تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

ارباعا جەگىلگەن ەسەكتەر اۋقاتتانۋدىڭ جاڭا كاسىپ سالاسىن جارىققا شىعاردى

شينجياڭ گازەتىنىڭ جالپىلىق اقپارات قۇرالدارى تىلشىلەرى ليۋ - ي، جىڭ جو، زوۋ - ي، جۇڭ جاۋفىڭ

  بۇرىندارى ەسەك − گۇما اۋدانىنداعى شارۋالار ەڭ تانىس ءۇي حايۋانى بولاتىن، نەگىزىنەن اربا سۇيرەۋگە پايدالانىلاتىن. بۇگىنگى كۇندە ەلەكترسيكل سياقتى قاتىناس قۇرالدارى ەسەك اربانىڭ ورنىن باستى، ايتسەدە، ”جۇمىسسىز قالعان“ ەسەكتەر ءتىپتى دە زور رولدارىن ساۋلەلەندىردى − گۇما اۋدانىنداعى كەدەي بۇقارانىڭ كەدەيلىكتەن ارىلىپ، كىرىستەرىن ارتتىرۋىنداعى جاڭا كاسىپ سالاسىنا اينالدى.

  9 - ايدىڭ 25 - كۇنى گۇما اۋدانىنىڭ مۇكويلا اۋىلى مەن جياشين قىستاعى ولشەمدەنگەن ەسەك باعىمشىلىعى ورتالىعىندا ەسەكتەر قورا ىشىندە اينالىپ ءجۇر، سالامات تۇرىپ قورا - قالتقىنى تازالاۋمەن قاربالاس، باقتاشىلىق قىزمەتى گۇما اۋدانى كىلى ياڭ اۋىلى يۇلعۇنجاي قىستاعىنان كەلگەن وسى ايەلگە ايىنا 3000 يۋانعا جۋىق كىرىس سيلاۋمەن بىرگە، ونىڭ كەدەيلىكتەن تۇبەگەيلى ارىلۋىنا دا سەپتىگى ءتيدى.

  ”قازىر مەنىڭ ايلىق كىرىسىم بۇرىنعى كەزدە وتباسىمىزداعى 3 ادامنىڭ تاباتىن اقشاسىنان الدە - قايدا كوپ“، - دەدى سالامات قۋانىشتى تۇردە.

  سالاماتتىڭ دەن قويا ەسەك باعۋىنىڭ استارىندا تەز قارقىنمەن جەتىلىپ كەلە جاتقان كاسىپ سالاسى جاتىر.

  سوڭعى جىلدارى گۇما اۋدانى باستاماشى كاسىپورىنداردىڭ جەتەكشىلىك ەتۋىنە سۇيەنىپ، شوعىرلى باعۋ، ءبىر تۇتاس باسقارۋ، پايدا ءبولىسۋ تيجارات ۇلگىسىن قولدانىپ، ەسەك كاسىپ سالاسى تىزبەگىن ۇزارتتى، اسىرەسە، ەسەك ءسۇتى ۇستەمە قۇنى جوعارى مال شارۋاشىلىق ونىمىنە اينالدى.

  ”ساۋىن كەزىندە ەسەكتەن كۇنىنە شامامەن 2 كيلوگرام ءسۇت شىعادى، ونىڭ قۇنى 60 يۋان“. گۇما اۋدانى اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى يۋان جين بىلاي دەپ تانىستىردى: شارۋا وتباسىلارى وزدەرى ەسەك باعىپ، ءسۇتىن ساتۋىنا، سونداي - اق ەسەكتى كاسىپورىندارعا اماناتتاپ باقتىرۋعا دا بولادى، اماناتتاپ باعۋعا بەرىلگەن ەسەكتىڭ ءار باسىنان جىلىنا 5000 − 6000 يۋان پايدا ءبولىسى تۇسەدى.

  ەسەك كاسىپ سالاسىنىڭ كەدەيلىكتەن ارىلۋعا جەتەكشىلىك ەتۋدەگى زور قۋاتى كاسىپ سالاسى تىزبەگىنىڭ كۇن سايىن كەمەلدەنۋىنىڭ ارقاسىندا كەلگەن. جەرگىلىكتى باستاماشى كاسىپورىنداردىڭ باستاۋىندا ەسەك ءسۇتى پاراشوگى، ەسەك ەتىنىڭ تالعامالى ازىق - تۇلىگى سياقتى جىنتىكتەي، ىشكەرىلەي مانەرلەنگەن ونىمدەر، سونداي - اق ساپ جاڭا ەسەك ءسۇتى شينجياڭنىڭ ءىشى - سىرتىنداعى بازارلارعا ساتىلىپ، ءونىمنىڭ ۇستەمە قۇنى مەن تانىمالدىلىعىن جوعارىلاتتى.

  ”ءبىر قۇمىرا 300 گرامدىق ەسەك ءسۇتى پاراشوگىنىڭ بازارداعى باعاسى 1200 يۋاننان استام“، يۋان جين بىلاي دەدى: ءبىرشاما جوعارى قورەكتىك قۇنى مەن ءونىم تاپشىلىعىنا سۇيەنىپ، ەسەك ءسۇتى سياقتى قاتىستى مانەرلەنگەن ونىمدەر اسا تاماشا ونىمدىلىكتى جۇزەگە اسىردى.

  كاسىپورىندار ءونىم قۇنىن جوعارىلاتۋ ءورىسىن اشۋعا تالپىنعان ساتتە، گۇما اۋدانى دا ەسەك كاسىپ سالاسىنىڭ وسىزاماندانعان مال شارۋاشىلىعىنا قاراي تيبىن جاڭالاپ، دارەجەسىن ءوسىرۋى جولىندا ءتۇرلى قۇلشىنىستار جاسادى. تاياۋ جىلداردان بەرى، تۇتاس اۋدان باستاماشى كاسىپورىنداردى ەنگىزۋدەن، جەتىلدىرۋدەن سىرت، تاعى ىلگەرىندى - كەيىندى 55 مىڭ شارشى مەترلىك قورا - قالتقىنى جاڭالاپ، ءبىر توپ قىستاق دارەجەلى ۇرىقتاندىرۋ پۋنكتىن جاڭادان سالىپ، كەڭەيتىپ سالىپ، اۋىل شارۋاشىلىعىنىڭ ەگىمشىلىك قۇرىلىمىن ساپالىلاندىرىپ، جەم - ءشوپ ەگىمشىلىگى كولەمىن كەڭەيتىپ، ءجەم - شوپپەن قامداۋداعى قيىن ماسەلەلەردى ءونىمدى شەشىپ، كاسىپ سالاسىنىڭ دامۋ نەگىزىن بەكەمدەدى.

  تاماشا ونىمدىلىك پەن كەمەلدى كاسىپ ۇلگىسى گۇما اۋدانىنداعى شارۋالاردىڭ، اسىرەسە، كەدەي وتباسىلارىنىڭ ەسەك باعۋ بەلسەندىلىگىن زور دارەجەدە قوزعادى، قازىر گۇما اۋدانىندا قورادا باعىلعان ەسەك سانى 42 مىڭعا جەتىپ، 3 جىلدىڭ الدىنداعىمەن سالىستىرعاندا ءبىر قاتتالدى. تۇتاس اۋداندا 18 مىڭ كەدەي وتباسى ەسەك باعىمشىلىعىنا ات سالىسىپ، باققان سانى قورادا باعىلعان ەسەك سانىنىڭ تەڭ جارىمىنان استى، ەسەك كاسىپ سالاسى جەرگىلىكتى ورىنداعى كەدەي بۇقارانىڭ كەدەيلىكتەن ارىلىپ، كىرىستەرىن ارتتىرۋىنداعى نەگىزگى كاسىپ سالاسىنىڭ بىرىنە اينالدى. قىستاق تۇرعىندارىنا ەڭ تانىس ءۇي حايۋاناتى قايتادان قولعا ورالىپ، تاماشا بۇرىلىس جاساۋدى ورىنداپ، كومەسكى كۇشى زور، ونىمدىلىگى تاماشا تىرەكتى كاسىپ سالاسىنا اينالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى