باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى رايونىمىزدا قىزۋ اڭىس قوزعادى −
جۇڭحۋا ۇلتى ورتاق تۇلعا تانىمىن سومداپ، ۇلتتاردىڭ ۇلى ىنتىماعىن ۇزدىكسىز بەكەمدەيمىز
شينجياڭ گازەتىنىڭ جالپىلىق اقپارات قۇرالدارى تىلشىلەرى
بىرنەشە كۇننەن بەرى رايونىمىزداعى قالىڭ كادر، بۇقارا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەندى، كوپشىلىك ءبىر اۋىزدان مىنالاردى ءبىلدىردى: جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەۋ كەرەك؛ ۇلتتاردىڭ كەڭ كولەمدە ارالاسۋىن، جالپى بەتتىك ىشتەسۋىن، تەرەڭدەي توعىسۋىن جەبەۋ كەرەك؛ يدەولوگيا سالاسى قىزمەتىن ىشكەرىلەي جاقسى ىستەپ، مادەنيەت ارقىلى شينجياڭدى نارلەندىرۋ ينجەنەرياسىن ىشكەرىلەي ورىستەتۋ كەرەك.
جۇڭحۋا ۇلتى ورتاق تۇلعا تانىمىن سومدايمىز
شينجياڭ جاستار - ورەندەر باسپاسى پارتكومىنىڭ شۋجيى، باسپا باستىعى شۇي جياڭ بىلاي دەدى: باس شۋجيدىڭ ماڭىزدى ءسوزى جۇرت جۇرەگىن جەلپىندىردى. ءبىز مادەنيەت قۇرىلىسىنا سوتسياليستىك وزەكتى قۇن كوزقاراسىمەن جەتەكشىلىك ەتۋگە تاباندى بولامىز، باسپا سالاسى مادەنيەت ارقىلى سالتقا جەتەكشىلىك ەتۋ، حالىقتى تاربيەلەۋ، قوعامعا قىزمەت ەتۋ، دامۋدى جەبەۋ رولىن ساۋلەلەندىرىپ، ۇلتتار مادەنيەتىنىڭ بىرگە گۇلدەنۋىن، دامۋىن جەبەۋ كەرەك. مادەنيەت سەنىمىن بەكەمدەپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى، جاسامپازدىقپەن دامىتۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن سومداۋ كەرەك.
مەملەكەت مەرەكەسى، جۇڭچيۋ مەرەكەسى دەمالىسى كەزىندە، اقسۋ ايماقتىق مادەنيەت - مۇراجاي مەكەمەسى (مۇراجاي) جاستار مەن ورەندەردىڭ زەرتتەۋ - وقۋ قيمىلى قاتارلى جەلىلەس قيمىلدار وتكىزىپ، مادەنيەت ەسكەرتكىشتەرگە ءۇن، تاريحقا ءتىل ءبىتىرىپ، قىزىقتىرۋ ارقىلى تاربيەلەپ، ءتىپتى دە كوپ ادامنىڭ جۇڭحۋانىڭ تاريحي مادەنيەتىن ۇيرەنۋىنە مۇمكىندىك جاساپ، جانۇيا - وتان سۇيىسپەنشىلىگىن شىنايى ارتتىرادى. اقسۋ ايماقتىق مادەنيەت - مۇراجاي مەكەمەسىنىڭ ورىنباسار باستىعى تاڭ شيا تانىستىرىپ بىلاي دەدى: اقسۋ ايماقتىق مادەنيەت - مۇراجاي مەكەمەسى (مۇراجاي) كورمەگە قويۋ، كورسەتۋ ارقىلى ءار ۇلت بۇقاراسىنا شينجياڭنىڭ تاريحىن انىق تۇسىندىرەتىن ۇگىت - تاربيە شەبى. ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باعالى مادەنيەت ەسكەرتكىش بايلىعىن ويداعىداي قورعاپ، ويداعىداي پايدالانىپ، مادەنيەت ەسكەرتكىشىنىڭ تاريحي دالەلدىك، ناقتى دالەلدىك رولىن ساۋلەلەندىرىپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن نەگىزگى تاقىرىپ ەتكەن كورمەلەردى ۇزدىكسىز شىعارىپ، ءار ۇلت بۇقاراسىنىڭ جۇڭحۋا ۇلتى ورتاق تۇلعا تانىمىن كۇشەيتىپ، ءار ۇلت كادر، بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەۋىمىز كەرەك.
ۇلتتاردىڭ كەڭ كولەمدە ارالاسۋىن، جالپى بەتتىك ىشتەسۋىن، تەرەڭدەي توعىسۋىن جەبەيمىز
ءۇرىمجى قالاسى سايباق رايونى چيماشان اۋماعى شيشىڭ الەۋمەتتىك اۋماعى 2208 وتباسى بار كوپ ۇلت شوعىرلى قونىستانعان الەۋمەتتىك اۋماق. جۋىرداعى جىلداردان بەرى بۇل الەۋمەتتىك اۋماق قاراستى اۋماقتاعى ۇلتتار ىنتىماعى تيپتەرىن تولىق اشىپ، باي مازمۇندى ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۋاق - ۋاق وتكىزىپ، ۇلتتار ىنتىماعى، العاباسارلىعىنىڭ حالىق تىلەگى نەگىزىن ۇزدىكسىز بەكەمدەدى. ”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن جەتە ۇيرەنۋدى، جەتە ءتۇسىنۋدى ماڭىزدى ساياسي مىندەت ەتىپ، وزەكتى ءمانى مەن رۋحاني ماڭىزىن شىنايى يگەرەمىز. الەۋمەتتىك اۋماق قىزمەتىمەن ۇشتاستىرىپ، جۇڭحۋا ۇلتى ورتاق تۇلعا تانىمى تاربيەسىن الەۋمەتتىك اۋماق قىزمەتكەرلەرىنىڭ تاربيەسىنە، قوعامدىق تاربيەگە، جاستار مەن ورەندەر تاربيەسىنە ەنگىزىپ، ۇلتتار ىنتىماعى، العاباسارلىعى تاربيەسىنىڭ قاراستى اۋماقتاعى تۇرعىندار شاعىن اۋماقتارىنا، مەكتەپتەرگە، كاسىپورىندارعا كىرۋىن جەبەپ، ۇلتتاردىڭ كەڭ كولەمدە ارالاسۋىن، جالپى بەتتىك ىشتەسۋىن، تەرەڭدەي توعىسۋىن جەبەيمىز“، - دەدى وسى الەۋمەتتىك اۋماق پارتيا باس ياچەيكاسىنىڭ شۋجيى يە جينرۇڭ.
”تالاي جىلدان بەرى ەگىس 7 - اترەتىندەگى ءار ۇلت بۇقاراسى ءوزارا قارايلاسىپ، ءبىر - بىرىنە ارقا سۇيەپ، بىرگە تۇرمىس كەشىرىپ كەلەدى“. 9 - ايدىڭ 29 - كۇنى جىڭ اۋداندىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ جىڭ اۋدانى باجياحۋ ەگىس الاڭى ەگىنشىلىك 7 - اترەتىندە تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي شەرىناي شەرمامەت بىلاي دەدى: ءبىز باس شۋجيدىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى، تياناقتاندىرۋدى نەگىزگى ساتى قىزمەتىمەن ۇشتاستىرىپ، جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ۇلتتاردىڭ اناردىڭ دانىندەي تىعىز ۇيىسۋىن جەبەۋىمىز كەرەك.
”مەن تولىق ورتا مەكتەپتە وقىپ جۇرگەن كەزىمدە شينجياڭ ەرلەر باسكەتبولى جاستار قۇراماسىنىڭ ءبىر مۇشەسى بولدىم، قۇراماداعى كوپ ۇلتتان قۇرالعان باپكەرلەر مەن دوپشىلار بىرگە تۇرمىس كەشىرىپ، بىرگە ىلگەرىلەپ كەلەدى، كوپشىلىك ءوزارا سەنىپ، ىنتىماقتاسا سەلبەسىپ، سەن - مەن دەسپەي كەلەدى“. شينجياڭ يليتى ەرلەر باسكەتبول قۇراماسىنىڭ باستىعى ابدۇسالام ابدۇرەشيت بىلاي دەدى: ”قۇراما باستىعى رەتىندە، مەن ءوز باسىمنان ونەگە كورسەتىپ، ءارقايسى ۇلتتان قۇرالعان قۇراما مۇشەلەرىنىڭ اناعۇرلىم ويداعىداي ۇيىسۋىنا مۇمكىندىك جاسايمىن“.
شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتەمىز
”شينجياڭدى مادەنيەتپەن نارلەندىرۋ ينجەنەرياسىن تياناقتاندىرىپ، ’بەستى شىنايى مويىنداۋدى‘ كۇشەيتىپ، تۇتاس رايونداعى ءار ۇلت بۇقاراسىنىڭ جاڭا داۋىردەگى جۇڭگوشا سوتسياليستىك شينجياڭ قۇرۋ ىنتاسىن قاۋلاتۋ − شينجياڭنىڭ ادەبيەت - كوركەمونەر قىزمەتكەرلەرىنىڭ بۇلتارتپاس جاۋاپكەرشىلىگى“. اۆتونوميالى رايوندىق ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ شۋجيى دىڭ شۋانبين بىلاي دەدى: ءبىز شينجياڭدى مادەنيەتپەن نارلەندىرۋ ينجەنەرياسىن اتقارۋ بارىسىندا بەلسەندى رول اتقارىپ، ءداۋىردىڭ ماڭىزدى تاپسىرماسىن جەردە قالدىرمايمىز. سارا تۋىندىلاردى يگەرۋگە، بيىككە ۇمتىلۋعا تاباندى بولىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋدى، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدى جانە پارتيا قۇرىلعاندىعىنىڭ 100 جىلدىعىن ارقاۋ ەتىپ، تاريحي بيىكتى بەينەلەيتىن، ءداۋىر رۋحىن ايگىلەيتىن ءبىر توپ ادەبيەت - كوركەمونەر سارا تۋىندىلارىن جاراتىپ، جۇڭحۋا ۇلتى ورتاق تۇلعا تانىمىنىڭ جان دۇنيەنىڭ تەرەڭ تۇكپىرىنە ۇيالاۋىنا مۇمكىندىك جاسايمىز. ۇلتتاردىڭ كەڭ كولەمدە ارالاسۋى، جالپى بەتتىك ىشتەسۋى، تەرەڭدەي توعىسۋى جونىندەگى حيكايالاردى ويداعىداي بايانداپ، مادەنيەت ارقىلى ادام تاربيەلەپ، مادەنيەت ارقىلى ادامدى نارلەندىرىپ، حالىق بۇقاراسىنىڭ كۇن سايىن ارتىپ كەلە جاتقان تاماشا تۇرمىس قاجەتىن قاناعاتتاندىرامىز.
شينجياڭ جازۋشىلار قوعامىنىڭ ورىنباسار ءتوراعاسى، ”ۇلتتار ادەبيەتى“ جۋرنالىنىڭ جاۋاپتى رەداكتورى دىلمۇرات تالەت بىلاي دەدى: تالاي جىلدان بەرى مەن ادەبيەت اۋىس - كۇيىسىنىڭ ۇلتتار اراسىنداعى جۇرەكتەردى تۇتاستىرۋدا، سۇيىسپەنشىلىكتەردى بولىسۋدە ساۋلەلەندىرگەن وراسان زور رولىن تەرەڭ تانىپ جەتتىم. باس شۋجيدىڭ ماڭىزدى سوزىندە شينجياڭدى مادەنيەتپەن نارلەندىرۋدى ماڭىزدى قىزمەت رەتىندە يگەرۋ كەرەك دەلىنگەن، ادەبيەت - كوركەمونەر قىزمەتكەرى رەتىندە، ءبىز شينجياڭنىڭ اناعۇرلىم كوركەم بولاشاعى ءۇشىن بارىنشا قۇلشىنا قىزمەت ىستەۋىمىز كەرەك.
شينجياڭ كوركەمونەر تەاترحاناسى دراما ۇيىرمەسىنىڭ باستىعى ۋاڭ فاڭ بىلاي دەدى: دراما ۇيىرمەسى باس شۋجي شي جينپيڭنىڭ ماڭىزدى ءسوزىن مۇقيات ۇيرەنىپ، جۇڭحۋانىڭ تاڭداۋلى ءداستۇرلى مادەنيەتى مەن سوتسياليستىك وزەكتى قۇن كوزقاراسىن كوركەمونەر جاسامپازدىعىنا ۇزدىكسىز توعىستىرىپ، اناعۇرلىم كوپ تاڭداۋلى ادەبيەت - كوركەمونەر تۋىندىلارىن جارىققا شىعارادى. ”ەكى ءۇشىن“ بەتالىسىنا تاباندى بولىپ، ”ادەبيەت - كوركەمونەردى نەگىزگى ساتىعا جەتكىزۋ“ قيمىلىن اناعۇرلىم كوبىرەك ورىستەتىپ، ءار ۇلت بۇقاراسىنىڭ رۋحاني، مادەنيەت ءومىرىن بايىتىپ، شينجياڭدى مادەنيەتپەن نارلەندىرۋ رولىن ويداعىداي ساۋلەلەندىرەدى.
(ءتىلشى جيڭبو، قاتىناسقان تىلشىلەر جاڭ جىلي، سۋ لۋپيڭ، سۇڭ ياۋىن، جياڭ داۋي، مايگۇل ايتقازى، لي لي)
