− باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
كەزەكتە جانە بۇدان بىلايعى ءبىر مەزگىلدە شينجياڭ قىزمەتىن ويداعىداي ىستەۋدە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
9 - ايدىڭ 25 - كۇنىنەن 26 - كۇنىنە دەيىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى بەيجيڭدە اشىلدى. باس شۋجي شي جينپيڭ ماجىلىسكە قاتىناستى ءارى ماڭىزدى ءسوز سويلەدى. باس شۋجي شي جينپيڭ 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭ قىزمەتىندە قول جەتكەن ناتيجەلەردى جالپى بەتتىك قورىتىندىلادى، كەزەكتە شينجياڭ قىزمەتى ءدوپ كەلگەن جاعداي مەن مىندەتتەرگە ىشكەرىلەي تالداۋ جاسادى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تەرەڭ بايىمدادى، شينجياڭ قىزمەتىن ويداعىداي ىستەۋ جونىندە كەلەلى ورنالاستىرۋ جاسادى. باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، مازمۇنى باي، وتە كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، ول − جاڭا داۋىردەگى شينجياڭ قىزمەتىنە جەتەكشىلىك ەتەتىن تۇعىرنامالىق حۇجات.
2014 - جىلى 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، ءار جاقتىڭ جاپالى قۇلشىنۋىنىڭ ارقاسىندا شينجياڭ قىزمەتىندە كەلەلى ناتيجەگە قول جەتتى. ەكونوميكالىق دامۋ ءۇرتىس جاقساردى، حالىق تۇرمىسى كورنەكتى جاقساردى، كەدەيلىكتەن ارىلتۋدان قامال الۋدا شەشۋشى سيپاتتى تابىسقا قول جەتتى، ورتالىقتىڭ قولداۋى مەن بۇكىل ەلدىڭ شينجياڭعا باعىتتامالى كومەكتەسۋ تەبىنى ۇزدىكسىز ارتتى، شينجياڭداعى ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، قوعام ورنىقتى، حالىق تىنىش ءومىر، شات - شادىمان تىرشىلىك كەشىرەتىن تاماشا جاعداي جارىققا شىعىپ، باياندى تىنىشتىققا ارشىندى قادام تاستاۋعا بەرىك نەگىز قالاندى. وسى ناتيجەلەرگە قول جەتكىزۋ پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ەل حالقىنىڭ ورتاق كۇرەس جۇرگىزۋىنىڭ ناتيجەسى، سونداي - اق وعان شينجياڭداعى 25 ميلليوننان استام ءار ۇلت پەرزەنتتەرىنىڭ اقىل - پاراساتى مەن ماڭداي تەرى سىڭگەن.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭدى جونگە سالۋ زاڭدىلىعى جونىندەگى تانىم مەن يگەرۋدى تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، شينجياڭ قىزمەتىن ستراتەگيالىق جاقتان باعامداۋعا جانە جوبالاۋعا تاباندى بولدى، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولدى، جۇرت تىلەگىن ۇيىستىرۋدى ءتۇبىرلى نەگىز ەتۋگە تاباندى بولدى، جۇڭحۋا ۇلتى ورتاق تۇلعا تانىمىن سومداۋعا تاباندى بولدى، ەلىمىزدە ءدىندى جۇڭگوشالاندىرۋ بەتالىسىنا تاباندى بولدى، سوتسياليستىك وزەكتى قۇن كوزقاراسىن اسقاقتاتۋعا جانە جەتىلدىرۋگە تاباندى بولدى، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولدى، پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولدى. اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن، ءسوز جوق، ۇزاق ۋاقىت تاباندى بولۋ كەرەكتىگىن دالەلدەدى. بۇكىل پارتيا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى ساياسي مىندەت ەتىپ، تولىق، دالمە - ءدال دايەكتىلەندىرۋ جاعىنا كۇش سالىپ، شينجياڭ قىزمەتىنىڭ باستان - اياق دۇرىس ساياسي بەتالىستى ساقتاۋىنا شىنايى كەپىلدىك ەتۋ كەرەك.
كەزەكتە دۇنيە جۇزىندە ءجۇز جىلدا بولماعان زور وزگەرىس جەدەل قۇبىلۋدا، ەل ءىشىنىڭ رەفورما، دامۋ، ورنىقتىلىق مىندەتى جاپالى دا اۋىر، ”14 - بەسجىلدىق“ كەزىندە ەلىمىز جاڭا دامۋ ساتىسىنا ءوتىپ، جاپپاي دوڭگەلەك داۋلەتتى قوعام ورناتۋ نەگىزىندە جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايدى. شينجياڭ قىزمەتىن ويداعىداي ىستەۋدە جالپى جاعدايدىڭ بيىگىندە تۇرىپ ءدوپ كەلگەن جاعداي مەن مىندەتتى تانىپ جانە يگەرىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال ءتۇسىنىپ جانە وعان ۇزاق ۋاقىت تاباندى بولىپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، قازىرگى مەن ۇزاق بولاشاقتى يگەرىپ، ءتۇرلى مىندەتتەردى تياناقتاندىرۋدى بۇلجىماي ويداعىداي يگەرۋ كەرەك. قوعام ورنىقتىلىعى مەن باياندى تىنىشتىق سىندى وسى شينجياڭ قىزمەتى باس نىساناسىن مىقتاپ يگەرىپ، مەملەكەتتى جالپى بەتتىك زاڭمەن جونگە سالۋ تالابىن شينجياڭ قىزمەتىنىڭ ءتۇرلى سالاسىندا تياناقتاندىرىپ، جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ءار ۇلتتىڭ ۇلى ىنتىماعىن ۇزدىكسىز بەكەمدەپ، حالىق تۇرمىسىنا تىعىز جاناسىپ، شينجياڭنىڭ ەكونوميكاسىنىڭ جوعارى ساپالى دامۋىن ىلگەرىلەتىپ، جاڭا داۋىردەگى شينجياڭ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك.
”كورىكتى شينجياڭ قۇرۋ، وتان ارمانىن بىرگە جۇزەگە اسىرۋ“ شينجياڭداعى ءار ۇلت كادر - بۇقاراسىنىڭ تاماشا تىلەگى، بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق ارمانى. بۇگىنگى شينجياڭدا ۇشى - قيىرسىز تارىم ويپاتىنان زاڭعار التاي تاۋىنا دەيىن، ايبىندى پامير ۇستىرتىنەن ىرىستى تۇرپان ويپاتىنا دەيىن، بار الاپتان قاۋلاعان ءۇمىت جالىندادى. جاڭا داۋىردە ەكپىندەي ىلگەرىلەپ، جاڭا ساپارعا ارشىندى قادام باستىق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى تۇرعاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى تۇرعاندا، بۇكىل ەل حالقىنىڭ كوڭىل ءبولۋى، قولداۋى تۇرعاندا، شينجياڭداعى ءار ۇلت پەرزەنتتەرىنىڭ بىرگە كۇرەس جۇرگىزۋى تۇرعاندا، ءبىز، ءسوز جوق، وتانىمىزدىڭ شينجياڭىن اناعۇرلىم كورىكتى ەتىپ قۇرىپ، جاڭا داۋىردەگى شينجياڭنىڭ دامۋىنىڭ، العاباسۋىنىڭ ايبىندى داستانىن جازاتىن بولامىز.
(شينحۋا اگەنتتىگىنىڭ 9 - ايدىڭ 27 - كۇنى بەيجيڭنەن بەرگەن حابارى)
