ساناق رەفورماسىن، دامۋىن ونان ارى ىلگەرىلەتىپ، قوعام ورنىقتىلىعى مەن باياندى تىنىشتىقتى ساناق قىزمەتى جاعىنان قامتاماسىز ەتەيىك
چىن چۋانگو باسقاردى جانە ءسوز سويلەدى
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 9 - ايدىڭ 29 - كۇنى ۇرىمجىدەن حابارلايدى. 9 - ايدىڭ 29 - كۇنى اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى توپتىق ۇيرەنۋ وتكىزىپ، باس شۋجي شي جينپيڭنىڭ ساناق قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى ءارى ءسوز سويلەدى.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، لي يفي، سارقىت اقان، ياڭ شين، ۋاڭ ميڭشان ماجىلىسكە قاتىناستى.
اۆتونوميالى رايوندىق پارتكوم وسى رەتكى توپتىق ۇيرەنۋگە باسا ءمان بەردى. ماجىلىستەن ىلگەرى، ماجىلىسكە قاتىناسقان جولداستار قاتىستى حۇجاتتاردىڭ رۋحىن مۇقيات ۇيرەندى.
چىن چۋانگو سوزىندە مىنانى اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ساناق قىزمەتىنە باسا ءمان بەرىپ، ساناق قىزمەتىن باسقارۋ ءتۇزىلىسى رەفورماسىن تەرەڭدەتۋ، ساناق ساندى مالىمەتىنىڭ شىنايىلىعىن جوعارىلاتۋ سياقتىلار جونىندە ءبىرسىپىرا كەلەلى شەشىم، ورنالاستىرۋ جاساپ، ەلىمىز ساناق ىستەرىنىڭ تىڭ كەزەڭگە قادام تاستاۋىن جەبەدى. باس شۋجي شي جينپيڭ جاڭا داۋىردە ساناق قىزمەتىن جاقسى ىستەۋ جونىندە ءبىرسىپىرا ماڭىزدى ءسوز سويلەپ، ءبىرسىپىرا ماڭىزدى نۇسقاۋ بەرىپ، بەكىتۋ جازىپ، ساناق قىزمەتىنىڭ جاڭا داۋىردەگى رەفورماسىنا، دامۋىنا ايقىن بەتالىس كورسەتىپ، ءتۇبىرلى بويسۇنۋ ولشەمىمەن قامدادى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجيدىڭ ساناق قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىمەن باتىل بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، دۇرىس دامۋ كوزقاراسىن، قىزمەت ناتيجەسى كوزقاراسىن مىقتاپ ورناتىپ، ساناق قىزمەتىنىڭ قاتاڭدىعىنا، دۇرىستىعىنا، ناقتىلىعىنا شىنايى كەپىلدىك ەتۋ كەرەك.
چىن چۋانگو مىنانى اتاپ كورسەتتى: جەر - جەر، تاراۋلار باس شۋجي شي جينپيڭنىڭ ساناق قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ۇيرەنۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ۇيرەنۋمەن، دايەكتىلەندىرۋمەن ۇشتاستىرىپ، ساناق زاڭىن، زاڭ ەرەجەلەرىن جانە ساياسات، حۇجاتتارىن ۇيرەنۋمەن، دايەكتىلەندىرۋمەن ۇشتاستىرىپ، پارتيانىڭ ءتارتىپ جازاسى ەرەجەسىن ۇيرەنۋمەن ۇشتاستىرىپ، ەكونوميكانىڭ جوعارى ساپالى دامۋىن جەبەۋدى تياناقتاندىرۋ، ”التىنى ورنىقتىرۋ“ قىزمەتىن جاقسى ىستەۋ، ”التىنى قامتاماسىز ەتۋ“ مىندەتىن تياناقتاندىرۋ قىزمەت تالابىمەن ۇشتاستىرىپ، ساناق ساندى مالىمەتىنىڭ ناقتىلىعىن، دۇرىستىعىن جوعارىلاتۋ تالابىن ءتۇرلى قىزمەت بارىسىندا شىن مانىندە تياناقتاندىرۋ كەرەك. ساناق جاۋاپكەرشىلىگى مەحانيزمىن اقاۋسىزداندىرىپ، پارتيا مەن ۇكىمەت بىرگە جاۋاپتى بولۋدان جازباۋ، ءار دارەجەلى پارتكوم مەن ۇكىمەتتىڭ باسشىلىق جاۋاپكەرشىلىگىن، ساناق قۇرىلىمدارىنىڭ تۇلعالىق جاۋاپكەرشىلىگىن، ءتارتىپ تەكسەرۋ، باقىلاۋ - تەكسەرۋ ورگاندارىنىڭ باقىلاۋ جاۋاپكەرشىلىگىن ساتىلار بويىنشا ناقتىلاندىرىپ، ساناق رەفورماسىن، دامۋىن اناعۇرلىم ماڭىزدى ورىنعا قويىپ جوبالاۋ، ىلگەرىلەتۋ كەرەك. تاراۋلار، ورىندار ساناق تاراۋلارىمەن بايلانىس جاساۋدى، سەلبەسۋدى كۇشەيتىپ، ساناق تاراۋلارىنىڭ ساناق قىزمەتىن زاڭ بويىنشا ورىستەتۋىن قولداپ، ساناق قىزمەتىن باقىلاۋ - تەكسەرۋگە جانە ساناق قىزمەتى جونىندە زاڭنىڭ اتقارىلۋىنا بار كۇشپەن سەلبەسۋ كەرەك. ءار دارەجەلى ساناق قۇرىلىمدارى ساناق رەفورماسىندا جاڭالىق اشۋدى ىشكەرىلەي ىلگەرىلەتىپ، وسى زامانعى ساناق قابىلەتى قۇرىلىسىن كۇشەيتىپ، ساناق ۇقىعىن قامتاماسىزداندىرۋدىڭ، ساناق ۇقىعىنىڭ تەجەمدە بولۋىنىڭ، ساناقتا زاڭعا قايشىلىق جاساۋدىڭ جاۋاپكەرشىلىگىن، ءسوز جوق، قۋزاۋدىڭ تاماشا ورتاسىن ۇزدىكسىز قالىپتاستىرۋ كەرەك.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، رايونعا (ورتالىققا) توتە قاراستى ورىندارداعى جاۋاپتى جولداستار توپتىق ۇيرەنۋگە قاتىناستى.
