تيانشان تورى
تيانشان تورى   ›   جاڭالىقتار   ›   شينجياڭ حابارلارى

ۇزاق بولاشاقتىق شارانى كوبىرەك قاراستىرۋ، نەگىزدى بەكەمدەۋ امالىن كوبىرەك قولدانۋ كەرەك

− باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى جۇرتتى شابىتتاندىردى

شينحۋا اگەنتتىگىنىڭ تىلشىلەرى

  ”ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك“.

  باس شۋجي شي جينپيڭنىڭ جۋىردا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى قالىڭ كادرلارمەن بۇقارا اراسىندا قىزۋ اڭىس قوزعادى. كوپشىلىك مىنالاردى ءبىلدىردى: يدەيا مەن ارەكەتتى پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، مىندەتتەردى تياناقتاندىرۋدى مىزعىماستان ويداعىداي يگەرەمىز.

  ”تۇرعىنداردىڭ جان باسىندىق قولداعى تابىسى جىلىنا ورتا ەسەپپەن %9.1 ارتتى“، ”بارلىق ايماق، وبلىس، قالالار جوعارى قارقىندى تاس جول داۋىرىنە ءوتتى“... باس شۋجي شي جينپيڭ ماڭىزدى سوزىندە شينجياڭ قول جەتكىزگەن ءبىر قىدىرۋ دامۋ جەتىستىكتەرىن تىلگە الدى، بۇل قاراقاش اۋدانى اقساراي اۋىلى ۇزىنارىق قىستاعىنىڭ ءبىرىنشى شۋجيى ورازالى قاشقاربايدى بارىنشا اسەرلەندىردى.

  ”2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭنىڭ دامۋىنا، وزگەرىسىنە جۇرتتىڭ ءبارى كۋا بولدى، ءار ۇلت حالقىنىڭ تۇرمىسى بارعان سايىن جاقسارىپ، تابىس سەزىمى، باقىت سەزىمى، حاۋىپسىزدىك سەزىمى زور مولشەردە جوعارىلادى“. ورازالى بىلاي دەدى: ءبىز اسقاق رۋحاني كۇيدى ۇزدىكسىز ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىمەن تىعىز بايلانىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋعا اقىل - پاراساتىمىز بەن كۇش - قۋاتىمىزدى قوسامىز.

  كەدەيلىكتەن ارىلتۋدان قامال الۋ دابىلىنىڭ قاعىلۋىنا ىلەسە، اقتاۋ اۋدانى سىندى وڭتۇستىك شينجياڭ وڭىرىندەگى اۋىر كەدەي اۋدان شەكارا ءوڭىردىڭ شارىقتاپ دامۋىنىڭ داۋىرلىك كۋاگەرىنە اينالدى. ءبىر - بىرلەگەن كەدەي قىستاقتار، توپ - توپ كەدەي وتباسىلارى كەدەيلىكتەن ارىلىپ، جەرگىلىكتى ەگىنشى - مالشىلاردىڭ تۇرمىسى قۋانارلىق وزگەرىستەردى قارسى الدى.

  ”باس شۋجي شي جينپيڭ بىزگە كەدەيلىكتەن ارىلتۋدان قامال الۋدىڭ كۇرەس باعدارىن ايقىن كورسەتتى“. اقتاۋ اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى ۋاڭ چيڭيۇڭ بىلاي دەدى: ىشكى قوزعاۋشى كۇشتى ونان ارى قاۋلاتىپ، كەدەيلىكتىڭ ەڭ سوڭعى قامالىنا اتوي سالىپ، تولىق جەڭىسكە جەتپەيىنشە، استە شەپتەن قايتپايمىز.

  جول تاعانىن قورعاۋ، رەليس جاتقىزۋ جۇمىسى... التىن كۇز، لوپ اۋدانىنداعى حوتاننان چارقىلىققا باراتىن تەمىر جول سالۋ جۇمىس باسىندا 100دەن استام جۇمىسشى ۇستەمە جۇمىس ىستەپ، جۇمىس مەرزىمىن قاۋىرت ورنالاستىرىپ، قۇرىلىستىڭ ءبىرىنشى شەبىندە ماڭداي تەرلەرىن توگە كۇرەس جاسادى.

  ”ءبىز باس شۋجي شي جينپيڭنىڭ وڭتۇستىك شينجياڭنىڭ ەكونوميكالىق، قوعامدىق دامۋىن زور كۇشپەن ىلگەرىلەتۋ جانە حالىق تۇرمىسىن جاقسارتۋ جونىندەگى تالاپتارىن مۇقيات تياناقتاندىرىپ، ءتۇزىلىس مەحانيزمدە جاڭالىق اشىپ، جەرگىلىكتى حالىقتى جۇمىستانۋعا باۋراپ، حوتان - چارقىلىق تەمىر جولىن بايۋ جولى، ءۇمىت جولى، باقىت جولى ەتىپ قۇلشىنا سالىپ شىعامىز“، - دەدى جۇڭگو تەمىر جولى بەيجيڭ قۇرىلىس مەكەمەسى حوتان - چارقىلىق تەمىر جولى S1 بەلگى بولىگى نىسان باسقارۋ ءبولىمىنىڭ ورىنباسار ديرەكتورى سۋ چاۋۋي.

  شينجياڭ الاتاۋى ەلىمىزدىڭ سىرتقا ەسىك اشۋىنداعى ماڭىزدى شەكارا وتكەلى. بيىل 1 - ايدان 8 - ايعا دەيىن الاتاۋدان تەكسەرىپ وتكىزىلگەن شەكارادان كىرىپ - شىعاتىن جۇڭگو - ەۆروپا كەزەكشى پويەزىنىڭ سايكەس مەزگىلدەگىدەن ارتۋى %40تەن استى.

  ”ءبىز باس شۋجي شي جينپيڭنىڭ شينجياڭنىڭ سىرتقا ەسىك اشۋى جونىندەگى تالاپتارى بويىنشا، رەفورمانى تەرەڭدەتىپ، ىرىقتىلىقپەن ىسكەرلىك كورسەتىپ، كۋالىكتەردى ازايتۋ، ءتارتىپتى ساپالىلاندىرۋ، ونىمدىلىكتى جوعارىلاتۋ، وزىندىك قۇندى تومەندەتۋ جاقتارىندا ۇزدىكسىز كۇش سالىپ، كومەسكى مۇمكىندىكتەردى تەرەڭدەي اشىپ، شينجياڭنىڭ ىشكى قۇرلىقتىق ەسىك اشۋى مەن شەكارا بويى ەسىك اشۋىنىڭ جوعارى دەڭگەيلى ءورىسىن تۇلعالاۋىنا تىڭ ۇلەستەر قوسامىز“، - دەدى الاتاۋ كەدەنىنىڭ باستىعى ۋاڭ چۋانجيە.

  شينجياڭدى ورنىقتىرۋ، شينجياڭدى گۇلدەندىرۋ زاڭمەن جونگە سالۋدى نەگىز ەتەدى.

  قابا اۋدانى اقشي قالاشىعىنداعى مينجۋجۇڭلۋ الەۋمەتتىك اۋماعىندا تۇرعىندار سانى مول، باسقارۋ كولەمى كەڭ، باسقارۋ قيىندىعى جوعارى. وسى قيىن ماسەلەلەردى شەشۋ ءۇشىن، جەرگىلىكتى الەۋمەتتىك اۋماق قاراستى اۋماقتا ۋاقتتىق پارتيا ياچەيكاسىن قۇرىپ، تومەنگە تۇسكەن كادرلار، الەۋمەتتىك اۋماق كادرلارى، پارتيا مۇشەلەرى، قوس بىرلەسپە وتاعاسىلار باستىقتارى قاتارلىلاردى ىرىقتىلىقپەن جاۋاپكەرشىلىك ارقالاپ، ىسكەرلىك كورسەتۋگە جۇمىلدىرىپ، نەگىزگى ساتىنى جونگە سالۋدىڭ زاڭمەن جونگە سالۋ ارناسىنا ءتۇسۋىن ۇزدىكسىز ىلگەرىلەتتى.

  ”ءبىز نەگىزگى ساتى كادرلارىنىڭ مىندەت جاۋاپكەرشىلىگىن مۇقيات اتقارىپ، ءمالى جانە الەۋمەتتىك اۋماق قىزمەتىن ناقتى، قۇنىتتى، ەگجەي - تەگجەيلى ىستەيمىز“. الەۋمەتتىك اۋماقتىڭ كادرى ءمادينا مۇقان مىنانى ءبىلدىردى: نەگىزگى ساتى الەۋمەتتىك اۋماعىنىڭ ۇيىمداستىرۋ، جۇمىلدىرۋ قابىلەتىن ونان ارى كۇشەيتىپ، نەگىزگى ساتى الەۋمەتتىك اۋماعىنىڭ ارتىقشىلىعىن ساۋلەلەندىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن قالىپتاستىرىپ، زاڭمەن جونگە سالۋدىڭ وڭ ەنەرگياسىن جارىققا شىعارامىز.

  ەكولوگيالىق وركەنيەت قۇرىلىسى حالىقتىڭ قۇت - ىرىسىنا سايادى، ۇلتتىڭ كەلەشەگىنە سايادى.

  ”باس شۋجي شي جينپيڭ شينجياڭدا ەكولوگيانى قورعاۋدىڭ قىزىل سىزىعىن باتىل ساقتاپ، قۇمدى تىزگىندەۋ، سۋدى تىزگىندەۋ جانە ورماندى، جايلىمدى قورعاۋ قىزمەتىن ءبىر تۇتاس جوسپارلاپ ورىستەتۋدى تالاپ ەتتى، بۇل ءبىزدى ەرەكشە جەلپىندىردى“. جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنىنىڭ اعا زەرتتەۋشىسى سىڭ فانجياڭ بىلاي دەدى: مۇنان كەيىن عىلمي زەرتتەۋ قىزمەتىندە ءشول دالا جاراتىلىستىق ەكولوگيا جۇيەسىنىڭ ورنىقتىلىعىن ساقتاۋعا جانە ءتيىمدى اينالىمىنا ونان ارى نازار اۋدارىپ، قورشاعان ورتانى جونگە سالۋ مەن شارۋالاردى بايىتۋدىڭ، كاسىپ سالاسىن دامىتۋ مەن جاسىل القاپتى قورعاۋدىڭ جاراسىمدى بىرلىگىن قۇلشىنا جۇزەگە اسىرامىز.

  بايىنعولين موڭعۇل اۆتونوميالى وبلىسىنداعى رايلا مامەت بايىنعولين وبلىستىق مۇراجايدىڭ تۇسىندىرمەشىسى. كوپ جىلداردان بەرى، ول مادەني مۇرالاردى ءتۇسىندىرۋ ارقىلى شينجياڭنىڭ تاريحىن، مادەنيەتىن ۇگىتتەۋگە جانە تاراتۋعا قۇلشىندى، سونىمەن بىرگە، ءوزىنىڭ ەسەيۋ بارىسىمەن ۇشتاستىرىپ، شينجياڭنىڭ جۋىرداعى جىلداردان بەرگى دامۋىن، وزگەرىسىن جانە گۇلدەنۋىن، العا باسۋىن تانىستىردى.

  ”بەرتىنگى جىلداردان بەرى، شينجياڭنىڭ دامۋى تەز، وزگەرىسى زور بولىپ، حالقى تىنىش ءومىر، شات - شادىمان تىرشىلىك كەشتى، مۇنى كوپشىلىك تەرەڭ سەزىندى“. رايلا بىلاي دەدى: ”مادەنيەت مۇراجايى قىزمەتكەرى رەتىندە، ءبىز باي تاريحي ءبىلىم قورى ارقىلى ءار ۇلت بۇقاراسىنا شينحياڭنىڭ تاريحىن، مادەنيەتىن دالمە - ءدال ۇگىتتەپ قانا قالماستان، شينجياڭنىڭ قوعام ورنىقتىلىعىنىڭ تاماشا جاعدايىن، حالىقتىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن ارىندى تەبىنمەن ۇگىتتەپ، شينجياڭ حيكاياسىن تاراتۋشى بولامىز“.

  ”جاڭا داۋىردە شەكارا وڭىرگە تامىر تارتىپ، شەكارا وڭىرگە ۇلەس قوسۋ − جاڭا ءداۋىر جاستارىنىڭ ءوز ارمانىن مەملەكەتتىڭ تاعدىرىمەن تىعىز بايلانىستىراتىن ورايى“. جۇڭگو مۇناي تارىم مۇناي الابى بارلاۋ ىستەرى ءبولىمى گەولوگيالىق قۇرىلىس ءبولىمىنىڭ مەڭگەرۋشىسى حۋان جىپىڭ بىلاي دەدى: ”تەك قۋ مەديان ءشول بولسا بولادى ەكەن، قۇلازىعان ءومىر بولماق ەمەس. مەن باس شۋجي شي جينپيڭنىڭ ىقىلاستى تاپسىرماسىن ەسىمدە بەرىك ساقتاپ، وتان ەڭ قاجەت ەتكەن جەردە ۇزدىكسىز ەڭبەك ءسىڭىرىپ، ەسە قوسىپ، شينجياڭنىڭ دامۋىنا ءوز ۇلەسىمدى قوسامىن!“

  (تىلشىلەر لين حۇي، ديڭ شياۋشي، اينۇر، جاڭ جۇڭكاي، گۋ يۇي، سۋ چۋان - ي)

  (شينحۋا اگەنتتىگىنىڭ 9 - ايدىڭ 28 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.