شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى. 9 - ايدىڭ 29 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رۋان فۋجۇڭمەن تەلەفوندا سويلەستى.
شي جينپيڭ بىلاي دەدى: جۇڭگو - ۆيەتنام ەكى ەل حالىقتارى جۇڭچيۋ مەرەكەسىن بىرگە تويلايتىن قارساڭدا، رۋان فۋجۇڭ باس شۋجي جولداسپەن تەلەفوندا سويلەسكەنىمە ەرەكشە قۋانىشتىمىن. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا جۇڭگو - ۆيەتنام ەكى پارتيا، ەكى ەل ءبىر - ءبىرىن قولداپ، ۋاقىتتىق قيىنشىلىقتاردى بىرگە جەڭىپ، ىندەتتەن ساقتانۋ - تىزگىندەۋدىڭ كەلەلى جەتىستىگىنە سەلبەسە قول جەتكىزىپ، ”جولداستىق ءارى باۋىرلاستىق“ تەرەڭ سۇيىسپەنشىلىكتى ءىس جۇزىندىك ارەكەتتەرىمەن ءتۇسىندىرىپ، كوممۋنيستىك پارتيانىڭ باسشىلىعى مەن سوتسياليستىك ءتۇزىمنىڭ وزگەشە ابزالدىلىعىن تولىق ايگىلەدى. ىندەتتىڭ الەمدە ءورشۋى ادامزات تاعدىرىنىڭ بىتە قايناسقاندىعىن، ىنتىماقتاسىپ سەلبەسكەندە عانا قيىن وتكەلدەن بىرگە وتۋگە بولاتىندىعىن تاعى ءبىر رەت ءتۇسىندىردى. جۇڭگو جاق ۆيەتنام جاقپەن ۆاكسينا ءوندىرۋ سياقتى سەلبەستىكتەردى تالقىلاۋعا ءمان بەرەدى، ۆاكسينانى زەرتتەپ اشىپ - پايدالانۋعا بەرگەننەن كەيىن، الدىمەن وركەندەپ كەلە جاتقان ەلدەردى قامداۋدى قالايدى. جۇڭگو ءىشىنارا ەلدەردىڭ ىندەتتەن پايدالانىپ ساياسيلاندىرۋ، داتتاۋ، ايدار تاعۋ قاسكۇنەمدىگىنە باتىل قارسى تۇرادى، ءار ەلمەن بىرگە ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەن ۆيەتنامنىڭ تاۋ - وزەنى تۇتاسقان، ەكى ەل يدەولوگيا، دامۋ جولى، قوعامدىق ءتۇزىم، قۇن ۇستانىمى سياقتى جاقتاردا وسكەلەڭ بىركەلكىلىككە يە، ەكى جاقتى قارىم - قاتىناستى ويداعىداي دامىتۋ ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسەدى. بيىل − جۇڭگو مەن ۆيەتنام ديپلوماتيالىق قارىم - قاتىناس ورناتقاندىعىنىڭ 70 جىلدىعى، ەكى پارتيا، ەكى ەل قارىم - قاتىناسى جاڭا تاريحي باستاماعا اياق باستى. ىندەت جاعدايىندا جۇڭگو مەن ۆيەتنامنىڭ ەكى جاقتى ساۋدا سياقتى سەلبەستىكتەرىندە سەرپىندى ارتۋ اۋقىمى جارىققا شىعىپ، جۇڭگو مەن ۆيەتنام قارىم - قاتىناسىنىڭ سەرپىمدىلىگى مەن كومەسكى كۇشىن ايگىلەدى. دۇنيە جۇزىندە 100 جىلدا بولماعان وزگەرىستىڭ تەز قارقىنمەن قۇبىلۋىنا مەڭزەس، جۇڭگو مەن ۆيەتنام ەكى جاق كوممۋنيستىك پارتيانىڭ باسشىلىعى مەن سوتسياليستىك تۇزىمگە ونان ارى تاباندى بولىپ، ەكى پارتيانىڭ جوعارى جىكتەگىلەرىنىڭ ساياسي جەتەكشىلىك ەتۋىنە جانە نازاريالىق تاجىريبە اۋىسۋىنا تاباندى بولىپ، سوتسياليزم ىستەرىنىڭ زاڭدىلىعى جونىندەگى تانىمدى تەرەڭدەتۋى؛ ىندەتتەن كەيىنگى كەزدەگى ەكى جاقتى ناقتى سەلبەستىكتى ىلگەرىلەتۋگە تاباندى بولىپ، سەلبەستىكتىڭ كومەسكى قۋاتىن ۇزدىكسىز اشىپ، ”ءبىر بەلدەۋ، ءبىر جول“ مەن ”ەكى ءدالىز، ءبىر شەڭبەردى“ ۇشتاستىرۋ سەلبەستىگىن ىلگەرىلەتۋى؛ ەكى ەلدىڭ ءداستۇرلى دوستىعىن ساۋلەلەندىرۋگە تاباندى بولىپ، حالىقتار اراسىنداعى دوستىقتىڭ نەگىزىن نىعايتىپ، ەكى ەل جاستارىن ماڭگى جۇڭگو مەن ۆيەتنامنىڭ ۇرپاقتان - ۇرپاققا جالعاسقان دوستىعىنىڭ جالعاستىرۋشىسى مەن ءىزباسارى بولۋعا تاربيەلەۋى؛ كوپ جاقتىلىقتى جاقتاۋعا جانە حالىقارالىق ادىلدىك پەن تۋراشىلدىقتى قورعاۋعا تاباندى بولىپ، قايشىلىقتار مەن الاۋىزدىقتاردى دوستىق كەڭەس ارقىلى شەشىپ، دۇنيە ءجۇزىنىڭ جانە ءوڭىردىڭ بەيبىت دامۋىنىڭ تاماشا اۋقىمىن قورعاۋى كەرەك. جۇڭگو كوممۋنيستىك پارتياسى ۆيەتنام كوممۋنيستىك پارتياسىنىڭ 13 - قۇرىلتايىن ويداعىداي اشۋىن قولدايدى، ۆيەتنامنىڭ سوتسياليستىك قۇرىلىس ىستەرىنە قولىنان كەلگەنىنشە ۇزدىكسىز قولداۋ كورسەتۋدى جانە وعان كومەكتەسۋدى قالايدى.
رۋان فۋجۇڭ جۇڭحۋا حالىق رەسپۋبليكاسى قۇرىلعاندىعىنىڭ 71 جىلدىعىن قىزۋ قۇتتىقتادى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ جۇڭگوعا باسشىلىق ەتىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا جانە ەكونوميكالىق، قوعامدىق دامۋدى ىلگەرىلەتۋدە قول جەتكىزگەن كورنەكتى ناتيجەلەرىن جوعارى باعالادى. رۋان فۋجۇڭ مىنانى ءبىلدىردى: ۆيەتنام مەن جۇڭگو ديپلوماتيالىق قارىم - قاتىناس ورناتقان 70 جىلدان بەرى، ەكى ەلدىڭ قارىم - قاتىناسى جالپى تۇلعادان العا دامۋ ۇدەرىسىن ساقتادى. ۆيەتنام جاق جۇڭگومەن دوستىق سەلبەستىك قارىم - قاتىناستى ايرىقشا قاستەرلەيدى ءارى تاباندىلىقپەن قورعايدى، جۇڭگو جاقتىڭ ۆيەتنامنىڭ ازاتتىعى مەن دامۋىنىڭ ءار كەزەڭىندە ۆيەتنام جاققا كورسەتكەن قىمباتتى قولداۋى مەن كومەگىنە العىس ايتادى. قازىر دۇنيە ءجۇزى جاعدايى جەدەل كۇردەلىلەسىپ وزگەرۋدە، ۆيەتنام جاق كەلەر جىلدىڭ باسىندا اشىلاتىن ۆيەتنام كوممۋنيستىك پارتياسىنىڭ 13 - قۇرىلتايىنا بار كۇشپەن دايىندالۋدا، جۇڭگو جاقپەن ەكى پارتيانىڭ، ەكى ەلدىڭ ساياسي ءوزارا سەنىمىن ۇزدىكسىز كۇشەيتىپ، ەكى پارتيانىڭ ەكى ەل قارىم - قاتىناسىنا ساياسي جەتەكشىلىك ەتۋ رولىن ويداعىداي ساۋلەلەندىرىپ، دۇرىس قوعامدىق پىكىر باعدارىنان جازباي، ەكونوميكا - ساۋدا سەلبەستىگىنىڭ تىڭ ىلگەرىلەۋشىلىككە قول جەتكىزۋىن جەبەپ، جەرگىلىكتى ورىندار دەڭگەيىندەگى اۋىس - كۇيىس پەن سەلبەستىكتى تەرەڭدەتۋگە قولداۋ كورسەتىپ ءارى كوپ جاقتى جۇلگەدە سايكەسۋدى جانە سەلبەسۋدى كۇشەيتىپ، بەيبىت، ورنىقتى دامۋ ورتاسىن بىرگە قورعاپ، ورىن تەۋىپ وتىرعان ماسەلەلەردى ۇيلەسىمدى شەشىپ، ەكى پارتيانىڭ، ەكى ەلدىڭ قارىم - قاتىناسىنىڭ جاڭا تاريحي دامۋعا قول جەتكىزۋىن ىلگەرىلەتۋدى ءۇمىت ەتەدى.
شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 29 - كۇنى كەشتە ارگەنتينانىڭ زۇڭتۇڭى فەرناندەزبەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە ءجۇزى ءۇشىن ءبىر رەتكى اۋىر سىناق بولدى. ىندەت الدىندا، جۇڭگو - ارگەنتينا ەكى ەل ۇكىمەتتەرى حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويدى. ەكى ەل قيىندىقتى بىلەك بىرىكتىرە جەڭىپ، ءوزارا قارايلاستى، كومەكتەستى. جۇڭگو جاق ارگەنتينا جاققا قولىنان كەلگەنىنشە ۇزدىكسىز كومەك كورسەتۋدى، ارگەنتينا جاقپەن ۆاكسينا سەلبەستىگىن تەرەڭدەتۋدى قالايدى. جۇڭگو جاق ارگەنتينانى قامتىعان حالىقارالىق قوعاممەن بىرگە دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرۋىن تاباندىلىقپەن قولداپ، ىندەتتى قول ۇستاسا وتىرىپ ەرتەرەك ءۇزىلدى - كەسىلدى جەڭىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى بىرگە ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق ارگەنتينامەن قارىم - قاتىناسقا ايرىقشا ءمان بەرەدى، ارگەنتينا جاقتىڭ ەكونوميكانى دامىتۋىن، حالىق تۇرمىسىن جاقسارتۋىن قولدايدى، جۇڭگو - ارگەنتينا سەلبەستىگىنىڭ بولاشاعىنا تولىق سەنىم ارتادى. جۇڭگو سىرتقا ەسىك اشۋ دەڭگەيىن جالپى بەتتىك جوعارىلاتىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىنىڭ قالىپتاسۋىن ىلگەرىلەتەدى. بۇل ارگەنتينانى قامتىعان دۇنيە جۇزىندەگى ەلدەرگە كەڭ بازار جانە دامۋ ورايىن ازىرلەيدى. جۇڭگو مەن ارگەنتينانىڭ ناقتى سەلبەستىگىنىڭ نەگىزى جاقسى، سەرپىمدىلىگى كۇشتى، كومەسكى كۇشى زور. جۇڭگو جاق ارگەنتينانىڭ اناعۇرلىم كوپ ساپالى ەگىن، مال شارۋاشىلىعى ونىمدەرىنىڭ جانە ۇستەمە قۇنى جوعارى ونىمدەرىنىڭ جۇڭگو بازارىنا كىرۋىن قارسى الادى، ارگەنتينا جاقتىڭ 3 - كەزەكتى جۇڭگو حالىقارالىق يمپورت كورمەسىنە قاتىناسۋىن قارسى الادى. ەكى جاق قازىرگى كەلەلى نىسانداردى ويداعىداي تياناقتاندىرىپ، سەلبەستىكتىڭ جاڭا ءورىسىن اشىپ، گۋمانيتارلىق اۋىس - كۇيىستى تەرەڭدەتىپ، جۇڭگو مەن ارگەنتينانىڭ جان - جاقتى ستراتەگيالىق سەرىكتەستىك قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: ادامزات ۇلاسۋدىڭ، تۇتاسۋدىڭ جاڭا داۋىرىنە ءوتتى، ءار ەلدىڭ مۇددەسى تىعىز بايلانىسقان، تاعدىرى بىتە قايناسقان. مەيلى ىندەتكە توتەپ بەرۋدە بولسىن، الدە ەكونوميكانى قالپىنا كەلتىرۋدە بولسىن، ءبىز ادامزات تاعدىرلاس ورتاق تۇلعا تۋىن بيىك ۇستاپ، ىنتىماقتاسا سەلبەسۋ، بىرگە دامۋ جولىمەن ءجۇرۋىمىز كەرەك. جۇڭگو مەن ارگەنتينا ەكەۋى دە ماڭىزدى بازارى جاڭادان گۇلدەنگەن ەلدەر جانە وركەندەپ كەلە جاتقان ەلدەر. جۇڭگو جاق ارگەنتينا جاقپەن بىرلەسكەن مەملەكەتتەر ۇيىمى، 20 ەل توبى، دۇنيە جۇزىلىك ساۋدا ۇيىمى سياقتى حالىقارالىق ۇيىمدار مەن كوپ جاقتى مەحانيزم اياسىندا بايلانىس پەن سايكەسۋدى كۇشەيتىپ، كوپ جاقتىلىقتى بىرگە قولداپ، اشىق، سيىسىمدى دۇنيە ءجۇزى ەكونوميكاسىن قۇرۋدى ىلگەرىلەتىپ، جاسىل، تومەن كومىرتەكتى باياندى دامۋدان جازباي، حالىقارالىق جۇيە مەن حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋگە ۇلەس قوسۋدى قالايدى.
فەرناندەز جۇڭگو حالقىنىڭ مەملەكەت مەرەكەسىنىڭ مەرەيلى بولۋىن تىلەدى. ول مىنانى ءبىلدىردى: مەن ءتوراعا شي جينپيڭنىڭ بىرلەسكەن مەملەكەتتەر ۇيىمى جينالىسىنىڭ جاي تالقىسىندا سويلەگەن ماڭىزدى ءسوزىن مۇقيات تىڭدادىم، ءسىزدىڭ كورەگەندىگىڭىز بەن جاۋاپكەرشىلىگىڭىزگە سۇيىنەمىن. ارگەنتينا مەن جۇڭگونىڭ كوپ جاقتىلىققا تاباندى بولۋ، كليمات وزگەرىسىنە توتەپ بەرۋ سياقتى كوپتەگەن ماسەلەدە ورتاق تانىمى بار، ارگەنتينا جاق جۇڭگو جاقپەن وسى ماسەلەلەردە بايلانىس پەن سەلبەستىكتى كۇشەيتۋدى قالايدى. جۇڭگونىڭ دامۋى ارگەنتينا ءۇشىن ماڭىزدى وراي، ارگەنتينا - جۇڭگو قارىم - قاتىناسىن دامىتۋ ارگەنتينانىڭ ديپلوماتيالىق ساياساتىنداعى ماڭىزدىنىڭ ىشىندە ماڭىزدى ورىندا تۇرادى. ارگەنتينا جاق ارگەنتينا - جۇڭگو ەكى ەلدىڭ ساۋدا، قارجى قوسۋ، نەگىزدىك قۇرىلعى، فينانس سياقتى كەڭ سالالارداعى سەلبەستىگىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتۋدى ءۇمىت ەتەدى. مۇنىڭ ارگەنتينانىڭ ەكونوميكاسى مەن قوعامىنىڭ دامۋىنا اسا زور دەم بەرەتىندىگىنە سەنەدى. ارگەنتينا جاق جۇڭگو جاقتىڭ ارگەنتينانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قولداۋ جانە كومەك كورسەتكەندىگىنە العىس ايتادى، ىندەتتى ساياسيلاندىرۋعا قارسى تۇرادى، دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرۋىن قولدايدى، جۇڭگو جاقپەن ۆاكسينا سەلبەستىگىن ۇزدىكسىز تەرەڭدەتۋدى ءۇمىت ەتەدى.
