بەلگىلى ەرەكشە شايقاس تارماق اترەتىنىڭ باستىعى ۋاڭ گاڭ مىنالاردى ءبىلدىردى: شينجياڭ قىزمەتىنىڭ باس نىساناسىن مىقتاپ يگەرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ الدىڭعى شەبىن ۇزدىكسىز ويداعىداي قورعاپ، شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋعا كۇش - قۋاتىمدى قوسامىن.
يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرەمىز
اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى دۋان لياڭ بىلاي دەدى: باس شۋجي شي جينپيڭنىڭ ماڭىزدى ءسوزى 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭ قىزمەتىندە قول جەتكەن ماڭىزدى جەتىستىكتەردى جالپى بەتتىك قورىتىندىلاپ، كەزەكتەگى شينجياڭ قىزمەتىندە ءدوپ كەلگەن جاعدايعا تەرەڭ تالداۋ جاساپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بايىمداپ، كەزەكتەگى جانە بۇدان كەيىنگى ءبىر مەزگىلدەگى شينجياڭ قىزمەتىنىڭ جەتەكشى يدەياسىن، نىسانا - مىندەتتەرىن، باعىت - ساياساتتارىن، ستراتەگيالىق شارالارىن ايقىنداپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتەتىن ءتۇيىندى قىزمەتتەر جونىندە جالپى بەتتىك ورنالاستىرۋ جاسادى، ول اسا كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، جاڭا داۋىردەگى شينجياڭ قىزمەتىنە جەتەكشىلىك ەتۋدىڭ تۇعىرنامالىق حۇجاتى.
بەيجيڭدە ماجىلىسكە قاتىناسقان اۆتونوميالى رايوندىق ساياسي كەڭەستىڭ ورىنباسار ءتوراعاسى، اقسۋ ايماقتىق پارتكومنىڭ شۋجيى دوۋ ۋانگۇي ايرىقشا جىگەرلەندى. ”اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن، وعان، ءسوز جوق، ۇزاق ۋاقىت تاباندى بولۋ كەرەكتىگىن دالەلدەدى. ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى ساياسي مىندەت ەتىپ، تولىق، دالمە - ءدال دايەكتىلەندىرۋ جاعىنا كۇش سالىپ، شينجياڭ قىزمەتىنىڭ دۇرىس ساياسي بەتالىستى باستان - اياق ساقتاۋىنا شىنايى كەپىلدىك ەتۋىمىز كەرەك“، - دەدى ول.
اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى شۇي بين مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى جۇرەگىمىزدى جىلىتىپ، ءبىزدى ەرەكشە جىگەرلەندىردى. باس شۋجي مەن پارتيا ورتالىق كوميتەتىنىڭ قامقورلىعىن جاڭا داۋىردەگى شينجياڭ قىزمەتىن جاقسى ىستەۋدىڭ قۋاتتى قوزعاۋشى كۇشىنە اينالدىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءىس جۇزىندىك قىزمەت ونىمدىلىگىنە اينالدىرىپ، جاۋاپكەرشىلىك ارقالاۋعا باتىل بولىپ، ىسكەرلىك كورسەتۋ بارىسىندا ۇدەرە العا تارتامىز.
”3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ نىساناسى ايقىن، وي جەلىسى انىق، شاراسى پارمەندى، ول پارتيا ورتالىق كوميتەتىنىڭ شينجياڭ قىزمەتىنە وسكەلەڭ ءمان بەرۋىن تولىق ايگىلەپ، ءار ۇلت كادرلارى مەن بۇقاراسىنىڭ ەرلىكپەن ۇدەرە العا تارتىپ، قاجىماي - تالماي كۇرەسۋ سەنىمى مەن بەكىمىن اناعۇرلىم نىعايتتى“. ءۇرىمجى قالاسى سايباق رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ما چۇن مىنانى ءبىلدىردى: شينجياڭ حيكايالارىن كوپ ساتىلى، جان - جاقتى، ستەرەولدى تۇردە ويداعىداي بايانداپ، شينجياڭنىڭ قوعام ورنىقتىلىعىنىڭ اسا تاماشا جاعدايىن، حالىقتىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن ايبىندى ەكپىنمەن ۇگىتتەيمىز.
شينجياڭ ءوندىرىس - قۇرىلىس بيڭتۋانى 9 - شى پارتكومىنىڭ ورىنباسار شۋجيى، ورىنباسار جىڭۋيى شيە يىڭجوۋ مىنالاردى ءبىلدىردى: ءبىز ورنىقتىلىقتى قورعاپ، شەكارانى قورعاۋ بورىش - مىندەتىمىزدى ۇزدىكسىز جاقسى اتقارىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ، رەفورمانى تەرەڭدەتۋ، مادەنيەت قۇرىلىسى، حالىق تۇرمىسىن جاقسارتۋ سياقتى جاقتاردا ۇزدىكسىز كۇش شىعارىپ، ۇيىمدىق ابزالدىلىق پەن اتتانىسقا كەلۋ قابىلەتىن ۇزدىكسىز كۇشەيتىپ، ەرەكشە رولىمىزدى اناعۇرلىم جاقسى ساۋلەلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش - قۋاتىمىزدى قوسامىز.
شينجياڭ ءتۇستى مەتال توبى پارتكومىنىڭ شۋجيى، القا باستىعى جاڭ گوحۋا بىلاي دەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى جاڭا داۋىردەگى جۇڭگوشا سوتسياليستىك شينجياڭ قۇرۋدىڭ العا باسۋ دابىلىن قاقتى. شينجياڭ ءتۇستى مەتال توبى كەن ونىمدەرى بايلىعىن اشۋ نەگىزگى كاسىبىن تياناق ەتىپ، ەل ىشىندە ماڭداي الدى كەن كاسىبى توبىن قۇرىپ شىعۋعا قۇلشىنىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە كۇش - قۋات قوسادى.
9 - ايدىڭ 26 - كۇنى كەشتە مەملەكەتتىك حالىق قۇرىلتايى ۋاكىلى، قۇلجا اۋدانى جاڭاتام قالاشىعى تومەنگى ون قىستاعى پارتيا ياچەيكاسىنىڭ شۋجيى مۇساجان نۇردۇن قىستاق كادرلارىمەن بىرگە «مەملەكەتتىك - حالىقارالىق حابارلاردى» كوردى. ول اسەرلەنە بىلاي دەدى: جاقىنعى جىلداردان بەرى، شينجياڭنىڭ ەكونوميكاسىنىڭ، قوعامىنىڭ دامۋى جانە حالىق تۇرمىسىنىڭ جاقسارۋى بۇرىن بولماعان ناتيجەگە قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى شينجياڭنىڭ كورىكتى بولاشاعى ءۇشىن ايبىندى جوبا سىزىپ بەردى، الداعى جەردە مەن كادرلار مەن بۇقارانى ىنتىماقتاسا ءبىر نيەتپەن قايراتتانا ىستەپ، شينجياڭدى اناعۇرلىم تاماشا ەتىپ قۇرىپ شىعۋعا باستايمىن.
العىس ايتۋ سەزىمىن ەرلىكپەن كۇرەس جۇرگىزۋدىڭ قۋاتتى كۇشىنە اينالدىرامىز
اۆتونوميالى رايوندىق ساياسي كەڭەس كەڭسەسى باس كەزەكشىلىك كەڭسەسىنىڭ مەڭگەرۋشىسى تاڭ جىرۇڭ مىنالاردى ءبىلدىردى: ءماجىلىستىڭ اشىلۋى ادامدى تاسقىنداعان سەنىمگە كەنەلتتى ءارى ارقالاعان جاۋاپكەرشىلىگىمىزدىڭ توتەنشە اۋىر ەكەنىن سەزىندىردى! قىزمەتتىڭ ءىس جۇزىندىگىمەن بىرلەستىرە وتىرىپ، پارتيا ورتالىق كوميتەتىنىڭ قامقورلىعىن العا باسۋىمىزدىڭ قوزعاۋشى كۇشىنە اينالدىرىپ، رەفورما جاساۋ ويىمەن، جاڭالىق اشۋ ۇستانىمىمەن، ناقتى ءىس - شارالارمەن قىزمەت جاۋاپكەرشىلىگىن وتەۋ قابىلەتى قۇرىلىسىن ىلگەرىلەتىپ، شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ قاتىناسۋشىسى، امالياتتا ايگىلەۋشىسى بولىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋعا اقىل - پاراساتىمىز بەن كۇش - قۋاتىمىزدى قوسامىز.
حۋنان ولكەسىنىڭ 9 - توپتا شينجياڭعا كومەكتەسۋ قىزمەت اترەتىنىڭ باس جەتەكشىسى، تۇرپان قالالىق پارتكومنىڭ ورىنباسار شۋجيى ليۋ جۇڭجيە بىلاي دەدى: شينجياڭعا كومەكتەسۋدىڭ مىندەت - بورىشىن، ءسوزسىز، مىقتاپ ارقالاپ، قىزمەت نىسانا - مىندەتىن مىقتاپ يگەرىپ، جوعارى ساپا، جوعارى ولشەم تالابىن قاي - قاشان دا كوڭىلىمىزدە بەرىك ساقتاپ، باتىلدىقپەن تولىمدى جاۋاپ قايتارامىز.
اقتاۋ اۋدانى مەملەكەت بويىنشا كەدەيلەردى سۇيەمەلدەۋ، اشۋ قىزمەتىندەگى ءتۇيىندى اۋدان، ”3 رايون، 3 وبلىستاعى“ اۋىر كەدەي اۋدان، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن، پارتيا مەن مەملەكەتتىڭ ابزال ساياساتى وسىناۋ ءۇستىرتتى تاۋلى ءوڭىردى، قۇبا ءشول، جاسىل القاپتى كوكتەم سامالىنداي شۋاققا بولەدى، ءبىر - بىرلەگەن كەدەي قىستاق، ءبىر - بىرلەگەن كەدەي وتباسىلارى كەدەيلىكتەن ارىلدى. اقتاۋ اۋداندىق ساياسي كەڭەستىڭ ورىنباسار ءتوراعاسى، كەدەيلەردى سۇيەمەلدەۋ كەڭسەسىنىڭ مەڭگەرۋشىسى ۋاڭ چيڭيۇڭ بىلاي دەدى: ءبىز ءماجىلىستىڭ رۋحىن جەتە ۇيرەنىپ، دايەكتىلەندىرىپ، العىس ايتۋ سەزىمىمىزدى بۇقارانى باستاپ كەدەيلىكتەن ارىلىپ، اۋقاتتانۋ جولىنا ءتۇسىپ، دوڭگەلەك داۋلەتكە ۇمتىلۋدىڭ قوزعاۋشى كۇشىنە اينالدىرىپ، تىڭعىلىقتى دا قاجىرلىلىقپەن ىستەپ، تولىق جەڭىسكە جەتپەيىنشە استە شەپتەن شەگىنبەيمىز.
اۆتونوميالى رايوندىق ەكولوگيالىق ورتا مەڭگەرمەسى پارتيا باسشىلىق گرۋپپاسىنىڭ مۇشەسى، مەڭگەرمەنىڭ ورىنباسار باستىعى سۇن ۋاڭشىڭ اسەرلى كوڭىل كۇيمەن حاباردى كوردى. ول بىلاي دەدى: ءبىز باس شۋجيدىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، جاسىل تاۋ، تۇنىق سۋ − باعالى بايلىق ۇستانىمىن مىقتاپ ورناتىپ، ەكولوگيالىق ورتانى قورعاۋدىڭ ساياسي جاۋاپكەرشىلىگىن باتىلدىقپەن ارقالاپ، كورىكتى شينجياڭنىڭ اسپانىنىڭ ءتىپتى دە اشىق، تاۋىنىڭ ءتىپتى دە جاسىل، سۋىنىڭ ءتىپتى دە تۇنىق بولۋىنا مۇمكىندىك جاساۋعا قۇلشىنامىز.
جۇڭگو ءىسلام ءدىنى قوعامىنىڭ ورىنباسار باستىعى، شينجياڭ ءىسلام ءدىنى شۋەيۋانىنىڭ باستىعى ابدۇرىقىپ تومۇرنياز بىلاي دەدى: ءبىز وتانشىل ءدىني قايراتكەلەردىڭ بەلسەندى رولىن تولىق ساۋلەلەندىرىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىن قاعيدا - جوسىندارى جونىندە وسى زامانعى جۇڭگونىڭ دامۋ، العا باسۋ تالابىنا ۇيلەسەتىن، جۇڭحۋانىڭ تاڭداۋلى ءداستۇرلى مادەنيەتىنە ۇيلەسەتىن بايىمداۋ جانە تۇسىنىك جاساپ، ءدىننىڭ اقاۋسىز دامۋىن جۇزەگە اسىرامىز.
”جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا ىرىقتىلىقپەن تۋرالانىپ، جالپى بەتتىك كەدەيلىكتەن ارىلتۋدى اۋىل - قىستاقتى گۇلدەندىرۋمەن ورگانيكالى ۇشتاستىرۋدى ۇزدىكسىز ىلگەرىلەتۋ ءۇشىن تىنباي قۇلشىنىس جاسايمىز“. اۆتونوميالى رايوندىق پارتكوم اۋىل - قىستاق قىزمەتى كەڭسەسىنىڭ مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ بىلاي دەدى: اۋىل شارۋاشىلىعىنىڭ، اۋىل - قىستاقتىڭ، شارۋالاردىڭ تۇتاس رايوننىڭ ەكونوميكالىق، قوعامدىق دامۋىنداعى ”ورنىقتىرعىش“ رولىن تولىق ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە بەلسەندى ۇلەس قوسامىز.
”جۇمىستاندىرۋدى جەبەۋدى، ءسوز جوق، باستان - اياق مىقتى ۇستاۋ كەرەك“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستاندىرۋدى جەبەۋ باسقارماسىنىڭ ورىنباسار باستىعى ما جاۋفىڭ بىلاي دەدى: جاقىن ماڭنان، سول جەردىڭ وزىنەن جۇمىستانۋ مەن ءتارتىپتى سىرتقا شىعارىپ جۇمىستاندىرۋدى ورگانيكالى بىرلەستىرۋگە تاباندى بولىپ، جۇمىستاندىرۋدى الۋان ءتۇرلى شارالارمەن جەبەپ، ءار ۇلت ەڭبەكشىلەرىنىڭ قاجىرلى ەڭبەگى ارقىلى ءتىپتى دە باقىتتى، كوركەم تۇرمىستى جاراتۋىنا مۇمكىندىك جاسايمىز.
”3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ اشىلۋى ءبىزدىڭ اربىرىمىزگە تاسقىنداعان كۇش ءبىتىرىپ، بولاشاققا دەگەن ءۇمىتىمىزدى قاۋلاتتى. مەن، ءسوز جوق، باس شۋجي شي جينپيڭنىڭ ماڭىزدى ءسوزىنىڭ رۋحىن اۋىلىمنىڭ ءاربىر قىستاعىنا، ءاربىر اۋلاسىنا دەيىن جەتكىزىپ، ادامدى تەبىرەنتەرلىك حاباردى ءار ۇلت بۇقاراسىنا جەتكىزەمىن“، - دەدى مەملەكەتتىك حالىق قۇرىلتايىنىڭ ۋاكىلى، قۇربان تۇلىم ەسكەرتكىش سارايىنىڭ تۇسىندىرمەشىسى رۋحيام ءماتسايدى.
قابا اۋدانى اقشي قالاشىعى مينجۋ جۇڭلۋ الەۋمەتتىك اۋماعىنىڭ كادرى ءمادينا مۇقان مىنالاردى ءبىلدىردى: ءماجىلىس رۋحىن ويداعىداي ۇگىتتەپ، ءمالى، الەۋمەتتىك اۋماق قىزمەتىن ناقتى، ەگجەي - تەگجەيلى ىستەپ، پارتيانىڭ قامقورلىعىن، كوڭىل بولگەندىگىن بۇقاراعا جەتكىزىپ، مەكەنىمىزدى ءتىپتى دە كوركەم ەتىپ قۇرىپ شىعامىز.
قاشقار ەكونوميكالىق اشۋ رايونى پارتيا قىزمەت كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى ياڭ دۇڭشىڭ مىنالاردى ءبىلدىردى: باس شۋجي شي جينپيڭنىڭ تالابى بويىنشا، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدى قوزعاۋشى ەتىپ، قاشقار كەشەندى باجىسىز اۋماعىنىڭ باجىسىز مانەرلەۋ، باجىسىز زات اينالىمى، باجىسىز قىزمەت وتەۋ، وتكەلدەن وتكىزۋ سياقتى وزەكتى فۋنكتسيالارىن جاپپاي جوعارىلاتىپ، توڭىرەكتەگى مەملەكەتتەردى بەتكە العان زات اينالىمىن ءبولىپ جونەلتۋگە، وڭدەپ جاساۋعا، ساتۋعا قىزمەت وتەۋ ورتالىعىن قالىپتاستىرىپ، اشۋ رايونىنىڭ جاڭالىق اشۋ قۋاتى مەن باسەكەلىك قۋاتىن كۇشەيتەمىز.
(ءتىلشى لي ياڭ، قاتىناسقان تىلشىلەر لي شيڭ، جاڭ يۇنمەي، ليۋ ي، فان حۇڭ - ي، جاڭ جىلي، سۋ لۋپيڭ، جاڭ شياۋيان، جازيرا نەسىپبەك، جاۋ جىيۇن، شى شين، لياڭ ليحۋا، ۋاڭ يۇڭفەي، جيا چۇنشيا، جاۋ شييا، جاڭ رۇيلين، حان چين - يان، ميھىرگۇل عۇپۇر، لي چۇنشيا، جىڭ جو، چىن چياڭۋي، ەرىكتى تىلشىلەر ۋي زىيۇن، ۋاڭ گويىن، يۇي ايشيان)
