شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ
”بۇرىن ءۇيىمىز ەگىن ەگىپ تىرشىلىك ەتەتىن، كەيىن قىستاق ’ەكى كوميتەتىنىڭ‘ قولداۋىمەن حالىقتىق تۇسەلحانا قۇرىپ، جىلىنا 1000نان استام ساياحاتشى قابىلداپ، 100 مىڭ يۋاننىڭ ۇستىندە تازا كىرىس تاپتىق“، - دەدى بۋىرشىن اۋدانى شۇڭقىر قالاشىعى قىزىلقايىڭ قىستاعىنىڭ تۇرعىنى توكەن يماش كوڭىلدەنە.
بۋىرشىن اۋدانى ساياحات شارۋاشىلىعىن جالپى ءوڭىردى قامتىعان، بارلىق ماۋسىمعا جالعاسقان، بارلىق كاسىپ سالاسىن جەتەكتەيتىن، جالپى حالىققا يگىلىك جەتكىزەتىن تىرەكتى كاسىپ سالاسى ەتىپ جەتىلدىرىپ، ءار ۇلت ەگىنشى - مالشىلارىنىڭ ءۇي ىرگەسىندە جۇمىستانۋىنا مۇمكىندىك جاساپ، ”ۇلكەن جەلى شاعىن جەلىگە جالعاسقان، شاعىن جەلى مىڭداعان وتباسىنا جالعاسقان“ ساياحات ارقىلى حالىقتى اۋقاتتاندىرۋ جەلىسىن قالىپتاستىردى.
كاسىپ سالاسىن يگەرىپ، كىرىستىڭ ارتۋىنا باستاماشىلدىق ەتتى
9 - ايداعى ەگىزتوبە اۋىلىنىڭ قىزىلجار قىستاعىنىڭ كۇزگى كورىنىسى كوز تارتادى، ەرتىس وزەنى جاعاسىنا ورنالاسقان بۇل قىستاق ۋسايتان كورىنىس ءوڭىرىنىڭ ىرگەسىندە، تابيعاتى كوركەم. قىستاق پارتيا ياچەيكاسى ”ياچەيكا + قوعام + شارۋالار وتباسى“ ءتاسىلى ارقىلى قىستاق تۇرعىندارىنىڭ مالشىلار شاتتىعى ساياجايىن اشىپ، ساياحاتتان كىرىس تابۋىنا باستاماشىلدىق ەتتى.
قىستاق تۇرعىنى سايراگۇل سولتانقان تاماشا اسپازدىق ونەرىنە سۇيەنىپ، ءوز اۋلاسىندا مالشىلار شاتتىعى ساياجايىن اشتى. ”قىستاق تيجارات جۇرگىزۋىمە كومەكتەستى، ونىڭ ۇستىنە ءوزىمنىڭ دە اسپازدىق ونەرىم بار، ساۋدام بارعان سايىن كۇسەتتەنىپ، وتباسىمىزدىڭ تۇرمىسى جىل سايىن جاقسارا ءتۇستى“، - دەدى سايراگۇل سولتانقان جۇزىنەن قۋانىش لەبى ەسىپ.
اۋىل - قىستاق ساياحاتىن دامىتىپ، كەدەيلىكتەن ارىلىپ بايۋ ارمانىن جۇزەگە اسىرۋ − بۋىرشىنداعى كوپتەگەن قىستاق تۇرعىندارىنىڭ تالعامى بولدى.
شۇڭقىر قالاشىعى قىزىلقايىڭ قىستاعى بۋىرشىننان قاناس كورىنىس وڭىرىنە باراتىن جولدىڭ بويىندا، وزگەشە تابيعات كورىنىسى مەن ساياحات بايلىعى باسىمدىعى بار، اسىرەسە، قىس كەزىندەگى ءجۇز شاقىرىم جەرگە جالعاساتىن قىراۋدىڭ ءوزى تابيعاتتىڭ عاجايىپ كورىنىسى سانالادى. قىستاق ساياحاتتى دامىتۋ ورايىن مىقتى يگەرىپ، كەڭىستىكتەگى گۇل تەڭىزى باقشاسى، قىزىل جاپىراقتى ورمان كورىنىس ءوڭىرى سياقتى ساياحات نىساندارىن جاڭادان قۇردى. ”جىلدىڭ ءتورت ماۋسىمىندا ساياحاتشىلاردىڭ اياعى ۇزىلمەيدى، قىستاق 40 حالىقتىق تۇسەلحانا اشىپ، قىستاق تۇرعىندارىنىڭ جۇمىستانۋىنىڭ، كىرىسىنىڭ ارتۋىنىڭ قيىن بولۋى سياقتى ماسەلەلەردى شەشتى“، - دەدى قىستاق پارتيا ياچەيكاسىنىڭ شۋجيى ەرلىك زيابان.
قازىردە قىزىلقايىڭ قىستاعىنىڭ ءبىر جىلدا كۇتىپ العان ساياحاتشى سانى 60 مىڭ ادام - رەتتەن استى، تەك ساياحات ءبىر ءتۇرىنىڭ ءوزى - اق بۇكىل قىستاقتىڭ جىلدىق جان باسىندىق ورتاشا كىرىسىنىڭ 500 نەشە يۋان ارتۋىنا باستاماشىلدىق ەتتى.
2019 - جىلى بۋىرشىن اۋدانىندا ساياحات شارۋاشىلىعىمەن شۇعىلدانۋشىلاردىڭ سانى 18 مىڭنان اسىپ، بۇكىل اۋدانداعى ەڭبەككۇشتەردىڭ ％50ىن ۇستادى، ساياحاتتىڭ جالپىلىق كىرىسى ەگىنشى - مالشىلاردىڭ جان باسىندىق ورتاشا تازا كىرىسىنىڭ ％50تەن استامىن ۇستادى.
ساياحاتتىڭ يگىلىگى ورنىعا ءتۇستى
”نىسان سالىنىپ بولعان سوڭ 300 جۇمىسشىنى جۇمىسقا قابىلداپ، 1500 − 2000 ادامنىڭ كىرىسىنىڭ ارتۋىنا جانامالاي جەتەكشىلىك ەتۋگە بولادى“، - دەدى بۋىرشىن اۋداندىق ساۋدا، عىلىم - تەحنيكا جانە ونەركاسىپتى ينفورماتسيالاندىرۋ مەكەمەسى پارتكومىنىڭ شۋجيى يۇي حۇڭلياڭ سالىنىپ جاتقان بۋىرشىن اۋدانى جۇڭيۇن جىلقى شارۋاشىلىعى باقشاسىن كورسەتىپ.
بۋىرشىن اۋدانى ”ساياحاتتى نەگىزگى تۇلعا ەتۋ، 1 -كاسىپ سالاسىن جەتەكتەۋ، 2 - كاسىپ سالاسىن جوعارى كوتەرۋ“ دامۋ وي جەلىسىن ارقاۋ ەتىپ، ساياحات شارۋاشىلىعىنىڭ كوپ نەگىزدى دامۋىن جوبالاپ، ەگىنشى - مالشىلار كىرىسىنىڭ ارتىپ، بايۋىنا باستاماشىلدىق ەتتى.
بۋىرشىن اۋدانى جالپى 600 ميلليون يۋان قارجى قوسىپ، اۋىل شارۋاشىلىق قوسىمشا ونىمدەرىن تيجارات بازارى (ءتۇيىن)، جيناۋ - ءۇزۋ باقشاسى، كورىنىستىك شاعىن قالاشىق، ساياحات حالىقتىق تۇسەلحاناسى سياقتى ساياحات ارقىلى حالىقتى بايىتۋ ينجەنەرياسىنان 96سىن اتقارىپ، ەگىنشى - مالشىلاردان 8000نان استام ادامنىڭ ساياحات شارۋاشىلىعى قىزمەت وتەۋ قيمىلىمەن اينالىسۋىنا ىقپال جاساپ، باستاماشىلدىق ەتىپ، جىلدىق جان باسىندىق ورتاشا كىرىس 30 مىڭ يۋاننىڭ ۇستىنە شىقتى. بۇكىل اۋداندا ”قالا مەن اۋىل ءبىر تۇلعا، ءبىر اۋىلدا ءبىر كورىنىس، ءبىر قىستاقتا ءبىر ءونىم، ءبىر وتباسىندا ءبىر ەرەكشەلىك“ جانە ”مىڭ شاقىرىمدىق اسەم ءدالىز، ءجۇز قىستاقتا كىرىستى ارتتىرۋ، ون مىڭ وتباسى جۇمىستانۋ“ سىندى ساياحات ارقىلى حالىقتى بايىتۋ ارناسى بىرتىندەپ قالىپتاستى.
ءوز جەرىنىڭ ەرەكشە اۋىل شارۋاشىلىق قوسىمشا ونىمدەرىمەن ۇشتاستىرا وتىرىپ، بۋىرشىن اۋدانى ”بال شەكىلدەۋىك شىرىندى جەمىس“، ”بۇعىنىڭ جاس ءمۇيىزى، ىرىمشىك، سۋىق سۋ بالىعى“ سياقتى 10 جەلىلەس ساياحات ءونىمىن جارىققا شىعاردى، اۋداندا اۋىل شارۋاشىلىق قوسىمشا ونىمدەرىن مانەرلەيتىن 17 كوشباسشى كاسىپورىن ەگىنشى - مالشىلاردان 2000نان استام ادامنىڭ جۇمىستانۋىنا باستاماشىلدىق ەتتى، 1000نان استام ادام ساياحات ونىمدەرىن ساتۋ ارقىلى جۇمىستاندى. اناعۇرلىم كوپ ەگىنشى - مالشىلار ساياحات ونىمدەرىن ساتۋ، قاتىستى كاسىپورىنداردا جۇمىستانۋ، ت.ب ارقىلى كىرىستەرىن ارتتىرۋدى جۇزەگە اسىردى.
”ساياحاتتىق تۇتىنۋدىڭ كوپ نەگىزدەنۋى ساياحات ونىمدەرىنىڭ نەگىزدەنۋىن تالاپ ەتەدى، كوپ نەگىزدى دامۋ ساياحات يگىلىگىن اناعۇرلىم ورنىقتىرادى“، - دەدى بۋىرشىن اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى ۋ لەي.
دوڭگەلەك داۋلەتكە ۇمتىلۋ ارىنى كۇشەيدى
قاناس كورىنىس وڭىرىنە جاقىن ويماقى قالاشىعى ەلامان قىستاعى مىڭ شاقىرىمدىق گۇل القابى كورىنىسىن قالىپتاستىردى، قىستاق تۇرعىندارى 27 ساياحات حالىقتىق تۇسەلحاناسىن اشىپ، شاعىن قىستاق اتى الىس - جۋىققا ايگىلى ەرەكشەلىككە يە ساياحات قىستاعىنا اينالدى.
بۋىرشىن اۋدانى اۋىل - قىستاق ساياحات نىسانى قۇرىلىسىن جەدەلدەتىپ، ەرەكشەلىككە يە اۋىل - قالاشىق قۇرىپ، نەگىزدىك قۇرىلعى قۇرىلىسىنان كاسىپ سالاسىنىڭ دامۋىنا دەيىن جالپى بەتتىك قارجى قوسىپ، ساياحات ارقىلى حالىقتى اۋقاتتاندىرۋدىڭ نەگىزىن بەكەمدەدى.
ۋ لەي بىلاي دەپ تانىستىردى: بۋىرشىن اۋدانى چيسايحى ساياحات - دەمالىس اۋماعى، قاناس اققايىڭ جەكە كولىك ەرۋجايى سياقتى نىسان قۇرىلىستارىن اتقارىپ، بۋىرشىننىڭ ساياحاتتىق اسەر نىساندارىن بايىتىپ، ساياحات ارقىلى حالىقتى بايىتۋدىڭ باياندىلىعىن كۇشەيتۋگە قاتتى بولشەك نەگىزىن سالدى.
وسى اۋدان تاعى جالپى ءوڭىر ساياحاتىن دامىتۋ قاجەتىنە ۇيلەسەتىن ساياحات جەتەكشىسى تۇسىندىرۋشىلەرى، حالىقتىق تۇسەلحانا باسقارۋ، ەرەكشە اسپازدىق سياقتى مامانداندىرىلعان، ورتا، ۇزاق مەزگىلدىك اقىسىز تاربيەلەۋ جۇمىستارىن جەرگىلىكتى جاعدايعا قاراي ورىستەتىپ، ەگىنشى - مالشىلاردىڭ ونەر ۇيرەنىپ، ساياحاتتان ءتىپتى جاقسى پايدا تابۋىنا مۇمكىندىك جاسادى.
”كوكتەمدە شاتتانا ويناۋ، جازدا ءدامدى تاعامداردان ءدام تاتۋ، كۇزدە جەمىس ءۇزۋ، قىستا قىراۋدى تاماشالاۋ“ بۋىرشىننىڭ ءتورت ماۋسىمداعى ماركالى مەرەكە تويلاۋ قيمىلىنا اينالىپ، الۋان مازمۇندى قيمىلدار ساياحات شارۋاشىلىعىنىڭ ءبىر ماۋسىمنان ءتورت ماۋسىمعا قاراي ويىسۋىن ىلگەرىلەتىپ، ساياحات جالپى وڭىردە بىركەلكى ارتىپ، ەگىنشى - مالشىلاردىڭ كىرىستەرى ونان ارى ورنىعا ءتۇستى.
”اقشا تاۋىپ تۇرمىسىمىز بارعان سايىن جاقسارا ءتۇستى، قىستاقتىڭ ورتاسى دا بارعان سايىن جاقسارادى، ءبىز تالپىنعان باقىتتى تۇرمىس وسى“، - دەدى ەلامان قىستاعىنىڭ تۇرعىنى ەربول سەرىك.
