− باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
شينجياڭنىڭ قوعام ورنىقتىلىعى مەن باياندى تىنىشتىعى بۇكىل ەلدىڭ رەفورما، دامۋ، ورنىقتىلىق كەلەلى جاعدايىنا سايادى، وتاننىڭ تۇتاستىعىنا، ۇلتتار ىنتىماعىنا، مەملەكەت حاۋىپسىزدىگىنە سايادى، جۇڭحۋا ۇلتىنىڭ ۇلى گۇلدەنۋىنە سايادى. كەزەكتە جانە بۇدان بىلايعى ءبىر مەزگىلدە، ءسوز جوق، قوعام ورنىقتىلىعى مەن باياندى تىنىشتىقتى شينجياڭ قىزمەتى باس نىساناسى ەتۋگە تاباندى بولۋ كەرەك. باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ باسا دارىپتەدى: شينجياڭ قىزمەتى باس نىساناسىن مىقتاپ يگەرىپ، شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاپ، مەملەكەتتى جالپى بەتتىك زاڭمەن جونگە سالۋ تالابىن شينجياڭ قىزمەتىنىڭ ءار سالاسىندا تياناقتاندىرىپ، جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ءار ۇلتتىڭ ۇلى ىنتىماعىن ۇزدىكسىز بەكەمدەۋ كەرەك.
2014 - جىلى باس شۋجي شي جينپيڭ 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ”قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ باس نىساناسى“ دەپ ايقىن العا قويدى، بۇل پارتيا ورتالىق كوميتەتىنىڭ شينجياڭنىڭ جاعدايى مەن بۇكىل ەلدىڭ كەلەلى جاعدايىنا نەگىزدەلىپ جاساعان كەلەلى ستراتەگيالىق تۇجىرىمى بولىپ، جاڭا جاعدايداعى شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن ايقىندادى. ءارقايسى جاقتىڭ جاپالى قۇلشىنۋى ارقىلى شينجياڭ قىزمەتى كەلەلى ناتيجەگە قول جەتكىزدى، 3 جىل 9 اي بويى زورلىقتى كۇش لاڭكەستىك دەلوسى (وقيعاسى) تۋىلعان جوق، زورلىقتى كۇش لاڭكەستىك قيمىل ءونىمدى تۇردە تەجەلىپ، ۇشقارىلىقتى الاستاۋدىڭ ءونىمى كورنەكتى بولىپ، قوعام اماندىعى جاعدايى كورنەكتى جاقسارىپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋ بۇرىن بولىپ كورىلمەگەن تابىستارعا قول جەتكىزىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. اماليات شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىنىڭ، ورنالاستىرۋلارىنىڭ بۇكىلدەي دۇرىس ەكەندىگىن، شينجياڭنىڭ بارلىق قىزمەتىنىڭ تۇگەلدەي قوعام ورنىقتىلىعى مەن باياندى تىنىشتىق سىندى باس نىسانانى ارقاۋ ەتىپ ورىستەتىلگەندىگىن تولىق دالەلدەدى. قايشىلىقتىڭ قاشاندا نەگىزگىسى دە، قوسالقىسى دا بولادى، نەگىزگى قايشىلىقتى يگەرۋگە شەبەر بولعاندا عانا، جالپى جاعدايدىڭ ىرىقتىلىعىنا قول جەتكىزۋگە بولادى. باس نىسانانى مىقتاپ يگەرۋ ارقىلى شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى مادەنيەتپەن نارلەندىرۋدىڭ، حالىقتى بايىتىپ شينجياڭدى گۇلدەندىرۋدىڭ، شينجياڭدى باياندى كوركەيتۋدىڭ جەتەكشىلىك ۇقىعى مەن ىرىقتىلىق ۇقىعىن مەڭگەرۋگە بولادى.
شينجياڭ قىزمەتى باس نىساناسىن مىقتاپ يگەرۋدە شينجياڭ قوعامىنىڭ كەلەلى جاعدايىنىڭ ورنىقتىلىعىن كۇش سالا ساقتاۋ كەرەك. شينجياڭداعى ءار ۇلت حالقى سوڭعى بىرنەشە جىلداعى اماليات ارقىلى ورنىقتىلىقتىڭ ەڭ ۇلكەن حالىق تۇرمىسى، شينجياڭنىڭ دامۋىنىڭ، گۇلدەنۋىنىڭ جانى ەكەندىگىن تەرەڭ تانىپ جەتتى. باي دا باقىتتى شينجياڭ بولۋ ءۇشىن، ەڭ الدىمەن، ورنىقتى دا جاراسىمدى شينجياڭ بولۋى كەرەك. ءبىز ايرىقشا سۇيىنىشپەن مىنانى كوردىك: بۇگىنگى شينجياڭ تاريحتاعى ەڭ جاقسى گۇلدەنۋ، دامۋ مەزگىلىندە تۇر، وسىنداي مەزگىل بولعان سايىن ورنىقتى قوعامدىق ورتانى قاجەت ەتەدى. شينجياڭ قىزمەتىن ويداعىداي ىستەۋدىڭ ۇزاق ۋاقىتتىلىعىن، كۇردەلىلىگىن، جاپالىلىعىن تەرەڭ تانىپ، قوعام ورنىقتىلىعى تابىستارىن ونان ارى بەكەمدەپ، سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، مەملەكەتتى جاپپاي زاڭمەن جونگە سالۋدىڭ تالابىن مۇقيات تياناقتاندىرىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جۇرت ات سالىساتىن، زاڭمەن جونگە سالۋ ارقىلى قامتاماسىز ەتىلەتىن قوعامدىق جونگە سالۋ ءتۇزىلىسىن جالپى بەتتىك قالىپتاستىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن تۇلعالاۋ كەرەك.
شينجياڭ قىزمەتى باس نىساناسىن مىقتاپ يگەرۋدە باياندى تىنىشتىققا قاتىستى تەرەڭ قاتپارلى ماسەلەلەرگە شوعىرلى تۇردە كۇش سالۋ كەرەك. جۇڭحۋا ۇلتى ورتاق تۇلعا تانىمى − مەملەكەت تۇتاستىعىنىڭ نەگىزى، ۇلتتار ىنتىماعىنىڭ تياناعى، رۋحاني كۇشتىڭ جانى. شينجياڭ ەجەلدەن كوپ ۇلت شوعىرلى قونىستانعان ءوڭىر، شينجياڭداعى ءار ۇلت جۇڭحۋا ۇلتى شاڭىراعىنىڭ تامىرلاس مۇشەسى. جۇڭحۋا ۇلتى ورتاق تۇلعا تانىمىن سومداپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى ارناسىن زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمى تاربيەسىن شينجياڭنىڭ كادرلار تاربيەسىنە، جاستار مەن ورەندەر تاربيەسىنە، قوعامدىق تاربيەگە ەنگىزىپ، ءار ۇلت كادرلارى مەن بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا تاربيەلەپ، جەتەكتەپ، جۇڭحۋا ۇلتى ورتاق تۇلعا تانىمىن كوڭىل تۇكپىرىنە تەرەڭ ۇيالاتۋ كەرەك. ءار دارەجەلى، ءار ءتۇرلى ۇلتتار ىنتىماعى العاباسارلىعى تاربيەسىن ۇزدىكسىز تەرەڭدەتىپ، ءار ۇلتتىڭ كەڭ كولەمدى ارالاسۋىن، جان - جاقتى ىشتەسۋىن، تەرەڭدەي توعىسۋىن جەبەۋ كەرەك. پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىننىڭ اقاۋسىز دامۋىن جۇزەگە اسىرۋ كەرەك. يدەولوگيا سالاسى قىزمەتىن ىشكەرىلەي ويداعىداي ىستەپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتىپ، ۇلتتاردىڭ ورتاق رۋحاني مەكەنىن قۇرۋ كەرەك.
”تىنىشتىق − يگىلىك، بىلىقپالىق − زالال“. شينجياڭنىڭ قوعام ورنىقتىلىعى مەن باياندى تىنىشتىعى شينجياڭداعى 25 ميلليون ءار ۇلت پەرزەنتتەرىنىڭ ءتۇبىرلى مۇددەسى، بۇكىل ەلدەگى ءبىر ميلليارد 400 ميلليون حالىقتىڭ ورتاق قالاۋى. شينجياڭ قىزمەتى باس نىساناسىن مىقتى يگەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسى جونىندەگى تۇسىنىك پەن تانىمدى ۇزدىكسىز تەرەڭدەتىپ، شينجياڭ قىزمەتى باس نىساناسىن جۇزەگە اسىرۋ شارالارى مەن ادىستەرىن ۇزدىكسىز زەرتتەسەك جانە كەمەلدەندىرسەك، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانساق، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرا الامىز.
