− باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ شينجياڭنىڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزگەندىگىن، ءار ۇلت بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ ۇزدىكسىز كۇشەيگەندىگىن جوعارى باعالاپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولۋ كەرەك دەپ باسا دارىپتەدى.
پارتيا 18 - قۇرىلتايىنان بەرى، باس شۋجي شي جينپيڭ ەكونوميكالىق دامۋ مەن حالىق تۇرمىسىن جاقسارتۋدى شينجياڭدى ورنىقتىرۋداعى، شينجياڭنىڭ تىنىشتىعىن ساقتاۋداعى ستراتەگيالىق دەڭگەيگە كوتەرىپ، ”شينجياڭنىڭ قارىشتاپ دامۋىن مىزعىماستان جۇزەگە اسىرۋمەن بىرگە، ءسوز جوق، حالىق تۇرمىسىن جاقسارتۋدى، حالىق تىلەگىنە قول جەتكىزۋدى مىقتاپ ارقاۋ ەتە وتىرىپ ەكونوميكالىق دامۋدى ىلگەرىلەتۋ كەرەك“ دەپ باسا دارىپتەدى، ”دامۋدى يگەرۋ، حالىق تۇرمىسىنا تيىمدىلىك جەتكىزۋ ارقىلى بۇقارانىڭ ىستەيتىن ءىسى، تاباتىن تاپاۋاتى، ءۇمىتى بولۋىنا مۇمكىندىك جاساپ، پارتيانىڭ ءار ۇلت بۇقاراسى اراسىنداعى ۇيىستىرۋ قۋاتىن ۇزدىكسىز كۇشەيتۋ، وتاندى ءسۇيۋدىڭ، شينجياڭدى ءسۇيۋدىڭ وڭ ەنەرگياسىن ۇزدىكسىز مولايتۋ كەرەك“ دەپ اتاپ كورسەتىپ، ”ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرۋىن مىقتاپ ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەپ، ءار ۇلت بۇقاراسىنىڭ كوكەي تەستى ماسەلەلەرىن كوبىرەك شەشىپ، ءار ۇلت بۇقاراسىنا پارتيانىڭ قامقورلىعى مەن وتاننىڭ ۇلى شاڭىراعىنىڭ مەيىرىن شىنايى سەزىندىرۋ كەرەك“ دەپ تالاپ ەتتى. باس شۋجي شي جينپيڭنىڭ ءبىر قىدىرۋ ماڭىزدى سوزدەرى مەن ماڭىزدى نۇسقاۋلارى ”كىم ءۇشىن، كىمگە سۇيەنۋ“ سىندى تەرەڭ تاقىرىپتى ىشكەرىلەي ءتۇسىندىرىپ، شينجياڭنىڭ ەكونوميكالىق، قوعامدىق دامۋ جانە حالىق تۇرمىسىن جاقسارتۋ قىزمەتىن جاقسى ىستەۋگە ايقىن قۇلشىنۋ بەتالىسىن كورسەتتى.
اسقار تيانشان، ايبىندى كۇنلۇن شينجياڭنىڭ تاريحي زور وزگەرىسىنە كۋا بولدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا تيانشان الابىندا كوكتەم تولقىنى جوڭكىلىپ، ومىرشەڭدىك شالقىپ، كونە بەينەنىڭ شىت جاڭا تۇرگە ەنۋىنىڭ تالايلاعان دامۋ كەرەمەتتەرى جازىلدى. 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭنىڭ وڭىرلىك ءوندىرىس جالپى ءونىم قۇنى 919 ميلليارد 590 ميلليون يۋاننان ءبىر تريلليون 359 ميلليارد 710 ميلليون يۋانعا ارتىپ، تۇرعىنداردىڭ جان باسىندىق قولداعى تابىسى جىلىنا ورتا ەسەپپەن ％9.1 ارتتى، كەدەيلىكتىڭ تۋىلۋ سالىستىرماسى ％19.4تەن ％1.24كە ءتۇستى، ورتالىق قازىنادان شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىنا وتكەرمەلەپ تولەنگەن قارجى 263 ميلليارد 690 ميلليون يۋاننان 422 ميلليارد 480 ميلليون يۋانعا ارتىپ، شينجياڭعا كومەكتەسكەن 19 ولكە - قالانىڭ شينجياڭعا كومەك قارجى (بيڭتۋاندى قامتيدى) ۇسىنىلىمى جالپى 96 ميلليارد 400 ميلليون يۋان بولىپ، شينجياڭعا كومەكتەسۋ نىسانىنان 10 مىڭنان استامى اتقارىلدى، شينجياڭعا كومەكتەسكەن ولكە - قالالارداعى كاسىپورىنداردان ءبىر تريلليون 684 ميلليارد يۋان قارجى ەنگىزىلىپ تياناقتاندىرىلدى، ورتالىقتاعى كاسىپورىنداردىڭ قوسقان قارجىسى 700 ميلليارد يۋاننان استى. ءبىر - بىرلەگەن سان - سيفرلار شينجياڭنىڭ جاڭا داۋىردەگى بەرىك دامۋ قادامىن ايگىلەپ، ءار ۇلت بۇقاراسىنىڭ گۇلدەنۋدى، دامۋدى بىرگە جوسپارلاپ، تاماشا تۇرمىستان بىرگە يگىلىكتەنگەن جاڭا كورىنىسىن كورسەتتى.
”14 - بەسجىلدىق“ مەزگىلى − جاپپاي دوڭگەلەك داۋلەتتى قوعام ورناتۋ نەگىزىندە سوتسياليستىك وسىزاماندانعان مەملەكەتتى جالپى بەتتىك قۇرىپ شىعۋدىڭ جاڭا ساپارىن باستاۋدىڭ ءبىرىنشى 5 جىلى، ەلىمىز جاڭا دامۋ كەزەڭىنە وتەدى، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسى جەدەل قالىپتاسادى. شينجياڭنىڭ وڭىرلىك ابزالدىلىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعالتقىش ەتىپ، شينجياڭنىڭ وزىندىك وڭىرلىك سيپاتتى ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزىپ، سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن سومداۋ كەرەك. ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن جاڭالاپ، دارەجەسىن ءوسىرۋدى بەلسەندىلىكپەن ىلگەرىلەتىپ، شينجياڭنىڭ ەرەكشە ابزال كاسىپ سالاسىن جەتىلدىرىپ، كۇشەيتىپ، جەرگىلىكتى بۇقارانى كىرىستەرىن ارتتىرىپ، بايۋعا باستاۋ كەرەك. عىلمي جوبالاپ قۇرۋعا ءمان بەرىپ، قالا - قالاشىقتاندىرۋ ساپاسىن جالپى بەتتىك جوعارىلاتۋ كەرەك. باستان - اياق تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ەكولوگيانى قورعاۋدىڭ قىزىل سىزىعىن باتىل ساقتاپ، قۇمدى تىزگىندەۋ، سۋدى تىزگىندەۋ جانە ورماندى، جايلىمدى قورعاۋ قىزمەتىن ءبىر تۇتاس جوسپارلاپ ورىستەتىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك.
كەزەكتە ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، كەدەيلىكتەن ارىلتۋدان قامال الۋ مەن جۇمىستاندىرۋدى جەبەۋ سىندى ەكى ءىرى ءىستى تاباندىلىقپەن ويداعىداي يگەرۋ كەرەك. قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىم - مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن جالپى بەتتىك ارىلتۋ مەن اۋىل - قىستاقتى گۇلدەندىرۋدىڭ ورگانيكالى ۇشتاسۋىن ۇزدىكسىز ىلگەرىلەتىپ، دامۋدىڭ ىشكى قوزعاۋشى كۇشىن جانە دامۋدىڭ ومىرشەڭدىگىن ايرىقشا كۇشەيتىپ، كەدەيلىكتەن ارىلعاننان كەيىن دە دامي الۋعا، باياندى بولۋعا شىنايى كەپىلدىك ەتۋ كەرەك. ساياساتتىق قولداۋ سەرپىنىن ارتتىرىپ، ءتۇزىلىس - مەحانيزمىندە جاڭالىق اشىپ، جاقىن جەردە، سول جەردە جۇمىستاندىرۋ مەن ءتارتىپتى تۇردە ويىستىرىپ، سىرتقا شىعارىپ جۇمىستاندىرۋدى ورگانيكالى ۇشتاستىرۋعا تاباندى بولۋ كەرەك. 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، وڭتۇستىك شينجياڭنىڭ 4 ايماق - وبلىسىندا جالپى 2 ميلليون 511 مىڭ 600 ادام كەدەيلىكتەن ارىلدى، 2683 كەدەي قىستاق كەدەيلىك تىزىمىنەن شىعارىلدى، 16 كەدەي اۋدان كەدەيلىك قالپاعىن الىپ تاستادى، كەدەيلىكتىڭ تۋىلۋ سالىستىرماسى ％29.1تەن ％2.21كە تومەندەدى، وسى نەگىزدە وڭتۇستىك شينجياڭنىڭ ەكونوميكالىق، قوعامدىق دامۋىن جانە حالىق تۇرمىسىنىڭ جاقسارۋىن ۇزدىكسىز زور كۇشپەن ىلگەرىلەتۋ كەرەك. كوپ ساتىلى، جان - جاقتى، ستەرەولدى تۇردە شينجياڭ حيكايالارىن ويداعىداي بايانداپ، شينجياڭنىڭ قوعام ورنىقتىلىعىنىڭ اسا تاماشا جاعدايىن، حالىقتىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن ايبىندى ەكپىنمەن ۇگىتتەۋ كەرەك.
حالىقتى تاماشا تۇرمىسقا كەنەلتۋ − پارتيامىزدىڭ بارلىق قىزمەتتەرىنىڭ شىعار ءتۇيىنى مەن تابان تىرەر تياناعى. جاڭا دامۋ ۇستانىمىن مىزعىماستان دايەكتىلەندىرىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتىپ، دامۋدى حالىق تۇرمىسىن جاقسارتۋدا تياناقتاندىرساق، جەرگىلىكتى ورىنعا تيىمدىلىك جەتكىزۋدە تياناقتاندىرساق، ىنتىماقتى كۇشەيتۋدە تياناقتاندىرساق، شينجياڭنىڭ ەرتەڭى، ءسوز جوق، ءتىپتى دە كوركەم بولادى.
(شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى)
