شينحۋا اگەنتتىگىنىڭ 9 - ايدىڭ 28 - كۇنى بەيجيڭنەن بەرگەن حابارى. حالىق گازەتىنىڭ شەتەلدەرگە ارنالعان باسىلىمى ۇيىمداستىرىپ قۇراستىرعان «شي جينپيڭنىڭ كەدەيلەردى سۇيەمەلدەۋ حيكاياسى» تاياۋدا شاڭ ۋ باسپاسىنان باسىلىپ شىعىپ، بۇكىل مەملەكەتتە تاراتىلدى.
پارتيا 18 - قۇرىلتايىنان بەرى، باس شۋجي شي جينپيڭ جاپپاي دوڭگەلەك داۋلەتتى قوعام ورناتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ سىندى ستراتەگيالىق تۇرعىدان، كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، ءبىرسىپىرا جاڭا يدەيا، جاڭا كوزقاراستاردى ورتاعا قويىپ، ءبىرسىپىرا جاڭا شەشىمدەردى، جاڭا ورنالاستىرۋلاردى جاساپ، جۇڭگونىڭ كەدەيلەردى ازايتۋ ىستەرىندە وراسان زور تابىسقا جەتۋىن ىلگەرىلەتىپ، دۇنيە ءجۇزىنىڭ كەدەيلەردى ازايتۋ اياق الىسىنا ەلەۋلى ۇلەس قوستى. تۇتاس كىتاپ 67 بولەك كەدەيلەردى سۇيەمەلدەۋ حيكاياسىنان قۇرالىپ، ۋاقىت رەتى بويىنشا، شي جينپيڭ جولداستىڭ ىلگەرىندى - كەيىندى شانشيدىڭ لياڭجياحىسىندا، حىبەيدىڭ جىڭديڭىندە، فۋجياندا، جىجياڭدا، شاڭحايدا تۇرعاننان باس شۋجي بولعانعا دەيىن تۇگەلدەي حالىقتى جۇرەگىنىڭ ەڭ جوعارى تورىنە قويىپ، قيىنشىلىعى بار بۇقارانىڭ ءوندىرىس - تۇرمىسىنا كوڭىل بولگەن، قيىنشىلىعى بار بۇقارانى باستاپ كەدەيلىكتەن ارىلتۋدان قامال العان اسەرلى حيكايالارىن جۇيەلى تۇردە باياندايدى، شي جينپيڭ جولداستىڭ كەدەيلەردى سۇيەمەلدەۋگە، وركەندەتۋگە ايرىقشا ءمان بەرگەندىگىن، كەدەيلىكتەن ارىلتۋدان قامال الۋدى توقتاۋسىز ىلگەرىلەتكەن تارتىمدى ساتتەردى جاندى ەستەلىككە الىپ، شي جينپيڭ جولداستىڭ ”وزىممەن ساناسپاي، حالىقتىڭ قامىن ويلايمىن“ دەگەن كىرشىكسىز پەيىلىن ايگىلەدى.
«شي جينپيڭنىڭ كەدەيلەردى سۇيەمەلدەۋ حيكاياسىنىڭ» باسپادان شىعىپ تاراتىلۋى ادامداردىڭ باس شۋجي شي جينپيڭنىڭ كەدەيلەردى دالمە - ءدال سۇيەمەلدەۋ جونىندەگى ستراتەگيالىق ورنالاستىرۋىن ىشكەرىلەي تۇسىنۋىنە كومەكتەسەدى، قالىڭ كادر - بۇقارانى سەنىمدى بەكەمدەپ، قايسارلىلىقپەن كۇرەس جۇرگىزىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە قۇلشىنا قول جەتكىزۋگە، كەدەيلىكتەن ارىلتۋدان قامال الۋدىڭ جالپى بەتتىك جەڭىسىنە باتىل قول جەتكىزۋگە شابىتتاندىرادى جانە جىگەرلەندىرەدى.
