【بەتاشار】
”13 - بەسجىلدىق“ مەزگىل جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن كەزەڭ. 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، ەكونوميكالىق، قوعامدىق دامۋدى ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان ناتيجەگە قول جەتكىزىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. بۇگىننەن باستاپ گازەتىمىز ”شينجياڭنىڭ −’13 - بەسجىلدىعىن‘ سيفرمەن كەسكىندەيىك“ اتىندا ارناۋلى ستون اشىپ، ”13 - بەسجىلدىق“ مەزگىلىندە شينجياڭنىڭ ەكونوميكالىق، قوعامدىق سالالارىنداعى رەفورما جاساۋدا، دامۋدا قول جەتكىزگەن شۇعىلالى ناتيجەلەرىنە قايىرىلا قارايدى جانە سالالايدى، نازارلارىڭىز بىزدە بولعاي.
شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 9 - ايدىڭ 27 - كۇنى ۇرىمجىدەن حابارلايدى. وڭىرلىك ءوندىرىس جالپى ءونىم قۇنى تريلليون يۋاندىق وتكەلدەن ءوتتى، ءۇش ءىرى قامال الۋ شايقاسىنىڭ ناتيجەسى كورنەكتى بولدى، ەرەكشە باسىمدىققا يە كاسىپ سالاسى دامىپ زورايدى، رەفورمانى جالپى بەتتىك تەرەڭدەتۋ ەلەۋلى ناتيجەلەرگە قول جەتكىزدى، جىبەك جولى ەكونوميكالىق بەلدەۋى وزەكتى رايون قۇرىلىسى ورنىقتى قاداممەن ۇدەرە تارتتى... ”13 - بەسجىلدىق“ مەزگىلىندە شينجياڭ ەكونوميكاسى جاڭا ساتىعا كوتەرىلدى.
”13 - بەسجىلدىق“ مەزگىلىندە شينجياڭ باستان - اياق جاڭا دامۋ ۇستانىمىن دامۋ جالپى جاعدايىنا جەتەكشىلىك ەتەتىن قۇن بەتالىسى جانە يدەيالىق جان ارقاۋى ەتىپ، دامۋداعى قيىن ماسەلەلەردى ىلگەرىلەي وتىرىپ شەشىپ، دامۋ ابزالدىلىعىن ىلگەرىلەي وتىرىپ نىعايتا ءتۇستى.
اۆتونوميالى رايوندىق پارتكوم بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، باس نىسانانى بەرىك ورناتىپ، ورنىقتىلىق پەن دامۋ سىندى ەكى شەشۋشى ءتۇيىندى مىقتاپ يگەرىپ، كۇردەلى قىزمەتتەردى جاقسى ىستەۋ ونەرىن ۇزدىكسىز ارتتىرىپ، حاۋىپ - قاتەر، سىن - سىناقتاردى باعىندىرۋ قابىلەتىن جوعارىلاتىپ، ورنىقتىلىق ارقىلى پايدا جەتكىزىپ، دامۋ ارقىلى جۇرت تىلەگىن ۇيىستىرىپ، ەكونوميكانىڭ جوعارى ساپالى دامۋىن ۇزدىكسىز ىلگەرىلەتتى. ”13 - بەسجىلدىقتىڭ“ الدىڭعى 4 جىلىندا شينجياڭنىڭ وڭىرلىك ءوندىرىس جالپى ءونىم قۇنى جىلىنا ورتا ەسەپپەن ％6.8 ارتتى. 2017 - جىلى تۇڭعىش رەت تريلليون يۋاننان اسىپ، ءبىر تريلليون 115 ميلليارد 987 ميلليون يۋانعا، 2019 - جىلى ءبىر تريلليون 359 ميلليارد 710 ميلليون يۋانعا جەتتى.
ەكونوميكالىق قۇرىلىم ۇزدىكسىز ساپالىلاندى. شينجياڭنىڭ 3 كاسىپ قۇرىلىمى ”12 - بەسجىلدىقتىڭ“سوڭىنداعى (2015 - جىل) 45.6: 39.1: 15.3دان 2019 - جىلى 51.6: 35.3: 13.1عا رەتتەلىپ، قامداۋ جاعىنداعى قۇرىلىمدىق رەفورمانى نەگىزگى ارقاۋ ەتكەن دامۋ جۇلگەسى كۇن سايىن ايقىندالىپ، ەكونوميكا دامۋىنىڭ قوزعاۋشى كۇش قۇرىلىمى، كاسىپ قۇرىلىمى، فاكتور قۇرىلىمى، ارتۋ ءتاسىلى بۇرىن بولماعان ساپالىلانعان قايتا قۇرىلىمداۋدى باستان كەشىرۋدە. اسىرەسە، 3 كاسىپتىڭ دامۋ جاعدايى اناعۇرلىم ايقىندالا ءتۇستى: 1 - كاسىپتە ورەنى جوعارىلاتۋعا، استىقتى ورنىقتىرۋعا، ماقتانى ساپالىلاندىرۋعا، مال شارۋاشىلىعىن جەبەۋگە، جەمىس - جيدەك شارۋاشىلىعىن كۇشەيتۋگە، ەرەكشە ونىمدەردى گۇلدەندىرۋگە تاباندى بولىپ، وسى زامانعى اۋىل شارۋاشىلىعى كاسىپ سالاسى جۇيەسىن، ءوندىرىس جۇيەسىن جانە تيجارات جۇيەسىن جەدەل قالىپتاستىردى؛ 2 - كاسىپتە ماڭىزدى ءتۇيىندى ۇستاۋعا تاباندى بولىپ، مۇناي - حيميا ونەركاسىبى سياقتى ءداستۇرلى كاسىپتەردى جاڭالاپ دارەجەسىن كوتەرۋدى جەدەل ىلگەرىلەتىپ، دامۋدىڭ جاڭا قوزعاۋشى قۋاتتارىن بەلسەنە جەتىلدىردى؛ 3 - كاسىپتە كەڭىنەن دامىتۋعا تاباندى بولىپ، قىزمەت وتەۋ كاسىبىن زورايتۋدى، ساپالى ەتەك الدىرۋدى ىلگەرىلەتىپ، قامداۋعا قىزمەت وتەۋدى ۇزدىكسىز كەڭەيتىپ، سۇرانىستىڭ كومەسكى كۇشىن جارىققا شىعاردى.
دامۋ ناتيجەلەرى حالىققا اناعۇرلىم تيىمدىلىك اكەلدى. ”13 - بەسجىلدىقتىڭ“ الدىڭعى 4 جىلىندا شينجياڭنىڭ قالا، اۋىلدارىنداعى تۇرعىنداردىڭ جان باسىندىق قولداعى تابىسى تۇگەلدەي GDPدىڭ ارتۋ قارقىنىنان استى. 2016 − 2019 - جىلعا دەيىن بۇكىل رايونداعى قالا - قالاشىق تۇرعىندارىنىڭ جان باسىندىق قولداعى تابىسى جىلىنا ورتا ەسەپپەن ％7.1 ارتىپ، 2019 - جىلى 34 مىڭ 664 يۋانعا جەتتى؛ اۋىل - قىستاق تۇرعىندارىنىڭ جان باسىندىق قولداعى تابىسى جىلىنا ورتا ەسەپپەن ％8.6 ارتىپ، 2019 - جىلى 13 مىڭ 122 يۋانعا جەتتى.
جاڭا دامۋ كەزەڭىنە جەتكەندە شينجياڭ اناعۇرلىم ىرىقتى كۇيمەن، اناعۇرلىم مىعىم قاداممەن اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى قۇلشىنا جۇزەگە اسىرۋدا.
