اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ءماجىلىسىن اشىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جەتكىزدى، ۇيرەندى
قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ءتۇرلى قىزمەتتەردى كۇش سالا تياناقتاندىرۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 9 - ايدىڭ 29 - كۇنى ۇرىمجىدەن حابارلايدى. 9 - ايدىڭ 29 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن اۆتونوميالى رايوندىق حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى ءماجىلىسىن باسقارىپ اشىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جەتكىزدى، ۇيرەندى.
ءماجىلىس مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، جەتە ءتۇسىنىپ، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، اۆتونوميالى رايوندىق پارتكومنىڭ قىزمەت ورنالاستىرۋىنا ساي، ءتۇرلى قىزمەتتەردىڭ تياناقتانۋىن كۇش سالا ويداعىداي يگەرىپ، بۇكىل رايونداعى ءار دارەجەلى حالىق قۇرىلتايى ۋاكىلدەرى مەن حالىق قۇرىلتايى كادرلاردى، جۇمىسشى - قىزمەتكەرلەردى يدەيا مەن ارەكەتتى ءماجىلىس رۋحىمەن شىن مانىندە بىرلىككە كەلتىرۋگە جەتەكتەپ، حالىق قۇرىلتايى ءتۇزىمى مەن حالىق قۇرىلتايى قىزمەتىنىڭ داۋىرمەن بىرگە العا باسۋىن، كەمەلدەنە دامۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ، ۇگىتتەۋ، دايەكتىلەندىرۋ كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت. قىزمەتتىڭ ءىس جۇزىندىك جاعدايىمەن تىعىز ۇشتاستىرىپ، كوپ فورمالى، كوپ جىكتى، جاپپاي قامتىعان ۇيرەنۋ - تاربيەنى ورىستەتىپ، ۇيرەنۋ جەتىستىكتەرىن ءىس تىندىرىپ ناتيجە شىعارۋدىڭ، قىزمەتتى ىلگەرىلەتۋدىڭ قۇدىرەتتى قوزعاۋشى كۇشىنە، ءىس جۇزىندىك ناتيجەگە اينالدىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، ءدال دايەكتىلەندىرۋ كەرەك. پارتيالى باسشى كادرلار الدىمەن ۇيرەنۋگە، تەرەڭىرەك ۇيرەنۋگە، ساناعا ۇيالاتىپ، ارەكەتتە ايگىلەۋگە تاباندى بولۋ كەرەك. پارتيا ياچەيكالارى ۇيرەنۋ - تاربيەلەۋ جوسپارىن بەلگىلەپ، پارتيالى كادرلاردى توپتىق ۇيرەنۋگە، ارناۋلى تاقىرىپتا جەتەكشىلىك ەتۋگە جانە اۋىس - كۇيىس جاساپ زەرتتەۋ - تالقى جۇرگىزۋگە قاتىناسۋعا بەلسەنە ۇيىمداستىرۋ كەرەك. باسشى كادرلار ونەگەلىك رولدارىن ساۋلەلەندىرىپ، تەكسەرۋ - زەرتتەۋ ورىستەتۋ، ۇيىمدىق تۇرمىس جيىنىنا قاتىناسۋ سياقتى كوپ ءتۇرلى فورمالارمەن وزدەرى جاۋاپتى سالالار مەن تاراۋلاردا باستاماشىلدىقپەن ۇگىت - لەكسيا جۇرگىزۋ كەرەك. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ورىستەتۋ سياقتىلارمەن ۇشتاستىرىپ، قىستاققا بارىپ وتباسىلارىن ارالاپ، بۇقارا اراسىنا بارىپ، ءبىرىنشى شەپكە ىشكەرىلەي ارالاسىپ، بەتپە - بەت ۇگىت - لەكسيا جۇرگىزىپ، ءار ۇلت بۇقاراسىنىڭ پارتياعا العىس ايتۋ، پارتيانىڭ ءسوزىن تىڭداۋ، پارتياعا ىلەسۋ سەنىمى مەن بەكىمىن ونان ارى بەكەمدەۋ كەرەك.
ءماجىلىس مىنالاردى اتاپ كورسەتتى: شينجياڭ قىزمەتىنىڭ باس نىساناسىن مىقتاپ يگەرىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ورنىقتىلىق، دامۋ قىزمەتتەرىن تىڭعىلىقتى ىستەۋ كەرەك. زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، حالىق قۇرىلتايىنىڭ فۋنكتسيالىق رولىن تولىق ساۋلەلەندىرىپ، بىرگە قۇرۋ، بىرگە جونگە سالۋ، بىرگە يگىلىكتەنۋدەي قوعامدىق جونگە سالۋ ارناسىن تۇلعالاۋعا قۇلشىنۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ”التىنى ورنىقتىرۋ“، ”التىنى قامتاماسىز ەتۋ“ مىندەتىن جاپپاي تياناقتاندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا ويداعىداي جازۋ كەرەك.
